கனடாவில் அர்ஜூன்பால் காட்றா என்ற 6 வயது சிறுவன் யோர்க் பிராந்திய பொலிசாரிடமிருந்து துணிச்சலுக்காக ”இளம் ஹீரோ” என்ற விருதினை பெற்றுள்ளான்.

ரோறொன்ரோ பெரும்பாக உள் கலாச்சாரங்களுக்கு இடையிலான பரிமாற்ற நிறுவனத்தினால் ஒழுங்கு செய்யப்பட்ட இளம் தலைவர்களுக்கான தெரிவு விழாவில் காட்றாவிற்கு இந்த விருது வழங்கப்பட்டுள்ளது.

இந்த இளம் தலைவர்கள் விருதுகள் Intercultural Dialogue Institute of the GTA நிறுவனத்தால் வருடந்தோறும் வழங்கப்படுகின்றது.

கடந்த நவம்பர் மாதம் 9ம் திகதி இரவு, வளவிற்குள் நடந்து கொண்டிருக்கையில் காட்றாவின் தந்தை தவறான அடியை எடுத்து வைத்ததால் 25அடி ஆழமுள்ள கிணற்றிற்குள் விழுந்துள்ளார்.

அப்போது காருக்குள் தூங்கி கொண்டிருந்த காட்றா, தந்தையை காணவில்லை என்று கவலையுடன் தேடிச்சென்ற போது கிணற்றுக்குள் கிடப்பதை கண்டுள்ளான்.

தந்தையை காப்பாற்ற வீதியில் சென்று கொண்டிருந்த வாகனங்களை நிறுத்த முனைந்துள்ளான். வீடுகளின் கதவுகள் பலவற்றை தட்டிய முயற்சியில் ஒரு வீட்டிலிருந்தவர் ஒருவர் உதவ முன்வந்தார்.

பின்னர் அவ்விடத்திற்கு வந்த அவசர சேவை பிரிவினர் ஏணி ஒன்றை கொடுத்து வெளியே எடுத்தனர்.

அந்த இளம் சிறுவனை ‘என்ன ஒரு தைரியமான இளைஞன்’ என பாராட்டியதோடு அவனது புகைப்படத்தையும் சேர்த்து யோர்க் பிராந்திய பொலிசார் டிவிட்டரில் வெளியிட்டுள்ளனர்.

மேலும், இந்த விருது வழங்கும் விழாவை நடத்தும் Const. Andy Pattenden கூறுகையில், ஆறு வயதில் பீதியடையாது நடு இரவில் உதவி பெறும் முயற்சிகளில் ஈடுபட்டு செயலாற்றியது அற்புதம் என தெரிவித்துள்ளார்.

ஏர் ஏசியா விமானம் விபத்துக்குள்ளானது குறித்து புதிய தகவல் ஒன்றை மீட்பு படையின் ஒருங்கிணைப்பாளர் தெரிவித்துள்ளார்.

கடந்த டிசம்பர் 28ம் திகதி இந்தோனேஷியாவிலிருந்து சிங்கப்பூருக்கு 162 பயணிகளுடன் சென்ற QZ8501 விமானம் ஜாவா கடலில் விழுந்து விபத்துக்குள்ளானதில் அனைவரும் பலியாகியுள்ளனர். இதனையடுத்து நடந்த மீட்பு பணியில் இதுவரை விமான விபத்திலிருந்து 40க்கும் மேற்பட்ட உடல்கள் கண்டெடுக்கப்பட்டுள்ளன.

மேலும் தற்போது கருப்பு பெட்டியும், அதன் மற்றொரு பாகமும் கண்டெடுக்கப்பட்டுள்ளதாக இந்தோனேஷிய அதிகாரிகள் அதிகாரப்பூர்வமாக அறிவித்துள்ளனர்.

இந்நிலையில் விமானம் விபத்துக்குள்ளானது எப்படி என்பது தொடர்பாக புதிய தகவல் ஒன்றை மீட்புப் படையின் ஒருங்கிணைப்பாளரான எஸ்.பி.சுப்ரியாடி வெளியிட்டுள்ளார். இதுகுறித்து அவர் கூறியதாவது,

இதுவரை மீட்கப்பட்ட விமானத்தின் பாகங்களில் ஏற்பட்டுள்ள சிதைவை ஆய்வு செய்து பார்த்த வகையில், கடல் பகுதியை நோக்கி வேகமாக கீழே இறங்கியபடி பறந்தபோது, எதிர்பாராத விதமாக ஏற்பட்ட புவி ஈர்ப்பு விசையின் மாற்றத்தால் விமானத்தின் கெபின் பகுதியில் அழுத்தம் அதிகமாகி இருக்கலாம்.

அந்த அழுத்தத்தை சமன்படுத்துவதற்குள் தரையை நோக்கி பாய்ந்த விமானம் கடலின் மீது மோதி விழுந்ததில் அது வெடித்து சிதறியிருக்கலாம் என கூறியுள்ளார்.

இதற்கு சான்றாக விமானத்தின் இடதுப் புற இறக்கை அதிகமாக சிதைந்துள்ளதையும், சம்பவ தினத்தன்று அப்பகுதியில் மீன் பிடித்துக் கொண்டிருந்த சிலர் பயங்கர வெடிச் சத்தத்தை கேட்டதாகவும், கடல் பகுதியின் மேற்பரப்பில் இருந்து புகை வந்ததை கண்டதாகவும் கூறியதை அவர் சுட்டிக்காட்டியுள்ளார்.