திருச்சியில் நடைபெற்ற அ.தி.மு.க பிரசாரப் பொதுக்கூட்டத்தில் நடிகை நமீதா அதிமுகவில் அடிப்படை உறுப்பினராக சேர்ந்தார்.

அப்போது அவர் தேர்தல் பிரசாரத்துக்கு விரைவில் வருவார் என்று பெரிதும் எதிர்பார்க்கப்பட்டது. ஆனால் கடைசி வரை அவரை பிரசாரத்துக்கு புக் செய்ய செய்யவில்லை. இதனால் அதிமுக தொண்டர்கள் அனைவரும் ஏமாற்றம் அடைந்தனர்.

இந்நிலையில் நமீதாவின் உதவியாளர் கூறுகையில், அதிமுகவில் அடிப்படை உறுப்பினராகச் சேர வேண்டும் என்பது நமீதாவின் விருப்பம். ஆனால் பிரசாரத்துக்கு தலைமைக் கழகத்தில் இருந்து எந்தவித அழைப்பும் வரவில்லை. இதனால் அவர் செல்லவில்லை என்று கூறியுள்ளார்.

மேலும், அடிப்படை உறுப்பினராகச் சேரும் பிரபலங்கள், பிரசாரத்துக்கு வரவேண்டும் என்பதில்லை என்று அதிமுக செய்தித் தொடர்பாளர் சமரசம் விளக்கம் அளித்துள்ளார்.

சில அதிமுக பிரமுகர்கள் கூறுகையில், அரசியல் மேடையில் பேசும் அளவுக்கு நமீதாவுக்கு பக்குவம் இல்லை. அதுமட்டுமல்லாது அவருக்கு தமிழும் தெரியாது. இதனால் எதையாவது பேசி மீம்ஸ், வீடியோ என கேலிப்பொருள் ஆகிவிடக் கூடாது என்பதற்காக அழைக்கவில்லை என்று கூறியுள்ளனர்.

சென்னை தமிழக சட்டப்பேரவை தேர்தலில் திமுக 140 இடங்களை வென்று ஆட்சியைப் பிடிக்கும் என்று லயோலா கல்லூரி முன்னாள் பேராசிரியர் தலைமையிலான குழு நடத்திய கருத்துக்கணிப்பில் தெரியவந்துள்ளது. அதிமுகவுக்கு 65 இடங்கள் மட்டுமே கிடைக்கும் என்றும் கணிக்கப்பட்டிருக்கிறது.

சென்னை லயோலா கல்லூரி முன்னாள் பேராசிரியரும், மக்கள்ஆய்வு மையத் தலைவருமான பேராசிரியர்ச.ராஜநாயகம் மற்றும் அவரது குழுவினர் தமிழகம் முழுவதும் எடுக்கப்பட்ட கருத்துக்கணிப்பு முடிவுகளை நேற்று சென்னையில் வெளியிட்டனர்.

அப்போதுஅவர்கள் கூறியதாவது, மக்கள் ஆய்வு மையம் சார்பில் தமிழகம் முழுக்க சட்டப்பேரவை தேர்தல் தொடர்பான மக்களின் எண்ண ஓட்டங்கள் பதிவு செய்யப்பட்டன.

ஏப்ரல் 24ம் திகதி முதல்மே 10ம் திகதி வரை நடைபெற்ற இந்த கருத்துக்கணிப்பில் 8,064 பேரிடம் கருத்துக்கள் கேட்கப்பட்டன.
இந்த தேர்தலில் எந்த கூட்டணி ஆட்சியை அமைக்கும்என்ற கேள்விக்கு திமுக அணிக்கு 42.7 சதவீதம் பேர் ஆதரவு தெரிவித்தனர்.

அதிமுக அணிக்கு 36.6 சதவீதம் பேரும், தேமுதிக- மக்கள் நலக்கூட்டணி- தமாகா அணிக்கு 7.9 சதவீதம், பாமக அணிக்கு 3 சதவீதம் என மக்கள் ஆதரவு தெரிவித்துள்ளனர்.

அடுத்த முதல்வர் யார் என்ற கேள்விக்கு கருணாநிதி முதல் இடத்தில் உள்ளார். அவருக்கு 41.1 சதவீதம் பேர் ஆதரவு தெரிவித்துள்ளனர்.
ஜெயலலிதா-31.7 சதவீதம், விஜயகாந்த் -10.1 சதவீதம், அன்புமணிக்கு 10.1 சதவீதம் பேரும் ஆதரவு தெரிவித்துள்ளனர்.

இன்று வாக்குப்பதிவு நடந்தால், பெரும்பான்மை வாக்குகளுடன்திமுக முதலிடத்தைப் பிடிக்கும். திமுகவுக்கு 40.7 சதவீதம், அதிமுக-31.8 சதவீதம், தேமுதிக-மக்கள் நலக்கூட்டணி-தமாகா அணி-10.4 சதவீதம், பாமக5.9 சதவீதம், நாம் தமிழர் 1.8 சதவீதம், பாஜ-1.6 சதவீதம், சுயேச்சை 0.7 சதவீதம், நோட்டாவுக்கு-5.5 சதவீதம் பேர் வாக்களிப்பதாக தெரிவித்துள்ளனர்.

