சுவாதி படுகொலை தொடர்பாக சமூக வலைத்தளங்களில் பரபரப்பை கிளப்பும் வகையில் ஓடியோ மற்றும் வீடியோக்களை வெளியிட்டு வருபவர் தமிழச்சி. இதுகுறித்து அவர் பேஸ்புக் பக்கத்தில் பரபரப்பான வீடியோ ஆதாரத்தை வெளியிட்டுள்ளார்.

சுவாதி படுகொலை விசாரணை – ஆதாரம்: 2

“சுவாதியின் குடும்பத்தினரே தன்னை வெளிநாடுக்கு தப்பிச் செல்லும்படி கூறினர்” என்கிறார் வெளிநாட்டுக்கு தப்பியோடிய பெண்.

குறிப்பாக சுவாதியின் அப்பா இதில் தீவிரமாக இருந்துள்ளார். ஏன்? எதற்காக? இதன் உள்நோக்கம் என்ன? என்பதை சுவாதியின் அப்பாவே விளக்க வேண்டும்.

மேலும் தமிழக காவல்துறையினர் ‘எக்ஸ்’ பெண் கூறிய உண்மையான தகவல்களை குறித்து ஏன் விசாரணை நடத்த முற்படவில்லை? இன்ஸ்பெண்டர் கருணாகரன் சுவாதியின் வழக்கை திசை மாற்றுவதில் ஏன் தீவிரமாக அதுவும் சட்டத்திற்கு புறம்பான முறையில் இயங்க முற்பட்டார்? இப்படி இன்னும் சில மர்மங்களை சுட்டிக்காட்டுகிறது இந்த வீடியோ!

ஒவ்வொரு முறையும் பெண்ணின் ஆதாரத்தை வெளியிடும் போதும் மிகுந்த பதற்றத்திற்கும் மனஉளைச்சலுக்கும் உள்ளாகிறார். தமிழ்நாட்டிற்குள் இருக்கும் தன் குடும்பத்தினருக்கு சுவாதியின் குடும்பத்தினரும் காவல்துறையினரும் நெருக்கடி ஏற்படுத்தி விடுவார்களோ என்று பெரும் அச்சத்துடன் இதையும் குறிப்பிட்டு எழுதும்படி கூறுகிறார்.

எனவே தமிழக அரசு காவல்துறையினரின் விசாரணை போக்கில் தலையிட்டு என்ன நடக்கிறது? என்று விசாரணை நடத்த முன்வரவேண்டும் என கூறியுள்ளார்.

விடீயோவைக் காண

பாகிஸ்தான் இந்தியாவோடு சமாதான பேச்சு வார்த்தை நடத்த தயாராக உள்ளது. எனவே வாய்ப்பு கிடைத்தால் நடந்தே பாகிஸ்தான் செல்ல ஆசைப்படுகிறேன் என பிரபல நடிகையும், காங்கிரஸ் முன்னாள் எம்பியுமான ரம்யா பரபரப்பை கிளப்பியுள்ளார்.

நடிகை மற்றும் காங்கிரஸ் முன்னாள் எம்.பி ரம்யா சமீபத்தில் கன்னட டிவிக்கு அளித்த பேட்டியில், ‘பாகிஸ்தானில் நடைபெற்ற சார்க் நாடுகளின் இளம் நாடாளுமன்ற உறுப்பினர்கள் கருத்தரங்கில் கலந்துக்கொண்ட பொழுது பாகிஸ்தானியர்கள் நன்றாகவே எங்களுடன் பழகினர். பாகிஸ்தானுக்கு செல்வது நரகம் செல்வதற்கு ஒப்பானது என மத்திய அமைச்சர் மனோகர் பாரிக்கர் கூறியது போல அந்நாடு இல்லை என தெரிவித்திருந்தார்.

இந்நிலையில் ரம்யாவின் இந்த கருத்திற்கு கண்டனம் தெரிவிக்கும் வகையில் கர்நாடக பாஜக மற்றும் விஷ்வ இந்து பரிஷத், ஏபிவிபி உள்ளிட்ட இந்து அமைப்புகள் நேற்று பெங்களூரு, மைசூரு, மண்டியா பகுதிகளில் ஆர்ப்பாட்டத்தில் ஈடுபட்டன.

மேலும், ரம்யா மீது தேசவிரோத வழக்கும் தொடுக்கப்பட்டுள்ளது.

இந்நிலையில், ரம்யா பெங்களூர் மிரர் பத்திரிக்கை ஒன்றுக்கு அளித்துள்ள பேட்டியில், தேச துரோக வழக்கு தவறாக பயன்படுத்தப்படுகிறது. நான் ஒன்றும் தேசத்திற்கு எதிராகவோ அல்லது தனி நபருக்கு எதிராகவோ கருத்தை தெரிவிக்கவில்லை.

பாகிஸ்தான் இந்தியாவுடன் அமைதிக்கான பேச்சுவார்த்தை நடத்த தயாராக உள்ளது. வாய்ப்பு கிடைத்தால் பல ஆயிரம் மைல்களை நான் நடந்தே கடந்து பாகிஸ்தான் செல்ல ஆசைபடுகிறேன். இரு நாடுகளும் அமைதியை விரும்பும் நிலையில் பாகிஸ்தான் செல்ல நான் ஏன் தயங்க வேண்டும் என்று கேள்வி எழுப்பி பரபரப்பை கிளப்பியுள்ளார்.

