வட மாகாண போக்குவரத்து அமைச்சிற்கு புதிய உறுப்பினரொருவரை நியமிப்பது மற்றும் தற்போதைய அரசியல் நிலை தொடர்பான டெலோவின் தலைமைக்குழு கூட்டமொன்று வவுனியாவில் நடைபெற்று வருகிறது.

குறித்த கூட்டம் வவுனியாவிலுள்ள டெலோ அலுவலகத்தில், டெலோவின் தற்போதைய தலைவர் செல்வம் அடைக்கலநாதன் தலைமையில் நடைபெற்று வருகிறது.

இந்த நிலையில், டெலோவின் தலைமைக்குழு கூட்டத்தை நீண்ட காலமாக புறக்கணித்து வந்த வட மாகாண போக்குவரத்து அமைச்சர் பா.டெனீஸ்வரன் இன்று நடைபெற்று வருகின்ற கூட்டத்திற்கு வருகை தந்துள்ளார்.

இது தொடர்பில் வட மாகாண சபை உறுப்பினர் சிவாஜிலிங்கம் கருத்து தெரிவிக்கையில், இந்த அமைச்சு பதவியை மன்னார் அல்லது முல்லைத்தீவு மாவட்டத்திற்கு வழங்க வேண்டுமென வலியுறுத்தியிருந்தேன்.

இதை விட சிரேஸ்ட உறுப்பினர்கள் இந்த அமைச்சு பதவியை ஏற்க வேண்டுமென 3 தினங்களுக்கு முன்பு வட மாகாண முதலமைச்சர் தெரிவித்திருந்ததாகவும் கூறியிருந்தார்.

இந்த கூட்டத்தில் டெலோவின் தலைமைக்குழு உறுப்பினர்கள் உட்பட பலரும் கலந்து கொண்டுள்ளமை குறிப்பிடத்தக்கது.

வவுனியா தேக்கவத்தை பகுதியில் வாளுடன் நின்ற ஒருவர் வவுனியா பொலிசாரால் கைது செய்யப்பட்டுள்ளார். குறித்த நபர் யாழ்ப்பாணத்தில் இயங்கி வரும் ஆவா குழுவுடன் தொடர்பா என்ற அடிப்படையில் பொலிசார் தீவிர விசாரணைகளை முன்னெடுத்துள்ளனர்.

இன்று மாலை இடம்பெற்ற குறித்த சம்பவம் தொடர்பில் மேலும் தெரியவருவதாவது, வவுனியா பிரதேசத்தைச் சேர்ந்த 25 வயது குடும்பஸ்தரே இவ்வாறு சந்தேகத்தில் கைது செய்யப்பட்டுள்ளார்.

இவரது வீட்டில் இருந்து வில்லுத்தகடுகள் மீட்கப்பட்டுள்ளதுடன் 21.5 அங்குளமுடைய வாளொன்றும் மீட்கப்பட்டுள்ளது. இவர் யாழ்ப்பாணத்தில் இருந்து வவுனியாவிற்கு வந்து தொழில் புரிந்து வந்த நிலையில் ஆவா குழுவுடன் தொடர்பா என்ற சந்தேகத்தின் பேரில் கைது செய்யப்பட்டுள்ளார்.

இந்நிலையில் நேற்று வவுனியா வைரவபுளியங்குளம் பகுதியில் மாணவ குழுக்களுக்கிடையில் மோதல் சம்பவமொன்று இடம்பெற்ற நிலையில் ஒரு மாணவனுக்கு சிறிய ரக கத்தியால் மற்றைய மாணவன் வெட்டியதில் காயமடைந்த மாணவன் ஒருவன் வவுனியா பொது வைத்தியசாலையில் அனுமதிக்கப்பட்டுள்ளார்.

 
வவுனியாவில் கடந்த 04.05.2017ம் திகதி வவுனியா சுகாதார வைத்திய அதிகாரி அலுவலகத்திற்கு முன்பாக ஆரம்பித்த சுகாதார தொண்டர்களின் போராட்டம் இன்றுடன் (11.08.2017) நூறாவது நாளை எட்டியுள்ளது. அதனை முன்னிட்டு அடையாள உண்ணாவிரத போராட்டத்தில் ஈடுபட்டுள்ளதுடன் கவனயீர்ப்பு போராட்டத்திலும் ஈடுபட்டனர்.

