அமெரிக்காவின் வாஷிங்டனில் வசித்து வருகிறார் பெய்லி செல்லர்ஸ். இவரது தந்தை மைக்கேல் செல்லர்ஸ் கடந்த நான்கு வருடமாக பெய்லிக்கு பிறந்த நாள் வாழ்த்து சொல்லி வருகிறார்.

ஆனால் மைக்கேல் கடந்த நான்கு வருடங்களுக்கு முன்பே மரணம் அடைந்து விட்டார். மேலும் பெய்லிக்கு சரியாக பிறந்த வாழ்த்து செய்தியோடு ஒவ்வொரு வருடமும் பூங்கொத்தும் வந்து இருக்கிறது.

இந்த நிலையில் தற்போது 21வது பிறந்த நாள் கொண்டாடிய அந்த பெண்ணுக்கு அதேபோல் வாழ்த்து செய்தி வந்து இருக்கிறது.

தற்போது வந்த அந்த வாழ்த்து செய்திதான் இறந்த அப்பாவின் கடைசி பிறந்த வாழ்த்து செய்தி என்று அந்த பூங்கொத்தில் எழுதி இருக்கிறது.

அமெரிக்காவின் வாஷிங்டனில் வசித்து வந்தார் மைக்கேல் செல்லர்ஸ். 2013 ஆம் ஆண்டு தொடக்கத்தில் ஒரு நாள் திடீர் என்று அவருக்கு புற்றுநோய் இருப்பது கண்டுபிடிக்கப்பட்டது.

அதுமட்டும் இல்லாமல் அடுத்த ஆறு மாதத்திற்குள் எப்படியும் மரணம் அடைந்து விடுவார் என்று அவருக்கு நாள் குறிக்கப்பட்டது. அதையடுத்து அடுத்த ஆறு மாதத்தை அவர் மிகவும் சோகமயமாக கழித்து இருக்கிறார்.

இந்த நிலையில் அதே வருடம் ஆகஸ்ட் மாதம் மரணம் அடைந்துள்ளார். இந்த நிலையில் அவர் இறந்து சரியாக மூன்ற மாதம் கழித்து நவம்பரில் அவரின் கடைசி மகள் பெய்லி செல்லர்ஸுக்கு பிறந்த நாள் வந்து இருக்கிறது.

சரியாக இரவு 12 மணிக்கு அவரது வீட்டு வாசல் கதவு தட்டப்பட்டுள்ளது. வெளியில் சென்று பார்த்தால் அங்கு ஒரு பூங்கொத்து மட்டும் இருந்துள்ளது. அதில் ”நான்தான் ‘மைக்கேல், உன் அப்பா. உனக்கு பிறந்த நாள் வாழ்த்துகள்’ என்று எழுதப்பட்டு இருக்கிறது. இதை பார்த்ததும் அந்த பெண் அந்த இடத்திலேயே அழுது இருக்கிறார்.

மேலும் அந்த பூங்கொத்துடன் ஒரு கடிதமும் இணைக்கப்பட்டு இருந்துள்ளது. அதில் ”உன்னுடைய 21 வயது பிறந்த நாள் வரை நீ இப்படியான கடிதங்களை பெறுவாய். பிறந்த நாளுக்கு மட்டுமில்லை உன் வாழ்க்கையில் நடக்கும் முக்கியமான பல நாட்களுக்கும் உனக்கு இப்படி பூங்கொத்து கிடைக்கும். 21 வயதுக்கு பின் உன்னை தொந்தரவு செய்ய மாட்டேன் என்று உருக்கமாக எழுதி இருக்கிறார்.

அதே போல் அடுத்தடுத்த பிறந்த நாளுக்கு சரியாக அந்த பெண்ணுக்கு கடிதம் வந்துள்ளது. இதற்கான அனைத்து திட்டங்களையும் அந்த தந்தை மரணம் அடைவதற்கு முன்பே செய்துள்ளார். இந்த நிலையில் அந்த பெண் தன்னுடைய 21 வது பிறந்த நாளை ஒரு வாரத்திற்கு முன் கொண்டாடினார். அப்போது அதேபோல் அப்பாவிடம் இருந்து பூங்கொத்து வந்துள்ளது.

