பெண்­ணொ­ரு­வரின் மண்­டை­யோட்­டுக்குள் மூளைக்கு அடியில் உயி­ருடன் காணப்­பட்ட கரப்பான் பூச்சியொன்றை சென்னை வைத்­தி­ய­சா­லை­யொன்றில் மருத்­து­வர்கள் அகற்­றி­யுள்­ளனர்.

சென்னை ஈஞ்­சம்­பாக்­கத்தைச் சேர்ந்த 42 வய­தான செல்வி என்­ற இப் பெண், அண்­மையில் இரவில் ஆழ்ந்த உறக்­கத்தில் இருந்­த­போது, அவரின் மூக்­கினுள் கரப்­பான்­பூச்சி நுழைந்­ததாக தெரி­விக்­கப்­ப­டு­கி­றது.

இதை செல்வி அறிந்­தி­ருக்­க­வில்லை. எனினும், மறுநாள் கடு­மை யா­ன வலி கார­ண­மாக இப் பெண் அடுத்த சில நிமி­டங்­களில் மருத்­து­வர்­க­ளிடம் சிகிச்சை பெற சென்­ற­போ­திலும் மருத்­து­வர்­களால் அவ­ருக்கு என்ன பிரச்­சினை என்­பதை கண்­ட­றிய முடி­ய­வில்லை.

வலி குறை­யா­தி­ருந்த நிலையில், இறு­தியில் சென்னை ஸ்டான்லி மருத்­து­வ­ம­னையில் காது – மூக்கு – தொண்டை சிகிச்சைப் பிரிவில் சிகிச்­சைக்­காகச் சேர்ந்தார்.

அங்கு மூக்கில் மேற்­கொள்­ளப்­பட்ட என்­டோஸ்­கோப்பி பரி­சோ­த­னையில், கரப்பான் பூச்­சி­யா­னது மண்­டை­யோட்டின் அடிப்­ப­கு­தி யில் இரண்டு கண்­க­ளுக்கும் நடுவில் மூளைக்கு அருகில் இருந்­தமை தெரி­ய­வந்­தது. இதன்­பின்னர், 45 நிமிட சிகிச்­சைக்கு பின்பு கரப்பான்பூச்சி வெற்­றி­
க­ர­மாக வெளியே எடுக்­கப்­பட்­டது.

சென்னை ஸ்டான்லி மருத்­து­வ­ம­னையில் காது – மூக்கு – தொண்டை சிகிச்சை பிரிவுத் தலைவர் டாக்டர் எம்.என்.சங்கர் இது குறித்து கூறு­கையில், இப் பெண்ணின் மூக்குக் குழாயை ஆராய்ந்­த­போது, அதற்குள் சிறிய கால்கள் அசை­வதைக் கண்டேன். மேலும் ஆராய்ந்­த­போது, சுமார் 5 சென்ரி மீற்றர் நீளத்தில் அசா­தா­ர­ண­மான ஏதோ ஒன்று இருப்­பதை உணர்ந்தேன்.

பின்னர், அது கரப்­பான்பூச்சி ஒன்றின் அடிப்­பாகம் எனத் தெரி­ய­வந்­தது. அதை­ய­டுத்து உறிஞ்சும் கருவி, கவ்­விப்­பி­டிக்கும் உப­க­ரணம் ஆகி­ய­வற்றை கொண்டு கரப்பான் பூச்­சியை எடுத்தோம். கரப்­பான்­பூச்சி இடது புறத்தில் இருந்­தி­ருந்தால், நோய்த்­தொற்று ஏற்­பட்டு, மூளையைப் பாதித்­தி­ருக்கும்” என்றார்.

இக்­ க­ரப்பான்பூச்சியா­னது இப் ­பெண்ணின் மண்­டை­யோட்­டுக்குள் சுமார் 12 மணித்­தி­யா­லங்கள் உயி­ருடன் இருந்­துள்­ளது என டாக்டர் எம்.என். சங்கர் மேலும் தெரி­வித்­துள்ளார்.

இது குறித்து செல்வி கூறு­கையில், “இரவு உறக்­கத்தில் இருந்­த­போது மூக்­குக்குள் பூச்சி உள்­பக்கம் நக­ரும்­போது கண்களில் எரிச்சல் ஏற்பட்டு, நீர் வந்தது. தலைக்குள் கூசுவது போன்றும், ஊர்வது போன்ற உணர்வால் இரவு முழுவதும் அவதிப்பட்டேன். இப்போது குணமாகிவிட்டது’ என்றார்.

