க.பொ.த உயர் தரப் பரீட்சை பெறுப்பேறுகளை மீளாய்வு செய்வதற்கான விண்ணப்பங்களை எதிர்வரும் ஜனவரி மாதம் 15 ஆம் திகதிக்குள் அனுப்பி வைக்க வேண்டும் என பரீட்சைகள் திணைக்களம் குறிப்பிட்டுள்ளது.

பாடசாலை மாணவர்கள் தமது அதிபர்கள் ஊடாக விண்ணப்பிக்க வேண்டும் என பரீட்சை ஆணையாளர் நாயகம் சனத் பூஜித தெரிவித்துள்ளார்.

இம்முறை உயர்தரப் பரீட்சையில் இரண்டு இலட்சத்து 53 ஆயிரத்து 483 பரீட்சார்த்திகள் தோற்றினர். அவர்களில் ஒரு இலட்சத்து 63 ஆயிரத்து 104 பேர் பல்கலைக்கழகத்திற்கு தகுதி பெற்றுள்ளனர்.

இதேவேளை பரீட்சைக்கு தோற்றியவர்களில் 205 பேரின் பெறுபேறுகள் இரத்து செய்யப்பட்டுள்ளதாக பரீட்சைகள் ஆணையாளர் நாயகம் தெரிவித்துள்ளார்.

க.பொ.த உயர் தரப் பரீட்சை பெறுப்பேறுகள் நேற்று நள்ளிரவு வெளியிடப்பட்டுள்ளன. பெறுபேறுகளை www.doenets.lk என்ற இணையத்தளத்தில் பார்வையிட முடியும்.

[news_list title=”இவற்றையும் படியுங்கள்” count=”10″ show_more=”on” show_more_type=”link” header_background=”#5681a0″ header_text_color=”#ffffff” hide_dots=”yes”]

 
கல்விப் பொதுத் தராதர உயர்தரப் பரீட்சையில் பௌத்த பிக்கு ஒருவர் சாதனை படைத்துள்ளார்.

உயர்தரப் பரீட்சையில் அனைத்து பிரிவுகளிலும் முதலிடம் பெற்றுக் கொண்டவர்கள் தொடர்பில் தகவல்கள் வெளியாகி வருகின்றன.

இந்நிலையில், நீண்ட இடைவெளியின் பின்னர் உயர்தரப் பரீட்சையில் பௌத்த பிக்கு ஒருவர் சாதனை படைத்துள்ளார்.

கலைப் பிரிவில் உயர்தரப் பரீட்சையில் பௌத்த பிக்கு முதலிடம் பெற்று சாதனை படைத்துள்ளார்.

இரத்தினபுரி சத்தர்மாலங்கார பிரிவெனையின் பத்பெரிகே முனின்தவன்ச தேரரே இவ்வாறு சாதனை படைத்துள்ளார்.

பிரித்தானியாவில் வாழும் பெண் ஒருவர் இலங்கையில் முன்னெடுக்கும் செயற்பாடு குறித்து அதிகம் பேசப்பட்டு வருகிறது.

இலங்கையிலுள்ள தெரு நாய்களுக்காக தன்னை முழுமையாக அர்ப்பணித்துள்ள பிரித்தானியாவை சேர்ந்த Rachel Schofield என்ற பெண் தொடர்பில் தகவல் வெளியாகி உள்ளது.

இலங்கைக்கு சுற்றுலா பயணம் மேற்கொண்டதன் பின்னர் 3 மில்லியன் தெரு நாய்கள் உள்ளதை அவதானித்த அந்த பெண் அவற்றிற்காக சேவை செய்வதற்கு முன் வந்துள்ளார்.