இந்த தேர்தலில் அதிமுகவுக்கும், திமுகவுக்கும் இடையேதான் போட்டியே என இறுதி வடிவம் பெற்றுள்ளது. தற்போதைய நிலையில் திமுக 118 முதல் 120 இடங்கள் வரை பிடிக்கும்.

காங்கிரஸ் 8-10 இடங்கள், அதிமுக 94-96 இடங்கள், தேமுதிக-மக்கள் நலக்கூட்டணி-தமாகா 6 முதல் 8 இடங்கள், பாமக 5-7 இடங்கள், பாஜ1-3 இடங்கள் மற்றவை 2-4 இடங்கள் வரை பிடிக்க வாய்ப்புள்ளது. திமுக-அதிமுகவுக்கு இடையே ஏற்பட்டுள்ள இந்த இடைவெளி இதேவேகத்தில் மேலும் தொடரும் நிலையில் திமுக140 இடங்கள் வரை பிடிக்கும், காங்கிரஸ் 15 இடங்கள் வரையும், அதிமுக 65 இடங்கள் வரையும் பிடிக்கும் என்று கூறியுள்ளனர்.

ஒடிசா சட்டப் பேரவையில், முன்னாள் சட்ட அமைச்சர் ரகுநாத் பட்நாயக்கின் மறைவுக்கு இரங்கல் தெரிவிக்கும் நிகழ்ச்சி நேற்று நடந்தது. இதில் கலந்து கொண்டமுதல்வர் நவீன் பட்நாயக், இரங்கல் கூட்டம் நிறைவடைந்தவுடன் வெளியேற முயன்றார்,

அப்போது, இடஒதுக்கீடு காலி இடங்கள் சட்டத்தை அமல்படுத்தக்கோரி எதிர்கட்சிகளின் எஸ்சி, எஸ்டி, எம்எல்ஏக்கள் முதல்வர் நவீன் பட்நாயக்கின் காலில் விழுந்து கெஞ்சியுள்ளனர்.

இதனை சற்றும் எதிர்பார்க்காத முதல்வர் அவ்விடத்தை விட்டு நகர்ந்து சென்றுவிட்டார், இதுகுறித்து காங்கிரஸ் உறுப்பினர் பிரபுல்லா மஜ்ஜி தெரிவிக்கையில், மாநில மக்கள்தொகையில் 38% ஆக இருக்கும் எஸ்.சி., எஸ்.டி பிரிவினரின் நலனுக்காக காலில் விழுந்து கெஞ்சுவதில் தவறில்லை.

ஆனால் இரக்கமற்ற மனம் படைத்த முதல்வர் எங்களைப் புறக்கணித்துவிட்டார் என்று கூறியுள்ளார்.

இதற்கிடையில் ஆளுங்கட்சியானபிஜு ஜனதாதள செய்தித் தொடர்பாளர் சசிபூஷன் பெஹெரா தெரிவிக்கையில், சட்டப்பேரவையின் புனிதத்தை மீறக்கூடாது. ஜனநாயக முறையின் படியே ஆர்ப்பாட்டம் செய்ய வேண்டும் என தெரிவித்துள்ளார்.

உத்தரப்பிரதேசம் மாநிலத்தில் உள்ள மீரட் நகரின் அருகே தந்தையின் பாலியல் கொடுமையை தாங்க முடியாமலும், இனியும் சகித்து கொள்ள முடியாமலும் அவரை சுத்தியலால் அடித்துக் கொன்ற இரு மகள்கள் வீடியோ மூலம் வாக்குமூலம் அளித்துள்ளனர்.

எனினும், இந்த வாக்குமூலத்தின் அடிப்படையில் வழக்குப்பதிவு செய்து அந்தப் பெண்கள்மீது நடவடிக்கை எடுக்க வேண்டிய உள்ளூர் போலீசார், இந்த வழக்கை திசைதிருப்ப முயன்று வருவதாக தகவல் வெளியாகியுள்ளது. இறந்த நபர் சுவரில் தலைமோதி ஏற்பட்ட காயத்தால் உயிரிழந்ததாக கூறிவரும் போலீசார், அவரது பிரேதப் பரிசோதனை அறிக்கைக்காக காத்திருப்பதாகவும் தெரிவித்தனர்.

ஆனால், இந்த கொலை தொடர்பாக வாக்குமூலம் அளிக்கும் பெண்களின் வீடியோவில், பிரேதத்தின் அருகாமையில் ரத்தம் தோய்ந்த சுத்தியல் காணப்படும் நிலையில் போலீசார் எதை மறைக்க இந்த நாடகம் ஆடுகின்றனர்? என்ற கேள்வி அப்பகுதி மக்களிடையே எழுந்துள்ளது.