நாட்டின் பல பிரதேசங்களில் இன்று 100 மில்லி மீற்றருக்கும் அதிகமான மழைவீழ்ச்சியை எதிர்பார்க்கப்படுவதாக வளிமண்டலவியல் திணைக்களம் தெரிவித்துள்ளது.

அதிகளவான மழைவீழ்ச்சி மத்திய மலை நாட்டு பிரதேசங்களில் எதிர்பார்க்கப்படுவதாக திணைக்களம் குறிப்பிட்டுள்ளது.

மத்திய வங்களா விரிகுடா கடல் பிரதேசங்களின் கிழக்கு பகுதியில் ஏற்பட்டுள்ள காற்றழுத்தம் சுறாவளியாக மாறும் அபாய நிலை ஏற்பட்டுள்ளது.

இலங்கையின் வான்பரப்பில் காணப்படும் கருமேகங்கள் காரணமாக மழை மற்றும் காற்றுடனான நிலைமையை எதிர்பார்ப்பதாக வளிமண்டலவியல் திணைக்களம் குறிப்பிட்டுள்ளது.

நாட்டை சுற்றிய கடல் பிரதேசங்களில் காற்றின் வேகம் அதிகரிக்க கூடும் என திணைக்களத்தின் அதிகாரி தெரிவித்துள்ளார்.

இதேவேளை சீரற்ற காலநிலை காரணமாக 15 மாவட்டங்களை சேர்ந்த 464477 பேர் பாதிக்கப்பட்டுள்ளதாக அனர்த்த முகாமைத்துவ மத்திய நிலையம் தெரிவித்துள்ளது.

இன்று காலை வெளியிட்ட புதிய அறிக்கையின்படி இதுவரை 164 பேர் உயிரிழந்ததுடன் 88 பேர் காயங்களுக்கு உள்ளாகி உள்ளனர். 104 பேர் காணாமல் போயுள்ளதாக மத்திய நிலையம் தெரிவித்துள்ளது.

இதேவேளை, 7 மாவட்டங்களுக்கு விடுக்கப்பட்டிருந்த மண்சரிவு எச்சரிக்கை மேலும் நீடிக்கப்பட்டுள்ளது.

இரத்தினபுரி, கேகாலை, காலி, களுத்துறை, மாத்தறை, ஹம்பாந்தோட்டை மற்றும் நுவரெலியா ஆகிய 7 மாவட்டங்களுக்கு இந்த எச்சரிக்கை விடுக்கப்பட்டுள்ளது.

மழை பெய்தால் மண் சரிவு ஏற்படும் பிரதேசங்களில் இருந்து வெளியேறுமாறு மக்களுக்கு அறிவிக்கப்பட்டுள்ளது.

பாதிக்கப்பட்ட மக்களுக்கு நிவாரணம் வழங்குவதற்காக முப்படையினர் மற்றும் பொலிஸார் தொடர்ந்து செயற்பட்டு வருகின்றனர்.

இதேவேளை கொழும்பு, நுவரெலியா உட்பட நாட்டின் பல பாகங்களில் அடைமழை பெய்து வருவதாக தெரிவிக்கப்படுகிறது.

 
இலங்கையில் ஏற்பட்ட அனர்த்தம் ஒன்றின் போது வெளிநாட்டவர்களின் செயற்பாடு குறித்து சமூக வலைத்தளங்களில் தகவல் வெளியாகி உள்ளது.

ஓஹிய பிரதேசத்தில் நேற்று மாலை மரம் ஒன்று முறிந்து வீழ்ந்தமையால், ரயில் போக்குவரத்து பாதிக்கப்பட்டது.

இந்நிலையில் முறிந்து வீழ்ந்த மரத்தினை ரயில் பாதையிலிருந்து அகற்றும் நடவடிக்கையில் உள்ளுர் மக்கள் ஈடுபட்டனர்.

இதன்போது குறித்த ரயிலில் பயணித்த வெளிநாட்டவர்கள் வெளியில் வந்து, மரத்தை அகற்றுவதற்கு உதவி செய்துள்ளனர்.

நாட்டின் நிலவும் சீரற்ற காலநிலை காரணமாக தமது உயிர்களை பாதுகாத்துக் கொள்ள அதிகளவான மக்கள் பாதுகாப்பான இடங்களை தேடியுள்ளனர்.

இந்நிலையில் உள்ளுர் மக்களுடன் இணைந்து மரத்தை அகற்ற உதவிய வெளிநாட்டவர்களுக்கு பலரும் பாராட்டு தெரிவித்துள்ளனர்.

இவர்களை பாராட்டி சமூக வலைத்தளங்களில் புகைப்படங்கள் வெளியிடப்பட்டுள்ளன.