நாய்களை பாதுகாப்பதற்காக அவர் தனது PHD ஆய்வுகளை கைவிட்டுள்ளார். தனது வீட்டை விற்பதற்கு திட்டமிட்டுள்ளதுடன், Wigton பகுதியில் ஒரு சிறிய வீட்டில் குடியேறவுள்ளார். அத்துடன் அவரால் முன்னெடுக்கப்படுகின்ற தொண்டு நிறுவனம் தொடர்பில் ஆர்வம் செலுத்தவுள்ளதுடன், சிறிய கடை ஒன்றையும் நடத்தி வருகின்றார்.

ஹிக்கடுவ பகுதிக்கு அவர் விஜயம் மேற்கொண்டிருந்த போது கழு என்ற தெரு நாய் ஆபத்தான நிலையில் இருப்பதனை அவதானித்து அதனை பாதுகாப்பதற்கான நடவடிக்கைகளை அவர் மேற்கொண்டுள்ளார்.

தெரு நாய் கழு ஆபத்தான நிலைமையில் இருந்து மீண்டு வந்துள்ளது. இரண்டு முறை மேற்கொள்ளப்பட்ட தாக்குதலில் அது ஒரு கண்ணை இழந்துள்ளதுடன் அதிஷ்டவசமாக உயிர் பிழைத்துள்ளது.

பிரித்தானியாவின் Workington பகுதியில் உள்ள கடையில் கிடைத்த வருமானத்தில் நாய்களை மீட்பதற்கு அவர் செயற்படுவதாக சர்வதேச ஊடகம் குறிப்பிட்டுள்ளது.

கடந்த வருடம் இலங்கைக்கு வருகைத்தந்தவர் 10 நாட்களில் 273 நாய்களை அவர் காப்பாற்றியுள்ளார் என தெரிவிக்கப்படுகின்றது.

இவ்வாறு இலங்கை முழுவதும் வாழும் தெரு நாய்களையும், காயமடைந்த, உடல் உறுப்புகள் சேதமடைந்த நாய்களை பாதுகாப்பதற்கும் அவர் தொடரந்து செயற்படவுள்ளார்.

நாய்கள் மீது கொண்டுள்ள பிரியம் காரணமாக தனது தொண்டு நடவடிக்கைகளை மேலும் அதிகரிக்கவுள்ளார். யாராவது தன்னார்வமாக உதவ விரும்பினாலும் உதவ முடியம் என அவர் குறிப்பிட்டுள்ளார்.

எதிர்கால சந்ததியினர் தொழில்நுட்ப ரீதியான பாடங்களை கற்க முன்வரவேண்டும் என கா.பொ.த உயர்தரத்தில் உயிர்முறை தொழில்நுட்பவியல் பாடத்தில் மட்டக்களப்பு மாவட்டத்தில் முதலிடம் பெற்ற மாணவன் கணேசமூர்த்தி துதிசான் தெரிவித்தார்.

மட்டக்களப்பு – படுவான்கரை பகுதியில் இருந்து உயிர்முறை தொழில்நுட்பவியல் பாடத்தில் முதன்முறையாக மாவட்டத்தில் முதல் இடத்தினை துதிசான் பெற்றுக்கொண்டுள்ளார்.

மட்டக்களப்பு – போரதீவுப்பற்று பிரதேச செயலகத்திற்கு உட்பட்ட திருப்பழுகாமம் விபுலானந்த புரத்தினை சேர்ந்த கணேசமூர்த்தி துதிசான் மூன்று பாடங்களில் பீ சித்திகளைப் பெற்று மட்டக்களப்பு மாவட்டத்தில் முதல் இடத்தினைப் பெற்று சாதனை படைத்துள்ளார்.

தும்பங்கேணி கண்ணகி வித்தியாலயத்தில் ஆரம்பக் கல்வியை கற்ற இவர், பட்டிருப்பு தேசிய பாடசாலையில் சாதாரண தரம் கற்றதுடன் களுதாவளை மத்திய மகா வித்தியாலயத்தில் உயர் கல்வியை கற்று இன்று மட்டக்களப்பு மாவட்டத்தில் முதல் இடத்தினைப்பெற்று சாதனை படைத்துள்ளார்.

