அதிமுக பொதுச் செயலாளர் வி.கே.சசிகலா பெயரில் தமிழக ஆளுநருக்கு பொய்யான கடிதம் அனுப்பப்பட்டுள்ளதாக அதிமுக தலைமையகம் குற்றம் சாட்டியுள்ளது.

சமூக வலைத்தளங்களில் ஆளுநருக்கு, அதிமுக பொதுச் செயலாளர் வி.கே.சசிகலா அனுப்பியதாக ஒரு போலி கடிம் வெளியாது. அதில், என்னால் ஓரளவுக்கு தான் பொறுமையாக இருக்க முடியும், இனியும் காலதாமதம் செய்தால் எனது சாவுக்கு நீங்கள் தான் காரணம் என எழுதி வைத்து கொண்டு தற்கொலை செய்து கொள்வேன் என சசிகலா எழுதியாக வெளியிடப்பட்டது.

இந்நிலையில் இதுகுறித்து அதிமுக தலைமையகம் கூறியதாவது, அதிமுக பொதுச் செயலாளர் வி.கே.சசிகலா பெயரில் தமிழக பொறுப்பு ஆளுநர் வித்யாசாகர் ராவுக்கு பொய்யான கடிதம் அனுப்பப்பட்டுள்ளது.

கடிதத்தில் கூறப்பட்டுள்ள அனைத்து தகவல்களும் பொய்யானவை.

இது போன்று போலித்தகவல் பரப்பும் விஷமிகளுக்கு கடும் கண்டனத்தை தெரிவிப்பதாக அதிமுக தலைக்கழகம் தெரிவித்துள்ளது.

திருவண்ணாமலையில் அதிமுக நிர்வாகி ஒருவர் ஓட ஓட மர்ம நபர்களால் வெட்டிக் கொலை செய்யப்பட்ட சம்பவம் வீடியோவாக வெளியாகி அதிர வைத்துள்ளது.

அதிமுக முன்னாள் நகர செயலாளர் கனகராஜே இவ்வாறு வெட்டி படுகொலை செய்யப்பட்டுள்ளார்.

திருவண்ணாமலை அண்ணாமலையார் கோவிலுக்கு அருகே பைக்கில் சென்றுகொண்டிருந்த கனகராஜை, பைக்கில் வந்த மர்ம நபர்கள் சரமாரியாக வெட்டிச் சாய்த்துள்ளனர்.

இதில் கனகராஜ் சம்பவயிடத்திலேயே உயிரிழந்துள்ளார். பின்னர், மர்ம நபர்கள் சம்பவயிடத்தை விட்டு தப்பிச்சென்றுள்ளனர்.

கொலை குறித்து பொலிசார் நடத்திய விசாரணையில் சொத்து தகராறு காரணமாக அவர் கொல்லப்பட்டதாக தெரியவந்துள்ளது.

மேலும், சம்பவம் நடந்த பகுதியிலிருந்த சிசிடிவி கமெராவில் பதிவான காட்சிகளை பொலிசார் கைப்பற்றிள்ளனர்.

அதன் மூலம் இச்சம்பவத்தில் ஈடுபட்ட குற்றவாளிகளான திமுக பிரமுகர்கள் பாபு, ராஜா மற்றும் சரவணன் ஆகியோரை பொலிசார் அதிரடியாக கைது செய்துள்ளனர்.

அரசியலில் மாண்புமிகு இதயதெய்வம் மறைந்த தமிழக முன்னாள் முதல்வர் ஜெயலலிதாவுக்கு ஏற்பட்ட நிலைதான் தனக்கும் ஏற்பட்டுள்ளதாக சசிகலா தெரிவித்துள்ளார்.

கூவத்தூரில் உள்ள எம்எல்ஏக்களை சந்திக்க புறப்படும் முன் போயஸ் தோட்டத்தில் செய்தியாளர்களை சந்தித்த அதிமுக பொதுச்செயலாளர் சசிகலா கூறியதாவது,

ஒரு பெண் அரசியலில் இருப்பது என்பது மிகவும் கடினம். இதே நிலைதான் மாண்புமிகு இதயதெய்வம் அம்மா அவர்களுக்கும் ஏற்பட்டது. அம்மாவை எதிர்த்த கூட்டம்தான் இப்போது நம்மை எதிக்கிறது .

இதுபோலவே எம்ஜிஆர் காலத்திலும் சிலர் வெளியேறினார்கள். அது போன்ற சதிகளை எல்லாம் தகர்த்து தான் அம்மா கட்சியை வளர்த்தார்கள்.

மிரட்டல் உருட்டல்களை கண்டு நான் அஞ்சப்போவதில்லை. எதிர்நீச்சல் போட்டுத்தான் கழகத்தை இந்த அளவிற்கு உயர்த்தியுள்ளோம். நிச்சியமாக இதிலிருந்தும் நாம் மீண்டு வருவோம், நல்ல முடிவு கிடைக்கும் என தெரிவித்துள்ளார்.

 
எகிப்து அலெக்சாண்டிரியா நகரை சேர்ந்தவர் எமன் அஹ்மத் என்ற 36 வயது நிரம்பிய இவர் 500 கிலோ எடையுடன் உலகிலேயே அதிக எடையுடைய பெண் என அடையாளம் காணப்பட்டார்.

இவர் கடந்த 25 வருடங்களாக வீட்டை விட்டு வெளியில் செல்ல இயலாமல் தனது படுக்கையில் வாழ்க்கையினை கழித்து வந்துள்ளார்.

