அமெ­ரிக்க ஜனா­தி­பதி டொனால்ட் ட்ரம்பை பித்துப் பிடித்த கிழவர் என வட கொரிய அர­சாங்க ஊடகம் குறிப்­பிட்­டி­ருந்த நிலையில், அதற்கு பதி­லடி கொடுக்கும் வகையில் ட்ரம்ப் தனது டுவிட்டர் இணை­யத்­தளப் பக்­கத்தில் செய்­தி­யொன்றை நேற்று முன்­தினம் சனிக்­கி­ழமை வெளி­யிட்­டுள்ளார்.

“நான் அவரை (வட கொரிய தலைவர் கிம் யொங் – உன்னை) குள்­ள­மா­னவர் என்றோ கொழுத்­தவர் என்றோ ஒரு­போதும் அழைத்­தி­ராத நிலையில், அவர் ஏன் என்னை கிழவர் என அழைத்து அவ­தூறு செய்­கிறார்?” என டொனால்ட் ட்ரம்ப் தனது டுவிட்டர் இணை­யத்­தளப் பக்­கத்தில் தன்னால் வெளி­யி­டப்­பட்­டுள்ள செய்­தியில் குறிப்­பிட்­டுள்ளார்.

வட கொரிய தலை­வ­ருடன் நட்பை ஏற்­ப­டுத்த கடு­மை­யாக முயற்­சித்து வரு­வ­தா­கவும் ஒருநாள் தாம் நண்­பர்­க­ளாக மாறக்­கூடும் என நம்­பு­வ­தா­கவும் டொனால்ட் ட்ரம்ப் இதன்போது தெரி­வித்தார்.

கொரிய அர­சாங்க ஊட­க­மான கொரிய மத்­திய செய்தி முகவர் நிலையம் அன்­றைய தினம் மேற்­படி செய்தி வெளி­யா­வ­தற்கு முன்னர் வெளி­யிட்ட பிறி­தொரு செய்­தியில் டொனால்ட் ட்ரம்பின் ஆசிய பிராந்­தி­யத்­துக்­கான விஜயம் தொடர்பில் குற்­றஞ்­சாட்­டி­யி­ருந்­தது.

டொனால்ட் ட்ரம்ப் உலக சமா­தானம் மற்றும் ஸ்திரத்­தன்­மைக்கு பங்கம் ஏற்­ப­டுத்­து­ப­வ­ரா­கவும் கொரிய தீப­கற்­பத்தில் அணு ஆயுதப் போரொன்றை ஆரம்­பிக்க கெஞ்­சு­ப­வ­ரா­கவும் உள்ளார் என அந்த செய்­தியில் விமர்­சிக்­கப்­பட்­டுள்­ளது.

தமது அர­சாங்­கத்­தி­ட­மி­ருந்து மக்­களை ஒதுக்­கி­வைப்­ப­தற்­கான முயற்­சியை ட்ரம்ப் மீண்டும் முன்­னெ­டுத்­துள்­ள­தாக வட கொரிய வெளி­நாட்டு அமைச்சர் அந்த செய்­தியில் குற்­றஞ்­சாட்­டி­யுள்ளார். வட கொரியா முழு­மை­யான அணு ஆயுத நிகழ்ச்சித் திட்­ட­மொன்றை முன்­னெ­டுப்­பதை டொனால்ட் ட்ரம்ப்பால் தடுத்து நிறுத்­து­வது சாத்­தி­ய­மில்லை என அவர் கூறினார்.

அதே­ச­மயம் டொனால்ட் ட்ரம்ப் வட கொரிய தலைவர் கிம் யொங்­ – உன்னிற்கு நேர­டி­யாக விடுத்த செய்­தியில், “ நீங்கள் உட­மை­யாகப் பெறும் அணு ஆயுதங்கள் உங்களுக்கு பாதுகாப்பை அளிக்கப் போதில்லை. மாறாக அவை உங்கள் ஆட்சியை மரணப் புதைகுழியில் தள்ளுவதாக அமையும்” என எச்சரிக்கை விடுத்துள்ளார்.

 
முதன் முறையாக விண்வெளிக்கு சென்ற பெருமையை பெற்ற பூனைக்கு பிரான்ஸில் வெண்கல சிலை அமைக்கப்படவுள்ளது.

கடந்த 1963 ஆம் ஆண்டு அக்டோபர் 18 ஆம் திகதி வெரோனிக் ஏஜிஐ என்ற ரொக்கெட் மூலம் பூனை ஒன்று விண்வெளிக்கு அனுப்பப்பட்டது.

பூமியில் இருந்து 157 கி.மீட்டர் உயரத்துக்கு சென்ற பூனை 15 நிமிடத்துக்கு பிறகு பத்திரமாக பராசூட் மூலம் உயிருடன் தரை இறங்கியது.

இதன் மூலம் முதன் முறையாக விண்வெளிக்கு சென்ற பூனை என்ற பெருமையை இந்த பூனை.

