பெங்களூரு மெட்ரோ ரயில் சாரதிகளாகப் பணியாற்றும் இளம் பெண்கள் சிலர், பொலிஸில் வித்தியாசமான புகார் ஒன்றைக் கொடுத்துள்ளனர். அதில் குறிப்பிடப்பட்டிருந்ததாவது..

இவ்விளம்பெண்கள் பையனஹப்பள்ளியில் உள்ள பெங்களூரு ரயில்வேக்குச் சொந்தமான அடுக்கு மாடி விடுதிகளில் தங்கியுள்ளனர்.

கடந்த பதினோராம் திகதி அதிகாலை இரண்டு மணியளவில், தூங்கிக்கொண்டிருந்த இளம்பெண் தூக்கம் கலைந்து எழுந்தார். அப்போது, அறையில் நபர் ஒருவர் கையில் கத்தியுடன் அமர்ந்திருப்பதைக் கண்டு அதிர்ச்சியுற்ற அவர், அருகில் தூங்கிக்கொண்டிருந்த தோழியைத் தட்டியெழுப்பினார்.

துணிச்சலை வரவழைத்துக்கொண்ட அந்தப் பெண், “யார் நீ?” என்று கேட்டுள்ளார். அதற்கு அந்த மர்ம நபர், தான் ஒரு திருடன் என்றும் தமது குடும்பத்தினரால் கைவிடப்பட்டவர் என்றும் கூறியுள்ளார்.

சில நிமிடங்களில் அந்த அறையை விட்டு வெளியேறிய அந்த நபர், கொடியில் காய்ந்துகொண்டிருந்த உள்ளாடைகள் சிலவற்றைக் காட்டி, அவை அவர்களுடையனவா என்று கேட்டபடியே அவற்றை மோப்பம் பிடித்துள்ளார். பின்னர் அவர்களது பதிலுக்காகக் காத்திராமல், அவ்வுள்ளாடைகளை எடுத்துக்கொண்டு தப்பியோடிவிட்டார்.

இவ்வாறு அந்தப் புகாரில் குறிப்பிடப்பட்டுள்ளது. இது குறித்து பொலிஸார் விசாரணை மேற்கொண்டு வருகின்றனர்.

டெல்லி எய்ம்ஸ் மருத்துவமனை கல்லூரியில் உள்ள கழிவறையில் தமிழக மாணவர் சடலமாக கிடந்த நிலையில் அவர் தலையில் ரத்த காயம் உள்ளதால் கொலை செய்யப்பட்டாரா என பொலிசார் விசாரித்து வருகிறார்கள்.

தமிழ்நாட்டின் திருப்பூரை சேர்ந்த சரத்பிரபு டெல்லியில் உள்ள எய்ம்ஸ் மருத்துமனை கல்லூரியில் எம்.எஸ் படித்து வந்தார். மருத்துவக்கல்லூரி விடுதியில் தங்கியிருந்த சரத்பிரபு அங்குள்ள கழிவறையில் மர்மமான முறையில் இறந்து கிடந்துள்ளார்.

சரத்பிரபுவின் சடலம் கண்டெடுக்கப்பட்ட கழிவறையில் ஊசி கண்டெடுக்கப்பட்டதாகவும், பொட்டாசியம் குளோரைட் கண்டெடுக்கப்பட்டதாகவும் பொலிசார் கூறியுள்ளனர்.

இது தற்கொலையாக இருக்கும் என பொலிசார் முதலில் சந்தேகப்பட்ட நிலையில் சரத்பிரபுவின் தலையில் ரத்தகாயம் உள்ளதை கண்டுப்பிடித்துள்ளனர். இதனால் அவர் தற்கொலை செய்திருக்கமாட்டார் என்றும் இவரது மரணத்தில் மர்மம் இருப்பதாக பொலிசார்ர் சந்தேகிக்கின்றனர்.

சரத்பிரபுவுடன் அரவிந்த், கார்த்திகேயன் உட்பட தமிழகத்தை சேர்ந்த 4 பேர் தங்கியிருந்தனர். இதில் கார்த்திகேயன், அரவிந்த் ஆகியோரை தனி அறையில் வைத்து பொலிசார் விசாரணை நடத்தி வருகின்றனர்.

இதில் கார்த்திகேயன் முன்னுக்கு பின் முரணாக தகவல் அளித்துள்ளதாக தெரியவந்துள்ள நிலையில் பிரேத பரிசோதனை முடிவுக்கு பின்னரே உண்மை தெரிய வரும் என கருதப்படுகிறது.

சரத்பிரபு மரணத்தில் சந்தேகம் இருப்பதாக அவரின் உறவினர்கள் கூறும் நிலையில் எந்த கெட்டப்பழக்கமும் இல்லாத தனது மகன் தற்கொலை செய்து கொள்ள வாய்ப்பே இல்லை என சரத்பிரபுவின் தந்தை செல்வமணி கண்ணீர் மல்க கூறியுள்ளார்.

இந்தியாவில் வீதியில் பிச்சையெடுக்கும் கோடீஸ்வரரை பொலிசார் மீட்டு அவர் குடும்பத்துடன் சேர்த்து வைத்துள்ளனர்.

