பிரித்தானியாவின் தலைநகர் லண்டனில் 27 மாடிகளை கொண்ட Grenfell Tower என்ற அடுக்குமாடி கட்டிடம் உள்ளூர் நேரப்படி நேற்று நள்ளிரவு 1.15 மணி அளவில் திடீரென தீப்பிடித்து எரிந்தது.

இதைத் தொடர்ந்து கட்டிடம் தொடர்ந்து தீப்பிடித்து எரிந்து வருகிறது. தீயை முழுவதுமாக அணைக்க 200 தீயணைப்பு வீரர்கள் போராடி வருகிறார்கள், கட்டிடம் பலத்த சேதமடைந்துள்ளதால் கட்டிடம் இடிந்து விழும் அபாய நிலை உருவாகியுள்ளது.

இந்த தீ விபத்தில் தற்போது வரை 12 பேர் பலியாகியிருப்பதாகவும். 70க்கும் மேற்பட்டோர் காயங்களுடன் மருத்துவமனையில் அனுமதிக்கப்பட்டிருப்பதாகவும் பொலிசார் தெரிவித்துள்ளனர்.

இந்த சம்பவத்தால் அடுக்குமாடி குடியிருப்பில் இருந்த பலர் காணாமல் போயிருப்பதாகவும், அவர்களை தீயணைப்பு படையினர் தேடிவருவதாகவும் தெரிவிக்கப்பட்டுள்ளது.

இந்நிலையில் இந்த விபத்தின் போது உள்ளூர் நேரப்படி சரியாக விடியற் காலை 2.54 மணி அளவில் Rania Ibraham (30), என்பவர் தன்னுடைய தோழியான Yaz-ற்கு ஒரு தகவல் அனுப்பியுள்ளார்.

மன்னித்து விடுங்கள், நான் விடைபெறுகிறேன்(Good Bye) என்று செய்தி அனுப்பியுள்ளார். இதைக் கண்ட அவரது தோழி உணர்ச்சி தாங்கமுடியாமல் கண்ணீர் விட்டு அழுதுள்ளார்.

இது குறித்து அவர் கூறுகையில், Rania Ibraham-க்கு 5வயதில் பையன் மற்றும் 3வயதில் மகள் என இரண்டு குழந்தைகள் உள்ளனர். அவள் அங்குள்ள கட்டிடத்தின் 23வதும் மாடியில் வசித்து வருகிறார்.

இந்த தீ விபத்து சம்பவத்தால், அவள் தனக்கு ஒரு செய்தி அனுப்பினாள் அதைக் கண்டதும், தன்னால் அழாமல் இருக்க முடியவில்லை.

அதில் மன்னித்து விடுங்கள், நான் விடைபெறுகிறேன் என்று அனுப்பினால். அதன் பின் அவளைத் தொடர்பு கொண்ட போது நெட்வேர்க் பிரச்சனை காரணமாக அவளைத் தொடர்பு கொள்ள முடியவில்லை.

தன்னுடைய உயிர் நண்பன் அவள், அவளுக்காக பிரார்த்தனை செய்து கொள்கிறேன். அவளுக்கு எதுவும் ஆகக் கூடாது என்று கண்ணீர் மல்க கூறினார். ஆனல் தற்போது வரை Rania Ibraham பற்றி எந்த ஒரு தகவலும் தெரிவிக்கப்படவில்லை.

அமெரிக்காவின் சான் பிரான்சிஸ்கோ மாகாணத்தில் மர்ம நபர்கள் நடத்திய துப்பாக்கி சூட்டில் 4 பேர் பலியாகியுள்ளதாகவும் பலர் காயமடைந்திருப்பதாகவும் தகவல் வெளியாகியுள்ளது.

அமெரிக்காவின் சான் பிரான்சிஸ்கோ மாகாணத்தில் யு.பி.எஸ். கிடங்கு ஒன்றில் மர்ம நபர்கள் நடத்திய துப்பாக்கிச்சூட்டில் 4 பலர் பலியாகியுள்ளதாகவும் பலர் படுகாயமடைந்திருப்பதாக தகவல் வெளியாகியுள்ளது.

சான் பிரான்சிஸ்கோவில் யு.பி.எஸ். கிடங்கு மற்றும் வாடிக்கையாளர் சேவை மையத்தை குறிவைத்து இந்த தாக்குதல் நடத்தபட்டதாக சம்பவ இடத்திற்கு விரைந்த பொலிசார் தெரிவித்துள்ளனர்.

துப்பாக்கி சூட்டினை தொடர்ந்து, அந்த பகுதி முழுவதும் பொலிசார் குவிக்கப்பட்டு தீவிர கண்காணிப்பில் ஈடுபட்டு வருகின்றனர்.

துப்பாக்கிச்சூட்டில் படுகாயமடைந்த மக்கள், அருகாமையிலுள்ள சக்கர்பெர்க் அரசு மருத்துவமனையில் அனுமதிக்கப்பட்டுள்ளனர். குறித்த சம்பவத்தில் எத்தனை பேர் காயமடைந்துள்ளார்கள், மற்ற பாதிப்புகள் குறித்த முதற்கட்ட தகவல்களை போலீசார் வெளியிடவில்லை.

