ருமேனியா நாட்டில் இளவயதிலேயே கர்ப்பமாகும் சிறுமிகளின் எண்ணிக்கை அதிகரித்துக் கொண்டே வருகின்றது.

ஐரோப்பிய ஒன்றியத்தின் புள்ளியியல் விபரப்படி, 2013ம் ஆண்டு ருமேனியாவில் 15.6 சதவிகிதமும், பல்கேரியாவில் 14.7 சதவிகித குழந்தைகள் இளவயது தாய்மார்களுக்கு பிறந்ததாக தெரிவிக்கப்பட்டுள்ளது.

கடந்த 2014ம் ஆண்டில் மட்டும் 12 வயது முதல் 15 வயதுக்குட்பட்ட 2212 பேர் குழந்தைகளை பெற்றெடுத்துள்ளதாக ருமேனியா நிறுவனம் தெரிவித்துள்ளது.

இந்நிலையில் இதுகுறித்து Lorena என்ற சிறுமி கூறுகையில், கடவுள் எனக்கு அழகான குழந்தையை கொடுத்துள்ளார், இதில் என்னவொரு சிரமம் என்றால் நானும் குழந்தை தான் என தெரிவித்துள்ளார்.

தனது காதலனுடன் வசித்து வரும் Lorena, திட்டமிடாமல் வாழ்ந்ததே இதற்கு காரணம் என தெரிவிக்கிறார்.

மற்றொரு சிறுமியான Diana கூறுகையில், தான் கர்ப்பமாக இருப்பது தெரிந்தவுடன் கதறி அழுததாகவும், தன்னுடைய வாழ்க்கையே நாடகத்தன்மை நிறைந்ததாக மாறிப்போயுள்ளதாகவும் தெரிவிக்கிறார்.

இதற்கு காரணம் ரோமா என்ற சிறுபான்மை இன மக்களிடையே போதிய விழிப்புணர்வு இல்லாததே என நம்பப்படுகிறது.

ரோமானியாவில் Save TheChildren என்ற அமைப்பை நடத்தி வரும் Gabriela Alexandrescu என்பவர் கூறுகையில், புலம்பெயர்வு மற்றும் ஏழ்மையே இளவயது கர்ப்பத்திற்கு முதன்மை காரணம்.

அதுமட்டுமின்றி சிறுமிகளுக்கு போதிய உடல்நலம் சார்ந்த கல்வியறிவு இல்லாததும், அவர்கள் தாத்தா, பாட்டிகளின் அரவணைப்பில் வளர்வதும் இதற்கு காரணமாக இருக்கலாம் என தெரிவித்துள்ளார்.

மேலும் இளவயதிலேயே குழந்தையை பெற்றெடுப்பதால் மனநலன் சார்ந்து பல்வேறு பிரச்னைகளை அவர்கள் சந்திப்பதாகவும் தெரிவித்துள்ளார்.

ஸ்கொட்லாந்தில் வசித்து வரும் முஸ்லிம் குடும்பத்தினர் மீது மர்ம நபர் தாக்குதல் நடத்த முயன்ற சம்பவம் பரபரப்பை ஏற்படுத்தியுள்ளது.

பாகிஸ்தானை சேர்ந்த 2 வயது சிறுவன் Mohammad Sudais. எதிர்பாராத விபத்தில் தந்தை, தாய் மற்றும் சகோதரனை இழந்த Mohammad Sudais முகத்தில் தீக்காயங்களுடன் சிகிச்சைக்காக தன்னுடைய மாமா வீட்டில் தங்கியுள்ளான்.

இவர்கள் குடும்பத்தினருடன் ஸ்காட்லாந்தின் Glasgow நகரில் வசித்து வருகின்றனர்.

இந்நிலையில் கடந்த வெள்ளிகிழமையன்று Mohammad Sudais தோட்டத்தில் விளையாடிக் கொண்டிருந்த போது, விரைந்து வந்த மர்ம நபர் “வெடிகுண்டு வைத்து உன்னையும், உன் குடும்பத்தினரையும் கொலை செய்து விடுவேன்” கூறி கொண்டே சிறுவன் மீது தாக்குதல் நடத்த வந்துள்ளார்.

மேலும் நீங்கள் எங்கிருந்து வந்தீர்களோ அங்கேயே திரும்பி செல்ல வேண்டும் என்றும் மிரட்டியுள்ளார்.

இதுதொடர்பான வீடியோ காட்சிகள் வெளியாகியுள்ள நிலையில் பொலிசார் தீவிர விசாரணை மேற்கொண்டுள்ளனர்.

இதுகுறித்து Mohammad Asif கூறுகையில், Mohammad Sudais அனைவரிடமும் அன்பாக பழக கூடியவன், எப்போதுமே தோட்டத்திலேயே விளையாடிக் கொண்டிருப்பான்.

நாங்கள் பல வருடங்களாக இங்கே வசித்து வருகிறோம், எங்களது அண்டை வீட்டாரருடன் நல்ல நட்பு உள்ளது. இதுவரையிலும் எங்களுக்கு எவ்வித அச்சுறுத்தலும் இல்லாத நிலையில் தாக்குதல் நடத்த முயன்றது குறித்து என் மனைவியும், மகளும் அச்சமடைந்துள்ளனர்.

நாங்கள் அந்த நபரை பார்த்தது கூட கிடையாது, எங்கள் மேல் அவருக்கு அப்படியென்ன கோபம் என்று தான் எனக்கு புரியவில்லை.

அனைவருக்கும் வாழ்வில் பிரச்னைகள் இருக்கத்தான் செய்யும், அதற்காக குடும்பத்தினர் மீது எப்படி தாக்குதல் நடத்தலாம் என கேள்வி எழுப்பியுள்ளார்.