வவுனியா தெற்கு பிரதேச செயலகத்திற்கு உட்பட்ட சிங்கள பாடசாலைகளுக்கு புதிதாக நியமிக்கப்பட்ட 15 ஆசிரியர்களுக்கு இடமாற்றம் வழங்கப்பட்டமைக்கு எதிர்ப்பு தெரிவித்து இன்று (03.11.2016) வவுனியா தெற்கு வலய கல்வி திணைக்களகத்திற்கு முன்னால் பொதுமக்களினால் ஆர்ப்பாட்டம் ஒன்று முன்னெடுக்கப்பட்டது.

ஆர்ப்பாட்டத்தில் ஈடுபட்டவர்கள் வவுனியா தேசியக் கல்வியல் கல்லூரியில் சிங்கள மாணவர்களின் புதிய கற்கை நெறியினை உடனடியாக ஆரம்பிக்கவும், சிங்கள மாணவர்களின் ஆரம்ப கல்வி செயற்பாடுகள் வேற்றுத்தாயின் பிள்ளைகள் போல் பாரா முகமாக இருப்பது ஏன் எனவும் கேள்வி எழுப்பியுள்ளனர்.

மேலும் கல்வி அமைச்சர் அவர்களே புதிய ஆசிரியர்களுக்கு இடமாற்றம் வழங்கியது ஏன்? புதிதாக வரும் ஆசிரியர்களுக்கு அரசியல் மூலம் இடமாற்றம் வழங்கியது யார்? போன்ற பதாதைகளை தாங்கிய வண்ணம் கோசங்களை எழுப்பியவாறு ஆர்ப்பாட்டத்தில் ஈடுப்பட்டனர்.

நேற்று வவுனியா ஓமந்தை புதிய வேலன்சின்னக்குளம் பகுதியிலில் கிணற்றில் குதித்து தற்கொலை செய்து கொண்ட தாய் மற்றும் மூன்று வயது மகன் ஆகியோரின் சடலங்கள் இன்று (03.11.2016) காலை அப்பகுதியிலுள்ள கிணற்றுக்குள் இருந்து மீட்க்கப்பட்டுள்ளன.

இவ்வாறு சடலமாக மீட்க்கப்பட்டவர்கள் வவுனியா புதியவேலர் சின்னக்குளம் பகுதியைச் சேர்ந்த 23 வயதான நாகேந்திரன் சுகந்தினி என்ற இளம் தாயும் இவரது இரண்டரை வயது மகனுமாகவும்.

இரண்டு நுண்நிதி நிறுவனங்களில் பெறப்பட்ட கடனினை செலுத்த முடியாமல் இத் தற்கொலை இடம்பெற்றுள்ளது.

குறித்த பெண் இரண்டு நுண்நிதி நிறுவனங்களில் பெறப்பட்ட கடனை திருப்பி செலுத்துவதில் ஏற்பட்ட தாமதத்தினை அடுத்து நேற்று முன்தினம் (01.11.2016) செவ்வாய்க்கிழமை ஒரு நிறுவனத்திற்கு கடன் செலுத்தவேண்டியிருந்துள்ளது. எனினும் புதன்கிழமை கடனைச் செலுத்துவதாக தெரிவித்துள்ளார்.

இவரின் கணவர் மேசன் தொழிலினை மேற்கொண்டு வருகின்றார். கடந்த இரண்டு தினங்களாக வைத்தியசாலையில் தங்கியிருந்து சிகிச்சை பெற்றுத் திரும்பியுள்ளார்.

கடந்த ஆறு மாதங்களுக்கு முன்னரும் குடும்பத்தில் கடன் செலுத்துவதில் ஏற்பட்ட கருத்து முரண்பாட்டால் குறித்த பெண் கிணற்றிற்குள் குதித்து தற்கொலை செய்துகொள்வதற்கு இரண்டு பிள்ளைகளையும் அழைத்துக்கொண்டு சென்றுள்ளார். அதன் பின்னர் உறவினர்கள் சமாதானப்படுத்தி அழைத்துச் சென்றுள்ளனர்.

