சுவாதி கொலை வழக்கு தொடர்பாக அவ்வப்போது பதிவுகளை வெளியிட்டு பரபரப்பை ஏற்படுத்தி வரும் தமிழச்சி, தற்போது, ஒரு புதிய பதிவினை வெளியிட்டுள்ளார்.

அதில் அவர் கூறியிருப்பது, சுவாதி படுகொலை செய்யப்படும்போது கர்ப்பமாக இருந்தார் என்பது தான். அவர் வெளியிட்டுள்ள பதிவில்,

சுவாதி படுகொலை செய்யப்படும் போது அவர் கர்ப்பமாக இருந்தார்” என்ற வாய் வழி தகவல்களை நம்பி பதிவு செய்யவில்லை. ஆனால் அவருடைய ‘போஸ்ட்மார்ட் ரிப்போர்ட்’ மூலமாக அவை உண்மை என்று கண்டுபிடிக்கப்பட்டது. ஆனால் அவை நீதிமன்ற விசாரணையில் காவல்துறையினரால் சமர்ப்பிக்கப்படும் போது உண்மைக்கு புறம்பான தகவல்களாகவே இருக்கும் என்கிறார் அந்த நபர்.

சுவாதி படுகொலை செய்வதற்கு காரணமான நபர்கள், அவர்களுக்கு பின்னணியில் இருந்த சில பா.ஜ.கட்சி உறுப்பினர்களும் இந்து பரிவாள அமைப்பினரில் சிலருக்கும் இந்த உண்மை தெரிந்திருக்கிறது.

சுவாதி பிலாலை திருமணம் செய்தது, கர்ப்பமானது, இஸ்லாமிய மதமாற்றத்திற்கு முயன்றது உள்ளீட்ட இந்த காரணங்களினாலே படுகொலை செய்யப்பட்டார். அக்கொலைக்கு பிலாலையே பொறுப்பாக்கி இந்து / இஸ்லாமிய கலவரத்தை தூண்டி அரசியல் செய்வதும் தான் அவர்களுடைய முக்கிய குறிக்கோள்.

அதனால்தான் சுவாதி கொல்லப்பட்ட மறுநாளே பிலால் கதையை பா.ஜ.கவினரும் இந்து பரிவாள அமைப்புகளும் ஆரம்பித்தன.

பா.ஜ.கவைச் சேர்ந்த கல்யாண்ராமன் சுவாதி கர்ப்பாக இருந்ததை மறைமுகமாக எழுதி சில மணிநேரங்களில் அப்பதிவை நீக்கி விட்டார். அதேப்போல் ஓய்.ஜி.மகேந்திரனுக்கு ஆதரவாக பேசிய பதிவையும் காணவில்லை.

#தமிழச்சி

ஒடிசாவில், இறந்த மனைவியின் சடலத்தை, எடுத்துச் செல்ல வாகன வசதியில்லாமல், தன் தோளில் சுமந்து சென்ற கணவருக்கு உதவிட பஹ்ரைன் பிரதமர் முன்வந்துள்ளார்.

ஒடிசா மாநிலத்திலுள்ள காலஹந்தி மாவட்டத்தைச் சேர்ந்த, பழங்குடியினத்தவரான தனா மாஜி(49) தன் மனைவி அமாந்த் தேயை(42), காசநோய் சிகிச்சைக்காக அங்குள்ள அரசு மருத்துவமனையில் அனுமதித்திருந்தார்.

எனினும், சிகிச்சை பலனின்றி அவரது மனைவி இறந்தார். ஏழ்மையில் வாடும் தனா, மனைவியின் உடலை வீட்டிற்கு எடுத்துச் செல்ல இலவச ஆம்புலன்ஸ் வசதி செய்து தரும்படி கோரியும், மருத்துவமனை ஊழியர்கள், அவருக்கு உதவ மறுத்துவிட்டனர்.

