கொழும்பு கொள்ளுப்பிட்டியவில் அமைந்துள்ள அமெரிக்காவுக்கான இலங்கை தூதரக அலுவலகத்தின் பாதுகாப்பு சட்டம் மற்றும் ஒழுங்குமுறைகள் கடுமையாக விதிக்கப்படவுள்ளதாக அந்த தூதரகம் தெரிவித்துள்ளது.

அமெரிக்க விசாவுக்கான நேர்முக தேர்விற்காக வருபவர்கள் அந்த சட்ட நெறிகளை ஆய்வு செய்து அதற்கமைய வருகைத்தருமாறு தூதுதரகம் அறிவித்துள்ளது. அந்த சட்டத்தை மீறும் நபர்கள் உள்ளே செல்வதற்கு அனுமதிக்கப்பட மாட்டார்கள் என குறிப்பிடப்பட்டுள்ளது.

கையடக்க தொலைப்பேசி, டிஜிட்டல் நாட்குறிப்பு, டிஜிட்டல் கடிகாரங்கள், கமரா, ஆடியோ / வீடியோ கேசட்டுகள், குறுவட்டு, எம்பீ 3 இயந்திரங்கள், மடிக்கணினிகள், மின்னணு அல்லது பேட்டரிகள் கொண்ட பொருட்களுடன் ஒருவரும் உள்ளே அனுமதிப்படுவதில்லை என தூதரகம் தெரிவித்துள்ளது.

உணவு மற்றும் குடிநீர், வாசனை திரவியங்கள், சீல் வைக்கப்பட்ட கடித உறைகள், தீயை ஏற்படுத்தும் சிறிய பொருட்கள், கத்தரிக்கோல், மடக்கும் போது 40 சென்றீ மீற்றரை விட அதிக நீளமான குடிகளை ஆகியவற்றை உள்ளே கொண்டு செல்வதற்கு தடை விதிக்கப்பட்டுள்ளது.

யாழ்ப்பாணம் – கச்சேரி நல்லூர் வீதியில் பாடசாலை மாணவர்களை ஏற்றிச்சென்ற ஹயஸ் வானும் சுற்றுலாப்பயணிகளை ஏற்றிச்சென்ற பேருந்தும் மோதி விபத்து ஏற்பட்டுள்ளது.

குறித்த விபத்து நேற்று நண்பகல் நல்லூர் பகுதியில் இடம்பெற்றுள்ளதுடன், சுற்றுலாப்பயணிகளின் சாரதி உள்ளிட்ட நான்கு பேர் படுகாயமடைந்து யாழ் போதனா வைத்திய சாலையில் அனுமதிக்கப்பட்டுள்ளார். விபத்து தொடர்பாக மேலும் தெரியவருவதாவது,

யாழ். கச்சேரி நல்லூர் வீதியில் ஹயஸ் வான் ஒன்று பாடசாலை மாணவர்களை ஏற்றிச்சென்றுள்ளது. தொடர்ந்து, நாவலர் வீதியிலிருந்து ஏ9 வீதியை நோக்கி பயணித்த சுற்றுலாப் பயணிகளின் வாகனம் சந்தியை கடக்க முற்பட்ட வேளையில் இரு வாகனங்களும் மோதி விபத்துக்குள்ளாகி உள்ளது.

இதில் சுற்றுலாப்பயணிகளுடன் சென்ற ஹயஸ் வானின் சாரதி உட்பட நால்வர் படுகாயமடைந்துள்ளனர்.

குறித்த விபத்தில் பாடசாலை மாணவர்களுக்கு பாதிப்பு ஏற்படாத நிலையில் யாழ்ப்பாணம் பொலிஸார் மேலதிக விசாரணைகளை மேற்கொண்டுவருகின்றனர்.

யாழ்தேவி ரயிலில் பாய்ந்த உயிரை மாய்த்துக் கொள்ள முயன்ற யுவதி ஒருவரை பொலிஸார் காப்பாற்றியுள்ளனர்.

மாத்தறை பகுதியை சேர்ந்த 17 வயதான யுவதி ஒருவரே இவ்வாறு நடந்த கொண்ட போதும், பொலிஸார் உடனடி நடவடிக்கை காரணமாக காப்பாற்றப்பட்டுள்ளார்.

வீட்டில் சகோதரர்கள் திட்டுவதை பொறுத்துக் கொள்ள முடியாமல் 17 வயதுடைய பாடசாலை மாணவி ஒருவர் கல்கமுவ பிரதேசத்தில் ரயில் வீதிக்கு அருகில் நின்ற சந்தர்ப்பத்தில் பொலிஸாரினால் கைது செய்யப்பட்டுள்ளார்.

வீட்டில் சகோதரர்கள் தொடர்ந்து தன்னை அடிப்பதனால் இவ்வாறு தற்கொலை செய்துக் கொள்ள தான் அங்கு வந்ததாக குறித்த மாணவி தெரிவித்துள்ளார்.

