இலங்கைப் பெண்களுக்கு மார்பகப் புற்று நோய் ஏற்படக்கூடிய அபாயம் அதிகமாக உள்ளது என இலங்கை புற்று நோய் நிபுணத்துவ மருத்துவர்களின் சங்கத் தலைவர் டொக்டர் தமயந்தி பீரிஸ் தெரிவித்துள்ளார். கொழும்பு ஊடகமொன்றுக்கு அவர் இதனைத் தெரிவித்துள்ளார்.அவர் மேலும் கூறுகையில்,

ஒவ்வொரு ஆண்டிலும் மஹரகம புற்று நோய் வைத்தியசாலையில் மட்டும் புற்று நோய் தொடர்பிலான 12000 பேர் பதிவாகின்றனர்.இதில் அதிகளவானவர்கள் மார்பகப் புற்று நோய் ஏற்பட்ட பெண்களாவர்.

மஹரமகவில் மட்டுமன்றி நாட்டின் ஏனைய வைத்தியசாலைகளிலும் மார்பகப் புற்று நோய் ஏற்பட்ட பெண்கள் சிகிச்சை பெற்றுக்கொள்கின்றனர்.

மார்பகப் புற்று நோய் ஏற்பட்ட பெண்களில் அதிகளவானவர்கள் 30 முதல் 40 வயது வரையிலானவர்களாகும்.

உரிய உடற்பயிற்சிகளில் ஈடுபடாமை, செயற்கை உணவுப் பொருட்களை அதிகளவில் உட்கொள்ளல் போன்ற பழக்க வழக்கங்களை உடையவர்கள் என தெரியவந்துள்ளது.

பெரும் எண்ணிக்கையிலான பெண்களுக்கு இந்த நோய் பற்றி போதிய தெளிவற்ற நிலைமை காணப்படுகின்றது.

பெண்களின் மார்பகங்களில் ஏதேனும் ஓர் மாற்றத்தை அவதானித்தால் உடனடியாக அரசாங்க வைத்தியசாலை ஒன்றுக்கு சென்று பரிசோதனை செய்து கொள்வது உசிதமானது என டொக்டர் தமயந்தி பீரிஸ் தெரிவித்துள்ளார்.

சிறுமிகளை துஸ்பிரயோகத்திற்குட்படுத்திய குற்றத்தின் பேரில் விந்துலை பொலிஸ் பிரிவுக்குட்பட்ட பம்பரகலை தோட்ட மிடில் பிரிவைச் சேர்ந்த ஒருவர் கைது செய்யப்பட்டுள்ளார்.

குறித்த சந்தேக நபர் பம்பரகலை தோட்ட மிடில் பிரிவைச் சேர்ந்த முத்துசாமி செல்லையா (வயது 67) என அடையாளம் காணப்பட்டுள்ளதாகவும் பொலிஸார் தெரிவித்துள்ளனர்.

நேற்று மாலை 4 வயது மற்றும் 6 வயதுடைய இரு சிறுமிகளையே அவர் துஸ்பிரயோகத்திற்குட்படுத்தியதாகவும் பொலிஸார் தெரிவித்துள்ளனர்.

குறித்த சந்தேக நபரை விந்துலை பொலிஸார் நேற்று இரவு கைது செய்ததுடன் இன்று நுவரெலியா நீதிமன்றத்தில் ஆஜர்படுத்தவுள்ளதாக பொலிஸார் தெரிவித்தனர்.

அத்தோடு சிறுமிகள் இருவரும் லிந்துலை வைத்தியசாலையில் அனுமதிக்கப்பட்டு பின்னர் நுவரெலியா மாவட்ட வைத்தியசாலைக்கு மாற்றப்பட்டுள்ளதாகவும் பொலிஸார் மேலும் தெரிவித்தனர்.

சந்தேக நபர் குறித்த இரு சிறுமிகளையும் மாடுகள் வளர்க்கும் தொழுவத்திற்கு அழைத்து சென்றே இவ்வாறு வல்லுறவுக்குட்படுத்தியதாக பொலிஸாரின் ஆரம்ப கட்ட விசாரணைகளிலிருந்து தெரியவந்துள்ளமை குறிப்பிடத்தக்கது.

கல்நேவ – மல்படிகல பகுதியில் சிறுமி ஒருவரை ஒரு வருட காலத்திற்கு மேல் துஷ்பிரயோகத்திற்கு உற்படுத்திய இளைஞன் கைதுசெய்யப்பட்டுள்ளார்.

கைதுசெய்யப்பட்ட குறித்த இளைஞன் 21 வயதானவர் என பொலிஸார் தெரிவித்தனர். குறித்த இளைஞன் கொலை ஒன்றுடன் தொடர்புடை குற்றச்சாட்டில் கைதுசெய்யப்பட்டு விடுவிக்கப்பட்டுப்பட்டவரென பொலிஸார் தெரிவித்தனர்.

கைதுசெய்யப்பட்ட இளைஞனை இன்று (08) கெக்கிராவ நீதவான் நீதிமன்றில் ஆஜர்படுத்தவுள்ளதாக பொலிஸார் தெரிவித்தனர்.

கடற்­படை வீரர் ஒரு­வரின் பின்­பு­றத்தின் இரு இடங்­களில் (பிருஸ்ட பகுதி) துளை­யிட்­டி­ருந்த கொங்­கிறீட் கம்­பிகள் இரண்­டினை ஹம்­பாந்­தோட்டை பொது வைத்­தி­ய­சா­லையின் வைத்­தி­யர்கள் வெற்­றி­க­ர­மாக அறுவை சிகிச்­சை யின் மூலம் அகற்­றி­யுள்­ளனர்.

