மனைவியை கொலை செய்த சம்பவத்துடன் தொடர்புடைய நபருக்கு மாத்தறை மேல் நீதிமன்றம் 15 ஆம் ஆண்டு கடூழியச் சிறைத்தண்டனையை வழங்கி தீர்ப்பளித்துள்ளது.2008ம் ஆண்டு நவம்பர் 13ம் திகதி நடந்த கொலை சம்பவம் தொடர்பில் மாத்தறை கனங்கே பிரதேசத்தை சேர்ந்த 60 வயதான நபருக்கே இந்த தண்டனை வழங்கப்பட்டுள்ளது.

அதிக மது போதையில் வந்து மனைவியுடன் தகராறை ஏற்படுத்தி, மனைவியை பொல்லால் தாக்கி கொலை செய்த சம்பவம் தொடர்பாக குறித்த நபருக்கு எதிராக மாத்தறை மேல் நீதிமன்றத்தில் குற்றப்பத்திரிகை தாக்கல் செய்யப்பட்டு வழக்கு விசாரணை நடத்தப்பட்டு வந்தது.இது திட்டமிட்ட கொலை அல்ல எனவும் தவறாக நடந்த கொலை சம்பவத்திற்கு நபர், குற்றவாளி என கூறிய மேல் நீதிமன்ற நீதிபதி தமித் தொட்டவத்த குற்றவாளிக்கு 15 வருட கடூழியச் சிறைத்தண்டனையும் 10 ஆயிரம் ரூபா அபராதமும் விதித்து தீர்ப்பளித்துள்ளார்.

மட்டக்களப்பு, களுவாஞ்சிக்குடி பொலிஸ் பிரிவுக்கு உட்பட்ட களுதாவளைக் கிராமத்தைச் சேர்ந்த சீனித்தம்பி மோகன் (வயது 46) என்பவரை இனந்தெரியாத நபர்கள் கொலைசெய்துள்ளதாக தெரிவிக்கப்படுகின்றது.குறித்த சம்பவம் புதன்கிழமை (25) இரவு இடம்பெற்றுள்ளது. தடிகள் மற்றும் இரும்புக் கம்பிகளால் தாக்குதலுக்கு உள்ளாகிய இவர், களுவாஞ்சிக்குடி ஆதாரவைத்தியசாலையில் அனுமதிக்கப்பட்டு சிகிச்சை பலனின்றி உயிரிழந்துள்ளார்.

இதேவேளை, இவரது மனைவியான இராஜேஸ்வரி (வயது 44) என்பவரும் அடி காயங்களுக்கு உள்ளான நிலையில் களுவாஞ்சிக்குடி ஆதாரவைத்தியசாலையில் அனுமதிக்கப்பட்டு, மேலதிக சிகிச்சைக்காக மட்டக்களப்பு போதனா வைத்தியசாலைக்கு மாற்றப்பட்டுள்ளதாக வைத்தியசாலைத் தகவல்கள் தெரிவிக்கின்றன.இந்தச் சம்பவத்துடன் தொடர்புடையதாகக் கருதப்படும் இரண்டு பேரை பொலிஸார் கைதுசெய்துள்ளனர்.குறித்த சம்பவத்துடன் தொடர்புடைய நான்கு சந்தேகநபர்களை தேடி வருவதாகவும் இந்தச் சம்பவம் தொடர்பில் பொலிஸார் மேலதிக விசாரணைகளை மேற்கொண்டு வருவதாகவும் தெரிவிக்கப்பட்டுள்ளது.

பாராளுமன்ற உறுப்பினர் நாமல் ராஜபக்ஸவின் செயலாளர் ஒருவர் பத்து கிலோ தங்கத்துடன் கைது செய்யப்பட்டுள்ளார்.பொரலஸ்கமுவையில் அமைந்துள்ள வீட்டிலிருந்தே பத்து கிலோ தங்கத்தினை பொலிஸ் நிதி குற்றத்தடுப்பு பிரிவினர் இன்று காலை மீட்டுள்ளதாக தெரிவிக்கப்பட்டுள்ளது.

இதனையடுத்தே நாமல் ராஜபக்ஸவின் செயலாளரை கைது செய்துள்ளதாக பொலிஸார் தெரிவித்துள்ளனர்.