இந்த மாணவி கடந்த 11ஆம் திகதி காலை 7.30 மணியளவில் பகுதி நேர வகுப்பிற்கு செல்வதான கூறி, வீட்டில் இருந்து வெளியேறியுள்ளார். இதனையடுத்து மாத்தறையில் இருந்து பல பஸ்களில் ஏறி கல்கமுல பிரதேசத்திற்கு சென்றுள்ளார்.

கல்கமுவ பிரதேசத்திற்கு அருகில் வடக்கு ரயில் வீதியில் நின்ற சந்தர்ப்பத்தில் இந்த மாணவி மீது சந்தேகம் கொண்ட பிரதேச மக்கள் கல்கமுவ பொலிஸாருக்கு அறிவித்துள்ளனர். தகவல் கிடைத்தவுடன் விரைந்து செயற்பட்ட பொலிஸார் குறித்த யுவதியை கைது செய்துள்ளனர். இதனையடுத்து மேற்கொள்ளப்பட்ட விசாரணையின் போது யுவதி மேற்படி விபரங்கள் தெரிவித்துள்ளார்.

பொலிஸ் அதிகாரிகளினால் இந்த யுவதியின் பெற்றோரை அழைத்து இது தொடர்பில் தெளிவுபடுத்தப்பட்டுள்ளது.

குறித்த யுவதி தொடர்பில் தகவல் கிடைத்தவுடன் பொலிஸார் செயற்பட்டிருக்கவில்லை என்றால் அவர் யாழ்தேவி ரயிலில் மோதுண்டு உயிரை விட்டிருப்பார் என கல்கமுவ மக்கள் தெரிவித்துள்ளனர்.

நாட்டில் தொடரும் வறட்சியான காலநிலை 14 மாவட்டங்களில் பாதிப்பை ஏற்படுத்தியுள்ளதாக அனர்த்த முகாமைத்துவ மத்திய நிலையம் தெரிவித்துள்ளது.

இதன் காரணமாக ஒரு இலட்சத்து 29 ஆயிரத்து 699 குடும்பங்களைச் சேர்ந்த 4 இலட்சத்து 93 ஆயிரத்து 386 பேர் பாதிக்கப்பட்டுள்ளதாகவும் அனர்த்த முகாமைத்துவ மத்திய நிலையம் தெரிவித்துள்ளது.

யாழ்ப்பாணம், கிளிநொச்சி, முல்லைத்தீவு, வவுனியா, திருகோணமலை, கண்டி, குருநாகல், கேகாலை, இரத்தினபுரி, கம்பஹா, அநுராதபுரம், மொனராகலை, ஹம்பாந்தோட்டை, புத்தளம் முதலான 14 மாவட்டங்களே வறட்சியான காலநிலையால் பாதிப்பை எதிர்கொண்டுள்ளன.

வட மாகாணத்தில் 49 ஆயிரத்து 477 குடும்பங்களைச் சேர்ந்த ஒரு இலட்சத்து 77 ஆயிரத்து 847 பேர் பாதிக்கப்பட்டுள்ளதாக அனர்த்த முகாமைத்துவ மத்திய நிலையம் தெரிவித்துள்ளது.

உலகளாவிய ரீதியில் இடம்பெற்ற போட்டி ஒன்றில் இலங்கையைச் சேர்ந்த மாணவன் ஒருவன் தங்கப்பதக்கம் வென்று பெருமை சேர்த்துள்ளார்.

திம்புலாகல – சிறிபுர மத்திய மகா வித்தியாலயத்தில் 11 ஆம் தரத்தில் கல்வி கற்கும் எம்.யொமால் விஸ்வஜித் சிறிவர்தன என்ற மாணவனே இந்த சாதனையை படைத்துள்ளார்.

புதிய கண்டுபிடிப்பாளர்கள் தினத்தையொட்டி கடந்த 2ஆம் திகதி தொடக்கம் 6ஆம் திகதி வரை தாய்லாந்தில் உலகளாவிய ரீதியாக போட்டி ஒன்று இடம்பெற்றது.

இதில் 29 நாடுகளைச் சேர்ந்த சுமார் 1000 போட்டியாளர்கள் கலந்துகொண்டு தமது கண்டுபிடிப்புக்களை வெளிப்படுத்தினார்கள்.

இவ்வாறு பலத்த போட்டிக்கு மத்தியில் எம்.யொமால் விஸ்வஜித் சிறிவர்தன என்ற மாணவன் வெற்றி பெற்று சாதனை படைத்துள்ளார்.

இந்த மாணவன் தன்னியக்க நீர் விநியோக உபகரணமொன்றை நிர்மாணித்துள்ளார். இதற்காகவே சுமார் 1000 போட்டியாளர்களையும் பின்தள்ளி தங்கப்பதக்கம் வென்றுள்ளார்.