இந்த பூனைக்கு பிரான்சில் வெண்கல சிலை அமைக்கப்படவுள்ளது அதற்கான ஏற்பாடுகளை லண்டனை சேர்ந்த மாத்யூ செர்ஜ் செய்து வருகின்றார்.

கனடாவில் காணமல்போன இளம்பெண்ணின் உடல் தலை, கை, கால்கள் இல்லாமல் கண்டுபிடிக்கப்பட்டுள்ள சம்பவம் பெரும் அதிர்ச்சியை ஏற்படுத்தியுள்ளது.

கனடாவில் உள்ள ஓண்டாரியோ மாகாணத்தில் Rori Hache(22) என்ற இளம்பெண் பெறோருடன் வசித்து வந்துள்ளார்.

இந்நிலையில், கடந்த ஆகஸ்ட் 29ம் திகதி இளம்பெண் திடீரென காணாமல் போய்விட்டதாக பெற்றோர் பொலிசாரிடம் புகார் அளித்துள்ளனர். புகாரை பெற்ற பொலிசார் பல்வேறு இடங்களில் தேடுதல் வேடையை நடத்தியுள்ளனர்.

சில நாட்களுக்கு பின்னர் செப்டம்பர் 11ம் திகதி ஓண்டாரியோ ஆற்றில் தலை, கைகள், கால்கள் இல்லாமல் ஒரு இளம்பெண்ணின் உடல் மிதந்து வந்துள்ளது.

உடலை மீட்ட பொலிசார் அதனை பிரேத பரிசோதனைக்கு அனுப்பியுள்ளனர்.

டி.என்.ஏவை சேகரித்த பொலிசார் அதனை காணாமல் போன இளம்பெண்ணுடன் ஒப்பிட்டு பார்த்தபோது அது அவர் தான் என உறுதி செய்யப்பட்டது.

இத்தகவல் நேற்று அதிகாரப்பூர்வமாக பெற்றோர்களிடம் தெரிவித்தபோது அனைவரும் அதிர்ச்சியில் ஆழ்ந்துள்ளனர்.

எவ்வித விவகாரத்திலும் ஈடுப்படாத தங்களது அன்பு மகளை துண்டு துண்டாக வெட்டியவர்களை கைது செய்து சிறையில் அடைக்க வேண்டும் என பொலிசாரிடம் கண்ணீருடன் தெரிவித்துள்ளனர்.

இளம்பெண் கொலை தொடர்பாக வழக்கு பதிவு செய்துள்ள பொலிசார் அவரை பற்றி தகவல் அறிந்தவர்கள் உடனடியாக பொலிசாரை தொடர்புக்கொள்ளுமாறு பொதுமக்களுக்கு வேண்டுகோள் விடுத்துள்ளனர்.

அமெரிக்காவில் இந்திய வம்சாவளியை சேர்ந்த ஹொட்டல் உரிமையாளர் ஒருவர் சுட்டுக்கொல்லப்பட்ட சம்பவம் பெரும் பரபரப்பை ஏற்படுத்தியுள்ளது.

அமெரிக்காவின் வடக்கு கரோலினா பகுதியில் இந்தியாவின் குஜராத் மாநிலத்தைச் சேர்ந்த ஆகாஷ் தயாதி (40) என்பவர் ஹொட்டல் ஒன்றை நடத்தி வந்துள்ளார்.

கடந்த வெள்ளிக்கிழமை இரவு அவரது ஹொட்டலில் மார்கிஸ் டெவிட் (23) என்பவர் தகராறில் ஈடுபட்டுள்ளார். இதையடுத்து அவரை அங்கு பணியில் இருந்த காவலாளி வெளியில் அனுப்பியுள்ளார். இந்தநிலையில் துப்பாக்கியுடன் ஹொட்டலுக்குள் நுழைந்த அந்த நபர் ஆகாஷ் தயாதியை நோக்கி சுட்டுள்ளார்.

இந்த தாக்குதலில் பலத்த காயமடைந்த ஆகாஷ் சம்பவ இடத்திலேயே உயிரிழந்துள்ளார். மேலும் அங்கிருந்த நான்கு பேர் காயமடைந்தனர்.

இந்த சம்பவத்தை தொடர்ந்து காவலாளியும் தனது துப்பாக்கியை பயன்படுத்தி பதில் தாக்குதல் நடத்தியுள்ளார். இதில் டெவிட் காயமடைந்துள்ளதாக கூறப்படுகிறது.

இச்சம்பவத்தை அடுத்து அப்பகுதிக்கு விரைந்து வந்த பொலிசார் டெவிட்டை மருத்துவமனையில் அனுமதித்தனர்.
அவர் மீது பல்வேறு பிரிவுகளில் வழக்குப்பதிவு செய்துள்ளனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.

இந்தாண்டு தொடக்கத்திலிருந்து இதுவரை அமெரிக்காவில் நடைபெற்றுள்ள 307 துப்பாக்கிச்சூடு சம்பவங்களில் 530 அப்பாவி பொதுமக்கள் உயிரிழந்துள்ளனர் என்பது குறிப்பிடத்தக்கது.