இந்த நிலையில் வேறு வழியின்றி, மனைவியின் உடலை, தன் தோளில் சுமந்தபடி, 60 கி.மீ., தொலைவில் உள்ள தன் வீடு நோக்கி நடந்து வந்தார், அவருடன் 12 வயதான மகளும், உடன் நடந்து சென்றார்.

மருத்துவமனையிலிருந்து, 12 கி.மீ., கடந்த நிலையில், வழியில் பத்திரிகையாளர் ஒருவரின் உதவியால், இதுகுறித்து மாவட்ட ஆட்சியருக்கு தெரிவிக்கப்பட்டது. குறிப்பிட்ட மாவட்ட ஆட்சியரின் உத்தரவால் ஆம்புலன்ஸ் வரவழைக்கப்பட்டது.

பின் தனா மாஜி, மனைவியின் உடலை ஆம்புலன்சில் வீட்டிற்கு எடுத்துச் சென்றார். இச்சம்பவம் நாடு முழுவதும் பெரும் அதிர்ச்சியை ஏற்படுத்தியது.

இச்செய்தியை கேள்விப்பட்ட பஹ்ரைன் பிரதமர் கலிபா பின் சல்மான் அல் கலிபா மனம் வருந்தி உள்ளார். பின் தனா மாஜிக்கு நிதி உதவி செய்ய விரும்பியதாக கூறப்படுகிறது.

அதற்காக அவரின் முகவரி மற்றும் வங்கி கணக்கு விபரங்களை கொடுக்கும்படி கேட்டு பஹ்ரைன் தூதரகத்திற்கு, அந்நாட்டு பிரதமர் அலுவலகம் சார்பில் கடிதம் அனுப்பப்பட்டுள்ளது.

குறிப்பிட்ட விவரங்கள் கிடைத்ததும், விரைவில் தனா மாஜிக்கு பஹ்ரைன் பிரதமர் சார்பில் நிதி உதவி வழங்கப்படும் என தெரிவிக்கப்பட்டுள்ளது.

ஈழத்தமிழர்களுக்காக போராடியதை நினைக்கும்போது அருவருப்பாக உள்ளது என்ற இயக்குனர் சேரனின் சர்ச்சைக்குரிய பேச்சுக்கு நாம் தமிழர் கட்சியின் ஒருங்கிணைப்பாளர் சீமான் கடும் கண்டனம் தெரிவித்துள்ளார்.

அண்மையில் இடம்பெற்ற கன்னா பின்னா திரைப்படத்தின் இசை வெளியீட்டு விழாவில் இயக்குநர் சேரன் கலந்து கொண்டார்.

இதன் போது புதிய தமிழ் சினிமாக்களை ஆன்லைனில் ஏற்றி சினிமாவுக்கு எதிரியாக இருப்பது ஈழத்தமிழர்கள்தான். அவர்களுக்காகவா நாம் போராட்டம் நடத்தினோம் என்று நினைத்தால் அருவருப்பாக உள்ளது, என சேரன் கூறினார்.

இது குறித்து சீமான் அளித்துள்ள பேட்டியில், கன்னா பின்னா திரைப்படத்தின் பாடல் வெளியீட்டு விழாவில் இயக்குநர் சேரன் ஈழத்தமிழர்கள் குறித்து கூறிய கருத்தை கேட்டவுடன் மிகுந்த மன வேதனை அடைந்தேன்.

அவர் அப்படிப் பேசியது வன்மையாகக் கண்டிக்கத்தக்கது. சேரன் இதற்காக மன்னிப்பு கேட்கவேண்டும் என சீமான் தெரிவித்துள்ளார்.

தமிழீழ விடுதலைப் புலிகளின் தலைவர் பிரபாகரன் அவர்களின் புகைப்படத்தை மார்பிங் செய்து அதில் தே.மு.தி.க தலைவர் விஜயகாந்த் புகைப்படத்தை ஒட்டியமைக்கு கடும் எதிர்ப்பு வெளியிடப்பட்டுள்ளது.