குறித்த சம்பவம் தற்போது ஊடகங்களிலும் சமூக வலைத்தளங்களிலும் அதிகம் பகிரப்பட்டு வருகின்றமை குறிப்பிடத்தக்கது.

பிரான்ஸின் தலைநகரான பாரிஸின் புறநகர் பகுதியில் இடம்பெற்ற வன்முறைச் சம்பவங்களின் போது தமிழர் ஒருவருடைய வர்த்தக நிலையம் முற்றாக சேதமாகியுள்ளதாக அந்நாட்டு தகவல்கள் தெரிகிக்கின்றன.

பாரிஸின் புறநகர் பகுதியில் சனிக்கிழமை (11) கலகக்காரர்களுக்கும் பொலிஸாருக்கும் இடையில் நடைபெற்ற வன்முறைச் சம்பவங்களின் போது, இப்பகுதியில் அமைந்திருந்த தமிழர் ஒருவருடைய வர்த்தக நிலையம் முற்றாக சேதமாகியுள்ளதாக குறிப்பிடப்படுகின்றது.

இதன்மூலம் இரண்டு இலட்சம் யூரோவுக்கும் அதிகமாக நஷ்டம் ஏற்பட்டுள்ளதாக குறித்த தமிழ் வர்த்தகர் வெளிநாட்டு ஊடகங்களுக்கு தெரிவித்துள்ளார்.

இதில் பொலிஸ் விசாரணைகளின் போது இளைஞர் ஒருவர் கடுமையாகத் தாக்கப்பட்டிருந்தார் என்ற காரணத்திற்காக இளைஞர்கள் அனைவரும் ஒல்னே சுபுவா பகுதியில் போராட்டத்தை முன்னெடுத்திருந்தனர்.

குறித்த வன்முறைச் சம்பவங்களில் பல நூற்றுக்கணக்கான வாகனங்கள் எரியூட்டப்பட்டதோடு பொதுச்சொத்துக்கள் பலவும் சேதமாக்கப்பட்டிருந்தன. இதன்போதே தமிழர் ஒருவருடைய வர்த்தக நிலையமும் முற்றாக சேதமாகியுள்ளது.

மேலும், இளைஞர்கள் முன்னெடுத்திருந்த வன்முறைச்சம்பவங்களுடன் தொடர்புடைய 37 பேரை பொலிஸார் கைது செய்துள்ளதாக தெரிவிக்கப்பட்டுள்ளது.

கலவரம் மூண்ட ஒல்னே சுபுவா பகுதியானது வெளிநாட்டவர்கள் அதிகம் வசிக்கின்ற பகுதிகளில் ஒன்றாகவும், வேலையில்லாத் திண்டாடம் உள்ள பகுதியாகவும் காணப்படுகின்றமை குறிப்பிடத்தக்கது.

 
46 வருடங்களான எந்தவொரு அதிகாரிகளின் அவதானத்திற்கும் உட்படாமல் உள்ள கிராமம் தொடர்பில் தகவல் வெளியாகியுள்ளது.

அரணாநாயக்க பிரதேச செயலாளர் எல்லைக்கு சொந்தமான தெல்லெக கிராம சேவகர் எல்லையில் கிராமம் ஒன்று அமைந்துள்ளது. இந்த கிராமம் அம்பகொல்ல என அழைக்கப்படுகிறது.

1971ஆம் ஆண்டு கிராம விரிவாக்கத்தின் கீழ் அப்போதைய அரசாங்கத்தினால் இந்த கிராமம் உருவாக்கப்பட்டுள்ளது.

தற்போது கிட்டத்தட்ட 52 வீடுகள் உள்ள அந்த கிராமத்தில் வசிப்பவர்களில் ஒருவரேனும் அரசாங்க தொழில் செய்யாதவர்கள் என கூறப்படுகின்றது.

பலர் கூலி வேலை மூலம் வாழ்வாதாரத்தினை பெற்றுக்கொள்கின்றனர். பெண்கள் பலர் வீட்டில் பீடி சுற்றுவதன் ஊடாக கிடைக்கும் வருமானத்தில் வாழ்ந்து வருகின்றனர்.

உரிய வீதி கட்டமைப்பு இல்லாமையினால் சிரமத்திற்குள்ளாகியுள்ள இந்த கிராம மக்கள், தற்போது பயன்படுத்துகின்ற வீதியும் ஆபத்தான நிலையில் உள்ளதாக தெரிவிக்கப்படுகின்றது.

இந்த கிராமத்தின் நீர் பிரச்சினை தொடர்பில் அதிகாரிகள் அவதானம் செலுத்தாமையினால் பல கிலோ மீற்றர் தூரம் சென்று நீர் கொண்டு வரும் அவல நிலைக்கு அங்குள்ள மக்கள் முகங்கொடுத்துள்ளனர்.