தபால் தொழிற்சங்கங்கள் சில 24 மணித்தியாலங்கள் சுகயீன விடுமுறை போராட்டம் ஒன்றை முன்னெடுத்துள்ளனர். நேற்று நள்ளிரவு முதல் இந்த பணிப்பகிஸ்கரிப்பு நடவடிக்கை மேற்கொள்ளப்பட்டு வருவதாக ஒன்றிணைந்த தபால் தொழிற்சங்க முன்னணியின் இணை ஏற்பாட்டாளர் சிந்தக பண்டார தெரிவித்துள்ளார்.

சேவையாளர்களை இணைத்துக் கொள்வது, பதவி உயர்வு உள்ளிட்ட சில கோரிக்கைகளை முன்வைத்து இந்த நடவடிக்கைகள் முன்னெடுக்கப்படுகின்றன.

இதன்படி இன்று காலை முதல் தபால் தலைமையகத்தின் முன்னால் சத்தியாக்கிரகப் போராட்டத்தை மேற்கொள்ளவுள்ளதாக சிந்தக பண்டார மேலும் சுட்டிக்காட்டியுள்ளார்.

கொழும்பு பிர­தே­சத்தில் வாக­னங்கள் நிறுத்தி வைக்கும் இடங்­களில் நவீன முறையில் அட்டை முறைமையினை பயன்படுத்தி வாக­னங்­களை தரித்தல் அதற்­கான கட்டணங்களை செலுத்தும் நடைமுறையினை கொழும்பு மாந­கர சபை­ அமுல்படுத்தியுள்ளது.

வெளி­நா­டு­களில் உள்­ளதைப் போன்று குறித்த வாகனத் தரிப்­பி­டங்­களில் வாகன உரி­மை­யா­ளர்கள் தன்­னிச்­சை­யா­கவே இந்த அட்­டை­களை பயன்­ப­டுத்தி வாக­னங்­களை தரித்துக் கொள்ள முடியும். அதன்பின் குறித்த அட்­டை­களை காண்­பித்து தன்­னிச்­சை­யா­கவே வெளி­யேறக் கூடியதாக இருக்கும்.

கொழும்பு மேயர் ஏ.ேஜ.எம். முஸம்மில் நேற்று நடத்திய ஊடக மாநா­டொன்றில் இத்திட்டம் சம்­பந்­த­மாக விளக்கிக் கூறினார். முதற்­கட்­ட­மாக கலதாரி ஹோட்­டலில் இருந்து வெள்­ள­வத்தை வரை­யி­லான பாதைகள், மற்றும் டுப்­ளிக்­கேஷன் வீதிவரை இத்­திட்டம் அறி­மு­கப்­ப­டுத்­தப்­ப­டு­கின்­றது.

இதற்­காக சுவிட்ஸர்லாந்து ­நாட்டில் இருந்து 1.5 மில்­லியன் யூரோ நிதியுதவி பெறப்பட்டுள்ளது. இதற்­காக ரீங்கா கார் பார்க் தனியார் நிறு­வ­னமும் கொழும்பு மாந­கர சபையும் எதிர்வரும் 8 வரு­டத்­திற்­காக ஒப்­பந்­த­மொன்றை கைச்­சாத்­திட்­டன. 850 கார் தரிப்­பி­டங்களில் சுமார் 5000 கார்கள் தரிக்கும் இடங்கள் இந்தக் கம்­ப­னிக்கு வழங்­கப்­பட்­டுள்­ளன. இக்கம்­ப­னியின் வரு­மா­னத்தில் ஒரு மாதத்­திற்கு 3.4 மில்­லியன் ரூபாவை மாந­கர சபைக்குச் செலுத்தல் வேண்டும். அத்­துடன் விளம்­பரம் மற்றும் இதர இலா­பத்­திலும் 40 வீதத்தை மாநகர சபைக்கு செலுத்தல் வேண்டும். இதற்காக 140 இயந்திரங்கள் வெளிநாட்டில் இருந்து இக்கம்பனியினால் தருவிக்கப்பட்டுள்ளன.

தழிழ் அரசியல் கைதிகளின் விடுதலையை வலியுடறுத்தி, தழிழ் தேசியக் கூட்டமைப்பின் அறிவுறுத்தலை தொடர்ந்து வடக்கு, கிழக்கில் பூரண ஹர்த்தால் அனுஷ்டிக்கப்படுகிறது.