அதில் ”இதுதான் நான் உனக்கு சொல்லும் கடைசி வாழ்த்து. இனி நீ என்னை நினைத்து அழவே கூடாது. உன்னை நான் பார்த்துக் கொண்டே இருக்கிறேன். உனக்கு தேவைப்படும் சமயங்களில் உனக்கு அருகில் நான் இருப்பேன். நான் இருக்கும் இடம் நன்றாக இருக்கிறது. விரைவில் சந்திக்கலாம்” என்று எழுதியுள்ளார். தற்போது அதை அந்த பெண் தன்னுடைய டிவிட்டர் பக்கத்தில் வெளியிட்டுள்ளார்.

உலகில் முதன்முறையாக நவீன தொழில்நுட்பத்தில் செயற்கையான முறையில் புத்திசாலி அரசியல்வாதியை உருவாக்கும் முயற்சியில் நியூசிலாந்து வல்லுநர்கள் ஈடுபட்டுள்ளனர்.

இந்த செயற்கை அரசியல்வாதியை 2020 ஆம் ஆண்டு பொதுத்தேர்தலில் களமிறக்கவும் திட்டமிடப்பட்டுள்ளது.

உலகம் முழுவதும் நாடுகளுக்கு இடையே அரசியலமைப்பு சட்டங்கள், கலாசாரங்கள் மாறினாலும் மாற்றமே இல்லாதவர்கள் அரசியல்வாதிகள் தான். அவர்களின் குணாதிசயங்கள் கிட்டத்தட்ட ஒரே மாதிரியானவை.

அந்த வகையில், உண்மையே பேசக்கூடிய, மக்கள் நலனில் மட்டுமே அக்கறை கொள்ளக்கூடிய வகையில், புத்திசாலித்தனத்துடன் செயற்கையான அரசியல்வாதியை வடிவமைக்கும் முயற்சியில் நியூசிலாந்து தொழில்நுட்ப வல்லுநர்கள் ஈடுபட்டுள்ளனர்.

வெலிங்டனைச் சேர்ந்த 49 வயதான தொழிலதிபர் நிக் கேரிட்சன் தலைமையில் வடிமைக்கப்பட்டு வரும் இந்த செயற்கை அரசியல்வாதிக்கு ‘சாம்’ என பெயரிடப்பட்டுள்ளது.

இது உள்ளூர் பிரச்சினை குறித்து மக்கள் கேட்கும் அனைத்து கேள்விகளுக்கும் பதிலளிக்கும்.

வீட்டு வசதி, கல்வி, குடியேற்றம் குறித்த அரசின் கொள்கைகள் குறித்தும் விளக்கம் அளிக்கும். தற்போது இந்த முயற்சி ஆரம்ப கட்டத்தில் உள்ளது.

விரைவில் இந்த செயற்கை அரசியல்வாதியை முழு திறமை படைத்ததாக மாற்றும் முயற்சி தீவிரமாக நடந்து வருவதாக நிக் கேரிட்சன் கூறியுள்ளார்.

பருவநிலை மாற்றம், சமத்துவமின்மை போன்ற முக்கிய பிரச்சினைகள், மக்களின் அடிப்படைப் பிரச்சினைகளைத் தீர்ப்பதில் சிக்கல் நிலவி வருகிறது. இவற்றுக்கு செயற்கை அரசியல்வாதி மூலம் தீர்வு காண முடியும். சாதாரண அரசியல்வாதிகளை விட செயற்கை அரசியல்வாதி மிகச்சிறப்பாக செயல்படுபவராக இருப்பர் என நிக் கேரிட்சன் குறிப்பிட்டுள்ளார்.

மேலும், சமூக வலைத்தளம் மூலம் மக்கள் பிரச்சினைகளை உடனுக்குடன் அறிந்து அது குறித்த ஆய்வை விரைந்து அது மேற்கொள்ளும். பல நாடுகளுக்கு இடையே அதிகரித்து வரும் அரசியல் மற்றும் கலாசார பிளவுகளுக்கு ஒரு பாலமாக செயற்கை அரசியல்வாதி செயற்படுவார்.

2020 ஆம் ஆண்டு நியூசிலாந்தில் பொதுத்தேர்தல் இடம்பெறவுள்ளது. அதில், ‘சாம்’ அரசியல்வாதியை களமிறக்க நிக் கேரிட்சன் திட்டமிட்டுள்ளார். அந்நாட்டு சட்டம் அனுமதிக்கும் பட்சத்தில் இந்த முயற்சி வெற்றியடையும் என அவர் நம்பிக்கை தெரிவித்துள்ளார்.

