அநு­ரா­த­புரம் விலச்­சிய பிர­தே­சத்தில் 16 வய­தான காத­லியை முச்­சக்­க­ர­வண்­டியில் அழைத்துச் சென்று, தனது நண்­பர்கள் இரு­வ­ருடன் சேர்ந்து அவரை வன்­பு­ணர்­வுக்கு உட்­ப­டுத்தி அதன் பின் அவரை வீதியில் விட்டு சென்­றமை தொடர்பில் குறித்த சந்­தேக நபர்கள் மூவரும் கைது செய்­யப்­பட்­டுள்­ள­தாக விலச்­சிய பொலிஸார் தெரி­விக்­கின்­றனர்.

அநு­ரா­த­புரம் விஹா­ர­பா­லு­கம பிர­தே­சத்தை சேர்ந்த பிர­தான சந்­தேக நப­ரான குறித்த இளைஞன் தனது நண்­பர்கள் இரு­வ­ருடன் முச்­சக்­க­ர­வண்­டி­யொன்றில் கடந்த 9 ஆம் திகதி இரவு 10 மணி­ய­ளவில் தனது காத­லி­யான புரு­த­கஸ்­ஹந்­திய பிர­தே­சத்தை சேர்ந்த 16 வய­தான சிறு­மியை சந்­திக்க சென்­றுள்ளார்.

அதன்­போது, தனது பெற்றோர் நித்­தி­ரையில் இருந்த வேளையில் இச்­சி­றுமி யாருக்கும் தெரி­யாமல் வீட்­டுக்கு முன்­பா­க­வுள்ள வீதிக்கு வந்து தனது காத­லனை சந்­தித்­துள்ளார்.

அங்கு நின்று நாம் பேசிக்­கொண்­டி­ருப்­ப­தனை எவ­ரா­வது அவ­தா­னித்து விடு­வார்கள் என சிறு­மி­யிடம் கூறிய அந்த இளைஞன் அவரை நய­வஞ்­ச­க­மாக முச்­சக்­க­ர­வண்­டியில் ஏற்றிக் கொண்டு விலச்­சிய வாவி பக்­க­மாக சென்­றுள்ளார்.

விலச்­சிய பிர­தே­சத்­தி­லுள்ள பாழ­டைந்த இடத்­துக்கு சிறு­மியை அழைத்துச் சென்ற அவரின் காதலன், அவரை வன்­பு­ணர்­வுக்கு உட்­ப­டுத்­தி­யுள்ள நிலையில் பின்னர் முச்­சக்­க­ர­வண்­டியில் அவ­ருடன் வந்த மற்­றைய இரு இளை­ஞர்­களும் சிறு­மியை வன்­பு­ணர்­வுக்கு உட்­ப­டுத்­தி­யுள்­ளனர் என்று பொலிஸார் மேற்­கொண்­டுள்ள விசா­ர­ணை­களில் தெரியவந்­துள்­ளது.

அதன்­பின்னர் அச்­சி­று­மியை, அதி­காலை வேளையில் ஒயா­ம­டுவ பிர­தே­சத்தில் விட்­டு­விட்டு சந்­தேக நபர்கள் மூவரும் தப்பிச் சென்­றுள்­ளனர்.

அதன்­பின்னர் வீடு திரும்­பிய சிறுமி தனது பெற்­றோ­ரிடம் இது தொடர்பில் தெரி­வித்­த­தனை­ய­டுத்து விலச்­சிய பொலிஸ் நிலை­யத்தில் முறைப்பாடு செய்யப்பட்டிருந்தது.

அதற்கமைய விசாரணைகளை மேற்கொண்டிருந்த பொலிஸார் அநுராதபுரம், விஹாரபாலுகம பிரதேசத்தில் வைத்து சந்தேகநபர்கள் மூவரையும் கைது செய்திருந்தனர்.

தமது காதலியை மகிழ்ச்சிப் படுத்துவதற்காக திருட்டு நடவடிக்கைகளில் ஈடுபட்டு வந்த இரண்டு இளைஞர்கள் காலியில் கைதுசெய்யப்பட்டுள்ளனர்.

காலி மற்றும் அதனை அண்டிய பிரதேசங்களில் வீடுகள் மற்றும் கடைகளில் உள்நுழைந்து 18 இலட்சத்திற்கும் அதிகமான நகைகள் பணம் மற்றும் மின் உபரணங்களை குறித்த இளைஞர்கள் திருடியுள்ளதாக குறிப்பிடப்பட்டுள்ளது.

