திருமணத்தின் பெயரில் 8 பேரை ஏமாற்றிய இளைஞனை பொலிசார் வலைவீசி தேடி வருகின்றனர்.

மதுரையை சேர்ந்த சலாமியா பானு, (28) என்பவர் பொலிஸ் கமிஷனரிடம் புகார் மனு ஒன்றை அளித்துள்ளார். அந்த மனுவில் அவர் குறிப்பிட்டிருந்ததாவது, மதுரையைச் சேர்ந்த காதர் பாட்சா என்பவர் கடந்த மே மாதம், என்னை திருமணம் செய்த நிலையில் என்னிடமிருந்த மூன்று லட்சம் ரூபாய், எட்டு சவரன் நகை, ஏ.டி.எம்., கார்டுகளை எடுத்துக் கொண்டு ஓடி விட்டார்.

மேலும், எடுத்துச் சென்ற ஏ.டி.எம்., கார்டை பயன்படுத்தி, 35 ஆயிரம் ரூபாய் எடுத்துள்ளார்.

இதற்கிடையில், ஏற்கனவே என் கணவருக்கு, சென்னையை சேர்ந்த நிர்மலாவுடன் திருமணமாகி, மூன்று குழந்தைகள், திண்டுக்கல்லைச் சேர்ந்த ஜமுனா ராணியை திருமணம் செய்து, இரண்டு குழந்தைகள் உள்ளனர். இதுமட்டுமல்லாது, வத்தலகுண்டு மகாலட்சுமி என, எட்டு பேரை திருமணம் செய்து ஏமாற்றியுள்ளார். எனவே அவர் மீது தகுந்த நடவடிக்கை எடுக்க வேண்டும். என புகார் மனுவில் குறிப்பிட்டிருந்தார்.

இதேபோல, திண்டுக்கல்லைச் சேர்ந்த ஒரு பெண்ணுக்கு, சிங்கப்பூரில் ஆசிரியை வேலை வாங்கி தருவதாகக் கூறி, மூன்று லட்சம் ரூபாயை காதர் பாட்சா மோசடி செய்துள்ளான் என திண்டுக்கல்லைச் சேர்ந்த பெண் அளித்துள்ள புகாரை அடுத்து, பொலிசார் அவனை தேடி வருகின்றனர்.

விராட் கோலி – அனுஷ்கா சர்மா இந்த பிரபலங்களின் காதல் வாழ்க்கை தற்போது ஊடகங்களின் வெளிச்சம் இல்லாமல் ரகசியமாக பயணித்து கொண்டிருக்கிறது.

பெற்றோர்களின் முன்னிலையில் வீட்டில் சந்திப்பது, உறவினர்களின் திருமணங்களில் ரகசியமாக கலந்து கொள்வது என கமரா கண்களில் இருந்து சிக்காமல், மறைந்து மறைந்து தங்கள் காதலை பரிமாறிக்கொள்கிறார்கள்.

ஏன் இந்த இருட்டு வாழ்க்கை என்று அனுஷ்காவை கேட்டால் நல்ல செய்தி சொல்லும் வரை இருட்டு வாழ்க்கையே நல்லது என்று சூசகமாக பதிலளிக்கிறார்.

சரி ஏதாவது ஒரு கட்டத்தில் அவசர அவசரமாக திருமணம் செய்து கொள்வீர்களா என்று கேட்டதற்கு அவசர திருமணத்திற்கு வாய்ப்பே இல்லை, என்னுடைய தோழிகள் அனுபவிக்கும் கஷ்டங்களே போதும் என்று பொடி வைத்து பேசுகிறார்.

அவசர திருமணம் என்றாலே பதறும் அனுஷ்கா, அதுபற்றி சொல்கிறார்..

பொதுவாக காதல் திருமணங்கள்தான் அதிகமாக பிரிவினையை சந்திக்கின்றன. இதன் அடிப்படைக் காரணங்களில் அவசரக் கல்யாணம் தான் முதலில் நிற்கிறது. காதலைச் சொல்லி, ஒருவரை ஒருவர் புரிந்து கொண்டு, வீட்டில் பெரியவர்களின் அனுமதியோடு நடக்கும் காதல் திருமணங்களை விட, அவசர அவசரமாக தங்களது திருமணங்களை நடத்திக்கொள்ளும் காதலர்கள் விரைவில் நீதிமன்ற படிகட்டுகளை ஏறிவிடுகிறார்கள்.

காதலர்கள் தங்களது காதலைச் சொல்ல வேண்டுமானால் அவசரம் காட்டலாம். அதில் தவறில்லை. ஆனால் கல்யாணம் செய்து கொள்ள அவசரப்படவே கூடாது. நிதானமாக தங்களது நிலைமையை ஒருவருக்கொருவர் புரிய வைக்க வேண்டும். தங்களது வருங்காலத்தை பற்றி தெளிவாக பேசி ஒருமித்த கருத்துக்கு உடன்பட வேண்டும். அதற்கான வேலைகளில் தான் நாங்கள் ஈடுபட்டிருக்கிறோம்” என்று கூறும் அனுஷ்கா, காதலிப்பவர்களுக்கு சில அறிவுரைகளையும் வழங்குகிறார்.