அதனையடுத்தே குறித்த பெண்ணைக் காணவில்லை என்று இன்று (03.11.2016) குறித்த கிணற்றுக்குள் சென்று பார்த்தபோது கிணற்றிக்கு வெளியே அவர் அணிந்த செருப்பினை அவதானித்துள்ளதுடன், கிணற்றுக்குள் நாகேந்திரன் கிந்துஷன் (இரண்டரை வயது) , நாகேந்திரன் சுகந்தினி (வயது 23) ஆகிய தாய், மகன் சடலமாக மிதப்பதை அவதானித்து உடனடியாக கிராம அபிவிருத்திச் சங்கத் தலைவருக்குத் தெரியப்படுத்தியுள்ளனர்.

இதனையடுத்து பொலிஸார் சம்பவ இடத்திற்கு விரைந்து விசாரணைகளை மேற்கொண்டனர்.

சம்பவ இடத்திற்குச் சென்ற மரண விசாரணை அதிகாரி சடலத்தினை பார்வையிட்டதுடன், சடலம் பரிசோதனைக்காக வவுனியா பொது வைத்தியசாலைக்கு எடுத்துச் செல்லப்பட்டு விசாரணைகளின் பின்னர் இன்று மாலை உறவினர்களிடம் ஒப்படைக்கப்பட்டுள்ளது.

தொடர்புபட்ட செய்தி : வவுனியாவில் தாயும் 3 வயது மகனும் கிணற்றுக்குள் குதித்து தற்கொலை!!(அதிர்ச்சிப் படங்கள்)

வவுனியாவில் தீபாவளி தினத்தன்று இடம்பெற்ற வாள்வெட்டு, மோதல்கள் தொடர்பில் சந்தேகத்தின் பேரில் கைதுசெய்யப்பட்ட 7 பேரை எதிர்வரும் 11 ஆம் திகதி வரை விளக்கமறியலில் வைக்குமாறு வவுனியா நீதிமன்றம் உத்தரவிட்டுள்ளது.

கடந்த 28ஆம் திகதி வவுனியாவின் பல இடங்களிலும் வாள்வெட்டு, குழுமோதல்கள் இடம்பெற்றதுடன் இதன்போது பலர் காயமடைந்திருந்தனர்.

இது தொடர்பில் விசாரணைகளை மேற்கொண்ட வவுனியா பொலிசார் மதீனாநகர் பகுதியில் தமிழ், முஸ்லிம் இளைஞர்களுக்கிடையில் ஏற்பட்ட மோதல் தொடர்பில் 5 பேரையும், கற்குழி பகுதியில் இடம்பெற்ற வாள்வெட்டு தொடர்பில் 2 பேரையும் கைதுசெய்து வவுனியா நீதிமன்றில் முன்னிலைப்படுத்தியிருந்தனர்.

நேற்று புதன்கிழமை இந்த வழக்கை விசாரித்த வவுனியா நீதிமன்றம், குறித்த 7 பேரையும் எதிர்வரும் 11 ஆம் திகதி வரை விள்க்கமறியலில் வைக்குமாறு உத்தரவிட்டுள்ளமை குறிப்பிடத்தக்கது.

 
வவுனியா பழையவாடி வீதி புளியங்குளம் பகுதியில் கத்தியை கழுத்தில் வைத்து மிரட்டி கொள்ளையிட்ட சம்பவம் ஒன்று இடம்பெற்றுள்ளது. இச் சம்பவம் பற்றி மேலும் தெரியவருவதாவது..

இன்று (03.11.2016) அதிகாலை 1 மணியளவில் வீடொன்றில் இரண்டு பேர் கொண்ட கும்பல் ஒன்று திடீரென வீட்டிற்குள் புகுந்து வீட்டிலிருந்தவர்களின் கழுத்தில் கத்திவைத்து மிரட்டி கொள்ளையிட்டுச் சென்றுள்ளது.