கடந்த 25ஆம் திகதி தே.மு.தி.க தலைவர் விஜயகாந்த் தனது பிறந்தநாளைக் கொண்டாடினார். அவரது பிறந்த நாளை முன்னிட்டு அவரது ஆதரவாளர்கள் போஸ்டர், பதாகைகள் என ஒட்டியிருந்தனர்.

இந்நிலையில், ஆரணி தே.மு.தி.க அணியினர் வைத்த பதாதை ஒன்று தற்போது உலகம் முழுவது பாரிய சர்சையை தோற்றுவித்துள்ளது.

விஜயகாந்த் பிறந்த நாளுக்காக வைக்கப்பட்ட பதாதை ஒன்றில் விடுதலைப் புலிகள் இயக்கத்தின் சீருடையில் தலைவர் பிரபாகரன் இருக்கும் புகைப்படம் ஒன்றில் பிரபாகரன் அவர்களின் முகத்தை நீக்கிவிட்டு மார்பிங் செய்யப்பட்டுள்ளது.

குறித்த புகைப்படம் ஊடகங்களில் வெளியான நிலையில், தற்போது உலக தமிழர்கள் மத்தியில் பாரிய எதிர்ப்பு வெளியிடப்பட்டுள்ளது.

இதேவேளை, இயக்குநர் சேரன், ஈழத் தமிழர்களை விமர்சித்தது பெரும் சர்ச்சையாக வெடித்துள்ள நிலையில், தற்போது விஜயகாந்தும் வம்பில் மாட்டியுள்ளார்.

கர்நாடகாவில், 5ம் வகுப்பு படித்து வரும் 14 வயதான பழங்குடி மாணவி ஒருவர் பள்ளி கழிவறையில் குழந்தை பெற்றெடுத்துள்ள சம்பவம் அப்பள்ளி ஆசிரியர்கள், பெற்றோரிடையே அதிர்ச்சியை ஏற்படுத்தியுள்ளது.

மதேஸ்வரன் மலை மெதுகநானே பகுதி மலைவாழ் ஆதிவாசி சமூகத்தை சேர்ந்தவர் ரூபா(பெயர் மாற்றப்பட்டுள்ளது). பள்ளி படிப்பை 2 வருடம் இடைநிறுத்தி இருந்த இவர், 14 வயதில் 5ம் வகுப்பில் சேர்ந்து படித்து வந்துள்ளார்.

இவர் கடந்த 25ம் திகதி வழக்கம் போல பள்ளிக்கு வந்துள்ளார். அப்போது அவருக்கு திடீரென வயிற்று வலி ஏற்பட்டு ரத்தக்கசிவு ஏற்பட்டுள்ளது. இதனைத் தொடர்ந்து பள்ளி ஊழியர்கள் அவரை சுத்தம் செய்வதற்காக கழிவறைக்கு கொண்டு சென்றுள்ளனர்.

அங்கு அவருக்கு குழந்தை பிறந்துள்ளது. ஆனால் ரூபாவுக்கு பிரசவம் ஆகும் வரை அவரது உடலில் எந்தவிதமான மாற்றமும் தென்படவில்லை. இதனால் அவர் கர்ப்பமாக இருந்ததும் யாருக்கும் தெரியவில்லை என கூறப்படுகிறது.

இதுகுறித்து மாணவியின் பெற்றோர் கூறியதாவது, ரூபாவின் இந்த நிலைக்கு அவரது மாமா Shivu என தெரிவித்துள்ளனர்.

குமாரபாளையத்தில் உள்ள சாய் பாபா கோவிலுக்கு பிச்சைக்காரர் ஒருவர் சீரடி சாய்பாபா உருவில் வந்ததை தொடர்ந்து அங்கு பரபரப்பு ஏற்ப்பட்டுள்ளது.

