நண்பர்களுக்காக விளையாட்டு தனமாக கங்கை நதியில் குதித்த இளைஞர் ஒருவர் பறிதாபமாக உயிரிழந்துள்ள சம்பவம் சோகத்தை ஏற்படுத்தியுள்ளது.

இச்சம்பவத்தின் போது உடன் இருந்த நண்பர்கள் பதிவு செய்த வீடியோ தற்போது இணையத்தில் வெளியாகி பரபரப்பை ஏற்படுத்தியுள்ளது.

குறித்த வீடியோவில், இளைஞன் ஒருவர் ஒடும் கங்கை நதியில் குதிக்க தயராக நின்றுக்கொண்டிருக்கிறார். அவரை சுற்றி உள்ள நண்பர்கள் வீடியோ பதிவு செய்த படி வேகமாக குதிக்கும் படி குரல் கொடுக்கின்றனர்.

பின்னர், அந்த இளைஞன் ஒடி வந்து கரைக்கு அருகே நின்று விடுகிறார். இதைதொடரந்து நண்பர்கள் அவரை திட்டி குதிக்க சொல் கின்றனர். மறுபடியும் கரைக்கு அருகில் வந்து நிற்க்கும் இளைஞர் ஓடும் நதியை பார்க்கிறார்.

இதனையடுத்து சற்று தூரம் பின்னாடி சென்று உடனே ஒடி வந்து நதியில் தலைகுப்புற குதிக்கிறார். குதித்த உடனே அவரது உடல் மேலே மிதக்கிறது. வெகுநேரமாகியும் இளைஞர் கரையேறவில்லை.

இதனால், பயந்துபோன சக நண்பர்கள் பொலிசாருக்கு தகவல் தெரிவித்தனர். பொலிசார் மற்றும் மீட்புக்குழுவினர் வந்து தேடியுள்ளனர். ஆனால், ஆற்றில் குதித்த வரை கண்டுபிடிக்க முடியவில்லை. அவரது உடல் எங்கு கரை ஒதுங்கியது என்றும் கண்டுபிடிக்கப்படவில்லை.

பொலிசார் நடத்திய விசாரணையில் ஆற்றில் குதித்த நபர் ஹரித்வாரின் காந்த்மிர்பூர் பகுதியைச் சேர்ந்த ஆஷிஷ் சவுகான் (வயது 27) என்பது தெரியவந்துள்ளது.

மேலும், நதியை பார்க்கும் பொழுது ஆழம் குறைவாக இருப்பது போல் தெரிகிறது. இதனால் இளைஞன் தலை தரையில் இடித்து உயிரிழந்திருக்கலாம் என சந்தேகிப்பதாக பொலிசார் தெரிவித்துள்ளனர்.

கேரள மாநிலத்தில் மகளை கிண்டல் செய்த போதை கும்பலை தட்டிக்கேட்ட தந்தை அடித்துக்கொலை செய்யப்பட்ட சம்பவம் பெரும் பரபரப்பை ஏற்படுத்தியுள்ளது.

கேரள மாநிலம் திருச்சூர் அருகே சாவக்காடு பகுதியை சேர்ந்தவர் 52 வயதான ரமேஷ். நேற்று மாலை ரமேஷ் தனது 2வது மகளை மோட்டார் சைக்கிளில் அழைத்துக்கொண்டு சாவக்காட்டிலுள்ள ஒரு கடைக்கு சென்றுள்ளார்.

அங்கிருந்து வீடு திரும்பியபோது 7 பேர் கொண்ட கும்பல் ஒன்று குடிபோதையில் மோட்டார் சைக்கிள் செல்லும் பாதையை வழி மறித்து நிறுள்ளனர். தொடர்ந்து ரமேஷின் மகளை கிண்டல் செய்யவும் தொடங்கியுள்ளனர்.

இதனையடுத்து ஆத்திரமடைந்த ரமேஷ் மகளை வீட்டில் இறக்கி விட்டுவிட்டு குடிபோதையில் மகளை கிண்டல் செய்த கும்பலை தட்டிக்கேட்க நடந்து வந்துள்ளதாக கூறப்படுகிறது.

அங்கிருந்த போதை கும்பலை தட்டிக்கேட்டதை அடுத்து ரமேஷிற்கும் அந்த கும்பலுக்கும் வாக்குவாதம் ஏற்பட்டது.