வங்காள விரிகுடாவில் மையம் கொண்டுள்ள தாழமுக்கத்தினால் இலங்கையில் சூறாவளி ஏற்படுவதற்கான வாய்ப்பு உள்ளதாக வானிலை அவதான நிலையத்தின் பணிப்பாளர் ஆர்.ஜயசேகர தெரிவித்துள்ளார்.

வங்காள விரிகுடாவில் மையம் கொண்டுள்ள தாழமுக்கம் வடக்கு திசை நோக்கி நகர்ந்தால் மணிக்கு 80கி.மீ. வேகத்தில் காற்று வீசி சூறாவளியை ஏற்படுத்தும் சாத்தியம் உள்ளதாக அந்த குறிப்பில் தெரிவிக்கப்பட்டுள்ளது.

அனர்த்த முகாமைத்துவ நிலையத்தில் நடைபெற்ற செய்தியாளர் சந்திப்பிலேயே மேற்படி தகவல் பணிப்பாளரினால் தெரிவிக்கப்பட்டுள்ளது. இது குறித்து அவர் மேலும் தெரிவித்துள்ளதாவது,

வங்காள விரிகுடாவின் மத்திய பகுதியிலுள்ள தாழமுக்கம் வலுவடைந்து சூறாவளியாக மாறி வடக்கு திசையை நோக்கி நகர்ந்து வங்காள தேசம் வரை பயணிக்கும் என்று வானிலை அவதான நிலைய அறிக்கைகள் தெரிவிக்கின்றன.

அதன் காரணமாக இலங்கையில் சப்ரகமுவ மாகாணம், மத்திய மாகாணம், தென் மாகாணம் போன்ற பகுதிகளில் காற்றின் வேகம் மிகவும் அதிகரித்துக் காணப்படும் என்றும் குறிப்பாக காலி, மாத்தறை உள்ளிட்ட கடற்பகுதியை அண்டிய பிரதேசங்களில் காற்று பலமாக வீசக்கூடிய சாத்தியங்கள் உள்ளதாகவும் தெரிவிக்கப்பட்டுள்ளது.

எனினும் கடந்த நாட்களைப் போன்று நிலைமை பாரதூரமானதாக இல்லாவிடினும் காற்றின் வேகம் அதிகரிப்பதைப் பொறுத்தே நிலைமை மாற்றமடையும் என்றும், மக்களை அவதானமாக இருக்குமாறும் அறிவுறுத்தப்பட்டுள்ளது.

இதேவேளை, வங்கக் கூடலில் உருவாகியுள்ள குறைந்த காற்றழுத்த தாழ்வு மண்டலம் காரணமாக தூத்துக்குடி, நாகப்பட்டினம், காரைக்கால், புதுச்சேரி, கடலூர் ஆகிய துறைமுகங்களில் நேற்று ஞாயிற்றுக்கிழமை புயல் எச்சரிக்கைக் கூண்டு ஏற்றப்பட்டுள்ளன.

வங்கக் கடலில் கொல்கத்தாவுக்கு 950 கி.மீ. தெற்கே குறைந்த காற்றழுத்தத் தாழ்வு மண்டலம் உருவாகியுள்ளது. இது அடுத்த 24 மணி நேரத்தில் மேலும் வலுவடைந்து ஆழ்ந்த காற்றழுத்தத் தாழ்வு மண்டலமாக மாறி, வடக்கு, வடகிழக்கு திசை நோக்கி நகர்ந்து, வங்கதேசம் அருகே நாளை செவ்வாய்க்கிழமை (மே 30) கரையைக் கடக்கும் என எதிர்பார்க்கப்படுகிறது.

இதனால், தமிழக கடலோர மாவட்டங்களில் மழை பெய்ய வாய்ப்பு உள்ளதாகவும், அதிக வேகத்தில் காற்று வீசலாம் என்றும் சென்னை வானிலை ஆய்வு மையம் அறிவித்துள்ளது.

பதினான்கு வயதுச் சிறுவன் ஒருவனின் கையில் கூரிய ஊசியால் குத்திக் காயப்படுத்திய பெண்ணொருவரை கண்டிப் பொலிசார் கைது செய்துள்ளனர்.

தெல்தெனிய பிரதேசத்தில் இருந்து கண்டி நோக்கி வந்து கொண்டிருந்த பஸ் ஒன்றில் நேற்று இந்தச் சம்பவம் நடைபெற்றுள்ளது.

குறித்த பஸ்ஸில் பயணித்த பெண்ணொருவர் பஸ்வண்டியில் தனக்கு அருகாமையில் நின்று கொண்டிருந்த சிறுவன் ஒருவனின் கையில் கூரிய ஊசியால் குத்திக் காயப்படுத்திவிட்டு பஸ்ஸிலிருந்து இறங்கித் தப்பியோட முயற்சித்துள்ளார்.

