இந்திய கிரிக்கெட் அணியின் சுழற்பந்து வீச்சாளர் அஸ்வின் டுவிட்டரில் தன்னை விமர்சித்த இலங்கை ரசிகருக்கு மிகவும் கீழ்த்தரமான முறையில் பதிலளித்துள்ளார்.

டுவிட்டரில் அஸ்வினுடன் ரசிகர்கள் அடிக்கடி சீண்டி வருவதும், அவர் பதிலடி கொடுப்பதும் தொடர்ந்து கொண்டே இருக்கிறது.

அவுஸ்திரேலியாவுக்கு எதிரான போட்டியின் போது இலங்கை ரசிகர் ஒருவர் அஸ்வினிடம், “நீங்கள் அவுஸ்திரேலியாவை வீழ்த்திவிட்டால் நான் கிரிக்கெட் பார்ப்பதை விட்டுவிடுகிறேன்” என்று தெரிவித்துள்ளார்.

இதற்கு அஸ்வின், “உனக்கு கிரிக்கெட் பார்ப்பதை விட அதிக வேலைகள் இருக்கும். இது உனது குடும்பத்திற்கும் நல்லது தான். வாழ்த்துக்கள்” என்று பதிலளித்துள்ளார்.

இந்நிலையில் அதே இலங்கை ரசிகர் மீண்டும் அஸ்வினுடன் தனது கருத்துக்களை டுவிட்டரில் பதிவிட்டார்.

அந்த இலங்கை ரசிகர் “கடைசியாக சிரித்துக் கொள்ளுங்கள், எனது நண்பர் கெய்ல் உங்கள் அனைவரையும் புரட்டி எடுக்கப் போகிறார், அரையிறுதியில் விளையாடாமல் இருப்பது உங்களுக்கு நல்லது” என்று கிண்டலடித்தார்.

இதற்கு அஸ்வின், “நீ இன்னுமா கிரிக்கெட் பார்த்துக் கொண்டிருக்கிறாய், உன்னிடம் பேசினது எனது தவறு தான்” என்று பதிலளித்தார்.

அதற்கு அந்த ரசிகர், “நான் கிரிக்கெட் பார்ப்பதை நிறுத்திவிட்டேன். ஆனால் கெய்லுக்காக நாளை நான் போட்டியை பார்க்கப் போகிறேன். இந்திய வீரர்களின் தோல்வி முகத்தை பார்க்க எனக்கு பிடிக்கும்” என்றார்.

இப்படி வாக்குவாதம் முற்றிய நிலையில் அஸ்வின், “நாய் பிடிக்கும் வண்டி வரட்டும் உன்ன‌ புடிச்சு கொடுக்குறேன். நாளைக்கு என்ன நடந்தாலும் எனக்கு கவல இல்ல“ என்று தமிழில் மிகவும் அநாகரிகமான முறையில் பதிலளித்துள்ளார்.

கிரிக்கெட் பிரபலங்கள் அனைவரும் டுவிட்டரில் அவர்களிடம் கேட்கப்படும் கேள்விகளுக்கு நாகரிகமான முறையில் பதிலளித்து வருகின்றனர்.

ரசிகர்கள் கேட்கும் கேள்விகளுக்கு நாகரிகமான முறையில் பதிலளிப்பது மட்டுமன்றி ரசிகர்கள் முறையற்ற கேள்விகளை கேட்கும் பட்சத்தில் அதற்கு மிகவும் மிகவும் நாகரீகமாக பதிலளித்து தமது கண்ணியத்தை காப்பாற்றி வருகின்றனர்.

சர்வதேச கிரிக்கெட் போட்டிகளில் விளையாடிவரும் ஒரே ஒரு தமிழ் வீரர் ரவிச்சந்திரன் அஸ்வின் என்பதுடன், இவர் தமிழில் அநாகரிகமான பதிலளித்துள்ளது கிரிக்கெட் ரசிகர்களை முகம்சுளிக்க வைத்துள்ளது.

கிரிக்கெட் என்பது கனவான்களின் விளையாட்டாகும். இக் கிரிக்கெட்டை விளையாடும் வீரர்கள் சமூக வலைத்தளங்களிலும் கனவான்களாக நடந்துகொள்ளவேண்டியது மிக முக்கியமானதாகும்.