உத்தரபிரதேச மாநிலத்தின் லக்னோ நகரில் உள்ள வீதியில் வயதானவர் ஒருவர் பிச்சையெடுத்தபடி இருந்துள்ளார். அவரை சமீபத்தில் பார்த்த பிரிஜிமோகன் என்ற காவலர் அருகில் சென்று அவர் குறித்த தகவலை கேட்டுள்ளார்.

பின்னர் தட்டுதடுமாறி தனது பெயர் சிவச்சன் (60) என கூறிய முதியவர், பச்வாரா பகுதியில் தனது வீடு உள்ளதாக தெரிவித்துள்ளார்.

சிவச்சனால் சரியாக பேச மற்றும் எழுந்து நடக்கமுடியாத நிலையில் கடந்த மூன்று மாதங்களாக பிச்சையெடுத்து வந்துள்ளார். சிவச்சன் கூறிய பகுதியில் சென்று பொலிசார் விசாரித்த போது அவர் மிக பெரிய கோடீஸ்வரர் என தெரியவந்தது.

அதே நேரத்தில் கடந்த பத்து ஆண்டுகளாக அவர் மன நலம் பாதிக்கப்பட்டிருந்ததும் தெரியவந்துள்ளது. சிவச்சனுக்கு 70 ஏக்கர் நிலமும், ஆறு கடைகளும் சொந்தமாக உள்ளது. அவர் குடும்பத்தை கண்டுப்பிடித்த பொலிசார் அவர்களிடம் சிவச்சனை ஒப்படைத்தனர்.

சிவச்சன் சகோதரர் ராமன் கூறுகையில், மூன்று மாதங்களுக்கு முன்னர் தசரா திருவிழாவுக்கு குடும்பத்துடன் சென்றோம். அங்கு சிவச்சன் தொலைந்து போய்விட்டார். பொலிசார் உதவியுடன் பல இடங்களில் தேடியும் அவர் கிடைக்கவில்லை. தற்போது அவர் திரும்ப கிடைத்தது மகிழ்ச்சியாக உள்ளது என கூறியுள்ளார். சிவச்சனுக்கு ஒரு மகன் மற்றும் மகள் உள்ளனர்.

உலகளவில் இளம் வயதில் சீரியல் கில்லர் என அழைக்கப்படும் அமர்ஜித் சடா, தற்போது தனது பெயரை மாற்றிக்கொண்டு புது வாழ்க்கை வாழ்ந்து வருவதாக கூறப்படுகிறது.

தனக்கு 8 வயது இருக்கையில் அமர்ஜித் 3 குழந்தைகளை கொலை செய்துள்ளான். 1998 ஆம் ஆண்டு பீகாரின் முசாரி என்ற கிராமத்தில் பிறந்த இச்சிறுவனின் தந்தை ஒரு கூலித்தொழிலாளி ஆவார்.

2006 ஆம் ஆண்டு இச்சிறுவன் முதல் கொலை செய்துள்ளான், தனது உறவுக்காரின் 6 மாத குழந்தையை கொலை செய்துள்ளான். அதன்பின்னர், சில மாதங்கள் கழித்து தனது சொந்த தங்கச்சியை கொலை செய்துள்ளான். ஆனால் இது தங்களின் குடும்ப பிரச்சனை என சிறுவனின் பெற்றோர் இதனை மூடி மறைத்துள்ளனர்.

அதன்பின்னர் அருகில் வசிப்பவரின் 6 மாத குழந்தையை கொலை செய்துள்ளான். இதுகுறித்து பொலிசில் புகார் அளித்ததையடுத்து, நடத்தப்பட்ட விசாரணையில் மேற்கூறப்பட்ட தகவல்கள் தெரியவந்துள்ளது.

மேலும் கொலைக்கான காரணமாக, நான் பிஸ்கேட் கேட்டேன், ஆனால் எனக்கு கொடுக்காமல் என்னை பார்த்து சிரித்தது, இதனால் கொலை செய்தேன் என இந்த 8 வயது சிறுவன் அளித்த பதில் பொலிசாரை அதிர்ச்சியடைய வைத்தது.

இதனைத்தொடர்ந்து, இச்சிறுவனுக்கு நடத்தப்பட்ட பரிசோதனையில், Conduct Disorder எனப்படும் நடத்தை பிரச்சனை இருக்கிறது என மருத்துவர்கள் கண்டறிந்துள்ளனர், அதாவது தன்னிடம் நடந்துகொள்ளும் விதம் மற்றும் அடுத்தவரின் துன்பத்தில் இன்பம் காணுதல் பிரச்சனை இருந்துள்ளது.

இந்திய சட்டத்தின் படி, மிக சிறிய வயதிலான இந்த சிறுவனுக்கு தகுந்த தண்டனை வழங்கலாகாது என்பதால், இச்சிறுவனுக்கு சிகிச்சை அளிக்கப்பட்டு சிறுவர் சீர்திருத்த பள்ளியில் சேர்க்கப்பட்டான்.

அதன்பின்னர் இச்சிறுவன் என்ன ஆனான் என்பது குறித்து யாரும் அறியப்படாத நிலையில், 18 வயதை எட்டியுள்ள இவன், தனது பெயரை Samarjit என மாற்றிக்கொண்டு, குழந்தைகள் இல்லத்தில் புது வாழ்க்கை வாழ்ந்து வருவதாக கூறப்படுகிறது.