வாழ்கையில் அதிர்ஷ்டம் பலமுறை வந்தாலும் அதற்கான தக்க முயற்சிகளை சரியான சந்தர்ப்பத்தில் எடுக்காவிடின் ஒருபோதும் வெற்றி பெறாது.

ஓர் காலகட்டத்தில் சென்னை தெருக்களில் பிச்சை எடுத்த ஓர் இளைஞர் கேம்பிரிட்ஜ் பல்கலைக்கழகத்தில் தனது பட்டப்படிப்பினை வெற்றிகரமாக முடித்துள்ளார்.

ஆந்திர மாநிலத்தில் ஏற்பட்ட பஞ்சம் காரணமாக சென்னை வந்த ஜெயவேல் என்ற இளைஞர் வேலை ஏதும் கிடைக்காததால் வறுமையின் பொருட்டு தனது பெற்றோருடன் பிச்சை எடுத்து வந்துள்ளார்.

அப்போது தெருவோரம் வசிப்போரின் வாழ்க்கையை ஆவணப்படமாக பதிவு செய்ய வந்த உமா – முத்துராமன் தம்பதி ஜெயவேலை தத்தெடுத்து படிக்க வைத்துள்ளனர்.

அவர்கள் ஜெயவேலுவிற்கு கொடுத்த ஊக்கத்தால் நன்றாக படித்த ஜெயவேல் 12ம் வகுப்பில் நல்ல மதிப்பெண் பெற்றார்.

ஜெயவேலிற்கு மேற்படிப்பு படிக்க சில ஆர்வலர்கள் முன் வந்தனர். உலகத்தரம் வாய்ந்த கேம்பிரிட்ஜ் பல்கலைக்கழகத்தின் நுழைவுத்தேர்வில் தகுதிபெற்று அந்தப்பல்கலைக்கழகத்தில் கார்களின் செயல்திறனை மேம்படுத்துவது தொடர்பான பட்டப்படிப்பை முடித்தார்.

தற்போது இத்தாலியில் உள்ள டுரின் பல்கலைக்கழகத்தில் மேற்படிப்பு படித்து வரும் ஜெயவேலின் படிப்பு செலவுக்காக உமா – முத்துராமன் தம்பதியினர் ரூ. 25 லட்சம் வரை செலவு செய்துள்ளனர். தான் தாய்நாடு திரும்பியதும் இந்த தம்பதியினருக்கு கடனை கொடுத்துவிட்டு தன்னால் இயன்ற உதவிகளை எல்லோருக்கும் செய்வேன் என ஜெயவேல் கூறியுள்ளார்.

தூத்துக்குடி மாவட்டத்தில் கணவர் திருட்டு வழக்கில் சிக்கியதால் தனது மூன்று மகள்களுடன் மனைவி தூக்கில் தொங்கி தற்கொலை செய்துள்ள சம்பவம் அப்பகுதியில் பெரும் பரபரப்பை ஏற்படுத்தியுள்ளது.

தூத்துக்குடி மாவட்டம் ஆழ்வார் திருநகர் பகுதியைச் சேர்ந்தவர் தமிழ்செல்வன் (53). இவர் ஸ்ரீ வைகுண்டம் பகுதியில் மின் ஊழியராக பணியாற்றி வருகிறார். இவரது மனைவி ஜெயா (50). மகள்கள் சக்திமாலா தேவி (25). பி.இ., படித்துள்ளார். கலைவாணி (20). ஆசிரியர் பயிற்சி படிப்பு முடித்துள்ளார். காயத்ரி (17). ஆழ்வார் திருநகரில் உள்ள ஒரு மேல்நிலைப்பள்ளியில் பன்னிரெண்டாம் வகுப்பு படித்து வந்தார்.

இந்நிலையில், தமிழ்செல்வனுக்கு உடன் தற்காலிக பணியாளராக பணியாற்றும் ரேவதி என்பவருடன் கள்ளதொடர்பு இருந்ததாக கூறப்படுகிறது. ரேவதிக்கும், சுதீஷ்ராஜா என்பவருக்கும் 4 ஆண்டுகளுக்கு முன்பு திருமணம் நடந்தது. அதன் பின்னர் சுதீஷ்ராஜா மும்பையில் வேலை பார்த்து வருகிறார்.

இதை தொடர்ந்து, மும்பையில், ஒரு வீட்டில் 80 பவுன் நகை காணாமல் போன வழக்கில் சுதிஷ்ராஜாவிற்கு தொடர்பு உள்ளது என சுதிஷ்ராஜாவை மும்பை பொலிசார் ஆழ்வார்திருநகரிக்கு தேடி வந்துள்ளனர். வீட்டில் அவர் இல்லாத காரணத்தால் அவரது மனைவி ரேவதியிடம் விசாரித்துள்ளனர். ஆனால் பொலிசார் விசாரணைக்கு ரேவதி முரண்பாடாக பதிலளித்துள்ளார்.

இந்நிலையில், ரேவதி ஸ்ரீவைகுண்டத்தில் உள்ள ஒரு ஆசாரியிடம் விற்று பணமாக மாற்றிவிட்டதாக மும்பை போலீசுக்கு தகவல் கிடைள்ளது. உடனடியாக ஸ்ரீவைகுண்டத்தில் உள்ள ஒரு ஆசாரியிடம் விற்று பணமாக மாற்றிவிட்டதாக மும்பை போலீசுக்கு தகவல் கிடைத்துள்ளது.