ஜெயலலிதாவின் மரணம் குறித்து பல்வேறு சந்தேகங்கள் தற்போது வரை தமிழகத்தில் நிலவி வருகின்ற நிலையில், நக்கீரன் நாளிதழின் பத்திரிகையாளர் கோபால் பல்வேறு தகவல்களை வெளியிட்டுள்ளார்.

ஜெயலலிதாவுக்கு அளிக்கப்பட்ட சிகிச்சைகள் குறித்து பத்திரிகையாளர் சந்திப்பின்போது டாக்டர் பீலோ கூறிய தகவல்களின் பின்னணியில், அப்பல்லோ மருத்துவமனையின் தலைவர் பிரதாப் ரெட்டி அல்லது சசிகலா இருந்திருக்க வேண்டும்.

இதற்காக, அவருக்கு பலகோடி கொடுக்கப்பட்டுள்ளது. நாடகத்திற்கு ஒத்திகை பார்த்துவிட்டு மேடையில் நடிக்கும்போது சில நேரங்களில் சொதப்படும் ஏற்படும்.

அப்படிதான் டாக்டர் பீலேவும் சொதப்பியுள்ளார். கடுமையான நோய்தொற்று (septicemia) தீவிரமடைந்து இரத்தத்தில் கலந்துவிட்ட காரணத்தினால் தான் அவருக்கு மாரடைப்பு ஏற்பட்டது என அவர் கூறினார்.

மேலும், அவரை முன்கூட்டியே மருத்துவமனையில் அனுமதித்திருந்தால் காப்பாற்றியிருக்கலாம் என்றும் கூறியுள்ளார். அப்படியிருக்கையில், ஒரு நாட்டை ஆளுகிற முதல்வர் எதற்காக இப்படி தனது உடல்நிலை குறித்து கண்டுகொள்ளவில்லை.

மேலும், அவர் தயிர்சாதம் சாப்பிட்டதாக கூறுகிறார் சசிகலா. நோய்தொற்று இருப்பவருக்கு எவ்வாறு தயிர்சாதம் சாப்பிடக்கொடுத்தார்கள்.

இவை அனைத்தும் பீலோ விட்ட பீலா என்று தெள்ளத்தெளிவாக தெரிகிறது.

நடிகர் சோவுக்கு உடல்நிலை சரியில்லாமல் இருந்தபோது ஜெயலலிதா சென்று பார்த்தார்கள். இந்த வீடியோ வெளியானது. எம்ஜிஆர் அமெரிக்காவில் சிகிச்சைக்காக அனுமதிக்கப்பட்டபோது, அவர் இருக்கிறாரா? இல்லையா? என்று சந்தேகங்கள் எழுந்தன.

இந்த சந்தேகத்தி போக்குவதற்காக, மருத்துவமனையில் அவர் சிகிச்சை பெற்றுவரும் புகைப்படத்தை வெளியிட்டார்கள். இப்படி எம்ஜிஆர் செய்திருக்கும்போது, ஜெயலலிதாவை புகைப்படம் எடுப்பதற்கு ஏன் மறுத்துவிட்டார்கள்.

ஜெயலலிதாவை ஐசியூவில் உள்ள துகளின் வழியாக ஆளுநர் பார்த்ததாக டாக்டர் பாலாஜி கூறினார். இது எவ்வளவு பெரிய பொய்.

ரெட்டியை பார்த்து ஜெயலலிதாவின் உடல்நிலை குறித்து விசாரித்தேன் என ஆளுநர் அறிக்கை வெளியிட்டார். ஆனால் மருத்துவர் பாலாஜியோ ஐசியூவின் துகள் வழியாக ஆளுநர் பார்த்தாக பொய் கூறுகிறார் என்று நக்கீரன் தெரிவித்துள்ளார்

அ.தி.மு.க. சட்டமன்ற உறுப்பினர்கள் தங்கவைக்கப்பட்டிருக்கும் கூவத்தூர் விடுதியில் குண்டர்கள் காவலுக்கு இருப்பதாகவும் அவர்கள் துன்புறுத்தப்படுவதாகவும் முதலமைச்சர் ஓ.பன்னீர்செல்வம் குற்றம்சாட்டியிருக்கிறார்.

கூவத்தூரில் சசிகலா செய்தியாளர்களைச் சந்தித்த சிறிது நேரத்திற்குப் பிறகு சென்னையில் தனது இல்லத்தில் செய்தியாளர்களைச் சந்தித்த பன்னீர்செல்வம், எம்.எல்.ஏ.க்கள் தமது தொகுதி மக்களின் மன நிலையை அறிந்த பிறகு தங்கள் ஆதரவு யாருக்கு என்பதை முடிவுசெய்ய வேண்டுமெனக் கூறினார்.