முன்னதாக விர்ஜினியா மாகாணத்தில் நடைபெற்ற துப்பாக்கிச்சூட்டில் டிரம்பின் குடியரசு கட்சி கொறடா ஸ்டீவ் படுகாயமடைந்துள்ளதாக அமெரிக்க ஜனாதிபதி டொனால்டு டிரம்ப் அறிவித்துள்ளார்.

சமீப காலமாகவே அமெரிக்காவில் துப்பாக்கி கலாசாரம் அதிகரித்து வருவது, மக்களிடையே ஒருவித பயத்தை ஏற்படுத்தியுள்ளது.

 
ரொறொன்ரோ உயர்தர பாடசாலை மாணவி ஒருவர் கூகுள் கனடா ரோயல்டி கிரீடத்தை பெற்றுள்ளார்.

ரொறொன்ரோ மடோனா இரண்டாம் நிலை கத்தோலிக்க பாடசாலை மாணவியான ஜனா பனெம் இளம் கலைஞர்களிற்கான் Google Doodle டிசைன் வடிவமைக்கும் போட்டியில் வெற்றி பெற்றுள்ளார்.

ஒரு பிரகாசமான எதிர்காலம் என்ற தலைப்பிலான வடிவமைப்பு புதன்கிழமை முகப்பில் இடம்பெறுகின்றது.

10,000 டொலர்கள் பல்கலைக்கழக நன்கொடை மற்றும் இவரது பாடசாலை மற்றும் மடி கணனிக்காக 10,000 டொலர்கள் மானியமாகவும் வழங்கப்படுகின்றது.

இப்போட்டியில் கலந்துகொண்ட மற்றய மூன்று மாணவர்களும் பரிசில்களை பெற்றுள்ளனர்.

லண்டனில் உள்ள கிரென்ஃபெல் டவரில் ஆக்ரோஷமாக எரிந்த தீயில் இருந்து தன் குழந்தையைக் காப்பாற்ற முயன்ற தாய், அந்தக் குழந்தையை ஜன்னல் வழியாக வெளியே வீசியெறிந்தார்,

யாராவது பிடித்துக் காப்பாற்றி விடுவார்கள் என்ற நம்பிக்கையி்ல். அந்த நம்பிக்கை பொய்த்துப் போகவில்லை.

கட்டடத்திற்குள் இருந்த பெண் ஒருவர், வெளியே கூடியிருந்த கூட்டத்தினரிடையே தான் தனது குழந்தையை கீழே போடப்போவதாக சைகை செய்ததாகவும், அவர் கட்டிடத்தின் 9 அல்லது 10வது மாடியில் இருந்திருக்கிலாம் என்றும் நேரில் கண்ட சமிரா லம்ரானி கூறியுள்ளார்.

கீழே போடப்பட்ட குழந்தையை ஆண் ஒருவர் ஓடிச்சென்று சரியான நேரத்தில் பிடித்துக் கொண்டதாக அவர் தெரிவித்துள்ளார்.

வட கென்சிங்டனில் உள்ள அடுக்குமாடிக் குடியிருப்பில் பற்றிய தீயில் சிக்கி 12 பேர் கொல்லப்பட்டதாக இதுவரை கிடைத்த தகவல்கள் தெரிவிக்கின்றன. பலி எண்ணிக்கை உயரும் என்று போலீஸார் எதிர்பார்க்கின்றனர்.”

கட்டடத்தின் ஜன்னலோரம் வந்து நின்ற குடியிருப்பு வாசிகள் பதற்றத்துடன் கதவுகளை தட்டினார்கள், கூக்குரலிட்டார்கள்” என்று பிரஸ் அசோஷியனிடம் லம்ரானி தெரிவித்துள்ளார்.”

ஜன்னல்கள் சிறிதாக திறந்திருந்த பகுதியில் பெண் ஒருவர் தன்னுடைய குழந்தையை கீழே வீசப்போவதாக சைகை செய்தார்.

மேலும், தனது குழந்தையை யாராவது பிடித்துக் கொள்ள முடியுமா என்றும் கேட்டார். ஒரு நபர் உடனடியாக முன்னே சென்று கீழே வீசப்பட்ட குழந்தையை பிடித்தார்.

குழந்தையை வெளியில் வீசிய அந்தத் தாயின் நிலை பற்றிய தகவல்கள் தெரியவில்லை.

 
அபுதாபியில் 11 வயது சிறுவன் ஒருவன் பாலியல் பலாத்காரம் செய்யப்பட்டு கொலை செய்யப்பட்ட சம்பவத்தில் சந்தேகத்தின் அடிப்படையில் மர்ம நபர் ஒருவரின் சிசிடிவி காட்சிகள் வெளியாகியுள்ளது.

