ஹைதராபாத் உணவகம் ஒன்றில், உபரியாகக் கிடைத்த பணத்தைப் பங்கிட்டுக்கொள்வதில் ஊழியர்கள் இருவருக்குள் ஏற்பட்ட சண்டையில் 25 வயது இளைஞர் ஒருவர் கொல்லப்பட்டார்.

ஹைதராபாத், காஞ்சன்பக் நகரின் உணவகம் ஒன்றில் பணியாற்றி வந்த ராஜூ மற்றும் கமலேஷ் ஆகிய இருவரும் உணவகத்துக்கு வருபவர்கள் தரும் உபரிப் பணத்தைப் பங்கிட்டுக் கொள்வது வழக்கம். கடந்த ஞாயிறு கிடைத்த உபரிப் பணத்தில் 130 ரூபாயை ராஜூ தனக்குத் தரவில்லை என கமலேஷ் சந்தேகப்பட்டார்.

திங்களன்று காலை உணவகத்துக்கு வந்த ராஜூவிடம், தனக்குத் தரவேண்டிய பணத்தைத் தருமாறு கமலேஷ் கேட்டுள்ளார். இதன்போது ஏற்பட்ட சண்டையில் கமலேஷ், ராஜூவைக் கீழே தள்ளினார். நிலை தடுமாறிக் கீழே விழுந்த ராஜூவின் தலை கல்லில் மோதியதால் அவ்விடத்திலேயே அவர் மரணமானார்.

இதையறிந்த உணவகத்தின் உரிமையாளர் கொடுத்த தகவலின் பேரில் பொலிஸார் கமலேஷைக் கைது செய்தனர்.

பிரபல நடிகர் சிவாஜிகணேசன் மற்றும் நடிகை ஜெயலலிதா ஆகியோர் நடித்த படங்களில் குரூப் டான்ஸராக நடனமாடிய ஜமுனா தற்போது கோவிலில் பிச்சை எடுத்து வரும் அவலம் ஏற்பட்டுள்ளது.

மோட்டார் சுந்தரம்பிள்ளை, சி சரஸ்வதி சபதம், அவ்வையார் உள்பட பல படங்களுக்கு குரூப் டான்சராக இருந்தவர் ஜமுனா. தற்போது அவருக்கு வயது 80 ஆகிறது. அவருடைய கணவர் ஒரு மேக்அப் மேன்.

இந்நிலையில் அவர் தன்னுடைய நிலைமையை பிரபல ஊடகம் ஒன்றிற்கு பேட்டி அளித்துள்ளார். அதில் அவர் கூறுகையில், ஒரு காலத்தில் நாங்கள் வசதியாக இருந்தோம்.

சென்னையில் சொந்த வீட்டில் வாழ்ந்து வந்தோம். ஆனால் வயது அதிகமாக, அதிகமாக தங்களால் வருமானம் ஈட்ட முடியவில்லை. இதனால் தாங்கள் எதற்கும் பயன்படாதவர்கள் என்று உறவினர்களும் தங்களை ஒதுக்கிவிட்டனர்.

ஒதுக்கப்பட்ட காலக்கட்டத்தில் பல வேலைகளை செய்தேன். தற்போது தன்னுடைய உடல் நிலை சரியில்லாததால், தன்னால் வேலைக்கு செல்லமுடியவில்லை, இதனால் பிறரிடம் கையேந்தி வாழும் நிலை ஏற்பட்டுள்ளது என்று வருத்ததுடன் கூறியுள்ளார்.

விஷால் பல நடிகர்களுக்கு உதவி செய்துள்ளார் என்று கேள்விப்பட்டுள்ளேன். அவர் எனக்கு உதவி செய்வார் என்ற நம்பிக்கை எனக்கு உள்ளது எனவும் தெரிவித்துள்ளார்.

தற்போது ஜமுனா சென்னையில் உள்ள வடபழனி கோவில் அருகே பிச்சை எடுத்து வருகிறார் என்பது குறிப்பிடத்தக்கது.

தமிழகத்தில் தண்ணீர் பிடிப்பதில் ஏற்பட்ட தகராறில் ஒருவரின் காதை கடித்து துப்பிய சம்பவம் பரபரப்பை ஏற்படுத்தியுள்ளது.