சந்தேகநபர்கள் 18 மற்றும் 21 வயதானவர்கள் என்றும் பொலிஸார் குறிப்பிட்டுள்ளனர். சந்தேகநபர்கள் நேற்றைய தினம் பத்தேகம நீதவான் நீதிமன்றில் ஆஜர்படுத்தப்பட்டுள்ளதுடன் இவர்களை எதிர்வரும் 21ஆம் திகதி வரை விளக்கமறியலில் வைக்குமாறு நீதவான் உத்தரவிட்டுள்ளார்.

இதேவேளை 21 வயதான பிரதான சந்தேகநபரின் காதலியை மகிழ்ச்சிப் படுத்துவதற்காகவே இவ்வாறு திருட்டு நடவடிக்கையில் ஈடுபட்டு வந்துள்ளதாக பொலிஸாரின் ஆரம்பக்கட்ட விசாரணைகள் மூலம் தெரியவந்துள்ளதாக பொலிஸார் தெரிவித்துள்ளனர்.

இலங்கை பிரஜை ஒருவர் தங்கம் மற்றும் தங்க பிஸ்கட்டுக்களை கடத்த முயற்சித்த குற்றத்திற்காக பெங்களூர் சர்வதேச விமான நிலையத்தில் வைத்து சுங்க அதிகாரிகளால் கைது செய்யப்பட்டுள்ளார்.

குறித்த நபர் 100 கிராம் எடையுள்ள தங்க கட்டிகளை தன் வாயில் வைத்து மறைத்திருந்தார் எனவும் தங்க பிஸ்கட்டுக்களை அவரது பாதனியில் வைத்து கடத்த முயற்சித்தார் என சுங்க அதிகாரிகள் குறிப்பிட்டுள்ளனர்.

கொழும்பில் இருந்து பெங்களூரிற்கு பயணித்த 38 வயது நபரே இவ்வாறு கைது செய்யப்பட்டுள்ளார். சம்பவம் தொடர்பில் மேலும் தெரியவருவதாவது,

குறித்த நபரை சோதனையிடுவதற்காக அதிகாரிகள் அவரிடம் உரையாடியுள்ளனர். ஆனால் அவர் தன் வாயை திறக்கவே இல்லை.

எனவே சந்தேகத்தின் பேரில் குறித்த நபரை சோதனையிட்ட போது இவ்வாறு தங்க கட்டிகள் மற்றும் தங்க பிஸ்கட்டுக்கள் மீட்கப்பட்டதாக தெரிவிக்கப்பட்டுள்ளது.

குறித்த நபரின் பாதணியில் இருந்து மீட்கப்பட்ட தங்க பிஸ்கட்டுக்கள் 3 இலட்சத்து 17 ஆயிரம் பெறுமதி வாய்ந்தது என சுங்க அதிகாரிகள் குறிப்பிட்டுள்ளனர்.

இதேவேளை ஆகஸ்ட் 8ம் திகதி தங்கம் கடத்துவதில் ஈடுப்பட்ட 7 இலங்கை பிரஜைகள் பெங்களூர் சர்வதேச விமான நிலையத்தில் வைத்து கைது செய்யப்பட்டமை குறிப்பிடத்தக்கது.

பெற்றோரின் அரவணைப்பு கிடைக்காத மாணவி ஒருவர் கடிதம் எழுதி வைத்துவிட்டு வீட்டை விட்டுச் சென்றுள்ளதாக பொலிஸார் தெரிவித்துள்ளனர். தங்கொட்டுவ பிரதேசத்திலேயே இந்த சம்பவம் இடம்பெற்றுள்ளது.

குறித்த பிரதேசத்தில் உள்ள பாடசாலை ஒன்றில் கல்வி கற்கும் 16 வயது மாணவியே கடிதம் எழுதி வைத்துவிட்டு வீட்டைவிட்டுச் சென்றுள்ளதாக தங்கொட்டுவ பொலிஸார் குறிப்பிட்டுள்ளனர்.

நேற்று முன்தினம் பிற்பகல் 11.30 அளவில் குறித்த மாணவி வீட்டை விட்டுச் சென்றுள்ளதாகவும், அவரால் எழுதப்பட்ட கடிதம் ஒன்றையும் மீட்டுள்ளதாக மாணவியின் பெற்றோர் பொலிஸ் நிலையத்தில் முறைபாடு செய்யப்பட்டுள்ளதாகவும் தெரிவிக்கப்பட்டுள்ளது.

இதுவரை குறித்த மாணவி கண்டுபிடிக்கப்படவில்லை என்றும், சம்பவம் தொடர்பான மேலதிக விசாரணைகளை தங்கொட்டுவ பொலிஸார் முன்னெடுத்து வருவதாகவும் தெரிவித்துள்னர்.