எனினும் பஸ்ஸில் இருந்த ஏனைய பயணிகள் அவரை மடக்கிப்பிடித்து கண்டி பொலிசில் ஒப்படைத்துள்ளனர்.

காயமடைந்த பையன் சிகிச்சைக்காக கண்டி மருத்துவமனையில் அனுமதிக்கப்பட்டுள்ளான். கைது செய்யப்பட்ட பெண்ணிடம் பொலிசார் மேலதிக விசாரணைகளை மேற்கொண்டுள்ளனர்.

நாட்டில் ஏற்பட்டுள்ள சீரற்ற காலநிலை காரணமாக எட்டு 8 மாவட்டங்களில் மண்சரிவு ஏற்படலாம் என தேசிய கட்டட ஆராய்ச்சி நிறுவகத்தின் பணிப்பாளர் ஆர்.எம்.எஸ்.பண்டார எச்சரிக்கை விடுத்துள்ளார்.

கடந்த மூன்று நாட்களாக பெய்துவரும் கனமழை காரணமாக 12 மாவட்டங்கள் முற்றாகப் பாதிக்கப்பட்டுள்ளன. இந்த மாவட்டங்களில் வசித்து வந்த மக்களின் இயல்வு வாழ்க்கை ஸ்தம்பித்துப் போயிருக்கிறது.

தென்மாகாணம் முழுவதும் வெள்ள நீர் காடாக மாறியிருக்கிறது. இலங்கையின் முப்படையினரும், இந்திய கடற்படையினரும், மீட்பு நடவடிக்கையில் ஈடுபட்டுவருகின்றனர்.

இதுவரை 151 பேர் உயிரிழந்துள்ளதுடன், பலர் காணாமல் போயிருக்கின்றனர். மண்சரிவு மற்றும் வெள்ளப் பெருக்கின் காரணமாக பெரும் பொருளாதார இழப்பும் ஏற்பட்டுள்ளது.

இந்நிலையில், அடுத்தடுத்த பல மணிநேரங்களில் முக்கியமாக எட்டு மாவட்டங்களில் மண் சரிவு ஏற்படலாம் என எச்சரிக்கை விடுக்கப்பட்டுள்ளது.

குறிப்பாக இரத்தினபுரி, காலி, கேகாலை, களுத்துறை, மாத்தறை, ஹம்பாந்தோட்டை, கண்டி, நுவரெலியா ஆகிய மாவட்டங்களிலேயே இந்த மண்சரிவு ஆபத்து இருப்பதாகவும், மக்களை அவதானமாக செயற்படுமாறும் அவர் வேண்டுகோள் விடுத்துள்ளார்.

டெங்கு நோயின் தாக்கம் 12 மாவட்டங்களில் தீவிரமாகியிருப்பதாக தேசிய டெங்கு ஒழிப்புப் பிரிவு தெரிவித்துள்ளது.

கொழும்பு, கம்பஹா, களுத்துறை, காலி, மாத்தறை, குருநாகல், புத்தளம், இரத்தினபுரி, கேகாலை, யாழ்ப்பாணம், மட்டக்களப்பு மற்றும் திருகோணமலை ஆகிய மாவட்டங்களில் டெங்கு நோயின் தாக்கம் அதிகம் உள்ளதாகவும் சுட்டிக்காட்டப்பட்டுள்ளது.

நாடு முழுவதிலும் 50 ஆயிரம் பேர் இந்த நோயால் பீடிக்கப்பட்டிருப்பதாகவும், இவ்வருடத்தில் மாத்திரம் 130 பேர் உயிரிழந்திருப்பதாகவும் தேசிய டெங்கு ஒழிப்புப் பிரிவின் ஆலோசகரான விசேட வைத்திய நிபுணர் பிரெச்சிலா சமரவீர தெரிவித்துள்ளார்.

டெங்கு பரவும் இடங்களைச் சுத்திகரிப்பதற்காக சுகாதார அமைச்சு எதிர்வரும் வியாழக்கிழமை முதல் நாடெங்கும் இருநாள் வேலைத்திட்டமொன்றை முன்னெடுக்கவுள்ளதாகவும் அவர் கூறியுள்ளார்.

இவ்வாறான பல சுத்திகரிப்புப் பணிகள் கடந்த காலங்களில் மேற்கொள்ளப்பட்ட போதிலும் இம்முறை சுத்திகரிப்புப் பணிகளின் முறை வித்தியாசமாக இருக்கும் எனவும், இந்த இருநாள் பணி தொடர்ந்து மூன்று மாதங்களுக்கு நடைபெறும் எனவும் அவர் மேலும் தெரிவித்துள்ளார்.