வவுனியா சுகாதார வைத்திய அதிகாரி அலுவலகத்திற்கு முன்பாக ஆரம்பித்த கவனயீர்ப்பு போராட்டம் ஏ9 வீதியுடாக வவுனியா மாவட்ட செயலகத்தை சென்றடைந்ததுடன் சுகாதாரத் தொண்டர்கள் தமது நிரந்தர நியமனம் தொடர்பான கோரிக்கை மகஜரினை (வவுனியா மாவட்ட செயலாளரின் மகஜரை ) பிரதம கணக்காளர் அ.பாலகுமார் பெற்றுக்கொண்டார்.

அங்கிருந்து ஆரம்பித்த சுகாதார தொண்டர்களின் போராட்டம் மன்னார் வீதியூடாக பிராந்திய சுகாதார சேவைகள் பணிப்பாளர் பணிமனையை சென்றடைந்து பணிப்பாளரின் மகஜரை பிரதிப்பணிப்பாளர் மகேந்திரன் பெற்றுக்கொண்டார்.

அதன் பின்னர் அங்கிருந்து போராட்ட இடத்திற்கு சென்று அடையாள உணவு தவிர்ப்பு போராட்டத்தில் ஈடுபட்டுவருகின்றனர்.

போராட்ட இடத்தில் கறுப்புக்கொடியினை கட்டி இன்று தூக்க தினமாக அனுஸ்டித்து வருகின்றனர். வவுனியாவில் 101 சுகாதார தொண்டர்கள் நிரந்தர நியமனமற்று இருக்கின்றமை குறிப்பிடத்தக்கது.

 
கடந்த மாதம் 31ஆம் திகதி சாந்தசோலைப்பகுதி மக்கள் வவுனியா மாவட்ட செயகத்திற்கு சென்று தமது கிராமத்திலுள்ள அடிப்படைத் தேவைகள், குறிப்பாக வீட்டுத்திட்டம், வீதி, மின்சாரம் போன்ற தேவைகளை நிறைவேற்றித்தருமாறு கோரியிருந்தனர்.

இதையடுத்து அவர்களுக்கு 11ஆம் திகதி சாந்தசோலை கிராமத்திற்கு விஜயம் மேற்கொண்டு தேவைகளைப்பார்வையிடுவதாக அவர்களிடம் தெரிவித்திருந்தார்.

இதையடுத்து இன்று (11.08) மதியம் சாந்தசோலை பொதுநோக்கு மண்டபத்தில் அப்பகுதி மக்களைச் சந்தித்து கலந்துரையாடிய அரசாங்க அதிபர் தலைமையில் சென்ற குழுவில் வவுனியா பிரதேச செயலாளர் கா.உதயராசா, நொச்சிமோட்டை கிராமசேவையாளர், அபிவிருத்தி உத்தியோகத்தர், சமுர்த்தி அபிவிருத்தி திணைக்கள உத்தியோகத்தர் ஆகியோர் சென்று அப்பகு மக்களின் தேவைகளைக் கேட்டறிந்ததுடன், சாந்தசோலையில் 40 குடும்பங்களுக்கு வீடு பெற்றுத்தருமாறு பிரதேச செயலாளர் கா.உதயராசாவிடம் அப்பகுதி மக்கள் கோரியிருந்தனர்.

இதயைடுத்து தொலைபேசியில் தொடர்பு கொண்ட பிரதேச செயலாளர் உடனடியாக அப்பகுதி மக்களிடம் 40 குடும்பங்களுக்கும் பொருத்து வீடு பெற்றுக்கொடுப்பதற்கு சிபாரிசினை மேற்கொள்வதாகத் தெரிவித்துள்ளார்.

வீதி, மின்விளக்கு, வாழ்வாதாரம், பெண் தலைமைக் குடும்பங்கள், முன்ளாள் போராளிகள், போன்றவற்றின் விபரங்களையும் கேட்டறிந்த அரசாங்க அதிபர் தேவையான உதவிகளை அரசாங்கத்திடமிருந்து பெற்றுத்தருவதாகவும் அதைக்கட்டம் கட்டமாகவே வழங்க முடியும் என்றும் தெரிவித்துள்ளார்.

 
வவுனியா கந்தசுவாமி ஆலய வீதியில் இன்று (11.08.2017) மதியம் இடம்பெற்ற மோட்டார் சைக்கில் விபத்தில் ஒருவர் படுகாயமடைந்துள்ளார்.

