மொரட்டுவை பல்கலைக்கழக வளாகத்துக்குள், 23 தெரு நாய்களுக்கு நஞ்சு கொடுத்து கொன்றமை தொடர்பான காணொளி வெளியாகியுள்ள நிலையில், விலங்கு ஆர்வல்கள் இது குறித்துக் கண்டனம் வெளியிட்டுள்ளனர்.

மொரட்டுவை பல்கலைக்கழக மாணவர்களே சனிக்கிழமை (15.07) இந்தக் காணொளியை வெளியிட்டுள்ளதோடு, இதற்குக் கண்டனம் தெரிவித்து, ஆர்ப்பாட்டமொன்றை நடத்தவுள்ளதாகவும் கூறியுள்ளனர்.

மொரட்டுவை பல்கலைக்கழக அதிகாரிகளும் வேறு சிலரும் சேர்ந்து, நாய்களுக்கு அதிக போதை அடங்கிய மருந்துகளைக் கொடுத்து, சித்திரவதை செய்து​ கொல்லுவதாக அமைந்துள்ள அந்தக் காணொளி, வெளியிடப்பட்ட பின்னர், அதை அகற்றுமாறு அழுத்தங்கள் ஏற்பட்டதாகவும் மாணவர்கள் தெரிவித்துள்ளனர்.

இது தொடர்பாக, மொரட்டுவை மாநகர சபை மருத்துவ அதிகாரி ஜயவர்தன மற்றும் மொரட்டுவை பல்கலைக்கழக அதிகாரிகளைத் தொடர்புகொள்ள முயற்சித்த போதும், அது பயனளிக்கவில்லை.

எனினும், இது தொடர்பாக கருத்துத் தெரிவித்துள்ள விலங்கு ஆர்வலர் ​ஒட்டாரா குணவர்த்தன, விலங்குகளைப் பிடிப்பதற்காக பயன்படுத்தப்படும் முறை ஏற்றுக்கொள்ள முடியாதது என்று கூறினார்.

“அனைத்து நாய்களுக்கும், இருப்பதற்கும் உறங்குவதற்கும், உண்ணுவதற்கும், அன்பு காண்பிப்பதற்கும் என்று தேவை உண்டு. விலங்குகளை ஆதரிக்காத பலர் இருக்கும்போது, விலங்குகளை ஆதரிக்கும் ஆயிரக்கணக்கானோர் உள்ளனர்.

ஆனால், அனைவருக்கும் வாழும் சுதந்திரமும் சுதந்திரமாக இருக்கும் சுதந்திரமும் வழங்கப்பட்டுள்ள நிலையில், இந்தக் கொடூரமான சம்பவங்களை அரங்கேற்றவேண்டிய கட்டாயம் என்ன?” என்று அவர் கேள்வியெழுப்பினார்.

மேலும், இது தொடர்பாக கருத்துத் தெரிவித்த விலங்கு ஆர்வலர், சட்டதரணி லலனி பெரேரா, “தெரு நாய்களைக் கொல்லும் கொள்கை இனி இல்லை என்று, கடந்த 2006ஆம் ஆண்டு, முன்னாள் ஜனாதிபதி ​மஹிந்த ராஜபக்ஷ கூறியிருந்தார்.

அப்படியிருக்கையில், நாய்களைக் கொன்ற சம்பவத்துக்கு நாம் கண்டனம் தெரிவிக்கின்றோம். இதற்கு, சட்டபூர்வமான நடவடிக்கை எடுக்கப்பட வேண்டும் என்பதையே நாம் எதிர்பார்க்கின்றோம். முன்னாள் ஜனாதிபதியிடமிருந்த கொள்கையை தற்போதும் நடைமுறைப்படுத்துமாறே நாம் கோருகின்றோம்” என்று அவர் தெரிவித்தார்.

இந்தச் சம்பவத்துக்கு, பல விலங்கு ஆர்வலர்கள் குழு, சமூக ஆர்வலர்கள், மொரட்டுவை பல்கலைக்கழக மாணவர்கள் உள்ளிட்ட பலர் கண்டனம் தெரிவித்துள்ளமை குறிப்பிடத்தக்கது.

இறக்குமதி செய்யப்படும் வாகனங்களின் எண்ணிக்கையானது கடந்த ஜூன் மாதத்தில் பாரியளவில் வீழ்ச்சியடைந்துள்ளதாக வாகன இறக்குமதியாளர்கள் சங்கம் அறிவித்துள்ளது.

அண்மைக் காலமாக நாட்டின் பொருளாதாரத்தில் ஏற்பட்ட பாரிய பின்னடைவு இந்த இறக்குமதி வீழ்ச்சிக்கும் ஒரு காரணம் எனக் குறிப்பிடப்படுகிறது.