இச்சம்பவத்தில் வீட்டிலிருந்த 10 பவுண் நகைகள் கொள்ளையிடப்பட்டுள்ளதாக தெரிவிக்கப்படுகின்றது.

மேலதிக விசாரணைகளை புளியங்குளம் பொலிஸார் மோப்ப நாயின் உதவியுடன் மேற்கொண்டு வருகின்றனர்.

 
வவுனியாவில் நேற்று(02.11.2016) கிணற்றில் குதித்து தற்கொலை செய்து கொண்ட தாய் மற்றும் மகனின் சடலம் இன்று காலை மீட்கப்பட்டுள்ளது. இச் சம்பவம் குறித்து மேலும் தெரியவருகையில்..

நேற்று வவுனியா ஓமந்தை புதிய வேலன்சின்னக்குளம் பகுதியிலில் கிணற்றில் குதித்து தற்கொலை செய்து கொண்ட தாய் மற்றும் மூன்று வயது மகன் ஆகியோரின் சடலங்கள் இன்று (03.11.2016) காலை அப்பகுதியிலுள்ள கிணற்றுக்குள் இருந்து மீட்க்கப்பட்டுள்ளது.

இவ்வாறு சடலமாக மீட்க்கப்பட்டவர் வவுனியா புதியவேலர் சின்னக்குளம் பகுதியைச் சேர்ந்த 23 வயதான நாகேந்திரன் சுகந்தினி என்ற இளம் தாயும் இவரது 3 வயது மகனுமாகவும்.

நுண்நிதி கடன் வழங்கும் நிறுவனமொன்றில் பெற்ற கடன் தொடர்பில் கணவன் மனைவி ஆகியோருக்கிடையில் நேற்றைய தினம் கடும் வாக்குவாதம் ஏற்பட்டுள்ளது.

இதனையடுத்து குறித்த இளம் தாய், தனது இரண்டரை வயதுடைய குழந்தையுடன் குறித்த நிதி நிறுவனத்திற்குச் செல்வதாகத் தெரிவித்து வீட்டில் இருந்து வெளியேறிச் சென்றுள்ளார்.

இதன்போது தனது 5 வயது மகனையும் அழைத்தபோதிலும், சிறுவன் தனது தந்தையுடன் நிற்பதாக தெரிவித்ததை அடுத்து 3 வயதுக் குழந்தையும் இளம் தாய் வெளியில் சென்றுள்ளார்.

எனினும் இருவரும் இரவாகியும் வீட்டிற்கு வராத நிலையில் அயலவர்களின் உதவியுடன் குறித்த பெண்னின் கணவனும் இணைந்து மனைவியையும் பிள்ளையையும் தேடியுள்ளனர்.

இதன்போதே சின்னக்குளம் கிராமத்தின் அயல்கிராமமான பன்றிக்கெய்தகுளம் கிராமத்தின் பின்புறமாக உள்ள பாழடைந்த கிணறொன்றில் இருந்து இருவரது சடலங்களும் கண்டுபிடிக்கப்பட்டு, மீட்கப்பட்டுள்ள

சம்பவ இடத்திற்குச் சென்ற பொலிசார் மேலதிக விசாரணைகளை மேற்கொண்டு வருகின்றனர்.

இதேவேளை சம்பவ இடத்திற்கு சென்ற வன்னி மாவட்ட பாராளுமன்ற உறுப்பினர் சிவசக்தி ஆனந்தன் மற்றும் வடமாகாணசபை உறுப்பினர் செந்தில்நாதன் மயூரன் ஆகியோர் உயிரிழந்த பெண்ணின் கணவர் மற்றும் உறவினர்களுக்கு ஆறுதல் தெரிவித்துள்ளனர்.