பொலிசார் உடனடியாக அந்த ஆசாரியை பிடித்து விசாரணை மேற்கொண்டதில், தமிழ்ச்செல்வனும், ரேவதியும் 80 பவுன் நகைகளை விற்று பணம் பெற்றது உறுதிபட தெரிய வந்துள்ளது. பின்பு, பொலிசார் தமிழ்செல்வனையும், ரேவதியையும் கைது செய்துள்ளனர்.

இந்நிலையில், தமிழ்செல்வனின் மனைவிக்கு இந்த விடயம் தெரிய வரவே உறவினர்கள் மற்றும் ஊர்மக்கள் மத்தியில் கவுரவமாக வாழ்ந்த தமிழ்ச்செல்வன் திருட்டு நகையை விற்ற வழக்கில் சிக்கி விட்டாரே என மனைவி ஜெயா, மகள்கள் சக்திமாலாதேவி, கலைவாணி, காயத்ரி ஆகியோர் மனம் உடைந்து அழுதனர். இனி மானத்தோடு உயிர் வாழ முடியாது என நினைத்தனர். இதையடுத்து தாய் ஜெயா, மகள்கள் சக்திமாலாதேவி, கலைவாணி, காயத்ரி ஆகிய 4 பேரும் தூக்குப் போட்டு தற்கொலை செய்துள்ளனர்.

இதையறிந்த அப்பகுதி மக்கள் பொலிசாருக்கு தகவல் கொடுக்கவே, சம்பவ இடத்திற்கு விரைந்து வந்த பொலிசார் 4 பேர் உடல்களையும் கைப்பற்றி பிரேத பரிசோதனைக்காக ஸ்ரீவைகுண்டம் அரசு மருத்துவமனைக்கு அனுப்பி வைத்தனர். தாயும், 3 மகள்களும் தூக்குப் போட்டு தற்கொலை செய்து கொண்ட சம்பவம் ஆழ்வார் திருநகரியில் பெரும் சோகத்தையும், பரபரப்பையும் ஏற்படுத்தியுள்ளது.

விவாகரத்து பற்றிய செய்தி உண்மையானதே என சௌந்தர்யா அஸ்வின் தனது ட்விட்டர் பக்கத்தில் பதிவிட்டுள்ளார்.

சூப்பர் ஸ்டார் ரஜினிகாந்தின் மகள்கள் இருவருமே குடும்பத்தை அழகிய முறையில் நடத்தும் சிறந்த குடும்ப பெண்கள் தான்.

இந்நிலையில், ரஜினியின் இரண்டாவது மகள் சௌந்தர்யா அஸ்வின் 2010ல் தொழிலதிபர் அஸ்வின் ராம்குமாரை திருமணம் செய்து கொண்டார்.

கடந்த நான்கு மாதங்களாக இருவர்களுக்குமிடயே உறவில் கசப்பு ஏற்பட்டுள்ளதாகவும், இதனால் இவர்களுக்கிடையே விவாகரத்து ஏற்பட்டு விட்டதாகவும் செய்திகள் வெளியாகின.

இந்நிலையில், அவ்வாறு வெளியான செய்தி உண்மைதான் எனவும், இது எங்கள் சொந்த வாழ்க்கை பிரச்சனை தயவு செய்து இதற்கு மரியாதை கொடுங்கள் என்றும் தனது ட்விட்டர் பக்கத்தில் பதிவினை வெளியிட்டுள்ளார்.

பிரதமர் நரேந்திர மோடி இன்று (செப்டம்பர் 17) தனது 66வது பிறந்த தினத்தை குஜராத்தில் கொண்டாடுகிறார்.

இந்நிலையில், இவரது பிறந்த நாளை கின்னஸ் சாதனை முயற்சிகளுடன் கொண்டாட ஏற்பாடுகள் செய்யப்பட்டுள்ளது.

குஜராத் மாநிலத்தில் தனது 66வது பிறந்த தினத்தை வெகு விமர்சையாக கொண்டாடுகிறார்.

இதைத் தொடர்ந்து, குஜராத் அரசு சார்பில் நவசாரி எனும் இடத்தில் 11,223 மாற்று திறனாளிகளுக்கு, ரூ.7.5 லட்சம் செலவில் நலத்திட்ட உதவிகள் வழங்க ஏற்பாடு செய்யப்பட்டுள்ளது. இதனால் அதிக நல திட்டங்கள் வழங்கியதாக இந்நிகழ்வு கின்னஸ் சாதனையில் இடம்பெறும் என எதிர்பார்க்கப்படுகிறது.

மேலும், இவ்விழாவில் மாற்றுத்திறனாளிகள் ஒரே நேரத்தில் ஆயிரம் எண்ணெய் விளக்குகளை ஏற்றி கின்னஸ் சாதனை படைக்க உள்ளனர்.

இதற்கிடையில், 1000 பேருக்கு சக்கர நாற்காலிகள் மற்றும் காது கேட்கும் கருவி வழங்கி கின்னஸ் சாதனையில் இடம்பெற திட்டமிட்டுள்ளனர்.

கடந்த ஜனவரி மாதம் வாரணாசி தொகுதியில் நடைபெற்ற நலத்திட்ட உதவிகள் வழங்கும் விழாவில் 10,200 பேருக்கு உதவிகள் வழங்கப்பட்டு கின்னஸ் சாதனைக்கு அனுப்பட்டது. ஆனால் புகைப்படம், வீடியோ போன்ற உரிய ஆதாரங்கள் இல்லாததால் கின்னஸ் சாதனைக்கு ஏற்றதாக அங்கீகரிக்கப்படவில்லை என்பது குறிப்பிடத்தக்கது.