கந்தசுவாமி ஆலயத்திற்கு முன்பாகயிருந்து வீதியின் மறுபக்கம் மாற முற்பட்ட துவிச்சக்கரவண்டி மீது வவுனியா மணிக்கூட்டு சந்தியிலிருந்து கந்தசுவாமி ஆலய வீதி நோக்கி பயணித்த மோட்டார் சைக்கில் மோதி விபத்துக்குள்ளானது. இவ் விபத்தில் துவிச்சக்கரவண்டியில் பயணித்த நபர் காயமடைந்துள்ளார்.

இச் சம்பவம் தொடர்பான மேலதிக விசாரணைகளை வவுனியா போக்குவரத்து பொலிஸார் மேற்கொண்டுவருகின்றனர்.

 
வவுனியாவில் இன்று (11.08.2017) பிற்பகல் 3 மணியளவில் குருமன்காட்டு சந்தியில் நிறுத்தி வைக்கப்பட்ட பொலிசாரின் மோட்டார் சைக்கிலை இனந்தெரியாத நபர் திருடி சென்ற சம்பவம் ஒன்று இடம்பெற்றுள்ளது.

வவுனியா குருமன்காட்டு சந்தியில் அமைந்துள்ள வர்த்தக நிலையத்திற்கு சிவில் உடையில் வந்த பொலிஸார் மோட்டார் சைக்கிலை வர்த்தக நிலையத்திற்கு முன்பாக மோட்டார் சைக்கிலை நிறுத்தி விட்டு வர்த்தக நிலையத்திற்கு சென்று மீண்டும் திரும்பிய சமயத்தில் மோட்டார் சைக்கில் களவாடப்பட்டுள்ளது.

குறித்த வர்த்தக நிலையத்திற்கு முன்பாக போக்குவரத்து பொலிஸார் கடமையில் இருந்த போழுதும் இவ்வாறு மோட்டார் சைக்கில் களவாடப்பட்டுள்ளது.

சம்பவ இடத்திற்கு விரைந்த வவுனியா பொலிஸ் நிலைய குற்றத்தடுப்பு பிரிவின் உதவி பொலிஸ் பரிசோதகர் சம்பவம் தொடர்பான விசாரணைகளை மேற்கொண்டு வருகின்றார்.

இச் சம்பவம் தொடர்பில் வர்த்தக நிலையத்திற்கு அருகேயிருந்த நபரிடம் விசாரித்த சமயத்தில் மோட்டார் சைக்கிலை திருடிச் சென்ற நபர் தலைக்கவசம் அணியாது சென்றதாகவும் இவ்விடயம் தொடர்பில் அருகே கடமையிலிருந்து போக்குவரத்து பொலிஸாருக்கு தெரிவித்ததாகவும் தெரிவித்தார்.

 
​வவுனியா தேக்கவத்தை பகுதியில் இன்று (11.08.2017) மதியம் 12 மணியளவில் வீட்டிலிருந்து சடலமொன்று பொலிஸாரினால் மீட்கப்பட்டுள்ளது.

வவுனியா தேக்கவத்தை பகுதியில் வீட்டில் இறந்த நிலையில் சடலத்தினை அவதானித்த பொதுமக்கள் உடனே வவுனியா பொலிஸாருக்கு தகவல் வழங்கியுள்ளனர்.

சம்பவ இடத்திற்கு விரைந்த வவுனியா பொலிஸ் நிலைய பொறுப்பதிகாரி சம்பவம் தொடர்பான விசாரணைகளை மேற்கொண்டு வருகின்றனர்.இச் சம்பவம் தொடர்பாக அவரின் நண்பரிடம் வினவியது போது,

நேற்று காலை அவரை நான் சந்தித்தேன் அப்போது அவர் என்னிடம் நன்றாக கதைத்தார். அவருக்கு வருத்தங்கள் இருக்கின்றன. வருத்தத்தின் காரணமாக தான் இறந்தாரா எனத் தெரியவில்லை. இவரின் மனைவி மகளுடன் யாழ்ப்பாணத்தில் வசித்து வருவதாகவும்  தெரிவித்தார்.

எஸ்.கணேசலிங்கம் (வயது 70) என்பவரே இவ்வாறு சடலமாக மீட்கப்பட்டவராவார்.​