மும்­பையில் நடை­பெற்ற உலகக் கிண்ண இரு­ப­துக்கு 20 தொடரின் அரை­யி­று­தியில் இந்­திய அணியை 7 விக்­கெட்­டுகள் வித்­தி­யா­சத்தில் வீழ்த்தி மேற்­கிந்­தியத் தீவுகள் அணி, இறுதிப் போட்டியில் இங்­கி­லாந்தை சந்­திக்­கி­றது.

193 ஓட்­டங்கள் என்ற மிகப்­பெ­ரிய இலக்கைத் துரத்­திய மே.இ.தீவுகள் அணி 19.4 ஓவர்­களில் 3 விக்கெட்­டு­க்களை மாத்திரம் இழந்து 196 ஓட்­டங்­களை எடுத்து அபார வெற்றி பெற்று இந்­தி­யாவை வெளி­யேற்­றி­யது.

கடைசி 2 ஓவர்­களில் 20 ஓட்­டங்கள் தேவை என்ற நிலையில் ஜடே­ஜா­விடம் பந்தைக் கொடுக்க, 19 ஆவது ஓவரில் முதல் 4 பந்து­களில் 2 ஓட்­டங்­க­ளையே கொடுத்தார் ஜடேஜா, ஆனால் அடுத்த பந்தில் ரஸல் நேராக சிக்ஸர் ஒன்றை விளா­சினார். அதோடு இல்­லாமல் கடைசி பந்தை பவுண்டரியுடன் முடிக்க அந்த ஓவரில் 12 ஓட்­டங்­களை சேர்த்­தது மேற்­கிந்­தியத் தீவுகள்.

கடைசி ஓவரில் 8 ஓட்­டங்கள் தேவை என்ற நிலையில் கோலியிடம் கடைசி ஓவர் பொறுப்பு ஒப்படைக்­கப்­பட்­டது. அவர் 2 பந்­து­களில் 1 ஓட்­டத்­தைத்தான் கொடுத்தார், ஆனால், 3 ஆவது பந்தை பவுண்­ட­ரிக்கு விரட்­டினார் ரஸல். பிறகு 4ஆவது பந்தை மிகப்­பெ­ரிய சிக்ஸர் அடிக்க அதுவே வெற்றி சிக்­ஸ­ராக அமைய மே.இ.தீவு­களின் கொண்­டாட்டம் தொடங்­கி­யது.

நேற்­றைய போட்­டியின் ஆட்ட நாயக­னான சிம்மன்ஸ் 3 முறை தப்பிப் பிழைத்தார். ஒரு முறை அஷ்வின் பந்தில் பும்­ரா­விடம் பிடி­கொ­டுக்க அது நோபோ­லாக அமைந்­தது. மீண்டும் ஒரு முக்­கியக் கட்­டத்தில் பாண்­டியா பந்­திலும் பிடி­கொ­டுத்தார். பிடியும் எடுக்­கப்­பட்­டது. ஆனால் அதுவும் நோபோல் ஆனது.

நேற்­றைய போட்­டியில் முதலில் துடுப்­பெ­டுத்­தா­டிய இந்­திய 2 விக்­கெட்­டுக்­களை மாத்­திரம் இழந்து 192 என்ற இமா­லய இலக்கை எட்­டி­யது. இதில் கோலி ஆட்­ட­மி­ழக்­காமல் 89 ஓட்­டங்­களைப் பெற்றார்.

பதி­லுக்கு ஆட வந்த மேற்­கிந்­தியத் தீவு­களின் கெய்ல் (5), சாமுவல்ஸ் (8) அடுத்­த­டுத்து ஆட்டமிழக்க, 2 விக்­கெட்­டு­க­ளுக்குப் பிறகு ஜோடி சேர்ந்த சிம்மன்ஸ், சார்லஸ் ஜோடி இந்­திய பந்து வீச்சை புரட்டி எடுத்­து. இரு­வரும் இணைந்து 10.1 ஓவர்­களில் 97 ஓட்­டங்­களை விளா­சினர்.