சாதாரண குடும்பத்தில் பிறந்து மிகவும் கஸ்டங்களின் மத்தியில் கல்வியை தொடர்ந்த அவர், எதிர் காலத்தில் தமது சமூகத்திற்கு சிறந்த கல்வியினையும் சேவையினையும் வழங்கும் வகையில் ஒரு விரிவுரையாளராக வருவதே தனது நோக்கம் எனவும் தெரிவித்தார்.

தான் எவ்வளவோ கஸ்டங்களின் மத்தியில் கல்வியை தொடர்ந்த போதும் எனது இலக்கு கல்வியின் உச்ச நிலையை அடைய வேண்டும் என்பதாகவே இருந்ததாகவும் அவர் மேலும் தெரிவித்தார்.

2017ஆம் ஆண்டுக்கான க.பொ.த.உயர்தரப் பரீட்சையில் கிழக்கு மாகாணத்தில் பல கஷ்டங்களுக்கு மத்தியிலும் மாணவ மாணவிகள் சாதனை படைத்துள்ளார்கள்.

மட்டக்களப்பில் விஞ்ஞான பிரிவில் புனித மைக்கேல் கல்லூரி மாணவன் ராஜன் திபிகரன் விஞ்ஞான பிரிவில் மட்டக்களப்பு மாவட்டத்தில் முதலாம் இடத்தினைப் பெற்றுள்ளார். மட்டக்களப்பு மாவட்டத்தில் முதல் நிலைபெற்று மருத்துவ பீடத்துக்கு தெரிவு செய்யப்பட்டுள்ளார். இவர் மட்டக்களப்பு நாவற்குடாவை சேர்ந்த ராஜன் – சாரதாதேவி தம்பதியரின் புதல்வராவார்.

மட்டக்களப்பில் கணிதப் பிரிவில் மட்டக்களப்பு புனித மிக்கல் கல்லூரி மாணவன் சிவா விதுசனன் கணிதப் பாடப் பிரிவில் மாவட்ட மட்டத்தில் முதலிடம்பெற்று சாதனை படைத்துள்ளார். மட்டக்களப்பு – கிரான்குளம் 7ஆம் வட்டாரம் பிரதேசத்தைச் சேர்ந்த சிவா டேஸ்ரஜனி ஆகியோரின் புதல்வனே இவ்வாறு கணிதப் பிரிவில் முதலிடம் பெற்றுள்ளார். சாதாரண கூலித் தொழிலாளியின் மகனான இவர் வறுமையிலும் சாதனை படைத்து பெருமை சேர்த்துக் கொடுத்துள்ளார்.

மட்டக்களப்பில் தொழில்நுட்பவியல் பிரிவில் மட்டக்களப்பு பட்/களுதாவளை மகா வித்தியாலய மாணவன் கணேசமூர்த்தி துதிசான் தொழில்நுட்பவியல் பிரிவில் மாவட்ட மட்டத்தில் முதலிடம் பெற்று சாதனை படைத்துள்ளார். மட்டக்களப்பு – திருப்பழுகாமம் பிரதேசத்தைச் சேர்ந்த கணேசமூர்த்தி இராசலெட்சுமி ஆகியோரின் புதல்வனே இவ்வாறு சாதனை புரிந்துள்ளார். விவசாயத்தை சீவனோபாயமாகக் கொண்ட சாதாரண விவசாயக் குடும்பத்தின் மகன் வறுமையிலும் சாதனை படைத்துள்ளார்.

மட்டக்களப்பில் வணிகப் பிரிவில் வாழைச்சேனை இந்துக் கல்லூரி மாணவி சஜானி விஜயராசா வணிகப் பிரிவில் மாவட்ட மட்டத்தில் முதலிடம் பெற்று சாதனை புரிந்துள்ளார். மட்டக்களப்பு – வாழைச்சேனை பிரதேசத்தைச் சேர்ந்த விஜயராசா மதிமலர் அவர்களின் மகள் இவ்வாறு வணிகப் பிரிவில் முதலிடம் பெற்று சாதனை புரிந்துள்ளார். சாதாரண கூலித் தொழிலாளியின் மகள் வறுமையிலும் சாதனை புரிந்து பெருமை சேர்த்துக் கொடுத்துள்ளார்.