பொதுவாக காதலிப்பவர்கள் வீட்டில் இருக்கும் பெரியவர்களிடம், தங்கள் காதல் விவகாரத்தை கூறி அவர்களிடம் அனுமதி பெற முயற்சிக்க வேண்டும். சில காலம் பொறுத்திருந்து அவர்களது மனதில் இடம் பிடிக்கவும், நம் காதல் மீதான உறுதியை காட்டவும் அவகாசம் அளிக்க வேண்டும்.

அதற்கு பிறகும் அவர்களது எதிர்ப்பு அதிகரித்தால், அப்போது வீட்டை விட்டு வெளியேறுவதோ, சுயமாக திருமணம் செய்து கொள்வதோ தவறில்லை. ஆனால், காதல் விவகாரம் வீட்டில் தெரியவரும் போது, அதிலிருந்து தப்பித்து கொள்ள வீட்டை விட்டு வெளியேறி அவசர அவசரமாக திருமணத்தை முடித்து கொண்டால், காதல் வாழ்க்கையும் கசக்க ஆரம்பித்துவிடும்.

அவசர கோலத்தில் இல்லற வாழ்க்கையில் அடி எடுத்து வைக்கும் காதலர்கள் இருவருமே வேலைவாய்ப்பு, கல்வி போன்றவற்றை இழந்து, கிடைத்ததை கொண்டு வாழ வேண்டிய சூழலுக்கு தள்ளப்படுவார்கள்.

ஓரளவிற்கு வசதியான குடும்பத்தில் இருந்து வந்த ஆணோ, பெண்ணோ, திடீரென தங்கள் வாழ்க்கையில் ஏற்படும் கஷ்டங்களை திருமணமான புதிதில் வேண்டுமானால் ஏற்றுக்கொள்வார்கள். ஆனால் அதையே வாழ்நாள் முழுவதும் சகித்துக் கொள்ள முடியாதவர்களாக ஒரு காலக்கட்டத்தில் திருமணத்தையே வெறுக்க ஆரம்பித்துவிடுவார்கள். அடுத்ததாக தாம் விரும்பி ஏற்றுக் கொண்ட தனது வாழ்க்கை துணையின் மீது தங்களது கோபத்தை திருப்புவார்கள்.

என்னுடைய தோழிகளில் சிலர் இன்று அப்படிப்பட்ட ஒரு கசப்பு வாழ்க்கையை தான் வாழ்ந்து கொண்டிருக்கிறார்கள். மேலும், அவசரக் கல்யாணத்தினால் இருவருமே தங்களது பெற்றோர், உறவினர்களின் ஆதரவினை இழக்க வேண்டிய நிலை ஏற்படும். இது, காதல் ஜோடிகளை தனிமை நிலைக்கு தள்ளிவிடும். ‘இத்தனை கஷ்டங்களை தரும் அவசர திருமணம் வேண்டுமா என்பதை பலமுறை யோசித்து அதற்கு பின்னர், முடிவெடுங்கள் என்று அறிவுரைகளை உதிர்க்கிறார்.

புனேவை சேர்ந்த வங்கி ஊழியர் ஒருவர் ஒரு புகைப்படத்தை வெளியிட்டு இந்திய நாட்டையே உலுக்கியுள்ளார்.

சுவாதி சிதால்கர் என்ற பெண், தனது பேஸ்புக் பக்கத்தில் தான் வங்கியில் வேலை பார்த்துக் கொண்டிருப்பதையும், தனது நாற்காலிக்கு பின்னால், தரையில் தனது குட்டி மகன் படுத்து பால் போத்தலை வாயில் வைத்திருப்பதை போன்ற புகைப்படத்தை தனது முகநூலில் வெளியிட்டுள்ளார்.

அந்த பதிவில் அவர் கூறியுள்ளதாவது, தரையில் கிடப்பது எனது மகன் அல்ல, எனது இதயம். அவனுக்கு உடல்நிலை சரியில்லாத காரணத்தால் என்னோடு இருக்க வேண்டும் என ஆசைப்பட்டான்.

ஆனால் என்னால் விடுமுறை எடுக்க முடியவில்லை. ஏனெனில் வங்கியில் கடன் விடயம் தொடர்பான பணி கொஞ்சம் இருந்ததால் வேலைக்கு வந்துவிட்டேன்.

தரையில் படுத்துக்கொண்டு எனது மகன் பாலை குடித்துக்கொண்டிருக்கிறான், இதற்கு இடைப்பட்ட நேரத்தில் எனது பணியை முடித்துவிட்டேன். நான் மட்டுமல்ல பணிக்கு செல்லும் பல்வேறு பெண்கள் இதுபோன்று இக்கட்டான சூழ்நிலைகளை சமாளித்துக்கொண்டுதான் பணியாற்றி வருகின்றனர்.

நாங்கள் இப்படி பணியாற்றுகையில் சட்டசபையில் அமைச்சர்கள் தூங்கி விழுவது எந்த வகையில் நியாமானது. மக்களின் பிரச்சனைகளை முன்னெடுத்து அதற்காக தீர்வினை காண வேண்டும்.

குழந்தையை நான் பார்த்துக்கொண்டது போன்று, பொதுமக்களை அரசியல்வாதிகள் அக்கறையுடன் பார்த்துக்கொள்ள வேண்டும். இந்த புகைப்படத்தின் மூலம் அரசியல்வாதிகளுக்கு அறிவுரை வழங்க வேண்டும் என ஆசைப்பட்டேன், அதன்படியே இந்த புகைப்படத்தினை வெளியிட்டுள்ளேன் என கூறியுள்ளார்.