இதன்படி யாழ் மாவட்டத்தில் இன்று காலை 09.00 மணியளவில் இருந்து இரவு 09.00 வரை அனைத்து சந்தைக் கடைத்தொகுதிகள், வியாபார தளங்கள் மற்றும் அனைத்து நிறுவனங்களும் மூடப்பட்டிருக்கும்.

யாழ் மாவட்ட பேருந்துகளின் சேவைகளும் இடைநிறுத்தப்பட்டுள்ளன. இதன்காரணமாக யாழ் மாவட்டத்தில் அனைத்து இடங்களும் வெறிச்சோடி கிடக்கின்றன.

இதேவேளை மட்டக்களப்பு மாவட்டத்திலும் இன்று பூரண ஹர்த்தால் அனுஷ்டிக்கப்படுகிறது. இதனால் வாத்தக நிலையங்கள், பொதுச்சந்தைகள் உட்பட பல்வேறு நிறுவனங்களும் மூடப்படடிருந்தன.

நீண்ட தூர மற்றும் குறுய தூர போக்குவரத்து சேவைகளும் இடம்பெறவில்லை. ஹர்த்தால் காரணமாக நகரங்கள் மக்கள் நடமாட்டமின்றி வெறிச்சோடிக் கிடக்கின்றன.

பாதுகாப்பு கடமைகளில் பொலிஸார் மற்றும் இராணுவத்தினர் ஈடுபடுத்தப்பட்டுள்ளதாக எமது செய்தியாளர் தெரிவித்தார். தமிழ் அரசியல் கைதிகள் விடுதலை செய்யப்பட வேண்டுமென்பதை வலியுறுத்தி தமிழ் தேசிய கூட்டமைப்பு இந்த ஹர்த்தாலை ஏற்பாடு செய்துள்ளது.

பயங்­க­ர­வாத தடைச்­சட்­டத்தின் கீழ் தடுத்­து­வைக்­கப்­பட்­டுள்ள தமிழ் அர­சியல் கைதி­களின் விடு­தலை தொடர்­பாக முன்­வைக்­கப்­பட்­டுள்ள கோரிக்­கை­கள் குறித்து தனது முடிவை எதிர்­வரும் திங்­கட்­கி­ழமை அறிவிப்பதாக வட­மா­காண முத­ல­மைச்சர் சி.வி.விக்கி­னேஸ்­வ­ர­னிடம் ஜனா­தி­பதி மைத்­தி­ரி­பால சிறி­சேன நேற்று உறு­தி­ய­ளித்­துள்ளார்.

ஜனா­தி­பதி மைத்­தி­ரி­பால சிறி­சே­ன­வுடன் வட­மா­காண முத­ல­மைச்சர் விக்கி­னேஸ்­வரன் நேற்று நடத்திய பேச்சுவார்த்தையின்போதே ஜனாதிபதி இந்த உறுதியை வழங் கியுள்ளார்.

ஜனாதிபதி செயலகத்தில் நேற்று நடைபெற்ற இந்த சந்திப்பில் வட­மா­காண அமைச்­சர்­க­ளான பொ.ஐங்­க­ர­நேசன், ரி.குரு­கு­ல­ராஜா, டாக்டர் பி.சத்­தி­ய­லிங்கம்இ பி.டெனீஸ்­வரன் ஆகியோரும் கலந்து கொண்டனர். அத்துடன் ஜனா­தி­ப­தி­யுடன் அவ­ரது ஆலோ­சகர் கரு­ணா­ரட்­ணவும் இந்தப் பேச்­சுக்­களில் பங்கேற்றிருந்தார்.

இந்த சந்திப்பின்போது வட­மா­காண சபை எதிர்­கொள்ளும் பிரச்­சி­னைகள், தேவைகள், மத்­திய அர­சாங்­கத்­தினால் ஏற்படுத்தப்படும் தடைகள் என்­ப­வற்றை விளக்கும் விரி­வான அறிக்கை ஒன்றை முத­ல­மைச்சர் விக்கினேஸ்வரன் ஜனா­தி­ப­தி­யிடம் கைய­ளித்தார். இதி­லுள்ள விட­யங்கள் தொடர்­பா­கவும் விளக்­க­ம­ளித்த முத­ல­மைச்சர்இ தமிழ் அர­சியல் கைதி­களின் பிரச்­சினை தொடர்பில் முக்­கி­ய­மாக ஜனா­தி­ப­தியின் கவ­னத்­துக்குக் கொண்­டு­வந்தார்.