முச்சக்கரவண்டி மற்றும் மோட்டார் சைக்கிள் தவிர வேறு வாகன வகைகள் 39 ஆயிரத்துக்கும் 40 ஆயிரத்துக்கும் இடைப்பட்ட அளவில் இறக்குமதி செய்யப்பட்டு வந்ததாகவும் இது கடந்த மாதத்தில் 13 ஆயிரமாக குறைந்துள்ளதாகவும் அச்சங்கம் தெரிவித்துள்ளது.

இதேவேளை, அண்மைக் காலமாக நாட்டின் பொருளாதாரத்தில் ஏற்பட்ட பாரிய பின்னடைவுகள் இதன் பிரதானமான காரணமாக இருப்பதுடன், வாகனங்களுக்கு விதிக்கப்பட்டுள்ள அதிகூடிய இறக்குமதி வரி மற்றும் ரூபாயின் பெறுமதி குறைந்துள்ளமை போன்ற காரணங்களினாலும் வாகன இறக்குமதியில் வீழ்ச்சி ஏற்பட்டுள்ளதாகவும் அவர்கள் குறிப்பிட்டுள்ளனர்.

ஜனாதிபதி மைத்திரிபால சிறிசேனவின் தலைமையில் கண்டி ஜனாதிபதி மாளிகையில் நிகழ்வு ஒன்று இடம்பெற்றுள்ளது.

ஜனாதிபதி அந்த நிகழ்விற்கு நேற்று சென்று கொண்டிருக்கும் போது நெகிழ்ச்சியான சம்பவம் ஒன்று பதிவாகியுள்ளது.

அஸ்கிரிய மைதானத்தில் இருந்து ஜனாதிபதி மாளிகைக்கு செல்லும் வீதியில் அமைந்துள்ள வீடொன்றில் வசிக்கும் சிறுமி ஒருவர் வீதி அருகே வந்து ஜனாதிபதி செல்லும் வாகனங்களை நோக்கி பார்வையிட்டுள்ளார்.

ஜனாதிபதி தனது நிகழ்வுகளை நிறைவு செய்து விட்டு திரும்பி செல்லும் போதே அந்த சிறுமி வீதிக்கு அருகில் வந்து ஜனாதிபதியின் வாகனத்தை பார்வையிட்டுள்ளார்.

இதனை அவதானித்த ஜனாதிபதி உடனடியாக வாகனத்தை நிறுத்துமாறு பாதுகாப்பு பிரிவிற்கு அறிவித்துள்ளார். பின்னர் வாகனத்தில் இருந்து இறங்கி அந்த சிறுமிக்கு அருகில் சென்ற ஜனாதிபதி அவரது நலன் விசாரித்துள்ளார்.

அவ்விடத்திற்கு சென்ற அந்த சிறுமியின் பெற்றோருக்கு இந்த சம்பவம் நம்ப முடியாத விடயமாக உள்ளதென தெரிவித்துள்ளனர்.

கனடாவில் கொலை குற்றம் சாட்டப்பட்ட இலங்கையரது வழக்கு விசாரணைகள் வேண்டுமென்றே தாமதப்படுத்தப்பட்டதாக குற்றம் சாட்டப்பட்டுள்ளதாக அந்நாட்டு ஊடகங்கள் தகவல் வெளியிட்டுள்ளன.

கனடாவில் குடியுரிமை பெற்ற இலங்கையரான தனபாலசிங்கம் சிவலோகநாதன் என்பவரின் வழக்கு விசாரணையே இவ்வாறு தாமதப்படுத்தப்பட்டுள்ளது.

கொலை குற்றச்சாட்டுக்கு முகங்கொடுத்த இலங்கையர் தொடர்பான வழக்குகளில், பாதுகாப்புக் குழு தனது குற்றச்சாட்டுகளை தாமதப்படுத்துவதில் முக்கிய பங்கை வகித்ததாக கியூபெக்கின் குற்றவியல் மற்றும் குற்றவியல் வழக்குகளின் இயக்குனர் குற்றம் சுமத்தியுள்ளார்.

சமீபத்தில் நாடு கடத்தப்பட்ட சிவோலோகநாதன் தனபாலசிங்கத்தின் மீது கொலைக் குற்றச்சாட்டுக்களை தக்க வைத்துக் கொள்ளுவதற்கான முடிவை எடுக்கும் வகையில் Crown நீதிமன்றத்தின் வாதங்கள் காணப்பட்டதாக கனடா வானொலி ஒன்று சுட்டிக்காட்டியுள்ளது.