இதனிடையே அந்த சாலை வழியாக வந்த சிலர் ரமேஷ் படுகாயங்களுடன் கிடப்பதை அறிந்து சாவக்காடு பொலிசுக்கு தகவல் தெரிவித்தனர்.

சம்பவ இடத்திற்கு வந்த பொலிசார் ரமேசை மீட்டு சாவுக்காடு அரசு ஆஸ்பத்திரிக்கு அனுப்பி வைத்தனர். அங்கு அவர் சிகிச்சை பலனின்றி பரிதாபமாக இறந்தார். இதுகுறித்து வழக்குப்பதிவு செய்த பொலிசார் விசாரணை நடத்தி வருகிறார்கள்.

ரமேசின் உறவினர்கள் கூறுகையில் மகளை கிண்டல் செய்த போதை கும்பலை தட்டிக்கேட்டபோது அவர்கள் ரமேசை கடுமையாக தாக்கியுள்ளனர். அதனாலேயே ரமேஷ் உயிரிழந்துள்ளதாக தெரிவித்தனர்.

அந்த கும்பல் குறித்து பொலிசார் விசாரித்தபோது அவர்கள் அந்த பகுதியை சேர்ந்தவர்கள் அல்ல என்பதும். அவர்களை இதற்கு முன்பு பார்த்ததில்லை என்று அப்பகுதி பொதுமக்கள் கூறினர். இதனையடுத்து அந்த கும்பல் கூலிப்படையா, முன்விரோதம் காரணமாக ரமேஷ் கொல்லப்பட்டாரா என்பது குறித்து பொலிசார் விசாரணை மேற்கொண்டு வருகின்றனர்.

மென் பொறியாளர் சுவாதியின் கொலைக்கு பிறகு தற்காப்பு கலை கற்றுக் கொள்ளும் ஆர்வம் பொதுமக்களிடம் குறிப்பாக பெண்களிடம் அதிகரித்து வருகிறது.

பணிக்கு செல்லும் பெண்களின் எண்ணிக்கை அதிகரித்துக் கொண்டே வரும் நிலையில், சூழலுக்கு ஏற்ப பெண்கள் தங்களை பாதுகாத்து கொள்வதும் அவசியமாகியுள்ளது.

தற்காப்பு கலை என்றால் கராத்தே, குங்பூ ஆகியவை தான் நினைவுக்கு வரும். ஆனால் அன்றாட வாழ்வில் சந்திக்கக் கூடிய பிரச்னைகளை எளிதாக கையாளும் யுக்திகளை கற்றுக் கொடுக்கும் “க்ரவ் மாகா” போன்ற தற்காப்பு கலை பயிற்சிகளின் பக்கம் ஐடி ஊழியர்களின் கவனம் தற்போது திரும்பியுள்ளது.

உடல் வலிமையை பெருக்குவதை விட தன்னம்பிக்கையை அதிகரித்து சிக்கலான சூழல்களிலிருந்து சாதுர்யமாக தப்பித்துக் கொள்ள உதவும் தற்காப்பு கலை பயிற்சிகளே அவசியமானது.

பள்ளிக் காலம் முதலே பாலியல் தொந்தரவுகளை சந்திக்கும் இளம் பெண்களுக்கு தற்காப்பு கலைப் பயிற்சி பெரும் உதவியாக இருப்பதாக மாணவிகள் தெரிவிக்கின்றனர்.

பெண்கள் தற்காப்பு கலை கற்றுக் கொள்வது எவ்வளவு அவசியமோ அதே போன்று ஆண் பிள்ளைகளை வளர்க்கும் போது ஆணும் பெண்ணும் சமம் என்பதை கற்றுக் கொடுக்க வேண்டியதும் மிக அவசியம் என்ற கருத்து மேலோங்கியுள்ளது.

பெண்களுக்கு தற்காப்பு கலைகள் தெரிந்திருந்தால் பாலியல் துன்புறுத்தல் ஏற்படும் போது அதிலிருந்து தப்பித்துக் கொள்ள வேண்டுமானால் உதவலாம். ஆனால் அவை மீண்டும் மீண்டும் நடைபெறாமல் இருக்க, நம் ஒவ்வொரு மனதிலும் பெண்கள் குறித்த பார்வை மாற வேண்டும் என்பதே பொதுமக்கள் கருத்தாக உள்ளது.