மட்டக்களப்பு – முனைக்காடு கிராமத்தில்.. மட்டக்களப்பு – முனைக்காடு கிராமத்தில் பொறியியல், விஞ்ஞானம் மற்றும் கணிதப்பிரிவில் சாதித்த மாணவ மாணவிகளின் விபரங்கள் வெளியாகி உள்ளன.

முதலைக்குடா மகா வித்தியாலயத்தில் பொறியியல் தொழிநுட்ப துறையில் கல்வி கற்ற வில்வரெத்தினம் கதிஸ் என்ற மாணவன் 2C, 1B பெறுபேறு பெற்று மாவட்டத்தில் 13ஆவது இடத்தை பெற்று சாதனை படைத்துள்ளார். முனைக்காடு கிராமத்தில் பொறியியல் தொழிநுட்ப துறையில் கல்வி கற்று மாவட்ட நிலையில் 13ஆவது இடத்தினைப் பெற்றுள்ளமை வரலாற்றில் முதல் தடவை என தெரிவிக்கப்பட்டுள்ளது.

மட்டக்களப்பு – கல்லடி மகளிர் விவேகானந்தா பாடசாலையில் கல்வி பயின்ற குருகுலசிங்கம் பிரஸ்ணவி என்ற மாணவி விஞ்ஞான பிரிவில் 2A, B பெறுபேறுகளுடன் மாவட்ட ரீதியில் 11ஆம் நிலையை பெற்று வைத்திய துறைக்கு தெரிவு செய்யப்பட்டுள்ளார்.

இதேவேளை, மட்டக்களப்பு மெதடிஸ்த மத்திய கல்லூரியில், கணித துறையில் கல்வி பயின்ற முனைக்காடு கிராமத்தினைச் சேர்ந்த சுந்தரலிங்கம் கனிஸ்ரன் என்ற மாணவன் 1A, 2B பெறுபேற்றினை பெற்று மாவட்டத்தில் 31ஆம் இடத்தினைப் பிடித்து பொறியியல் துறைக்கான வாய்ப்பை பெற்றுள்ளார்.

2017ஆம் ஆண்டு உயர்தரப் பரீட்சைக்கு தோற்றிய 205 மாணவர்களின் பெறுபேறுகள் நிராகரிக்கப்பட்டுள்ளதாக பரீட்சை ஆணையாளர் நாயகம் பீ.சனத் புஜீத தெரிவித்துள்ளார். பல்வேறு முறைகேடுகள் காரணமாக பெறுபேறுகள் நிராகரிக்கப்பட்டுள்ளதாகவும் அவர் தெரிவித்துள்ளார்.

இதேவேளை பெறுபேறுகள் தொடர்பில் விசாரிக்க சிறப்பு தொலைபேசி இலக்கங்கள் சில வழங்கப்பட்டுள்ளன.

0112784201
0112784537
0113188350
0113140314
1911

குறித்த இலக்கத்தின் ஊடாக தொடர்பு கொண்டு பெறுபேறுகள் தொடர்பில் விளக்கங்களை பெற்று கொள்ள முடியும் என்றும் பரீட்சை ஆணையாளர் அறிவித்துள்ளார்.

2017ஆம் ஆண்டுக்கான க.பொ.த உயர்தரப் பரீட்சை பெறுபேறுகள் நேற்றைய தினம் இரவு வெளியாகியது. இந்நிலையில் இவர்களில் ஒரு இலட்சத்து 63 ஆயிரத்து 104 பேர் பல்கலைக்கழக அனுமதியை பெற்றுள்ளனர்.