அவர் உடல் எடையை பற்றி அறிந்த இந்தியாவின் மும்பையை சேர்ந்த வைத்தியர்கள் உடல் எடையை சத்திர சிகிச்சையின் மூலம் குறைக்க முடிவு செய்தனர்.

இதையடுத்து எமனுக்காக பிரத்யோகமாக செய்யப்பட்ட படுக்கையில் அவர் ஏற்றப்பட்டு பின்னர் இந்தியாவுக்கு வரும் விமானத்தில் மிகவும் சிரமம் பட்டு ஏற்றப்பட்டார்.

அவர் உடல் நிலையை கருத்தில் கொண்டு செயற்கை வாயு சிலிண்டர்கள், அதிர்வு கருவி மற்றும் முக்கிய சாதனங்கள் விமானத்தில் அவருக்காக வைக்கப்பட்டிருந்தன.

அவருக்கு நுரையீரல் இரத்த குழாய் அடைப்பு ஏற்ப்பட வாய்ப்பிருந்ததால் அவர் பத்திரமாக அழைத்து வரப்பட்டார்.

மும்பை இன்று வந்து சேர்ந்த குறித்த பெண்ணிற்கு சிறப்பு அறை ஒதுக்கப்பட்டுள்ளது.விரைவில் அவருக்கு சிகிச்சை தொடங்கும் என எதிர்ப்பார்க்கப்படுகிறது.

மும்பை, பவாய் சிவ்சக்தி நகர் பகுதியை சேர்ந்த பெண்ணொருவர் தனக்கு பிறந்த இரண்டாவது பெண் குழந்தையை மூச்சுத் திணறடித்து கொன்றுள்ளதாக தெரிவிக்கப்பட்டுள்ளது. மீனா (23) என்ற பெண்ணுக்கு 2 வயதில் மூத்த புதல்வியொருவர் உள்ளார்.

இந்த நிலையில் கடந்த ஒரு மாதத்திற்கு முன் மீனாவிற்கு மற்றொரு பெண் குழந்தை பிறந்தது. இந்த நிலையில் சம்பவத்தன்று கணவர் பப்லு பணிக்குச் சென்று திரும்பி வந்தார்.

அப்போது 2-வது குழந்தை வெகு நேரமாக அமைதியாக இருந்தது. இதுகுறித்து அவர் கேட்டபோது குழந்தை தூங்குவதாக மீனா கூறினார்.

சிறிது நேரம் கழித்து மீனா குழந்தையை எழுப்பினார். ஆனால் குழந்தை பேச்சு மூச்சு இன்றி கிடந்தது.

உடனடியாக அவர்கள் குழந்தையை ராஜவாடி மருத்துவமனைக்கு சிகிச்சைக்காக கொண்டு சென்றனர். அங்கு குழந்தையை பரிசோதித்த மருத்துவர்கள் குழந்தை உயிரிழந்துவிட்டதாக தெரிவித்தார்கள்.

இதைகேட்டு மீனா கதறி அழுதார். ஆனால் குழந்தை உயிரிழந்ததற்கான காரணம் தெரியவில்லை.

தகவல் அறிந்து வந்த பொலிஸார் குழந்தையின் உடலை மீட்டு பிரேத பரிசோதனைக்காக அனுப்பி வைத்தனர். பிரேத பரிசோதனை அறிக்கையில் குழந்தை மூச்சு திணறடிக்கப்பட்டு கொலை செய்யப்பட்டது தெரியவந்தது.

மேலும் குழந்தையின் தலையிலும் காயமிருந்தது. இதையடுத்து பொலிசார் குழந்தையின் தாய் மீனாவிடம் துருவிதுருவி விசாரணை நடத்தினர். அப்போது அவர் குழந்தையை கொலை செய்ததை ஒப்புக்கொண்டார்.

விசாரணையில் அவர் பொலிஸாரிடம் வாக்குமூலம் அளிக்கையில்..

எனக்கு ஆண் குழந்தை என்றால் ரொம்ப பிடிக்கும். எனவே திருமணத்திற்கு பிறகு எனக்கு ஆண் குழந்தை பிறக்க வேண்டும் என ஆசையாக இருந்தேன். இந்தநிலையில் எனக்கு முதல் குழந்தை பெண்ணாக பிறந்தது.

எனவே 2-வது குழந்தையாவது ஆணாக பிறக்க வேண்டும் என ஏக்கத்துடன் இருந்தேன். ஆனால் 2-வது குழந்தையும் பெண்ணாக பிறந்தது எனக்கு மிகப்பெரிய ஏமாற்றத்தை தந்தது. மனவேதனை அடைந்தேன்.

இந்தநிலையில் சம்பவத்தன்று குழந்தை அழுது கொண்டே இருந்தது. எனவே கோபத்தில் குழந்தையை வாய், மூக்கை பொத்தி மூச்சுத்திணறடித்தேன். மேலும் குழந்தையை தரையில் தூக்கி வீசினேன். இதில் குழந்தை பலியானது.

இந்தநிலையில் கணவரை ஏமாற்ற குழந்தை தூங்குவது போல படுக்க வைத்தேன். ஆஸ்பத்திரியில் அழுது நடித்தால் தப்பித்துவிடலாம் என நினைத்தேன். ஆனால் பிரேத பரிசோதனை அறிக்கையால் போலீசாரிடம் மாட்டிக்கொண்டேன் என்று தெரிவித்தார்.

இதையடுத்து பொலிஸார் அவரை கைது செய்து விசாரணை நடத்தி வருகின்றனர்.