சிரியாவின் அலெப்போ நகரில் கிளர்ச்சியாளர்கள் கட்டுப்பாட்டில் உள்ள பகுதிகளில் அரசுப் படையினர் நிகழ்த்திய வான்வழித் தாக்குதலில் பொதுமக்கள் 15 பேர் உயிரிழந்துள்ளதாக சிரியாவின் மனித உரிமைகள் கண்காணிப்பு அமைப்பு தெரிவித்துள்ளது.

அல்-பயான் பகுதி மருத்துவமனை அருகே இராணுவம் நிகழ்த்திய வான்வழித் தாக்குதலில் மாத்திரம் 10 பேர் உயிரிழந்துள்ளனர்.
அல்-மர்ஜா என்ற பகுதியில் வீசப்பட்ட வெடிகுண்டுகளுக்கு 2 குழந்தைகள் உட்பட 4 பேர் பலியாகியுள்ளனர். அல்-மாதி பகுதியில் ஒருவர் உயிரிழந்துள்ளார்.

லண்டனில் நேற்றும் நேற்று முன்தினமும் பெய்த கடுமையான மழையினால் பல பகுதிகளில் திடீரென மழைவெள்ளம் சூழ்ந்து கொண்டது.

இதனால் பொதுமக்கள் பெரும் சிரமங்களுக்குள்ளாகினர். நேற்றையதினம் மாலை 4 மணியளவில் பெய்த கடுமையான மழையினால் நோர்த் ஹரோ ரயில் நிலையத்துக்கு முன்பாகச் செல்லும் வீதியில் வெள்ளம் சூழ்ந்துகொண்டது.

இந்த திடீர் வெள்ளத்தால் வீதிப் போக்குவரத்துக்கு தடைவிதிக்கப்பட்டு போக்குவரத்துக்கள் முற்றாக நிறுத்தப்பட்டிருந்தன.

மேலும் நோர்த் ஹரோ ரயில் நிலையத்தில் இருந்து மக்கள் வெளியேறமுடியாது தவித்த நிலையில் தீயணைப்பு வீரர்கள் ஸ்தலத்துக்கு விரைந்து பயணிகளை மீட்டனர்.

அதேவேளை ரயில் நிலையத்துக்கு முன்பாக பயணித்த கார்கள் கிட்டத்தட்ட முழுமையாக மழை வெள்ளத்தில் மூழ்கிய நிலையில் காரில் இருந்து மூன்று குழந்தைகள் மீட்புக்குழுவினரால் மீட்கப்பட்டதாக தெரிவிக்கப்பட்டுள்ளது.

மாலை 4 மணியளவில் நோர்த் ஹரோ ரயில் நிலையமும் அதன் முகப்பு வீதியும் மூடப்பட்டதனால் ஹரோ நகரத்திலும் அதனை அண்டிய பகுதிகளிலும் கடுமையான வாகனப் போக்குவரத்து நெரிசல்கள் ஏற்பட்டன.

பாகிஸ்தான் நாட்டில் காதலித்த நபருடன் வீட்டை விட்டு வெளியேறி திருமணம் செய்துக்கொண்ட மகளை அவரது தாயார் உயிருடன் எரிந்து கொன்றுள்ள சம்பவம் அதிர்ச்சியை ஏற்படுத்தியுள்ளது.லாகூர் நகரில் பர்வீன் ரபீக் என்ற தாய் ஷீனட் ரபீக்(18) என்ற மகளுடன் வசித்து வந்துள்ளார். பெற்றோருக்கு தெரியாமல் ஹாசன் கான் என்ற வாலிபரை ஷீனட் காதலித்து வந்துள்ளார்.

இந்நிலையில், மகளின் காதலுக்கு பெற்றோர் எதிர்ப்பு தெரிவித்ததால் கடந்த மாதம் வீட்டை விட்டு வெளியேறிய ஷீனட் ஹாசனை ரகசியமாக திருமணம் செய்துள்ளார்.மகளின் ஒழுக்கமற்ற நடவடிக்கையால் குடும்பத்தின் கெளரவம் கெட்டுவிட்டதாக பெற்றோர் மற்றும் ஷீனட்டின் சகோதரன் ஆகியோர் ஆத்திரத்தில் இருந்துள்ளனர்.

சரியான நேரத்தை எதிர்ப்பார்த்திருந்த தாயார் 3 நாட்களுக்கு முன்னர் ஷீனட்டிற்கு ஒரு செய்தி ஒன்றை அனுப்பியுள்ளார்.அதில், ‘எல்லாம் நடந்து முடிந்து விட்டது. ஆனால், நமது குடும்ப சம்பிரதாயப்படி உனக்கு விஷேடமான நிகழ்ச்சி நடத்த வேண்டும். எனவே, உடனடியாக வீட்டிற்கு புறப்படவும்’ என தாயார் உருக்கமாக தெரிவித்துள்ளார்.

