சீனாவை சேர்ந்த தாய் ஒருவர் தனது மகனை கிட்டத்தட்ட 40 ஆண்டுகளாக அடைத்து வைத்துள்ள சம்பவம் பரபரப்பை ஏற்படுத்தியுள்ளது.

சீனாவின் மத்திய ஹெனான் பகுதியில் உள்ள ஷென்சோ பகுதியைச் சேர்ந்தவர் பென்ங் வீகிங்(48). மனவளர்ச்சி குன்றிய பென்ங் தனது வாழ்க்கையின் பெரும் பகுதியை கூண்டிற்குள்ளேயே கழித்துள்ளார்.

இதற்குக் காரணம் இவரது பெற்றோர் தான் இவரது தந்தை தற்போது உயிரோடு இல்லை. 80 வயது மதிக்கத்தக்க தாய் தான் இவரை கவனித்து வருகிறார். தனது மகனின் பாதுகாப்பிற்காகவே அவனை கூண்டில் அடைத்து வைத்து வளர்த்தோம் எனத் தெரிவித்துள்ளார் அவனது தாயார்.

மேலும் கூறுகையில் அவனுக்கு 6 வயதாக இருந்த போது ஏற்பட்ட தீவிர காய்ச்சலின் விளைவாக அவனது மூளை பாதிப்படைந்தது, அதனைத் தொடர்ந்து அவனது மனநிலைப் பாதிக்கப்பட்டது.

வீகிங்கைப் பாதுகாப்பதற்காகவே அவனுக்கு இப்படி ஒரு கூண்டினை வடிவமைத்தார் அவனது தந்தை. காரணம், அவன் சுதந்திரமாக வெளியில் உலாவியபோது கத்தி போன்றப் பொருட்களால் தன்னைத் தானே தாக்கத் தொடங்கினான்.

பல சமயங்களில் நடக்கத் தெரியாமல் கீழே விழுந்ததில் அவனது முகத்தில் காயம் ஏற்பட்டது. எனவே, இது போன்ற அசம்பாவிதங்களில் இருந்து அவனைக் காப்பதற்காகவே, இத்தகைய இரும்புக் கூண்டு ஒன்றை வடிவமைத்தார் என்று தெரிவித்துள்ளார்.

வயதான தனக்குப் பிறகு தனது மகனைப் பார்த்துக் கொள்வதற்கு வேறு சரியான ஆளை தேடிய போது தான் இந்த உண்மை வெளிச்சத்திற்கு வந்துள்ளது.

கொலம்பியாவைச் சேர்ந்த 82 வயது மூதாட்டியின் வயிற்றில் இருந்து 40 வயதான கல் குழந்தை வெளியில் எடுக்கப்பட்டுள்ளது.

கொலம்பியாவைச் சேர்ந்த மூதாட்டி கடும் வயிற்று வலியால் அவதிப்பட்டு வந்தார். வயிற்று வலிக்கான காரணத்தை கண்டறிய எக்ஸ்ரே எடுத்துப் பார்த்தனர்.

அப்போது மூதாட்டியின் அடி வயிற்றுப் பகுதியில் குழந்தை வடிவில் ஒரு கட்டி இருந்ததை கண்டறிந்தனர். அதனை சத்திரசிகிச்சை மூலம் அகற்றினர்.

இந்த மூதாட்டி 40 ஆண்டு முன்னர் கருத்தரித்த போது அந்த கரு கருப்பையில் தங்காமல் வயிற்றுப் பகுதியில் தங்கியதால் அது கல்லாக மாறிவிட்டது என்று மருத்துவர்கள் தெரிவித்தனர்.

11000 பேரில் ஒருவர் ஆண்டிற்கு 11000 கர்ப்பிணிகளில் ஒருவருக்கு இதுபோன்ற கல்குழந்தைகள் உருவாவது இயற்கைதான் என்றும் அவர் கூறினார்.

குழந்தை கருத்தரித்த பிறகு கரு பாதிக்கப்பட்டால் இவ்வாறு கருவில் உள்ள குழந்தை கால்சியம் அமில உப்புகளால் பாதிக்கப்பட்டு கல்லாக மாறிவிடுவது மிகவும் அரிதானது. அதற்கு அறிவியலில் லித்தோபிடியன் என்றும் சொல்லப்படுகிறது.

இதுவரையில் இதுபோன்று 290 சம்பவங்கள் மருத்துவத்துறையில் பதியப்பட்டுள்ளது. 28 ஆண்டு போராட்டம் இதற்கு முன்பாக மேடம் கோலம்பே சாத்ரி என்ற 68 வயது பிரான்ஸ் நாட்டு பெண்ணுக்கு அவர் 1582 ல் இறந்த பின் கல்குழந்தை அவருடைய வயிற்றில் இருந்து அகற்றப்பட்டது.

அவர் 28 வருடங்களாக வீங்கிய வயிற்றுடனும் வேதனையுடனும் வாழ்ந்து வந்தார். அக்குழந்தை பிரான்ஸ் நாட்டு பணக்காரருக்கு விற்கப்பட்டு பின் பல கைகள் மாறி இறுதியாக டென்மார்க் அரசருக்கு விற்கப்பட்டு அது அவருடைய மியூசியத்தில் வைக்கப்பட்டு பின் காணாமல் போய்விட்டதாகவோ அல்லது அடக்கம் செய்யப்பட்டதாகவோ கூறப்படுகிறது.