யாழ். மாவட்ட முன்னாள் பாராளுமன்ற உறுப்பினரும், சட்டத்தரணியுமான அப்பாத்துரை வினாயகமூர்த்தி இன்று காலமானார்.

அப்பாத்துரை வினாயகமூர்த்தி, தனது 84 வயதில் இன்றைய தினம் காலமானார். இவர் இலங்கை தமிழ் அரசியல்வாதியும், சட்டத்தரணியும், தமிழ்த் தேசியக் கூட்டமைப்பின் நாடாளுமன்ற உறுப்பினருமாவார்.

இதேவேளை, அப்பாத்துரை வினாயகமூர்த்தி, அகில இலங்கை தமிழ் காங்கிரசின் முன்னாள் தலைவராகவும் செயற்பட்டுள்ளமை குறிப்பிடத்தக்கது.

அப்பாத்துரை வினாயகமூர்த்தியின் இறுதிச் சடங்கு யாழ்.கொக்குவிலில் அமைந்துள்ள அவரது வீட்டில் செவ்வாய்க்கிழமை இடம்பெறும் என தெரிவிக்கப்பட்டுள்ளது.

இலங்கையில் இடம்பெற்ற பாரிய வெள்ளத்தினால் ஒரே குடும்பத்தை சேர்ந்த ஐவர் உயிரிழந்துள்ளனர். மண் சரிவு ஒன்றில் சிக்கி இவர்கள் உயிரிழந்துள்ளதாக தெரியவந்துள்ளது.

நேற்று மாலை குறித்த ஐவரின் இறுதி நடவடிக்கைகள் முன்னெடுக்கப்பட்டுள்ளதாக தெரிவிக்கப்படுகின்றது.

கணவர், மனைவி மற்றும் இளம் பிள்ளைகள் மூவரே இவ்வாறு உயிரிழந்துள்ளனர். இந்த நிலையில் இந்த ஐவரும் ஒரே இடத்தில் புதைக்கப்பட்டுள்ளனர்.

எனினும் இந்த குடும்பத்தின் மூத்த மகன் மாத்திரம் இந்த வெள்ளத்தின் போது உயிர் தப்பியுள்ளதாக தெரிவிக்கப்படுகின்றது.

சம்பவம் இடம்பெற்ற போது அவர் வீட்டில் இல்லாத காரணத்தினால் உயிர் பிழைத்துள்ளதாக தெரிவிக்கப்படுகின்றது.

தென்­மேற்கு பரு­வப்­பெ­யர்ச்சி காலநிலை கார­ண­மாக நிலை ­கொண்­டி­ருந்த கடு­மை­யான மழை­ யு­டன்­கூ­டிய கால­நிலை தற்­கா­லி ­க­மாக குறை­வ­டைந்­துள்­ளது.

எனினும் நாட்டின் தென்­மேற்கு பிர­தே­சங்­களில் நாளை முதல் மீண்டும் மழை­யுடன் கூடிய கால­நிலை பதி­வா­க­வுள்­ள­தாக வானிலை அவ­தான நிலையம் எதிர்­வு­கூ­றி­யுள்­ளது.

ஆகவே மேல், சப்­ர­க­முவ, தென், மத்­திய மற்றும் வடமேல் மாகா­ணங்­களில் அப்­வப்­போது மழை அல்­லது இடி­யு­டன்­கூ­டிய மழை பெய்­ய­வுள்­ள­தா­கவும் . சில பிர­தே­சங்­களில் 100 மில்­லி­மீற்றர் வரை­யி­லான மழை­வீழ்ச்சி பதி­வா­கலாம் என்றும் தெரி­விக்­கப்­ப­டு­கி­றது .

மேலும் ஏனைய மாகா­ணங்­களில் குறிப்­பாக ஊவா மற்றும் கிழக்கு மாகா­ணங்­களில் மாலை வேளையில் ஆங்­காங்கே மழை அல்­லது இடி­யு­டன்­கூ­டிய மழை பெய்யும்.மேலும் அவ்­வப்­ப­போது இலங்­கையை ஊட­றுத்து மணித்­தி­லா­யத்­திற்கு 50 – 60 கிலோ­மீற்றர் வேகத்தில் காற்று வீசக்­கூடும். இதே­வேளை மழை­பெய்யும் வேளையில் காற்றின் வேகம் மேலும் அதி­க­ரிக்கும் அபாயம் உள்­ளது.

ஆகவே சீரற்ற கால­நி­லையால் ஏற்படும் பாதிப்புகள் தொடர்பில் மக்கள் அவதானமாக நடந்துகொள்ளுமாறு வானிலை அவதான நிலையம் கேட்டுள்ளது.