தாயார் மனம் மாறியுள்ளதை அறிந்து உற்சாகம் அடைந்த ஷீனட் புதிய கணவனை விட்டுவிட்டு அவர் மட்டும் தனியாக தாய் வீட்டிற்கு சென்றுள்ளார்.வீட்டிற்குள் ஷீனட் நுழைந்ததும் அவரது கை கால்களை கயிற்றால் கட்டி தாயும் சகோதரனும் உள்ளே தூக்கி சென்றுள்ளனர். ஷீனட் அதிர்ச்சியில் அலறி துடித்துள்ளார்.உள்ளே சென்ற இருவரும் அங்குள்ள கட்டில் மீது ஷீனட்டை படுக்க வைத்து எழ முடியாமல் கட்டிபோட்டுள்ளனர்.

பின்னர், சமையல் அறையில் வைத்திருந்த மண்ணெண்ணெய் எடுத்து வந்து ஷீனட் மீது தாயார் ஊற்ற, அருகில் இருந்த சகோதரன் தீவைத்துள்ளார்.எதிர்கால கனவுகளுடன் தாய் வீட்டிற்கு வந்த ஷீனட் துடிக்க துடிக்க உடல் கருகி உயிரிழந்துள்ளார்.இந்த சம்பவம் முடிந்ததும் இருவரும் உண்மையை ஒப்புக்கொண்டு பொலிசாரிடம் சரணடைந்துள்ளனர்.பாகிஸ்தான் நாட்டில் மட்டும் சம்பிரதாயங்களை மீறி திருமணம் செய்துக்கொள்வதால் ஒவ்வொரு ஆண்டும் சுமார் 1,000 பெண்கள் இதுபோன்று கொலை செய்யப்பட்டு வருவது குறிப்பிடத்தக்கது.

போர்ச்சுக்கல் நாட்டில் 4 மாத கர்ப்பமாக இருந்த பெண்ணுக்கு மூளையில் ரத்தக்கசிவு ஏற்பட்டது.இதனால் அவருக்கு மூளைச்சாவு ஏற்பட்டது. ஆனால் அப்பெண்ணின் வயிற்றில் வளர்ந்த குழந்தையின் நிலையை பரிசோதித்த மருத்துவர்கள் ஆரோக்கியத்துடன் இருப்பதாக தெரிவித்தனர்.

எனவே அக்குழந்தை தொடர்ந்து வளர அப்பெண்ணின் கணவர் சம்மதித்தையடுத்து குழந்தை வளர சிகிச்சையளிக்கப்பட்டது.தற்போது சிசேரியன் அறுவை சிகிச்சை மூலம் 2.35 கிலோ எடையுடன் நலமுடன் அழகிய ஆண் குழந்தை பிறந்துள்ளது.மூளைச்சாவு அடைந்த நீண்ட நாட்களுக்கு பிறகும் பெண்ணின் வயிற்றில் குழந்தை வளர்ந்து பிறந்தது போர்ச்சுக்கல்லில் இதுவே முதன்முறை.

சவுதி அரேபியாவில் தந்தை ஒருவர் தனது குழந்தைக்கு பேய் பிடித்துவிட்டது என நினைத்து ஓடும் காரில் இருந்து வீசியெறிந்து கொலை செய்த சம்பவம் அதிர்ச்சியை ஏற்படுத்தியுள்ளது.சம்பவம் நடைபெற்ற அன்று Manama நகரில் இந்நபர் தனது மனைவி மற்றும் 4 மாதக்குழந்தையுடன் காரில் பயணித்துள்ளார்.அப்போது, இந்நபர் காரின் ஜன்னல் வழியாக குழந்தையை தூக்கி எறிந்துள்ளார்.

இதனைப்பார்த்த மனைவி என்ன செய்வதென்று தெரியாமல், காரில் இருந்து இறங்கி தனது குழந்தையை காப்பாற்ற ஓடியதில், லொறியில் அடிபட்டு உயிரிழந்துள்ளார்.இதில் கீழே விழுந்த குழந்தைக்கு அடிபட்டதில் குழந்தையும் உயிரிழந்தது, இதுதொடர்பான விசாரணையில், தனது குழந்தைக்கு பேய் பிடித்துவிட்டது எனக்கூறி, பயங்கரமாக குழந்தையை அடித்துள்ளார்.

அதன் முடிவில்தான் குழந்தையை காரின் ஜன்னல் வழியாக தூக்கி வீசியுள்ளார், மேலும் மனைவியும் காரில் இருந்து இறங்கிவிட்டாலும், அதனைப்பொருட்படுத்தாது சென்ற இவரை பொலிசார் பின்தொடர்ந்து சென்று விரட்டி பிடித்துள்ளனர்.இதுதொடர்பான வழக்கு மெக்காவில் நடைபெற்று வந்த நிலையில், இவருக்கு 15 ஆண்டுகள் சிறைதண்டனையும், 1,500 கசையடிகளும் வழங்கப்பட்டுள்ளன.