உஸ்பெகிஸ்தான் நாட்டில் 11 மாதமேயான குழந்தையின் உடலில் 16 தையல் ஊசிகள் சிக்கியிருந்த சம்பவம் மருத்துவர்களையே கடும் அதிர்ச்சியில் தள்ளியுள்ளது.

குறித்த சம்பவம் தொடர்பாக மருத்துவர்கள் குழு மேற்கொண்ட 9 மணி நேர அறுவைசிகிச்சைக்கு பின்னர் 13 ஊசிகளை அரும்பாடுபட்டு அகற்றியுள்ளனர்.

உஸ்பெகிஸ்தான் தாயார் ஒருவர் தமது 11 மத குழந்தைக்கு தொடர்ந்து சில நாட்களாக விட்டுமாறாத காய்ச்சல் இருப்பதாக கூறி மருத்துவர்களை நாடியுள்ளார்.

மருத்துவர்களின் பரிசோதனையில் குழந்தைக்கு காய்ச்சலுக்கான் காரணம் எதையும் கண்டுபிடிக்க முடியவில்லை. இதனையடுத்து குழந்தையை எக்ஸ்ரே எடுத்து பரிசோதிக்க முடிவு செய்த மருத்துவர்களுக்கு அதிர்ச்சி காத்திருந்தது.

குழந்தையின் உடலில் இருதம், கழுத்து, முதுகெலும்பு மற்றும் சிறுநீர்ப்பை உள்ளிட்ட பகுதிகளில் தையல் ஊசிகள் கொத்தாக சிக்கியிருப்பது கண்டுபிடிக்கப்பட்டது.

இதனையடுத்து மருத்துவர்கள் குழு ஒன்றிணைந்து குழந்தையின் உடலில் இருந்து 13 ஊசிகளை அகற்றியுள்ளனர். இதில் இருதயநோய் நிபுணர் ஒருவர் மிகவும் ஆபத்தான அறுவை சிகிச்சை ஒன்றை மேற்கொண்டு 3 ஊசிகளை அகற்றியுள்ளார். எஞ்சிய மருத்துவர்கள் குழந்தையின் அடிவயிறு மற்றும் கழுத்தில் இருந்து 9 ஊசிகளை அகற்றியுள்ளனர்.

மேலும் இரண்டாவது அறுவை சிகிச்சைக்காக மருத்துவர்கள் நாள் குறித்துள்ளனர். குழந்தையின் உடலில் ஊசியை எவரேனும் நுழைத்திருக்க வாய்ப்பு உண்டு எனக் கூறிய மருத்துவர்கள், 11 மாத குழந்தை ஒருபோதும் ஊசியை விழுங்க வாய்ப்பில்லை என தெரிவித்துள்ளனர்.

ஆனால் குழந்தையின் தாயாருக்கு இந்த விடயத்தில் ஏதும் தெரியாது எனவும், அவரது கணவர் ரஷ்யாவில் பணிபுரிந்து வருவதாகவும் தெரிவித்துள்ளார். தற்போது இந்த விவகாரம் தொடர்பில் பொலிசார் விசாரணை மேற்கொண்டு வருகின்றனர்.

 
நைஜீரியாவில் திருமணத்துக்கு பெண் தேவை என இளைஞர் பேஸ்புக்கில் பதிவிட்ட நிலையில் அதன் மூலம் பெண்ணொருவருடன் ஆறே நாளில் அவருக்கு திருமணம் நடந்துள்ளது.

சிடிமா அமீடு என்ற இளைஞர் கடந்த 30ஆம் திகதி தன்னை திருமணம் செய்து கொள்ள பெண் யாராவது தயாராக இருந்தால் தன்னை அணுகலாம் என தனது பேஸ்புக் பக்கத்தில் பதிவிட்டார்.

இதற்கு இரண்டு நாட்களிலேயே சிலர் பதிலளித்த நிலையில் சோபி இஜியோமா என்ற பெண்ணும் சிடிமாவை மணக்க விருப்பம் தெரிவித்தார்.அவர் புகைப்படத்தை பார்த்தவுடன் சிடிமாவுக்கு பிடித்து போக இரண்டு நாட்கள் அதன் மூலமே இருவரும் தங்கள் காதலை வளர்த்தனர்.

பின்னர் தனது வீட்டிலிருந்து 500 கிலோ மீட்டர் தொலைவில் இருக்கும் சோபி வீட்டுக்கு சென்ற சிடிமா அவரிடம் தன் காதலை நேரில் வெளிப்படுத்தி காதலியின் குடும்பத்தாரிடம் தங்கள் திருமணம் குறித்து பேசினார்.

இதையடுத்து தனது மாமா வீட்டுக்கு சோபியை அழைத்து சென்ற சிடிமா அவரிடமும் தனது திருமணத்துக்கு சம்மதம் வாங்கியுள்ளார்.

இதையடுத்து ஜனவரி 6ஆம் திகதி சிடிமா – சோபி திருமணம் நடைபெற்றது. சோபி கூறுகையில், முதல்முறை சிடிமாவை பார்க்கும் போதே அவரை எனக்கு பிடித்துவிட்டது.

நான் பார்த்ததிலேயே அழகான ஆண் சிடிமா தான் என கூறியுள்ளார். தங்களுக்கு திருமணமான புகைப்படங்களை புதுமண தம்பதி பேஸ்புக்கில் பதிவிட்டுள்ளனர்.

அவுஸ்திரேலியாவில் உள்ள நீர்வீழ்ச்சியில் பெண்ணொருவர் குளித்து கொண்டிருந்த நிலையில் தண்ணீரில் தவறி விழுந்த இளைஞர் நீரில் மூழ்குவதை தற்செயலாக புகைப்படம் எடுத்துள்ளார்.