திருச்சியைச் சேர்ந்தவர் மகேந்திரன், பெயிண்டராக வேலை செய்து வருகிறார். அதே பகுதியைச் சேர்ந்தவர் ரங்கராஜ், இவர் அங்குள்ள பகுதியில் டீக்கடை நடத்தி வருவதாக கூறப்படுகிறது.

இந்நிலையில் மாநகராட்சி குடிநீர் குழாயில் பொதுமக்கள் தண்ணீர் பிடிக்க காத்திருந்தனர்.அப்போது 10 குடங்களுடன் மகேந்திரன் நின்று கொண்டிருந்தார். அப்போது, ரங்கராஜ் வரிசையில் நிற்காமல் தண்ணீர் பிடிக்க முயன்றுள்ளார்.

இதுகுறித்த கேட்டபோது, மகேந்திரனுக்கும், ரெங்கராஜூக்கும் இடையே தகராறு ஏற்பட்டுள்ளது. தகராறு முற்றியதால் இது கைகலப்பாக மாறியது. இதனால் ஆத்திரத்தின் உச்சிக்கு சென்ற ரெங்கராஜ், திடீரென மகேந்திரனின் காதை கடித்து துப்பினார்.

இதனால் துடிதுடித்த ராஜேந்திரன் இரத்தக்காயங்களுடன் அருகில் உள்ள மருத்துவமனையில் அனுமதிக்கப்பட்டார். இதுதொடர்பாக பொலிசார் வழக்கு பதிவு செய்து விசாரணை மேற்கொண்டு வருகின்றனர்.

படித்தால் மட்டுமே சாதிக்க முடியும் என்றில்லை, படிப்பறிவு இல்லாட்டால் கூட பரவாயில்லை, நாம் கற்றுக்கொண்ட அனுபவ அறிவின் மூலம் சாதனை நிகழ்த்தலாம் என நிரூபித்துள்ளார் தர்மபால் குலாத்தி. 94 வயதான இவர், இந்திய நுகர்பொருள் துறையில் அதிகச் சம்பளம் வாங்கு தலைமை செயல் அதிகாரி ஆவார்.

எம்டிஎச் மசாலா நிறுவனத்தின் தலைமை செயல் அதிகாரியாக இருக்கும் இவர், 5 ஆம் வகுப்பை கூட தாண்டவில்லை. 5 ஆம் வகுப்பை கூட நிறைவு செய்யாத இவர் வாங்கும் ஊதியம் வருடத்திற்கு 21 கோடி ஆகும்.

ஊழியர்கள் அனைவராலும் தாதாஜீ அல்லது மஹாஷியாஜி என்று அழைக்கப்படும் குலாத்தி தினமும் நிறுவனத்தைச் சுற்றி வருவது, சந்தை விற்பனையாளர்கள் மற்றும் டீலர்களை ஞாயிற்றுக் கிழமை என்றும் பார்க்காமல் சந்தித்துப் பேசுவது போன்றவற்றைச் செய்வார்.

மேலும் நிறுவனத்தின் 80 சதவீத பங்குகள் இவருடைய கட்டுப்பாட்டில் மட்டுமே உள்ளது. நோக்கம் குறைந்த விலையில் நல்ல தரமான பொருட்களை அளிப்பதே எனது நோக்கம் என்றும் என்னுடைய சம்பளத்தில் இருந்து 90 சதவீதம் அறக்கட்டளைக்கு அளிப்பதாகவும் தர்மபால் குலாத்தி கூறுகின்றார்.

கிளைகள் எம்டிஎச் நிறுவனத்திற்குத் துபாய், லண்டன் ஆகிய இடங்களில் அலுவலகங்கள் உள்ளது, 100 நாடுகளுக்கும் மேலாக ஏற்றுமதி செய்யப்படுகின்றது.

60-க்கும் மேற்பட்ட தயாரிப்புகள் எம்டிஎச் நிறுவனத்தில் தயாரிக்கப்பட்டு விற்பனைக்கு வெளிவருகின்றது. அதில் டேகி மிர்சி, சேட் மசாலா மற்றும் சன்னா மசாலா பாகெட்கள் ஒவ்வொன்றும் மாதத்திற்கும் 1 கோடிக்கு மேல் விற்பனையாகி உள்ளது. ஆனால் இன்று வரை பிற வெளிநாட்டு உணவுகளைத் தயாரித்ததில்லை.