 
புதுக்குடியிருப்பு தேவிபுரம் பகுதியில் சாரதி பயிற்சி வாகனம் நேற்று இரவு விபத்துக்குள்ளானது. இச் சம்பவம் தொடர்பாக மேலும் தெரியவருவதாவது,

புதுக்குடியிருப்பு தேவிபுரம் பகுதியில் நேற்று (25.05.2016) இரவு 7.30 மணியளவில் பயணித்துக் கொண்டிருந்த சாரதி பயிற்சி வாகனத்தின் சக்கரம் காற்றுப்போனதால் சாரதியின் கட்டுப்பாட்டை இழந்து விபத்துக்குள்ளானது. இவ் விபத்தில் காயமடைந்த சாரதி மருத்துவமனையில் அனுமதிக்கப்பட்டுள்ளார்.

இவ் சாரதிபயிற்சி வாகனம் அதிவேகமாக சென்றதாக சம்பவத்தினை நேரில் பார்த்த மக்கள் தெரிவித்தனர். மேலதிக விசாரணைகளை பொலிசார் மேற்கொண்டு வருகின்றனர்.

கொரோவபதான பொலிஸ் நிலைய பொறுப்பதிகாரியின் மகள் கூரிய ஆயுதத்தால் தாக்கப்பட்டு கொலை செய்யப்பட்டுள்ளார். கலேன்பிதுனுவெவ – அக்கரவிஸ்ஸ பிரதேசத்திலுள்ள அவரது வீட்டில் வைத்து இன்று (26) அதிகாலை இந்த சம்பவம் இடம்பெற்றுள்ளதாக, பொலிஸார் குறிப்பிட்டுள்ளனர். இதன்போது, பொலிஸ் நிலைய பொறுப்பதிகாரியின் மனைவி காயமடைந்த நிலையில் அனுராதபுர வைத்தியசாலையில் அனுமதிக்கப்பட்டுள்ளார்.

குடும்பப் பிரச்சினை காரணமாக, உயிரிழந்த பெண்ணின் கணவரே இந்தத் தாக்குதலை மேற்கொண்டுள்ளதாக, பொலிஸாரின் ஆரம்பகட்ட விசாரணைகளில் இருந்து தெரியவந்துள்ளது. மேலும், சந்தேகநபர் அப் பகுதியில் இருந்து தப்பிச் சென்றுள்ளார். இவரைக் கைதுசெய்வதற்காக விசாரணைகள் ஆரம்பிக்கப்பட்டுள்ளதோடு, சம்பவம் குறித்த மேலதிக விசாரணைகள் மேற்கொள்ளப்பட்டு வருகின்றன.

அவுஸ்திரேலியாவுக்கு மனிதக் கடத்தலை மேற்கொள்வதற்காக பணச் சேகரிப்பில் ஈடுபட்டுக் கொண்டிருந்த நான்குபேரை கோயம்புத்தூரில் வைத்து கியூ பிரிவு பொலிஸார் கைது செய்துள்ளனர். இந்த சம்பவம் நேற்று இடம்பெற்றுள்ளது. இவர்களில் ஒரு இலங்கை அகதியும் அடங்கியுள்ளார். ஏனையவர்களில் இலங்கையர் ஒருவர்( கிளிநொச்சி அக்கராயன்குளம்) மற்றும் தமிழகம் சென்னையை சேர்ந்த இருவர் ஆகியோர் இருப்பதாக தெரிவிக்கப்பட்டுள்ளது.

இவர்கள் அவுஸ்திரேலியாவுக்கு ஆட்களை சட்டவிரோதமாக படகுகளில் ஏற்றிச் செல்வதற்காக கோயம்புத்தூரில் உள்ள கொத்தூர் கிராம அகதி முகாமில் பணச் சேகரிப்பில் ஈடுபட்டார்கள் என்று குற்றம் சுமத்தப்பட்டுள்ளனர். கோத்தூர் அகதி முகாம் 1980 ஆண்டுகளில் இருந்து செயற்படுகிறது. அங்கு 546 இலங்கை அகதிகள் தங்கியுள்ளனர்.ஆரம்ப விசாரணைகளில் இருந்து கைது செய்யப்பட்ட நால்வரும் அவுஸ்திரேலியா செல்வதற்காக ஒரு ஆளுக்கு 70 ஆயிரம் ரூபாவை அகதிகளில் கோரியதாக தெரியவந்துள்ளது.