அபுதாபியில் உள்ள மசூதி ஒன்றில் Azan Majid Janjua என்ற 11 வயது சிறுவன் ஒருவன் மதியவேளையில் பிரார்த்தனைக்காக சென்ற போது திடீரென்று மாயமானான். அதன் பின் அவன் கடந்த 31-ஆம் திகதி அரைநிர்வாணத்துடன் பிணமாக கண்டெடுக்கப்பட்டான்.

அப்போது சிறுவன் பாலியல் பலாத்காரம் செய்யப்பட்டு கொலை செய்யப்பட்டிருக்கலாம் என்று கூறப்பட்டு வந்தது.

இந்நிலையில் தற்போது Azan Majid Janjua பற்றிய சிசிடிவி காட்சிகள் வெளியாகியுள்ளன. சிறுவன் மாயமாவதற்கு சில மணி நேரங்களுக்கு முன்னர், கருப்பு நிற புர்கா அணிந்த மர்ம நபர் ஒருவர் Azan Majid Janju-ஐ அங்குள்ள லிப்டின் கீழே அழைத்துச் செல்கிறார். அதன் பின் அச்சிறுவனும் மர்ம நபர் பின்னரே செல்கிறான்.

இதுகுறித்து பொலிசார் கூறுகையில், Azan Majid Janju அழைத்துச் சென்றது நிச்சயமாக பெண்ணாக இருக்க முடியாது, அது கண்டிப்பாக ஒரு ஆண் தான் என்று கூறியுள்ளனர்.

மேலும் சிறுவனின் தந்தை Majid Janjua கூறுகையில், அன்றைய தினம் அவன் வேகமாக மசூதிக்கு பிரார்த்தனைக்கு செல்வதாக கூறிச் சென்றான், அதன் பின் அவன் மாயமானான்.

இதைத் தொடர்ந்து கடந்த 31-ஆம் திகதி தங்களுடைய கட்டிடத்திற்கு ஏசி டெக்னீசியன் ஒருவர் வேலைக்காக வந்திருந்தார்.

அவர் தான் கட்டிடத்தின் மேல் பகுதியில் Azan Majid Janju இருப்பதை கூறினார், நாங்கள் சென்று பார்த்த போது அரைநிர்வாணமாக கிடந்தான் என தெரிவித்தார். இதுதொடர்பாக பொலிசார் ஒருவரை சந்தேகத்தின் அடிப்படையில் கைது செய்துள்ளனர்.

 
லண்டன் தொடர் மாடிக் குடியிருப்பில் ஏற்பட்ட தீ விபத்தில் 12 பேர் உயிரிழந்திருப்பதாக தெரிவிக்கப்படுகின்றது. மேலும், இந்த தீ விபத்தில் பாதிக்கப்பட்ட 65 இற்கும் மேற்பட்டவர்கள் மீட்கப்பட்டு, வைூத்தியசாலையில் சிகிச்சை பெற்று வருகின்றனர்.

சிகிச்சை பெறும் 50 இற்கும் அதிகமானவர்கள் தவிர மீதமுள்ளவர்களில் எத்தனை பேர் தப்பித்தனர், எத்தனைபேர் அங்கு சிக்கியிருக்கலாம் அல்லது பலியாகியிருக்கக்கூடும் என்கிற விபரங்களை அதிகாரிகள் சேகரித்து வருகின்றனர்.

இதுபோன்ற நிலையிலுள்ள ஏனைய தொடர்மாடிக் குடியிருப்புக்களில் சோதனை நடத்தப்படும் என பொலிஸார் மற்றும் தீயணைப்புத்துறை அமைச்சர் நிக் ஹர்ட் தெரிவித்துள்ளார்.

முன்னதாக, மேற்கு லண்டனில் தொடர் மாடிக் குடியிருப்பு கட்டடத்தில் தீப் பிடித்து, மக்கள் தங்கள் வீடுகளில் சிக்கிக் கொண்டிருப்பதாக அந்தச் சம்பவத்தை நேரில் பார்த்தவர்கள் கூறியுள்ளனர்.

லண்டனில் புதன்கிழமை (14) அதிகாலையில் பெரிதாக பரவிய இந்தத் தீயை அணைக்க சுமார் 200 தீயணைப்பு வீரர்கள் ஈடுபடுத்தப்பட்டுள்ளனர்.

மக்களை வெளியேற்றுவதற்கான வேலைகள் நடந்துவருவதாக அந்நாட்டு பொலிஸார் தெரிவித்துள்ளனர்.

தீ பிடித்த நேரத்தில், நூற்றுக்கணக்கானோர் அந்தக் கட்டடத்தில் இருந்ததாகவும், பெரும்பாலானோர் தூங்கிக் கொண்டிருந்ததாகவும் நம்பப்படுகிறது.

தொடர்ந்தும் மீட்பு நடவடிக்கைகள் இடம்பெற்று வருவதாக வெளிநாட்டு தகவல்கள் தெரிவிக்கின்றன.