சிறப்பு பூஜையினை முன்னிட்டு அநுராதபுரம் புனித பூமிக்கு வரும் யாத்திரிகளின் பணம், பெறுமதியான பொருட்கள் மற்றும் தொலைபேசிகளை திருடிய பத்து பேர் கைது செய்யப்பட்டுள்ளனர்.

இவர்களுள் 8 பெண்கள் அடங்குவதாகவும் என்று அநுராதபுர பொலிஸார் தெரிவித்துள்ளனர்.

இவர்களிடம் இருந்து 12 கைப்பைகள், 6 கைத்தொலைபேசிகள், 12 ஆயிரம் ரூபாய் பணம் மற்றும் அடையாள அட்டைகள் என்பவற்றையும் பொலிஸார் கைப்பற்றியுள்ளதாக குறிப்பிட்டுள்ளனர்.

குறித்த பெண் சந்தேகநபர்கள் கிரான்ட்பாஸ், சிலாபம், புத்தளம் ஆகிய பிரதேசங்களைச் சேர்ந்தவர்கள் என்பதோடு, இதில் மூவர் ஒரே குடும்பத்தைச் சேர்ந்தவர்கள் என்றும் பொலிஸார் தெரிவித்துள்ளனர்.

ஏனைய சந்தேகநபர்கள் இருவரும் குருநாகல், மாத்தளை பிரதேசங்களைச் சேர்ந்தவர்கள் என்றும் தெரிவித்துள்ள பொலிஸார்,

குறித்த சந்தேகநபர்கள் நாடளாவிய ரீதியில் நடைபெறும் மத நிகழ்வுகளை இலக்கு வைத்து திருட்டு சம்பவங்களில் ஈடுபட்டு வந்துள்ளதாகவும் சுட்டிக்காட்டியுள்ளனர்.

இதேவேளை சந்தேகநபர்கள் பத்து பேரும் நாளைய தினம் அநுராதபுரம் நீதவான் நீதிமன்றில் ஆஜர்படுத்தவுள்ளதாகவும் பொலிஸார் குறிப்பிட்டுள்ளனர்.

 
கொக்காவில் பகுதியில் இடம்பெற்ற விபத்து ஒன்றில் இருவர் பலியாகி உள்ளனர்.

இன்று மாலை 4.30 மணியளவில் A9 வீதி கொக்காவில் பகுதியில் யாழிலிருந்து வவுனியா நோக்கி சென்று கொண்டிருந்த மோட்டார்சைக்கிளும் கொழும்பிலிருந்து யாழ்நோக்கிச் சென்று கொண்டிருந்த சிறியரக பேருந்து (மினி பஸ்) ஒன்றும் நேருக்கு நேர் மோதி இருவர் பலியாகி உள்ளனர்.

அத்துடன் ஒன்றரை வயது மதிக்கத்தக்க குழந்தை ஒன்றும் பலத்த காயங்களுடன் கிளிநொச்சி பொது வைத்தியசாலையில் அனுமதிக்கப்பட்டுள்ளது.

குறித்த விபத்து சிறியரக பேருந்தின் (மினி பஸ்) சாரதி உறங்கிய காரணத்தினால் கட்டுப்பாட்டை இழந்து, எதிரே வந்த மோட்டார் சைக்கிளில் மோதியதாலே இவ் விபத்து இடம்பெற்றுள்ளதாக மாங்குளம் பொலிசார் தெரிவிக்கின்றனர்.

பேருந்தின் சாரதி விபத்து நடந்த இடத்தில் இருந்து தப்பிச் சென்று கிளிநொச்சி பொலிஸ் நிலையத்தில் சரணடைந்ததனை அடுத்து குறித்த சாரதியை கிளிநொச்சி பொலிசார் மாங்குளம் பொலிசாரிடம் கையளித்துள்ளனர்.