இதனடிப்படையில் அவர்கள் 6 அகதிகளிடம் இருந்து 3.7 லட்சம் இந்திய ரூபாவை சேகரித்துள்ளனர்.இந்தநிலையில் அகதி ஒருவர் பொலிசாருக்கு வழங்கிய தகவலை அடுத்தே இந்த விடயம் வெளியில் தெரியவந்துள்ளது.கைதுசெய்யப்பட்டவர்கள் சென்னை புழல் முகாமில் தடுத்து வைக்கப்பட்டுள்ளனர்.

கம்பஹா மாவட்டத்தில் இம்முறை அதிகமாக வெள்ளப்பெருக்கு ஏற்பட ஏதுவாக அமைந்ததுசீபிளேனை தரை இறக்குவதற்கு அமைக்கப்பட்ட மணல் திட்டே காரணம் எனகுறிப்பிடப்பட்டுள்ளது. குறித்த மணல் திட்டானது தடுகம் ஓயாவை மறித்து குறுக்காக அமைக்கப்பட்டுள்ளதாக தெரிவிக்கப்பட்டுள்ளது. மேலும் குறித்த மணல் திட்டை உடனடியாக அப்புறப்படுத்துமாறு ஜனாதிபதிமைத்திரிபால சிறிசேன உத்தரவிட்டுள்ளதாகவும் குறிப்பிடப்பட்டுள்ளது.

இதற்கமைய குறித்த மணல்திட்டை கடற்றொழில் அமைச்சர் மஹிந்த அமரவீரவின்பணிப்புரைக்கமைய நேற்றைய தினம் அப்புறப்படுத்தப்பட்டுள்ளதாக தெரிவித்துள்ளனர். அத்துடன் தடுகம் ஓயாவை மறித்து கட்டப்பட்ட குறித்த மணல்திட்டே கம்பஹாமாவட்டத்தில் வெள்ளப்பெருக்கு ஏற்பட காரணம் என கடந்த வாரம் இடம்பெற்றகலந்துரையாடலின் போது ஜனாதிபதியின் கவனத்திற்கு கொண்டுவரப்பட்டமையை அடுத்தேஇதை அப்புறப்படுத்துமாறு ஜனாதிபதி உத்தரவிட்டமை குறிப்பிடத்தக்கது.

அநுராதபுரம் நுவர வாவியில் படகு கவிழ்ந்ததில் ஒருவர் உயிரிழந்துள்ளார். சம்பவத்தில் மிஹிந்தலை பகுதியைச் சேர்ந்த 39 வயதான ஒருவரே உயிரிழந்துள்ளார்.

குறித்த படகில் பயணித்த மேலும் இருவர் மீனவர்களால் காப்பாற்றப்பட்டுள்ளனர். உயிரிழந்தவரின் சடலம் இன்று காலை மீட்கப்பட்டது.

யாழ்ப்பாணம், அராலி மாவத்தை விளையாட்டு மைதானத்திலுள்ள கிணற்றிலிருந்து மாணவனின் சடலமொன்று மீட்கப்பட்டுள்ளதாக வட்டுக்கோட்டை பொலிஸார் தெரிவித்துள்ளனர். இந்தச் சம்பவம் நேற்று (24.05) மாலை இடம்பெற்றுள்ளது.

சடலமாக மீட்கப்பட்டவர் அராலி தெற்கைச் சேர்ந்த 16 வயதுடைய ஜெசிந்தன் என அடையாளம் காணப்பட்டுள்ளார்.

மேலும் இந்த மாணவன் கடந்த 23 ஆம் திகதி காணாமல் போன நிலையில் நேற்று சடலமாக பொலிஸாரினால் மீட்கப்பட்டுள்ளமை குறிப்பிடத்தக்கது.

மாணவனின் சடலம் பிரேத பரிசோதனைக்காக யாழ்ப்பாணம் போதனா வைத்தியசாலையில் வைக்கப்பட்டுள்ளது.

இந்தச் சம்பவம் தொடர்பாக, வட்டுக்கோட்டை பொலிஸாரினால் மேலதிக விசாரணைகள் மேற்கொள்ளப்பட்டுவருகிறது.