தனபலிசிங்கம் மற்றும் அவரது சட்ட குழுவினரால் ஏற்பட்டுள்ள தாமதங்களை உச்சநீதிமன்ற நீதிபதி Justice Alexandre Boucher கருத்திற்கொள்ளாமல் தவறிழைத்துள்ளார். அதேபோல் வழக்கு தொடர்பான சிக்கல் ஆகியவற்றைக் கருத்தில் கொள்ளவில்லை எனவும் வழக்கின் சுருக்கம் கூறுகின்றது.

தனபாலசிங்கம் 2012 ஆம் ஆண்டு அவரது மனைவி அனஜா பாஸ்கரனை கொலை செய்ததாக குற்றம் சுமத்தப்பட்டார். எனினும் இந்த வழக்கினை விசாரிப்பதற்கு நீதிபதி Boucher 55 மாதங்களை எடுத்து கொண்டார்.

கொலை குற்றம் சுத்தப்பட்டவர் ஒருவரின் வழக்கு கனடா உச்ச நீதிமன்றத்தில் இந்த அளவு தாமத்தை ஏற்படுத்துவது நியாயமற்ற ஒரு விடயமாகும்.

குறைந்த அளவிலான கடுமையான குற்றம் சுமத்தப்பட்ட வழக்கு விசாரணைகள் 18 மாதங்களுக்குள் நிறைவு செய்திருக்க வேண்டும். மேலும் கொலை உட்பட, பாரதூரமான குற்றச்சாட்டுக்கள் சம்பந்தப்பட்டவை, 30 மாத காலப்பகுதிக்குள் நிறைவு செய்திருக்க வேண்டும்.

2018ஆம் ஆண்டு முதல் தனபாலசிங்கத்தின் விசாரணை ஆரம்பிக்கப்படவுள்ளதாக Crown நீதிமன்ற ஆவணத்தில் குறிப்பிடப்பட்டிருந்தது. எனினும் இன்னும் ஒரு நீதிபதி 2016ஆம் ஆண்டு ஏப்ரல் மாதம் மற்றும் 2017ஆம் ஆண்டு மார்ச் மாதம் இந்த வழக்கிற்கான திகதிகளை முன்வைத்தார்.

இந்த நிலையில் தணபாலசிங்கம் தானாகவே நாடு கடத்தலை விரும்பி ஏற்று கொண்டதற்கமைய அவர் அண்மையில் கனடாவில் இருந்து இலங்கைக்கு நாடு கடத்தப்பட்டார்.

-தமிழ்வின்-

 
திருமண பந்தத்தில் இணைந்து இரு மாதங்களில் டெங்கு நோய் தாக்கம் காரணமாக இளைஞர் ஒருவர் உயிரிழந்துள்ளார். 27 வயதான ரங்க என்ற இளைஞரே இவ்வாறு உயிரிழந்துள்ளார்.

பெற்றோரின் ஆசிர்வாதத்துடன் கடந்த மே மாதம் 18ம் திகதி திருமண பந்தத்தில் ரங்க மற்றும் மஹேஷா என்ற தம்பதியினர் இணைந்தனர்.

மகிழ்ச்சியுடன் திருமண வாழ்க்கைகயை ஆரம்பித்த ரங்க மற்றும் மஹேஷாவின் திருமண வாழ்க்கை ஒன்றரை மாதமே நீடித்துள்ளது.

டெங்கு நோயினால் பீடிக்கப்பட்டிருந்த ரங்க சிகிச்சை பலனின்றி உயிரிழந்துள்ளார்.

மாவனல்ல, உடுமஹனே பிரதேசத்தை சேர்ந்த ரங்க மோட்டார் வாகன மேலதிக பகுதி விற்பனை செய்யும் நிறுவனத்தில் பணியாற்றுகிறார்.

தனது தாய், தங்கை மற்றும் மனைவியுடன் ஒரே வீட்டில் வாழ்ந்து வந்த ரங்க தினமும் வீட்டில் இருந்து தொழிலுக்கு செல்வதனை வழக்கமாக கொண்டிருந்தார்.

இந்த நிலையில் திடீரென ரங்க டெங்கு நோயினால் பாதிக்கப்பட்டுள்ளார். அதனை பெரிதாக கண்டுக்கொள்ளாத ரங்க தனியார் வைத்தியசாலை ஒன்றில் சிகிச்சை பெற்றுக் கொண்டு மீண்டும் வழமை போன்று தொழிலுக்கு செல்ல ஆரம்பித்துள்ளார்.

எனினும் அவரது டெங்கு நோய் தீவிரமடைந்து மாவனல்ல வைத்தியசாலையில் அனுமதிக்கப்பட்டுள்ளார்.

இரண்டு நாட்கள் சிகிச்சை பெற்ற ரங்க சிகிச்சை பலனின்றி உயிரிழந்துள்ளதாக குறிப்பிடப்படுகின்றது.