சார்லஸ் 52 ஓட்­டங்­களை எடுத்து ஆட்­ட­மி­ழந்தார். இதுவும் திருப்பு முனை­யாக அமையும் என்று எதிர்­பார்க்­கப்­பட்­டது. ஆனால் அடுத்து இறங்­கிய ரஸல், சிம்­மன்­ஸுடன் இணைந்து அடுத்த 6.3 ஓவர்­களில் 80 ஓட்­டங்­களை விளா­சி­யதில் இந்­திய அணி­யினால் ஒன்றும் செய்ய முடி­ய­வில்லை, சிம்மன்ஸ் 82 ஓட்­டங்­க­ளையும், அதி­ரடி மன்னன் ரஸல் 43 ஓட்­டங்­க­ளையும் பெற்றனர். மொத்தம் 20 பவுண்டரிகள் 11 சிக்ஸர்கள் அதாவது 146 ஓட்டங்கள் ஓடாமலேயே எடுக்கப்பட்டன. பவர் ஹிட்டிங் என்றால் என்ன என்பதை மே.இ.தீவுகள் நேற்று காண்பித்தது.

கோலிக்கு பந்து வீசுவதில் பந்துவீச்சாளர்களுக்கு நெருக்கடி உள்ளது. இன்றைய அரையிறுதியில் அதிரடி வீரர் கெய்லின் அதிரடியை நிறுத்த டோனியிடம் கைவசம் பந்து வீச்சாளர்கள் உள்ளனர் என இலங்கை அணியின் முன்னாள் தலைவர் குமார் சங்கக்கார தெரிவித்துள்ளார்.

இன்றைய உலகக் கிண்ண இருபதுக்கு – 20 அரையிறுதிப் போட்டி தொடர்பில் தனியார் தொலைக்காட்சிக்கு வழங்கிய பேட்டியிலேயே குமார் சங்கக்கார மேற்கண்டவாறு தெரிவித்துள்ளார். இது தொடர்பில் சங்கா மேலும் தெரிவிக்கையில்,

மேற்கிந்தியத் தீவுகள் அணியின் அதிரடி வீரர் கிறிஸ் கெய்லை கட்டுப்படுத்த டோனியிடம் கைவசம் பந்துவீச்சாளர்கள் உள்ளனர். ஜஸ்ப்ரீத் பும்ரா, இவர் ஓரளவுக்கு நல்ல வேகத்துடன் வழக்கத்துக்கு மாறான பந்து வீச்சு பாணியை கொண்டிருப்பதால் இவரது பந்து வீச்சு ஒரு அச்சுறுத்தலே.

டோனி அஸ்வினை கிறிஸ் கெய்லுக்கு எதிராக ஆரம்பத்தில் பந்து வீச அழைப்பார் என்று நான் நினைக்கிறேன். மேலும், கிறிஸ் கெய்ல் இடது கை பந்து வீச்சாளர்களுக்கு எதிராக தடுமாற்றத்தை வெளிப்படுத்தியுள்ளார். ஆஷிஷ் நெஹ்ரா, இந்தத் தொடரில் ஆரம்பத்தில் இருந்து சிறப்பாக வீசி வருவதால் இந்திய அணியிடம் போதியளவு பந்து வீச்சாளர்கள் இருப்பதாகவே நான் கருதுகிறேன்.

இந்தத் தொடரில் கோலிக்கு எதிராக அனைத்து அணிகளும் பல்வேறு உத்திகளை கையாண்ட போதும் தோல்வியையே அடைந்தன.

அவுஸ்திரேலியாவை எடுத்துக் கொண்டால் கோலிக்கு அவர்கள் கொஞ்சம் நேரான திசையிலேயே பந்து வீசினர். ஆனால் அவர் அதனை மிட்விக்கெட் திசையில் பிளிக் செய்து பவுண்டரிக்கு விரட்டினார். பின்னர் அடுத்த பந்தை கொஞ்சம் தள்ளி அகலப்பந்தாக வீசினர் அதனை கோலி பொயிண் திசையில் பவுண்டரி அடித்தார்.

எனவே விராட் கோலிக்கு பந்து வீசுவது தொடர்பில் பந்துவீச்சாளர்களுக்கு நெருக்கடி ஏற்பட்டுள்ளது.

மேலும் மேற்கிந்தியத்தீவுகள் அணியின் பந்துவீச்சு வலுவானதல்ல. ஆனால் விராட் கோலிக்கு எதிராக அவர்களும் ஏதாவது திட்டம் வைத்திருப்பார்கள் என குமார் சங்கக்கார கருத்துத் தெரிவித்துள்ளார்.