மேலும் 2017ஆம் ஆண்டு க.பொ.த உயர்தரப் பரீட்சைக்கு பாடசாலை பரீட்சார்த்திகள் இரண்டு இலட்சத்து 37 ஆயிரத்து 943 பேர் தோற்றியிருந்த நிலையில், தனியார் பரீட்சார்த்திகள் 77 ஆயிரத்து 284 பேர் தோற்றியிருந்தமை குறிப்பிடத்தக்கது.

2017ஆம் ஆண்டுக்கான க.பொ.த உயர்தரப் பரீட்சையில் பௌதீக விஞ்ஞான பிரிவில் ஹட்டன் ஹைலண்ஸ் கல்லூரியில் கல்வி பயிலும் அ.திஷாந்தன் என்ற மாணவன் நுவரெலியா மாவட்டத்தில் முதலாம் இடத்தினையும், அகில இலங்கை ரீதியில் ஒன்பதாவது இடத்தினையும் பெற்று சாதனை படைத்துள்ளார்.

இதேவேளை, நுண்கலைப் பிரிவில் ஹட்டன் ஹைலண்ஸ் கல்லூரியில் கல்வி பயிலும் எஸ்.பிரமிதா என்ற மாணவி நுவரெலியா மாவட்டத்தில் முதலாம் இடத்தினை பெற்றுள்ளதுடன் அகில இலங்கை ரீதியில் 52ஆம் இடத்தினையும் பெற்றுள்ளார்.

இராகலை – ஹல்கரனோயா பகுதியை வசிப்பிடமாகவும், ஹட்டன் ஹைலண்ஸ் கல்லூரியில் கல்வி பயிலும் அ.திஷாந்தன் என்ற மாணவன் 3A பெறுபேற்றை பெற்றுள்ளார்.குறித்த மாணவன், க.பொ.த சாதாரண தரப்பரீட்சை மற்றும் ஐந்தாம் ஆண்டு புலமைப்பரிசில் பரீட்சையிலும் சிறந்த பெறுபேற்றை பெற்று பாடசாலைக்கு பெருமை சேர்த்திருந்தார்.

ஹட்டன் ரொதஸ் பகுதியை வசிப்பிடமாகவும், ஹட்டன் ஹைலண்ஸ் கல்லூரியில் கல்வி பயிலும் எஸ்.பிரமிதா என்ற மாணவி நுண்கலைப் பிரிவில் 2A, B பெறுபேற்றைப் பெற்று நுவரெலியா மாவட்டத்தில் முதல் நிலைபெற்றுள்ளதுடன் அகில இலங்கை ரீதியில் 52ஆம் இடத்தினையும் பெற்றுள்ளார்.

2017ஆம் ஆண்டுக்கான க.பொ.த. உயர்தரப் பரீட்சையில் யாழ்.இந்துக் கல்லூரி மாணவர்கள் சாதனை படைத்துள்ளனர்.

இதில் 20 மாணவர்களுக்கு 3A சித்தி பெற்று பாடசாலைக்கு பெறுமை சேர்த்துள்ளனர்.

கணிதப் பிரிவில் 10 மாணவர்கயும், உயிரியல் பிரிவில் 4 மாணவர்களும், வணிகப் பிரிவில் 6 மாணவர்களும் 3A சித்தி பெற்று சாதித்துள்ளனர்.

2017ஆம் ஆண்டுக்கான க.பொ.த. உயர்தரப் பரீட்சைக்கு பாடசாலை பரீட்சார்த்திகள் 2 இலட்சத்து 37 ஆயிரத்து 943 பேர் தோற்றியிருந்த நிலையில், தனியார் பரீட்சார்த்திகள் 77 ஆயிரத்து 284 பேர் தோற்றியிருந்தனர்.

இவர்களில் 1 இலட்சத்து 63 ஆயிரத்து 104 பேர் பல்கலைக்கழக அனுமதியை பெற்றுள்ளமை குறிப்பிடத்தக்கது.