விக்டோரியா மாகாணத்தில் உள்ள கிராம்பியன்ஸ் தேசியா பூங்காவில் அமைந்துள்ளது மெக்கன்சி நீர்வீழ்ச்சி. இங்கு அனிகா பேடிங் (24) என்ற இளம்பெண் தனது நண்பர்களுடன் சனிக்கிழமை நீச்சலடிக்க சென்றார்.

அப்போது கமரா மூலம் தன்னையும் தனது நண்பர்களையும் புகைப்படம் எடுத்தப்படி இருந்தார். அந்த சமயத்தில் பாறையின் மீது தனது மூன்று நண்பர்களுடன் உட்கார்ந்திருந்த தைவான் இளைஞர் தடுக்கி நீரில் விழுந்துள்ளார்.

தன்னையும் தனது நண்பர்களையும் புகைப்படம் எடுத்து கொண்டிருந்த அனிகாவின் கமராவில் இளைஞர் மூழ்கும் காட்சியும் பதிவானது. இதையடுத்து நீரில் மூழ்கிய இளைஞரின் நண்பர்கள் அவரை யாராவது காப்பாற்றுங்கள் என கத்தினார்கள்.

அப்போது அனிகா உட்பட அங்கிருந்த பலரும் போன் மூலம் அவசர உதவியை தொடர்பு கொள்ள முயன்ற நிலையில், நீர்வீழ்ச்சி இருக்கும் இடம் அடர்ந்த பகுதி என்பதால் யாருக்கும் சிக்னல் கிடைக்கவில்லை.

இதையடுத்து அங்கிருந்த ஊழியர் தண்ணீரில் குதித்து இளைஞரை மீட்க முயன்றும் நீரில் வேகம் அதிகமாக இருந்ததால் அது முடியவில்லை.

பின்னர் தனது காரை எடுத்து கொண்டு அனிகா சில கிலோமீட்ட தூரம் சென்ற பின்னரே போனில் சிக்னல் கிடைத்துள்ளது. இதையடுத்து சம்பவ இடத்துக்கு மருத்துவ குழுவினர் வந்த நிலையில் நீரில் மூழ்கிய இளைஞர் தண்ணீருக்கு அடியில் இருந்த பாறைகளில் சிக்கியதை உறுதி செய்தனர்.

மிகுந்த முயற்சிக்கு பின்னர் ஞாயிறு காலை இளைஞரின் சடலம் மீட்கப்பட்டது. இது நீச்சல் தடை செய்யப்பட்ட பகுதி என்று எழுதிவைக்கப்பட்ட வாசகம் தனது கண்ணில் படவேயில்லை என அனிகா கூறிய நிலையில் மூன்று இடங்களில் அப்படி எழுதிவைக்கப்பட்டுள்ளதாக அதிகாரிகள் தெரிவித்துள்ளனர்.

பிரித்தானியாவில் மோசமான கொலையாளி ஒருவன் 20 வயது இளம்பெண்ணை கடத்தி பலாத்காரம் செய்து கொலை செய்துள்ளான்.

Kingston இல் வசித்து வரும் Mujahid Arshid (33) என்ற நபர், கடந்த 6 ஆண்டுகளுக்கு முன்னர் சைக்கோ கொலையாளி ஒருவரால் ஈர்க்கப்பட்டுள்ளார்.<

நல்ல தொழிலுடன் விலையுயர்ந்த வீட்டில் வசித்து வரும் Arshid, தானும் பல கொலைகள் செய்ய வேண்டும் என ஆசைப்பட்டுள்ளான். அதன்படி, சில நாட்களுக்கு முன்னர் 20 வயது இளம்பெண்ணான Celine Dookhran ஐ கடத்தியுள்ளான்.

அந்த இளம்பெண் இறப்பதற்கு முன்னர், தனது தாய்க்கு, அம்மா அவன் என்னை கொலைசெய்யப்போகிறான் என இறுதியாக குறுஞ்செய்தி அனுப்பியுள்ளார்.

ஆனால் இந்த செய்திக்கு பதில் அனுப்ப வேண்டாம் என்று கூறியுள்ளார். அதன்பின்னர், குற்றவாளியிடம் இருந்து அந்த இளம்பெண்ணின் தாய்க்கு, நீ வாழ்வதற்கு 10 நிமிடங்கள் கிடைத்துள்ளது என்று அனுப்பியுள்ளார். சிறிது நேரம் கழித்து அப்பெண் பலாத்காரம் செய்யப்பட்டு கொலை செய்யப்பட்டுள்ளார்.

இவன் இதற்கு முன்னால் இரண்டு இஸ்லாம் பெண்களை பலாத்காரம் செய்துள்ளான். இவன் இதுபோன்ற செயல்களில் ஈடுபடுவதற்கு Vincent Tappu என்பவர் உதவியாக இருந்துள்ளார். பெண்களை கடத்திகொண்டு வரும் பணியினை செய்வார். தற்போது, இருவரும் கைது செய்யப்பட்டு சிறையில் அடைக்கப்பட்டுள்ளனர்.

இவர்கள் இருவர் மீதும் கற்பழிப்பு, கொலை வழக்குகள் பதிவுசெய்யப்பட்டு நீதிமன்றத்தில் விசாரணை நடைபெற்று வருகிறது. ஆனால் இவர்கள் இருவரும் தங்கள் மீதான குற்றச்சாட்டினை மறுத்துள்ளனர்.