இராணுவத்தில் உயர் அதிகாரியாக பணியாற்றி வரும் பெண் ஒருவர், கடந்த 2010ம் ஆண்டு ஏப்ரலில் தன்னுடைய கணவர் மற்றும் வீட்டு வேலைக்கார பெண்ணுடன் புனேயில் இருந்து பீட் மாவட்டம் பார்லியில் உள்ள கோவிலுக்கு சாமி தரிசனம் செய்ய சென்றார். அன்றைய தினம் இரவில் அவர்கள் புனேயில் உள்ள உணவகத்தில் சாப்பிட்டனர்.

அப்போது அவர்களது மேஜைக்கு அருகே தீபக் (வயது 22), அபய் போரே (23), விஜய் (25) மற்றும் சுனில் (24) ஆகியோர் அமர்ந்து சாப்பிட்டுக் கொண்டிருந்தனர். அப்போது, இராணுவ பெண் அதிகாரி அணிந்திருந்த தங்க நகைகள் அவர்களது கண்ணை உறுத்தியது. எனவே, அவருடைய நகைகளை கொள்ளையடிக்க திட்டமிட்டனர்.

அதன்படி பெண் அதிகாரி காரில் ஏறி கிளம்பியதும், மேற்படி 4 பேரும் மற்றொரு வாடகை காரில் அவர்களை வேகமாக பின்தொடர்ந்து சென்று, சாலையின் குறுக்கே காரை நிறுத்தி இராணுவ அதிகாரியின் காரை மறித்தனர்.

இதைத்தொடர்ந்து, அவரது கார் நின்றது. இந்த சந்தர்ப்பத்தை பயன்படுத்தி கொண்ட அக்கும்பல், பெண் அதிகாரி உள்ளிட்ட 3 பேரையும் காரில் இருந்து தரதரவென வெளியே இழுத்தனர்.

மேலும், இராணுவ அதிகாரியும், அவரது வேலைக்கார பெண்ணும் அணிந்திருந்த தங்க நகைகளை கொள்ளையடித்தனர். தடுக்க வந்த அவரது கணவரை கண்மூடித்தனமாக தாக்கினர்.

பின்னர், தாங்கள் வந்த காரில், அந்த பெண் அதிகாரியை கடத்திச் சென்றனர். மேலும், ஓடும் காரில் வைத்து அவரை தீபக்கும், அபய் போரேவும் பாலியல் பலாத்காரம் செய்தனர். பின்னர், அவரை நிர்வாண கோலத்தில் சாலையில் போட்டு விட்டு தப்பிவிட்டனர்.

மராட்டியம் முழுவதும் பெரும் அதிர்ச்சி அலையை ஏற்படுத்திய இந்த சம்பவம் குறித்து அகமத்நகர் மற்றும் பீட் மாவட்ட பொலிசார் தீவிர தேடுதல் வேட்டை நடத்தி, மறுநாளே இதற்கு காரணமான 4 பேரையும் கைது செய்தனர். இந்த கொடூர குற்றச்சம்பவத்தின் பின்னணி காரணமாக அவுரங்காபாத் மோக்கா நீதிமன்றில் வழக்கு விசாரணை நடந்தது.

இரு தரப்பு வாதமும் நிறைவு பெற்றதையடுத்து நீதிபதி எஸ்.எஸ்.கோசவி சமீபத்தில் தீர்ப்பு அளித்தார். அதன்படி, இராணுவ பெண் அதிகாரியை கடத்தி பாலியல் பலாத்காரம் செய்த குற்றத்துக்காக அவர்கள் 4 பேருக்கும் ஆயுள் தண்டனையும், நகைகளை கொள்ளையடித்த குற்றத்துக்காக தலா ரூ.1 லட்சத்து 5 ஆயிரம் அபராதமும் விதித்து நீதிபதி தீர்ப்பு கூறினார். இதைத்தொடர்ந்து, அவர்கள் சிறையில் அடைக்கப்பட்டனர்.

கர்நாடகாவில் ரயில்வே பிளாட்பாரத்தில் பெற்றோர்கள் மர்மமான முறையில் இறந்து கிடப்பதை அறியாமல் அவர்களுடன் விளையாடிக் கொண்டிருந்த 3 வயது சிறுவனின் செயல் அதிர்ச்சியை ஏற்படுத்தியுள்ளது.

கர்நாடகாவின் கதக் மாவட்த்தை சேர்ந்த ஈரன்ன தல்வர், அவரது மனைவி மஞ்சுளா மற்றும் 3 வயது சிறுவன் தேவராஜ் ஆகியோர் முனிராபாத்தில் உள்ள ஹுளிகம்மா கோவிலுக்கு சென்றுள்ளனர்.

அங்கு தரிசனம் முடித்துவிட்டு வீடு திரும்புவதற்காக முனிராபத் ரெயில் நிலையத்தில் தூங்கியுள்ளனர். மறுநாள் காலையில் சிறுவன் எழுந்தும் அவர்கள் கண்விழிக்கவில்லை.

பெற்றோர்கள் தூங்குவதாக நினைத்து சிறுவன் அங்குள்ள பிளாட்பாரத்தில் விளையாடிக்கொண்டிருந்தான். பின்னர் வெகு நேரம் ஆகியும் பெற்றோர்கள் கண் விழிக்காததை கண்டு சிறுவன் அழத்தொடங்கியுள்ளான்.

அங்கிருந்த பயணிகள் சிறுவனை கவனித்த போது தான், பெற்றோர் இறந்து கிடந்தது தெரியவந்துள்ளது, உடனடியாக பொலிசாருக்கு தகவல் அளித்துள்ளனர்.

விரைந்து வந்த பொலிசார் சடலத்தை கைப்பற்றியதுடன் சிறுவனை மீட்டுள்ளனர். மேலும் சிறுவனை அவரது உறவினர்களிடம் அல்லது காப்பகத்தில் ஒப்படைக்கப் போவதாக பொலிசார் தெரிவித்துள்ளனர்.