சிலாபத்தில் கடத்தப்பட்டதாக கூறப்பட்ட சிறுவனை சலவை இயந்திரத்திற்குள் ஒளிந்திருந்த நிலையில் பொலிஸார் மீட்டுள்ளனர்.

சிலாபம், முகுனுவட்டன புளியன்கடவர வெல்பொத்துவெவ பிரதேசத்தில் இந்த சம்பவம் நேற்று இடம்பெற்றுள்ளது.

ஐந்து வயது சிறுவன் ஒருவன் கடத்திச் செல்லப்பட்டதாக பொலிஸ் அவசர அழைப்பு இலக்கத்திற்கு அழைப்பு ஏற்படுத்தி முறைப்பாடு செய்யப்பட்டுள்ளது.

அந்த முறைபாட்டில் பாலர் பாடசாலைக்கு செல்ல ஆயத்தமாகியிருந்த சிறுவனை யாரோ வாகனமொன்றில் கடத்திச் சென்றதாக கூறப்பட்டுள்ளது.

இந்த முறைப்பாடு கிடைக்கப்பெற்ற உடனேயே பொலிஸார் சிறுவனின் வீட்டுக்குச் சென்றுள்ளனர். தமது மகன் பாலர் பாடசாலைக்குச் செல்ல ஆயத்தமாகியிருந்த போது வீட்டிற்கு எதிரில் நிறுத்தப்பட்டிருந்த பட்டா வாகனம் மிக வேகமாக புறப்பட்டுச் சென்றதாகவும், இதனை அடுத்து மகனை காணவில்லை எனவும் பெற்றோர் இதன்போது பொலிஸாரிடம் தெரிவித்துள்ளனர்.

பொலிஸார் குறித்த லொறியை பின்தொடர்ந்து செல்ல நடவடிக்கை எடுத்திருந்த நிலையில், பொலிஸார் வீட்டை சோதனையிட்டுள்ளனர். இதன் போது சிறுவன் சலவை இயந்திரத்தில் ஒளிந்திருந்த நிலையில் மீட்கப்பட்டுள்ளான்.

பாலர் பாடசாலைக்குச் செல்ல விருப்பமில்லாத காரணத்தினால் தான் சலவை இயந்திரத்தில் ஒளிந்து கொண்டதாக சிறுவன் கூறியுள்ளான்.

 
இலங்கையின் கடற்பரப்பில் விலை மதிக்க முடியாத பொருள் ஒன்று சிக்கியுள்ளதாக தகவல் வெளியாகி உள்ளது.

கற்பிட்டி மீனவர்கள் சிலருக்கு எதிர்பாராத விதமாக கடலில் இருந்து அதிஷ்டம் ஒன்று கிடைத்துள்ளாதாக தெரிவிக்கப்படுகின்றது.

கடலுக்கு சென்ற மீனவர்களுக்கு ஒழுங்கான முறையில் மீன் கிடைக்காமையினால் வருத்தத்துடன் கரைக்கு திரும்பியுள்ளனர். அவ்வாறு கரைக்கு திரும்பும் போது கடுமையான துர்நாற்றத்துடன் கடலில் மிதந்து வந்த பொருள் ஒன்றை இந்த மீனவர்கள் அவதானித்துள்ளனர்.

அதற்கு அருகில் சென்று பார்க்கும் போது அது “அம்பர்” (Amber) எனப்படும் திமிங்கலத்தின் வாந்தியாகும். அது பல கோடி பெறுமதியானது என தெரிவிக்கப்படுகின்றது. அம்பர் ஒரு கிலோகிராம் ஒரு கோடி ரூபாவுக்கும் அதிக பெறுமதியானதென குறிப்பிடப்படுகின்றது.

இந்த திமிங்கிலத்தின் வாந்தியை வாசனை திரவியங்கள் தயாரிப்பதற்கு உட்பட பயன்படுத்துவதாக குறிப்பிடப்படுகின்றது.

விலை மதிப்பில்லாத பொக்கிஷம் கிடைத்தமையால் அந்தப் பகுதி மக்கள் மகிழ்ச்சியில் உள்ளதாக தெரிவிக்கப்படுகிறது.

இவ் எம்பர் பேச்சு வழக்கில் ஆம்பல் என எலோராலும் சொல்லப்படும் ஒரு விலைமதிக்க முடியாத மிக துர்நாற்றம் கொண்ட ஒரு பொருளாகும்.

இவ்வாறு கடலில் கிடைக்கும் எம்பர் அரசு சொத்தாக கருதி அரசாங்கம் அதை அரசு சொத்தாக்கிவிடும் என்பதும் குறிப்பிடத்தக்கது.

 
தாயின் வயிற்றை தடவி விளையாட தங்கச்சி வேண்டுமென்று கூறிய நான்கு வயது சிறுமியின் மரணம் திருகோணமலை மாவட்டத்தையே சோகத்தில் ஆழ்த்தியுள்ளது.

மூதூர் பிரதேச செயலாளர் பிரிவிற்குட்டபட்ட கட்டைப்பறிச்சான் கிராமத்தில் சிவகாந்தனுக்கு தலைப்பிள்ளையாக பிறந்த நான்கு வயதுடைய பிறெஸ்மி தடிமல் காரணமாக பெற்றதாயிடம் தமது நோயை போக்க பிரிடன் எனும் மருந்தை குடித்தார். அந்த நான்கு வயது சிறுமியின் விதியை மாற்றியது பிரிடன் பாணி.