விபத்தில் இறந்தவர்கள் வவுனியாவைச் சேர்ந்த 24 வயதான அல்பட் ஜெயக்குமார் மற்றும் யாழ்ப்பாணத்தை சேர்ந்த அவரது மனைவியான 23 வயதான பிரஷாந்தினி என்பவர்களே குறித்த விபத்தில் உயிரிழந்துள்ளதாக பொலிசார் தெரிவிப்பதோடு, மேலதிக விசாரணைகளையும் மேற்கொண்டு வருகின்றனர்.

நாட்டில் தற்போதுள்ள மொத்த குற்றவாளிகளின் எண்ணிக்கை 43 ஆயிரத்து 929 ஆக பதிவு செய்யப்பட்டுள்ளதாக புலனாய்வு பிரிவு குறிப்பிட்டுள்ளது.

இந்த வருடத்தின் ஜூன் 30 வரையான பகுதியிலேயே குற்றவாளிகளின் எண்ணிக்கை 43 ஆயிரத்து 929 ஆக பதிவாகியுள்ளது. அவற்றில் 973 பெண்களும் அடங்குவதாக கொழும்பு குற்றப் புலனாய்வு பிரிவு தெரிவித்துள்ளது.

நாட்டில் இதுவரையான காலப்பகுதியில் 3 இலட்சத்து 50 ஆயிரம் குற்றவாளிகள் பதிவு செய்யப்பட்டுள்ளதாகவும், அவற்றில் 22 ஆயிரத்து 937 பெண்கள் உள்ளடங்குவதாக குற்றப் புலனாய்வு பிரிவு சுட்டிக்காட்டியுள்ளது.

70 வயதிற்கு மேற்பட்டோரின் பெயர்களை குற்றவாளி பட்டியலில் இருந்து நீக்கி விடுவதாகவும், அத்துடன் 20 ஆண்டுகள் நன்நடத்தையுடன் காணப்படும் குற்றவாளிகளின் பெயரும் பொலிஸ் அதிகாரிகள், அரச அதிகாரிகள் மற்றும் பொலிஸ் நிலையங்களின் மூலம் இந்த பட்டியலில் இருந்து நீக்கப்படுவர் எனவும் கூறப்பட்டுள்ளது.

இலங்கையின் இளநீர் லண்டனில் விற்பனை செய்யும் திட்டமொன்று ஆரம்பிக்கப்பட்டுள்ளது. இலங்கையின் சில நிறுவனங்களினால் இந்த திட்டம் ஆரம்பிக்கப்பட்டுள்ளது.

பிரிட்டனுக்கான இலங்கை உயர்ஸ்தானிகராலயத்துடன் இணைந்து இந்த இளநீர் விற்பனை நடவடிக்கைகள் ஆரம்பிக்கப்பட்டுள்ளதாக பிரிட்டனுக்கான இலங்கை பதில் உயர்ஸ்தானிகர் சுகீஸ்வர குணரட்ன தெரிவித்துள்ளார்.

அண்மையில் லண்டனின் முக்கிய கடைத் தொகுதி ஒன்றில் இந்த இளநீர் விற்பனை நடவடிக்கைகள் உத்தியோகபூர்வமாக ஆரம்பிக்கப்பட்டுள்ளது.

இளநீரை போத்தல்களில் அடைத்து விற்பனை செய்யப்படுவதாக பதில் உயர்ஸ்தானிகர் தெரிவித்துள்ளார். இந்த முயற்சிக்கு சில தனியார் நிறுவனங்கள் ஒத்துழைப்பு வழங்கி வருவதாகத் தெரிவிக்கப்படுகிறது.

இளநீருக்கு பிரிட்டன் மக்களிடையே நல்ல வரவேற்பு காணப்படுகின்றது என அவர் குறிப்பிட்டுள்ளார்.