நேற்று முன்­தினம் இரவு கதிர்­காமம் நோக்கி பய­ணித்துக் கொண்­டி­ருந்த பஸ்­ஸொன்றில் இருந்து இறங்­கிய குறித்த 34 வய­தான கடற்­படை வீரர் வீதியில் வெட்­டப்­பட்­டி­ருந்த 25 அடி ஆழ­மான குழியொன்றில் தவ­று­த­லாக வீழ்­தி­ருந்த நிலையில் கொங்­கிறீட் இடு­வ­தற்­காக பொருத்தப்பட்டிருந்த கொங்­கிறீட் கம்­பிகள் இரண்டு அவ­ரது தொடைப் பகு­தி­யினை துளைத்திருந்தன.

இத­னை­ய­டுத்து குறித்த கொங்­கிறீட் கம்­பி­யுடன், காய­ம­டைந்த கடற்­படை வீரர் திஸ்­ஸ­ம­ஹா­ராம வைத்­தி­ய­சா­லைக்கும் பின்னர் அங்­கி­ருந்து ஹம்­பாந்­தோட்டை வைத்­தி­ய­சா­லைக்கும் அனுப்பி வைக்­கப்­பட்­டி­ருந்தார்.

அங்கு பல மணித்­தி­யா­லங்­க­ளாக மேற்­கொள்­ளப்­பட்ட அறுவை சிகிச்­சையின் மூலம் அக்கம்பிகள் அகற்றப்பட்டிருந்தாக ஹம்பாந்தோட்டை வைத்தியசாலையின் வைத்திய பணிப்பாளர் தெரிவித்திருந்தார்.

மட்டக்களப்பு காத்தான்குடி பொலிஸ் பிரிவிலுள்ள நொச்சிமுனை கிராமத்தின் வீடொன்றில் கனவன் வெட்டிக்கொலை செய்யப்பட்டுள்ளதுடன், மனைவி நஞ்சருந்திய நிலையில் மட்டக்களப்பு போதனா வைத்தியசாலையில் அனுமதிக்கப்பட்டுள்ளதாக காத்தான்குடி பொலிசார் தெரிவித்தனர்.

இன்று(08.09.2016) வியாழக்கிழமை அதிகாலை இச்சம்பவம் இடம் பெற்றுள்ளது. மட்டக்களப்பு கல்லடி இசை நடனக்கல்லூரி வீதி நொச்சிமுனைக் கிராமத்திலேயே இச்சம்பவம் இடம் பெற்றுள்ளது.

குறித்த வீதியின் வீடொன்றில் ஒருவர் கொலை செய்யப்பட்ட நிலையில் கிடப்பதாக காததான்குடி பொலிசாருக்கு கிடைத்த தகவலையடுத்து அங்கு விரைந்த காத்தான்குடி பொலிசார் சடலத்தை மீட்டுள்ளனர்.

வெள்ளத்தம்பி மகேஸ்வரன்(26) என்பவரே இந்த சம்பவத்தில வெட்டப்பட்டு கொலை செய்யப்பட்டுள்ளார் என காத்தான்குடி பொலிசார் தெரிவித்தனர்.

இவரது மனைவியான மகேஸ்வரன் சிந்து (26) என்பவர் நஞ்சருந்திய நிலையில் காணப்பட்டுள்ளார். இவரை அயலவர்கள் மட்டக்களப்பு போதனா வைத்தியசாலைக்கு கொண்டு சென்று அங்கு அனுமதித்துள்ளனர்.

குறித்த வெள்ளத்தம்பி மகேஸ்வரனின் சடலத்தில் வெட்டுக்காயங்கள் காணப்படுவதாகவும் இவர் வெட்டிக் கொலை செய்யப்பட்டிருக்கலாமெனவும் பொலிசார் சந்தேகிக்கின்றனர்.

கொத்தியபுரத்தைச் சேர்ந்த இவர்கள் இருவரும் திருமணமாகி ஒரு வருடமாகின்றது. இவர்கள் குறித்த நொச்சிமுனைக் கிராமத்தில் வீடொன்றில் வாடகைக்கு வசித்து வந்ததாகவும், இவர்களிருவருக்கும் குழந்தைகள் இல்லையெனவும், இருவருக்குமிடையில் அடிக்கடி தகராறு இடம் பெற்று வந்த நிலையில் இச்சம்பவம் இடம் பெற்றுள்ளதாக ஆரம்பக்கட்ட விசாரணைகளில் தெரிய வந்துள்ளதாக காத்தான்குடி பொலிசார் தெரிவித்தனர்.

கனவனை மனைவி வெட்டி கொலை செய்திருக்கலாமெனவும் கனவனை கொலை செய்து விட்டு மனைவி நஞ்சருந்தியிருக்கலாமெனவும் பொலிசார் சந்தேகிக்கின்றனர்.

இவர்களின் வீட்டில் அடிக்கடி சண்டை பிடிக்கும் சத்தம் கேட்கும் எனவும் வழமைபோன்று இரவும் சண்டையிடும் சத்தம் கேட்டதாகவும் அயலவர்கள் தெரிவித்தனர்.

சம்பவ இடத்திற்கு விரைந்த பொலிஸ் தடயவியல் அதிகாரிகள் அங்கு பரிசோதனைகளை மேற் கொண்டனர்.

இச் சம்பவம் தொடர்பில் காத்தான்குடி பொலிசார் தொடர்ந்து விசாரணகளை மேற் கொண்டு வருகின்றனர்.