இதன்போது கருத்து வெளியிட்ட விக்கினேஸ்வரன்,

இலங்­கையில் இரண்டு தட­வைகள் ஆயு­தந்­தாங்­கிய கிளர்ச்­சியில் ஈடு­பட்ட ஜே.வி.பி.யின­ருக்கு பொது­மன்­னிப்பு வழங்­கப்­பட்டு அவர்கள் விடு­தலை செய்­யப்­பட்­டுள்­ளார்கள். அதே­போல தமிழ் அர­சியல் கைதி­களும் பொது­மன்­னிப்பின் அடிப்­ப­டையில் விடு­தலை செய்­யப்­பட வேண்டும். அதற்­கான நட­வ­டிக்­கை­களை ஜனா­தி­பதி முன்­னெ­டுக்க வேண்டும் என்று கோரிக்கை விடுத்தார்.

முத­ல­மைச்­சரின் கருத்தை ஏற்­றுக்­கொண்ட ஜனா­தி­பதி மைத்திரிபால சிறிசேன அனைத்துக் கைதி­களும் விடு­தலை செய்­யப்­பட வேண்டும் என்ற கருத்தை தான் ஏற்­றுக்­கொள்­வ­தா­கவும்இ இருந்த போதிலும் இந்த விட­யத்தில் அர­சியல் ரீதி­யாக சில பிரச்­சி­னைகள் இருப்­ப­தா­கவும் சுட்­டிக்­காட்­டினார். எனினும் இதனை தன்னால் ஏற்­றுக்­கொள்ள முடி­யாது எனத் தெரி­வித்த முத­ல­மைச்சர்இ ஜனா­தி­பதி தனக்­குள்ள அதி­கா­ரத்தை பயன்­ப­டுத்தி கைதி­களின் விடு­த­லைக்குத் தேவை­யான நட­வ­டிக்­கை­களை முன்­னெ­டுக்க வேண்டும் என சுட்டிக்காட்டினார்.

அத்துடன் தமிழ்க் கைதி­களை தொடர்ந்தும் தடுத்­து­வைத்­தி­ருப்­பதால் பாதிக்­கப்­ப­டு­ப­வர்கள் அவர்கள் மட்­டு­மல்ல. கைதி­க­ளு­டைய குடும்­பத்­தி­னரும் இதனால் சொல்­ல­மு­டி­யாத துன்­பங்­களை அனு­ப­வித்­து­வ­ரு­கின்றனர். தின­சரி என்னைச் சந்­திக்கும் கைதி­களின் உற­வி­னர்கள், இது தொடர்பில் எழுப்பும் கேள்­வி­க­ளுக்கு நான் பதி­ல­ளிக்க வேண்­டி­யி­ருக்கிறது என்று முத­ல­மைச்சர் ஜனா­தி­ப­தியின் கவ­னத்­துக்குக் கொண்­டு­வந்தார்.

இத­னை­ய­டுத்து கைதி­களின் முழு­மை­யான கோவை­க­ளையும் தனக்கு அனுப்­பி­வைக்­கு­மாறு சட்­டமா அதி­பரைப் பணித்த ஜனா­தி­பதிஇ எதிர்­வரும் திங்கட்கிழமை இந்த விவகாரத்துக்கு தான் பதிலளிப்பதாகவும் முதலமைச்சரிடம் உறுதியளித்ததார்.

அத்துடன் வடமாகாண சபை எதிர்கொள்ளும் பிரச்சினைகள், மீள்குடியேற்றத்துக்காக எனக்கூறி காடழிக்கப்படுதல் போன்ற விடயங்கள் முதலமைச்சரால் சுட்டிக்காட்டப்பட்டது. இவை தொடர்பில் தான் சம்பந்தப்பட்ட அதிகாரிகளுடன் பேசுவதாக ஜனாதிபதி உறுதியளித்துள்ளார்.