ஆசனங்களுக்கு அதிகமாக பயணிகளை ஏற்றிச் செல்லும் அரைசொகுசு பஸ்களை சுற்றுவளைக்கும் நடவடிக்கை நாடளாவிய ரீதியில் ஆரம்பிக்கப்பட்டுள்ளதாக தேசிய போக்குவரத்து ஆணைக்குழு தெரிவித்துள்ளது.

போக்குவரத்து அனுமதிப்பத்திரங்களின் நிபந்தனைகளை மீறி அரைசொகுசு பஸ்களில் ஆசனங்களுக்கு அதிகமாக பயணிகள் ஏற்றிச் செல்ப்படுவதாக பல முறைப்பாடுகள் கிடைத்துள்ளதாக ஆணைக்குழுவின் தலைவர் எம்.பி.ஏ.ஹேமசந்திர குறிப்பிட்டுள்ளார்.

இரவு நேரங்களில் சேவையில் ஈடுபடுத்தப்படும் பஸ்களிலேயே இவ்வாறன சம்பவங்கள் அதிகம் பதிவாகுவதாகவும் அவர் கூறியுள்ளார்.

அதிகமாக பயணிகளை ஏற்றிச் செல்லும் அரைசொகுசு பஸ்களில் பயணிக்கும் மேலதிக பயணிகளின் எண்ணிக்கைக்கு அமைய, அந்த பஸ்களின் சாரதிக்கும் நடத்துனருக்கும் தற்காலிக தடை விதிக்கப்படும் எனவும் தேசிய போக்குவரத்து ஆணைக்குழுவின் தலைவர் தெரிவித்துள்ளார்.

மேலதிகமாக ஏற்றிச் செல்லும் பயணிகளின் அடிப்படையில் தலா ஒரு பயணிக்கு ஒரு நாள் என்ற அடிப்படையில் சாரதிகளுகம் நடத்துனர்களும் சேவையிலிருந்து நீக்கப்படுவார்கள் எனவும் அவர் குறிப்பிட்டுள்ளார்.

அதன் பின்னர் பயிற்சி பாசறைக்கும் அவர்கள் அனுப்பிவைக்கப்படுவார்கள் எனவும் எம்.பி.ஏ.ஹேமசந்திர கூறியுள்ளார்.

இதனை தவிர, மேலதிகமாக ஏற்றிச் செல்லும் பயணிகளின் அடிப்படையில் தலா 100 ரூபா என்ற வீதத்தில் பஸ் உரிமையாளரிடமும் அபராதம் அறவிடப்படும் எனவும் தேசிய போக்குவரத்து ஆணைக்குழுவின் தலைவர் எம்.பி.ஏ.ஹேமசந்திர சுட்டிக்காட்டியுள்ளார்.

க.பொ.த. உயர்­தரப் பரீட்­சையின் போது பரீட்­சார்த்­திகள் பரீட்சை மண்­ட­பத்­திற்குள் கைய­டக்கத் தொலை­பே­சி­களை எடுத்துச் செல்­வது முற்­றாகத் தடை­செய்­யப்­பட்­டுள்­ள­தாக இலங்கைப் பரீட்சைத் திணைக்­களம் அறி­வித்­துள்­ளது.

இது தொடர்பில் இலங்கை பரீட்சைத் திணைக்­க­ளத்தின் பிரதிப் பரீட்சை ஆணை­யாளர் எஸ்.பிரணவ­தாஸன் வீர­கே­சரி வார­வெ­ளி­யீட்­டுக்கு தகவல் தரு­கை­யி­லேயே இவ்­வாறு தெரிவித்தார். அவர் மேலும் குறிப்­பி­டு­கையில்,

எதிர்­வரும் ஆகஸ்ட் 2ஆம் திகதி க.பொ.த. உயர்­தரப் பரீட்சை ஆரம்­ப­மா­க­வுள்­ளது. பரீட்சையின்போது பரீட்சை மண்­ட­பத்­திற்குள் பரீட்­சார்த்­திகள் எக்­கா­ரணம் கொண்டும் கையடக்கத் தொலைபேசி­க­ளையோ ஸ்மார்ட் கைக்­க­டி­கா­ரத்­தையோ அல்­லது வேறேதும் இலத்திர­னியல் உப­க­ர­ணங்­க­ளையோ வைத்­தி­ருந்தால் அவை கைப்­பற்­றப்­பட்டு அரசுடைமையாக்கப்படும். அத்­துடன் அவர்­களின் பரீட்சைப் பெறு­பே­று­களும் நிறுத்­தப்­படும்.