தாய்ப் பாசத்திற்காக தனது பிள்ளைகளின் நலன் கருதி களஞ்சியப்படுத்தி வைத்த அந்த பிரிடன் பாணி சிறுமியின் தலைவிதியை மாற்றி நோவுக்கு பூசும் எண்ணையாக மாறியது.

அம்மா வழங்கிய பிரிடன் பாணி நான்கு வயது சிறுமியின் வயிற்றை கிள்ளி கிளைத்தது. அம்மா பாசத்திற்காக வழங்கிய மருந்து சிறுமிக்கு மாற்றத்தை ஏற்படுத்திய வேளை பாசம் மிக்க சிறுமிக்கு தாயாரான கிருஸ்ண வேனி வழங்கிய அம்மருந்தை தந்தை சிவகாந்தனும் குடித்துப்பார்த்தார்.

அப்போது தந்தைக்கு மாற்றம் தென்பட்ட போது உடனடியாக மூதூர் தள வைத்தியசாலைக்கு வேகமாக கொண்டு சென்றார்கள்.

இதேநேரம் சிறுமியும் மயங்கி விட்டது -தந்தைக்கும் மயக்க நிலை வருவதை அவதானித்த வைத்தியர் உடனடியாக மேலதிக சிகிச்சைக்காக திருகோணமலை பொது வைத்தியசாலைக்கு அனுப்பி வைத்தனர்.

சிறுமியை காப்பாற்ற வேண்டும் என்ற முனைப்பில் வைத்தியர்கள் இரவோடு இரவாக கண்விழித்து சிகிச்சை வழங்கியும் சிறுமியின் நேரம் மர்ம கனவாக மாறியது.

கிருஷ்ண வேணிக்கு தலைப் பெண்பிள்ளையாக பிறந்த இந்த சிறுமிக்காக வேண்டி தாயார் மீண்டும் பிள்ளையொன்றினை பெற்றெடுக்க ஆரம்பித்தார் .

சிறுமி தன்னுடன் விளையாட தனக்கு அவசரமாக தங்கையையோ அல்லது தம்பியையோ பெற்றுத்தாருங்கள் என நாளுக்கு நாள் சொல்லிச்சொல்லி அம்மாவின் வயிற்றை தடவிய சம்பவத்தை நேரில் காண்பதாகவும் தனக்கு இச்சிறுமியின் மரணத்தை நினைக்கவே முடியாது என கதறியழுததை நினைக்கும் போது இச்சிறுமியின் பாசம் மனதை உருக்கியது.

பிள்ளை பாசத்திற்காக தடிமல் எனக்கூறிய தன் பிள்ளைக்கு தாயாரான கிருஸ்ண வேணி பிரிடன் பாணி கொடுத்தது பிள்ளையை சாவடிப்பதற்காகயா? இல்லையே இல்லை!

ஆனாலும் பிள்ளைகளை பெற்றெடுத்த அனைத்து பெற்றோர்களுக்கும் இச்சிறுமி ஒரு படிப்பினையாக இருக்க வேண்டும்.

வீடுகளில் மருந்துகளை வைக்கும் போது நஞ்சு என தெரிந்த மருந்துகளை வைக்காமல் இருப்பது இச்சிறுமியின் மரணத்தின் மூலம் விளங்கப்டுத்துகின்றது.

கால் கடுப்புக்காகவும்- நோவுக்காகவும் வழங்கப்பட்ட இந்த மருந்தினை தாய் பிரிடன் போத்தலில் பக்குவப்படுத்தி வைத்திருந்த நேரம் தடிமலுக்காக வழங்கப்பட்ட பிரிடன் பாணியின் போத்தலும் அதே நிறமாக தென்பட்டுள்ளது.

எனவே இனிவரும் காலங்களில் ஒவ்வொரு பெற்றோர்களும் வீடுகளில் களஞ்சியப்படுத்தி வைக்கும் மருந்துகளை வழங்குவதை நிறுத்துமாறும் வேண்டுகோள் விடுத்துள்ளார்.

ஹம்பாந்தோட்டை – திமுத்துகல பிரதேசத்தில் கூரிய ஆயுதம் ஒன்றால் தாக்கி பெண்ணொருவர் கொலை செய்யப்பட்டுள்ளார்.

வீட்டில் ஏற்பட்ட தகராறு முற்றியத்தில் கணவன், தனது மனைவியை கூரிய ஆயுதம் ஒன்றால் தாக்கியுள்ளதாக பொலிஸார் தெரிவித்துள்ளனர்.

தாக்குதலில் படுகாயமடைந்த பெண் ஹம்பாந்தோட்டை வைத்தியசாலையில் அனுமதிக்கப்பட்ட பின்னர் உயிரிழந்துள்ளார்.

சம்பவத்துடன் தொடர்புடைய பெண்ணின் கணவன் பிரதேசத்தில் இருந்து தப்பிச் சென்றுள்ளார். 27 வயதான பெண்ணே சம்பவத்தில் உயிரிழந்துள்ளார் என தெரியவந்துள்ளது.

மேலும் கொலையை செய்த சந்தேகநபரை கைதுசெய்ய ஹம்பாந்தோட்டை பொலிஸார் மேலதிக விசாரணைகளை மேற்கொண்டு வருகின்றனர்.