காதலியின் அதீத ஆசையினால் காதலன் பரிதாபமாக உயிரிழந்தது சோகத்தை ஏற்படுத்தியுள்ளது. சீனாவின் கிழக்கு மாகாணத்தில் உள்ள கடை ஒன்றுக்கு, தாவோ ஹசியோ(38) என்பவர் தனது காதலியுடன் சென்றுள்ளார்.

அங்கு சுமார் 5 மணிநேரம் இருவரும் சுற்றித் திரிந்து சுமக்க முடியாத அளவிற்கு ஏராளமான பொருட்களை வாங்கினர். இதனால் சோர்வடைந்த காதலன் வீட்டிற்கு போகலாம் என கூறியுள்ளார்.

ஆனால் காதலியோ இன்னும் ஒரு கடைக்கு செல்ல வேண்டும். அங்கு ஷூவுக்கு சிறப்பு தள்ளுபடி இருக்கிறது என்று தெரிவித்துள்ளார்.

வாழ்நாள் முழுக்க அணிய போதுமான ஷூக்கள் இருக்கிறதே பிறகு புதிதாக வாங்க வேண்டுமா என காதலன் கேட்க தகராறு முற்றியது.
இதனால் மனமுடைந்த காதலன் 7வது மாடியில் இருந்து குதித்து விட்டார்.

உடனடியாக அவசர மருத்துவ குழுவினர் விரைந்து வந்தும் எவ்வித பலனும் இல்லாமல் போய்விட்டது காதலன் பரிதாபமாக உயிரிழந்தது அப்பகுதியில் சோகத்தை ஏற்படுத்தியுள்ளது.

பல விருதுகளை வென்று வசூலில் சாதனை படைத்த டைட்டானிக் பட கதாநாயகியான கேத்தே ஆண் குழந்தை ஒன்றை பெற்றெடுத்துள்ளார்.

1997ம் ஆண்டு வெளியாகி உலகம் முழுவதும் சக்கைபோடு போட்ட ஆங்கிலப்படம் டைட்டானிக். இதில் இங்கிலாந்து நடிகை கேத்தே வின்ஸ்லெட் கதா நாயகியாக நடித்து உலகப் புகழ் பெற்றார்.

டைட்டானிக் படத்தில் நடிக்கும் முன்பே 1991ம் ஆண்டு தனது 16 வயதில் இங்கிலாந்து டி.வி.நடிகர் ஸ்டீபன் டிரேடர் என்பவரை காதலித்து திருமணம் செய்யாமல் 4½ ஆண்டுகள் ஒன்றாக சேர்ந்து குடும்பம் நடத்தினார். எனினும் இவர்களுக்கு குழந்தை இல்லை.

டைட்டானிக் படம் வெளியான சமயத்தில் ஸ்டீபன் எலும்பு புற்றுநோயால் பாதிக்கப்பட்டு உயிரிழந்தார். இதனால் லொஸ் ஏஞ்சல்ஸ்சில் நடந்த டைட்டானிக் பட விழாவில் கேத்தே பங்கேற்க முடியவில்லை. அதன்பிறகு 1998ம் ஆண்டு சினிமா இயக்குனர் ஜிம் திரேபில்டன் என்பவரை காதலித்து திருமணம் செய்தார். அவர் மூலம் கேத்தே ஒரு பெண் குழந்தை பெற்றெடுத்தார். அதன்பிறகு 2001ல் கணவரை விவாகரத்து செய்தார்.

சினிமா இயக்குனர் காம் மெண்டிஸ் என்பவரை காதலித்து 2003ல் இரண்டாவது திருமணம் செய்தார். இவர்களுக்கு ஒரு ஆண் குழந்தை உள்ளது. மெண்டிசுடனும் கேத்தே இல்லற வாழ்க்கை நீடிக்க வில்லை. 2011ல் இருவரும் விவாகரத்து பெற்று பிரிந்தனர்.

இந்த நிலையில் கேத்தேக்கும் மாடல் நடிகர் லூயிஸ் டவ்லர் என்பவருக்கும் நட்பு ஏற்பட்டது. அவருடனும் உறவு நீடிக்கவில்லை. அதன்பிறகு ராக் அன்ரோல் என்பவரை 2012ம் ஆண்டு நியூயோர்க்கில் திருமணம் செய்தார்.

மூன்றாவது கணவர் மூலம் கேத்தேக்கு இங்கிலாந்தின் கவுண்டி நகரில் கடந்த 7ம் திகதி ஆண் குழந்தை பிறந்தது. 45 வயதாகும் நடிகை கேத்தே வின்ஸ்லெட் 3குழந்தைகளுடன் மூன்றாவது கணவருடன் வசித்து வருகிறார்.

பிரெஞ்சு மாணவனான டெப்லே என்ற 22 வயதான இளைஞர் காற்றினை சுத்திகரித்து அதனை ரின்களில் அடைத்து விற்பனை செய்து வருகின்றார்.

மக்கள் மத்தியில் பலத்த வரவேற்பைப் பெற்ற இந்த தூய காற்று அவருக்கு பெரிய லாபத்தை ஈட்டிக்கொடுக்கின்றதாம்.

ஒரு ரின் காற்றின் விலை 5.5 யூரோக்களாக இருந்தும் கூட 3 வாரங்களில் 1,000 பேர் இதனைப் பெறுவதற்கு முற்கூட்டியோ ஓடர் வழங்கியுள்ளனர்.