பொதுத்துறை வங்கிகளில் 9,600 கோடி கடனைத் திருப்பிச் செலுத்தாத விஜய் மல்லையாவை தேடப்படும் குற்றவாளியாக மும்பை நீதிமன்றம் சமீபத்தில் அறிவித்தது.

இந்நிலையில், இங்கிலாந்தில் நேற்று நடந்த பார்முலா வன் கார் பந்தயம் தொடர்பான பத்திரிகையாளர் சந்திப்பில், போர்ஸ் இந்தியா அணி உரிமையாளர் என்ற முறையில் மல்லையா பங்கேற்றார்.

அப்போது அவர் கூறியதாவது, நான் பந்தயத்தை விரும்புபவன், கார் பைத்தியம், இதனால்தான் இக்குழுவை வாங்கினேன். மொனாகோவிலும், பாகுவிலும் நடந்த போட்டியில் எனது குழு சிறப்பாக செயல்பட்டுள்ளது.

இருந்தாலும், அதை நேரில் காணும் வாய்ப்பை தவறவிட்டு விட்டேன். வாழ்க்கை அதன் போக்கில் செல்ல வேண்டும்.

முன்பை விட மிக நன்றாகவே இருக்கிறேன். இந்திய அரசு எனது பாஸ்போர்ட்டை முடக்கி வைத்து விட்டது. அதற்காக இந்த உலகமே முடிந்து போனதாக அரத்தமில்லை.

இங்கிலாந்தும் எனக்கு தாய்வீடு போன்றதுதான். 1992ம் ஆண்டு முதல் இங்கு தங்கியிருக்கிறேன். இங்கு நான் மிகவும் பிரபலம். ஏதோ வேற்று உலகத்தில் இருப்பது போன்ற உணர்வு எதுவும் எனக்கு ஏற்படவில்லை என்று கூறியுள்ளார்.

குழந்தைக்கு ஏற்பட்ட திடீர் நோய் நிலமையின் காரணமாக பதற்றமடைந்த குறித்த குழந்தையின் பெற்றோர் குழந்தையை வைத்தியசாலைக்கு கொண்டு செல்ல முயலும் போது ஒருவருக்கொருவர் மோதிக்கொண்டமையினால் மாடிப்படிகளில் உருண்டு விழுந்த வேளை மனைவியின் உடலின் கீழ் சிக்குண்டு கணவரொருவர் உயிரிழந்த சம்பவம் இந்தியாவில் இடம்பெற்றுள்ளது. குறித்த சம்பவம் தொடர்பில் தெரியவருவதாவது,

குறித்த குழந்தைக்கு சுவாசிப்பதில் சிக்கல் நிலை ஏற்பட்டுள்ளது. இதனை அறிந்த குறித்த குழந்தையின் பெற்றோர் மேல் மாடியிலிருந்து குழந்தையை வைத்தியசாலைக்கு அவசரமாக கொண்டுச் செல்ல முயற்சித்துள்ளனர்.

வேகமாக மாடியிலிருந்து இறங்கும் போது இருவரும் மோதிக்கொண்டதையடுத்து கால் இடறி மேலிருந்து கீழ் வரை உண்டு விழுந்துள்ளனர்.

இதன் போது 128 கிலோ கிராம் நிறையுடைய குறித்த பெண்ணின் உடலின் கீழ் சிக்குண்ட கணவனுக்கு மூச்சு திணரல் ஏற்பட்டு சம்பவ இடத்திலேயே பரிதாபமாக உயிரிழந்துள்ளார்.

குறித்த சம்பவத்தில் காயமடைந்த குறித்த அப் பெண் வைத்தியசாலையில் அனுமதிக்கப்பட்ட பின்னர் உயிரிழந்துள்ளார்.

இதேவேளை, குறித்த குழந்தைக்கு ஏற்பட்ட திடீர் நோய் நிலமையின் காரணமாக ஏற்பட்ட பதற்ற நிலைமையினாலேயே குறித்த சம்பவம் இடம்பெற்றதாக இந்திய ஊடகங்கள் தெரிவித்தன.