நாமக்கல் மாவட்டம் குமாரபாளையம் எம்.ஜி.ஆர் நகரில் சாய் பாபா கோவில் உள்ளது. இக்கோவிலுக்கு அழுக்குப் படிந்த உடைகளை அணிந்த முதியவர் ஒருவர் வந்துள்ளார்.

அவர் புகைப்படத்தில் உள்ள சாய் பாபாவைப் போல் அமர்ந்து மக்களுக்கு ஆசி வழங்க தொடங்கியுள்ளார்.

உடனே அங்கிருந்தவர்கள் சாய் பாபாவே நேரில் வந்து ஆசி வழங்குவதாகச் சொல்ல, விஷயம் பரபரப்பாகி குமாரபாளையத்தில் உள்ள பக்தர்கள் கோவிலுக்கு படையெடுத்துள்ளனர்.

இதனால் கூட்டம் கூடியது. முதியவருக்கு மாலை போட்டு பூக்களால் அபிஷேகம் செய்துள்ளனர். அந்த முதியவரும் எல்லோருக்கும் ஆசி வழங்கினார்.

அவர் பாபாவின் உருவத்தில் வந்து இருப்பதால் இவரே பாபாவின் மறு உருவம் என கருதி ஆண்கள், பெண்கள் அனைவரும் சாஸ்டங்கமாக காலில் விழுந்து வணங்கி உள்ளனர்.

மக்களின் நம்பிக்கை இப்படியிருக்க, நீண்ட நேரத்திற்குப் பிறகு அந்த முதியவரே நான் சாய் பாபா அல்ல நானும் உங்களைப்போல் பாபா பக்தர்தான் எனக் கூறி விட்டு சென்றுள்ளார்.

கங்கை நதியை சுத்தம் செய்யும் திட்டத்தை பரப்பும் பொருட்டு பிரபல நீச்சல் வீராங்கனை ஷ்ரத்தா ஷுக்லா 550 கி.மீற்றர் தூரத்தை 70 மணி நேரத்தில் கடக்க முடிவு செய்துள்ளார்.

உத்தரபிரதேசத்தின் பிரபல நீச்சல் வீராங்கனை ஷ்ரத்தா ஷுக்லா கங்கை நதி தூய்மை திட்டத்தை பிரபலப்படுத்தும் நோக்கில் இந்த சாதனை நீச்சல் நிகழ்வினை நடத்த திட்டமிட்டுள்ளார்.

இதில் இவர் கான்பூர் முதல் வாரனாசி வரையிலான 550 கிலோ மீற்றர் தூரத்தை 70 மணி நேரத்தில் கடக்க திட்டமிட்டுள்ளார்.

தேசிய விளையாட்டு தினமாக கொண்டாடப்பட்டும் ஆகஸ்ட் 29 ஆம் திகதி ஷ்ரத்தா இந்த முயற்சியில் இறங்கவிருக்கிறார்.

தினசரி 7 மணி நேரம் நீச்சலிட்டு மொத்தம் 10 நாட்களில் வாரனாசி வந்தடைய திட்டமிட்டுள்ளதாக அவர் தெரிவித்துள்ளார்.

முதல் நாளில் சுமார் 100 கி.மீற்றர் தூரம் கடக்க திட்டமிட்டுள்ள அவருக்கு குடும்பத்தினரும் உள்ளூர் நிர்வாகமும் உற்சாமும் ஆதரவும் அளித்து வருகிறது.

இதற்கு முன்னர் கடந்த 2014 ஆம் ஆண்டு கான்பூர் முதல் அலகாபாத் வரையிலான 282 கி.மீற்றர் தூரத்தை கடந்தது தான் இவரது சாதனையாக இருந்தது.

தற்போது அந்த சாதனையை முறியடிக்கும் நோக்கில் இந்த தூய்மை கங்கை திட்டத்தை முன்னெடுத்துள்ளார்.