உள்துறை முதல்வர் வசம் இருப்பதால், அந்த எம்.எல்.ஏ.க்களை ஏன் ​பொலிஸ் மூலம் மீட்கக்கூடாது என கேள்வியெழுப்பப்பட்ட போது, அசாதாரண சூழல் ஏற்பட்டுவிடக் கூடாது என்பதால் அம்மாதிரி நடவடிக்கையில் இறங்கவில்லையென்று கூறினார்.

சசிகலா தொடர்ந்து செய்தியாளர்களைச் சந்திப்பது குறித்துப் பேசிய ஓ. பன்னீர்செல்வம், ஜெயலலிதா மருத்துவமனையில் இருந்தபோது அவர் மட்டுமே ஜெயலலிதாவைப் பார்த்து வந்த நிலையில், செய்தியாளர்களைச் சந்தித்து உண்மை நிலையை ஏன் தெளிவுபடுத்தவில்லையென்று கேள்வியெழுப்பினார்.

மேலும் முதல் முறையாக ஜெயலலிதா தன்னை முதலமைச்சராக்கிய காலகட்டத்திலிருந்து தற்போது வரையிலான 15 ஆண்டு காலத்தில் சசிகலாவால் தான் பட்ட துன்பங்களுக்கும் துயரங்களுக்கும் அளவில்லையென்றும் ஜெயலலிதா யாரோடு அன்பு பாராட்டினாலும் சசிகலாவால் பொறுக்க முடியாது என்றும் பன்னீர்செல்வம் கூறினார்.

ஜெயலலிதாவின் ரத்த சொந்தமான தீபாவை ஜெயலலிதா இறந்த பிறகுகூட அவரது சடலத்தின் அருகில்கூட அனுமதிக்கவில்லையென பன்னீர்செல்வம் குற்றம் சாட்டினார்.

சசிகலா எம்எல்ஏக்கள் மத்தியில் பேசும்போது தன்னைத்தானே சிங்கம் என்று சொல்லிக்கொள்வது வடிவேலு நானும் ரவுடிதான் என்று கூறிக்கொள்வதைப் போல இருக்கிறது என்று கேலியாகச் சொன்னார்.

மேலும் திங்கட்கிழமை தமிழக தலைமைச் செயலகத்திற்குச் சென்று பணிகளைக் கவனிக்கப்போவதாகவும் சட்டமன்றத்தில் பெரும்பான்மையை தன்னால் நிரூபிக்க முடியுமென்றும் பன்னீர்செல்வம் கூறினார்.

ஜெயலலிதா 145 படங்களில் பெரும் சிரமப்பட்டு நடித்து சம்பாதித்த சொத்துகள் கட்சிக்குத்தான் சொந்தமென்றும் பன்னீர்செல்வம் கூறினார்.

இதற்கிடையில் தேனி தொகுதியின் எம்.பி.யான ஆர். பார்த்திபனும் தனது ஆதரவை ஓ. பன்னீர்செல்வத்திற்குத் தெரிவித்திருக்கிறார். இதன் மூலம் அவருக்கு ஆதரவளிக்கும் எம்.பி.க்களின் எண்ணிக்கை 11ஆக உயர்ந்துள்ளது.

அதிமுக பொதுச் செயலாளர் வி.கே.சசிகலா பெயரில் தமிழக ஆளுநருக்கு பொய்யான கடிதம் அனுப்பப்பட்டுள்ளதாக அதிமுக தலைமையகம் குற்றம் சாட்டியுள்ளது.

சமூக வலைத்தளங்களில் ஆளுநருக்கு, அதிமுக பொதுச் செயலாளர் வி.கே.சசிகலா அனுப்பியதாக ஒரு போலி கடிம் வெளியாது. அதில், என்னால் ஓரளவுக்கு தான் பொறுமையாக இருக்க முடியும், இனியும் காலதாமதம் செய்தால் எனது சாவுக்கு நீங்கள் தான் காரணம் என எழுதி வைத்து கொண்டு தற்கொலை செய்து கொள்வேன் என சசிகலா எழுதியாக வெளியிடப்பட்டது.

இந்நிலையில் இதுகுறித்து அதிமுக தலைமையகம் கூறியதாவது, அதிமுக பொதுச் செயலாளர் வி.கே.சசிகலா பெயரில் தமிழக பொறுப்பு ஆளுநர் வித்யாசாகர் ராவுக்கு பொய்யான கடிதம் அனுப்பப்பட்டுள்ளது.

கடிதத்தில் கூறப்பட்டுள்ள அனைத்து தகவல்களும் பொய்யானவை.

இது போன்று போலித்தகவல் பரப்பும் விஷமிகளுக்கு கடும் கண்டனத்தை தெரிவிப்பதாக அதிமுக தலைக்கழகம் தெரிவித்துள்ளது.