இந்தியாவின் செய்யாறு தனி சிறப்பு முகாமில் இருந்த, நான்கு இலங்கைத் தமிழர்கள், திருச்சி முகாமுக்கு மாற்றப்பட்டனர். இதையடுத்து, செய்யாறு சிறப்பு முகாம் மூடப்பட்டது.

செய்யாறு பொலிஸ் நிலையத்திற்கு அருகே உள்ள கிளைச் சிறைச்சாலை, வருவாய்த் துறை சார்பில் சிறப்பு முகாமாக மாற்றப்பட்டு, கடந்த, 2014 ஜூன், 6ம் திகதி முதல் செயல்பட்டு வந்தது. இதில், அனுமதியின்றி இந்தியாவுக்குள் நுழையும் வெளிநாட்டினர், போலி பாஸ்போர்ட் மற்றும் விசா வைத்திருப்பவர்கள், திருட்டு உள்ளிட்ட குற்றச் செயல்களில் ஈடுபட்ட வெளிநாட்டை சேர்ந்தவர்கள், சிறை வைக்கப்பட்டு வந்தனர்.

இந்த முகாம் தொடங்கப்பட்டபோது, ஆறு நைஜீரியர்கள், மூன்று பங்களாதேஷத்தினர், 24 இலங்கைத் தமிழர்கள் என, மொத்தம், 33 பேர் இங்கு அடைக்கப்பட்டு, கண்காணிக்கப்பட்டு வந்தனர். இவர்களில், 29 பேர் விசாரணை முடிந்து, கடந்தாண்டு விடுவிக்கப்பட்டனர் என, தமிழக ஊடகமான தினமலர் செய்தி வௌியிட்டுள்ளது.

மீதமிருந்த ஜெயரதன் (29), ஆனந்தரூபன் (45), குமரகுரு (39), தயாபரராஜ் (31), ஆகிய, நான்கு இலங்கை தமிழர்கள் மட்டும், இங்கு அடைக்கப்பட்டு, கண்காணிக்கப்பட்டு வந்தனர். இவர்களது தண்டனை காலம் முடிவடைந்தும் விடுவிக்காததால், இவர்கள், நான்கு பேரும், தங்களை விடுவிக்கக் கோரி, அவ்வப்போது உண்ணாவிரதப் போராட்டத்தில் ஈடுபட்டு வந்தனர்.

இவர்களின் பாதுகாப்புப் பணிக்காக, 80க்கும் மேற்பட்ட பொலிசார் ஈடுபடுத்தப்பட்டு வந்தனர். இந்நிலையில், இவர்கள் நான்கு பேரையும், நேற்று முன்தினம் மாலை, பலத்த பொலிஸ் பாதுகாப்புடன் திருச்சி முகாமுக்கு கொண்டு சென்றனர். இதையடுத்து, கடந்த, 2 ஆண்டுகளாக தனி சிறப்பு முகமாக செயல்பட்டு வந்த செய்யாறு கிளைச் சிறைச்சாலை, நேற்று முன்தினம் முதல் மூடப்பட்டது.

ராஜஸ்தான் மாநிலத்தில் தேர்வில் தேர்ச்சி அடைந்தால் தான் திருமணம் என 77 வயது முதியவர் கடந்த 46 வருடங்களாக விடாப்பிடியாக தேர்வு எழுதி வருகிறார்.ராஜஸ்தான் மாநிலம் ஹோகரி கிராமத்தை சேர்ந்த ஷிவ் சரண் யாதவ் (77) என்ற முதியவர், 1968 ஆம் ஆண்டு முதல் 10ம் வகுப்பு தேர்வு எழுதி வருகிறார்.

இந்த ஆண்டு 10 ஆம் திகதி யாதவ் தான் எழுதும் தேர்வில் தேர்ச்சி அடைவேன் என நம்புகிறார்.10 ஆம் வகுப்பில் தேர்ச்சி அடைந்த பின்தான் அவர் திருமணம் செய்து கொள்ள வேண்டும் என சபதம் செய்து இருந்தார், ஆனால் இது வரை அவரால் திருமணம் செய்து கொள்ள முடியவில்லை அவருக்கு இந்த கணக்குபாடம் தான் மிக சவாலாக அமைந்து வருகிறது.

இதுகுறித்து அவர் கூறியதாவது, ஒவ்வொரு முறையும் நான் சில பாடங்களில் தேர்ச்சி பெற்று விடுகிறேன். ஆனால் வேறு பாடத்தில் தோல்வி அடைந்து விடுகிறேன். குறிப்பாக நான் கணக்கு மற்றும் அறிவியல் பாடத்தில் போதுமான மதிப்பெண் பெற்றிருந்தேன்.ஆனால் இந்தி மற்றும் ஆங்கில பாடத்தில் தோல்வி அடைந்து விட்டேன். இந்த முறை அனைத்து பாடங்களிலும் தேர்ச்சி பெறுவேன் என நம்புகிறேன்.இந்த முறை நான் எனது மணகமளை பார்ப்பேன், நிச்சயம் திருமணம் செய்து கொள்வேன் என 77 வயது பிரமச்சாரி கூறி உள்ளார்.

மகாராஷ்டிராவில் சொந்த மகளை பாலியல் பலாத்காரம் செய்த தந்தைக்கும், சிறுமிக்கும் பஞ்சாயத்தார் பிரம்படி கொடுத்துள்ளனர். மகாராஷ்டிரா மாநிலம், சதாரா மாவட்டத்தில் உள்ள பன்வாட் கிராமத்தில் வசிக்கும் ஒருவர் 13 வயதாகும் தனது மகளை கடந்த 4 மாதமாக பாலியல் வன்கொடுமைக்கு ஆளாக்கியுள்ளார்.

இந்நிலையில், இதனை அறிந்த கிராமத்தினர் அவருக்கு பிரம்படி தண்டனையும், அபராதமும் விதித்துள்ளனர்.மேலும், அவரால் பாலியல் சித்ரவதைக்கு உள்ளாகி, கர்ப்பிணியாக உள்ள பாதிக்கப்பட்ட சிறுமிக்கும் பிரம்படி தண்டனை வழங்கியுள்ளனர்.

அந்த இரண்டு பேரையும் கயிற்றால் கட்டி கிராமத்தினர் முன்பு அவர்கள் பிரம்படி கொடுத்துள்ளனர்.கர்ப்பிணி என்றும் பாராமல் ஒரு சிறுமியை செய்யாத தவறுக்காக வதைத்த சம்பவம் மனித நேய ஆர்வலர்களிடம் அதிர்ச்சியை ஏற்படுத்தியுள்ளது.தற்போது பொலிசார் அக்கிராமத்தில் இது தொடர்பான விசாரணையில் ஈடுபட்டுள்ளனர்.