எதிர்­வரும் 5 வரு­டங்­க­ளுக்கு பரீட்சைத் திணைக்­க­ளத்தால் நடத்­தப்­படும் எந்தவொரு பரீட்சைக்கும் தோற்­று­வ­தற்கும் தடை­ வி­திக்­கப்­படும்.

இதனை அவ­தா­னிப்­ப­தற்கு பரீட்சைத் திணைக்­க­ளத்தின் அதி­கா­ரிகள் அடங்­கிய நான்கு குழுக்களும், வலயமட்ட குழுக்களும் ஈடுபடுத்தப்படவுள்ளன. தவறிழைக்கும் மாணவர்கள் பல்கலைக்கழகம் செல்வதும் தடைசெய்யப்படும்.

கட்டாரிலிருந்து நாடு திரும்பிய காதலியை சந்திப்பதற்காக பெண்ணின் உடை அணிந்து சென்ற நிலையில் கைது செய்யப்பட்ட இளைஞர் விடுவிக்கப்பட்டுள்ளார்.

கொழும்பு 12 பகுதியை சேர்ந்த 30 வயதுடைய குறித்த இளைஞர் நேற்று கட்டுநாயக்க விமானநிலைய பொலிஸ் அதிகாரிகளினால் கைது செய்யப்பட்டிருந்தார்.

கட்டாரிலிருந்து இலங்கைக்கு நாடு திரும்பும் தனது காதலியை சந்திப்பதற்காகவே பெண்ணின் உடை அணிந்து வந்திருந்ததாக பொலிஸாரின் விசாரணைகளில் இருந்து தெரியவந்துள்ளது.

மட்டக்களப்பு, வெல்லாவளி காகச்சிவட்ட பிரதேசத்தில் இருந்து ஒரே குடும்பத்தைச் சேர்ந்த மூன்று சடலங்கள் மீட்கப்பட்டுள்ளன.

பெண்ணொருவர், அவரின் சிறிய மகள் மற்றும் தந்தை ஆகிய மூவரே இவ்வாறு சடலமாக மீட்கப்பட்டதாக பொலிஸார் தெரிவித்தனர்.

பிரதேசவாசிகளால் கிடைக்கப்பெற்ற தகவல் ஒன்றின்படி வெல்லாவளி பொலிஸாரினால் அவர்கள் வசித்து வந்த வீட்டிற்கு அருகில் உள்ள கிணற்றில் இருந்து குறித்த பெண் மற்றும் மகளின் உடல்கள் கண்டுபிடிக்கப்பட்டுள்ளன.

பலத்த காயங்களுடன் வீட்டிற்கு அருகில் விழுந்து கிடந்த தந்தை பிரதேசவாசிகளால் மட்டக்களப்பு வைத்தியசாலையில் அனுமதிக்கப்பட்ட பின்னர் உயிரிழந்துள்ளார்.

இவ்வாறு உயிரிழந்தவர்கள் 24 வயதுடைய பெண், ஒன்றரை வயதுடைய மகள் மற்றும் 56 வயதுடைய தந்தை ஆகிய மூவர் என்று பொலிஸார் குறிப்பிட்டனர்.

இவர்கள் கொலை செய்யப்பட்டிருப்பார்களா என்று சந்தேகம் வெளியிட்டுள்ள பொலிஸார் மேலதிக விசாரணைகளில் ஈடுபட்டுள்ளனர்.