குண்டு இல்லாத வெற்றுத் துப்பாக்கியை காண்பித்து அமெரிக்க தலைநகர் வொஷிங்டனில் உள்ள வங்கியில் கொள்ளையடிக்க முயன்ற 86 வயது மூதாட்டி கைது செய்யப்பட்டார்.

அமெரிக்க தலைநகர் வொஷிங்டனில் உள்ள வங்கியில் காலையில் மக்கள் கூட்டம் அதிகமாக இருந்தது. அப்போது அங்கு 86 வயது மூதாட்டி உள்ளே வந்துள்ளார்.

நடக்க முடியாத நிலையில் இருந்த அவர் ‘வோக்கிங் ஸ்டிக்’ வைத்தே நடந்து வந்துள்ளார்.

அப்போது திடீரென தான் வைத்திருந்த ஒரு துப்பாக்கியை காட்டி அனைவரையும் மிரட்டியுள்ளார். அதனால் வங்கியில் பதட்டமும் பரபரப்பும் ஏற்பட்டது.

உடனே பொலிஸார் வரவழைக்கப்பட்டனர். அவர்கள் விரைந்து வந்து மூதாட்டியை கைது செய்தனர். அவர் விலங்கு வேட்டைக்கு பயன்படுத்தும் துப்பாக்கி வைத்திருந்தார். அதை பெலிஸார் பறிமுதல் செய்துள்ளனர்.

அப்போது அவர் மயங்கி வீழ்ந்துள்ளார். முதலுதவி சிகிச்சைக்குப்பின் அவரிடம் பொலிஸார் விசாரணைகளை மேற்கொண்டுள்ளனர்.

அப்போது தான் வைத்திருந்தது குண்டுகள் நிரப்பாத வெற்று துப்பாக்கி என அவர் தெரிவித்தார். அது போன்று துப்பாக்கியில் குண்டுகள் இல்லை. அவரது கைப்பையிலும் குண்டுகள் காணப்படவில்லை.

இச்சம்பவம் நடப்பதற்கு முதல்நாள் மூதாட்டி இதே வங்கிக்கு வந்துள்ளார. அப்போது அவரிடம் இருந்து 400 டொலர் அபராதமாக வசூலிக்கப்பட்டுள்ளது அதை மீண்டும் திரும்ப பெறவே கொள்ளையில் இறங்கியதாக அவர் தெரிவித்துள்ளார்.

இளவரசர் ஹரி தனது காதலியும் அமெரிக்க நடிகையுமான மெகன் மார்க்லேவை திருமணம் செய்துகொள்ளப்போவதை அறிவித்தது மெய்சிலிர்ப்பை ஏற்படுத்தியதாகக் கூறியுள்ளார்.

இளவரசர் ஹரி, இது ஒரு அழகான காதல் திட்டம் என்றும், மார்க்லே ´நான் மிகவும் மகிழ்ச்சி அடைகிறேன், நன்றி´´ என்றும் கூறினர்.

வெள்ளை பெல்ட் கொண்ட கோட் அணிந்திருந்த மார்க்லே, இளவரசர் ஹரியின் கரங்களைப் பற்றியபடி, அரண்மனையின் சன்கென் கார்டனில் பத்திரிகையாளர்கள் முன்பு சிறிது நேரம் தோன்றி, தனது நிச்சயதார்த்த வைர மோதிரத்தை காட்டினார்.

ஒரு பத்திரிகையாளர் உங்களுக்கு மார்க்லேவை எப்போது தெரியும் என்று கேட்ட போது, நாங்கள் முதல் முறை சந்தித்தபோதே என்றார் ஹரி.

மார்க்கெல்லின் நிச்சயம் இளவரசர் ஹாரியால் வடிவமைக்கப்பட்டது மேலும் அவருக்கு அணிவிக்கப்பட்ட இரண்டு வைர மோதிரங்கள் மறைந்த அவரது தாயார் டயானாவினுடையது என்று கென்சிங்டன் மாளிகை அறிவித்துள்ளது.

அந்த மோதிரத்தின் நடுவே, இவ்விருவரும் ஒன்றரை ஆண்டுகள் கழித்த போட்ஸ்வானா நாட்டிலிருந்து பெறப்பட்ட வைரம் பதிக்கப்பட்டுள்ளது. மோதிரத்தின் வளையம் தங்கத்தால் செய்யப்பட்டது.