நடிகை திரிஷாவுக்கும், சினிமா தயாரிப்பாளர் வருண்மணியனுக்கும் இரு தினங்களுக்கு முன்பு சென்னையில் திருமண நிச்சயதார்த்தம் நடந்ததாக பரபரப்பு தகவல் வெளியானது.
வருண்மணியன் ‘வாயை மூடி பேசவும்’ என்ற படத்தை தயாரித்துள்ளார். தற்போது சித்தார்த் நடித்த ‘காவியத் தலைவன்’ படத்தை தயாரித்து வருகிறார்.

திரிஷா ஏற்கனவே தெலுங்கு நடிகர் ராணாவை காதலிப்பதாக கூறப்பட்டது. பிறகு இருவரும் கருத்து வேறுபாடு ஏற்பட்டு பிரிந்தார்கள். கன்னட நடிகை ராகினி திவேதியுடன் ராணா நெருங்கி பழகியதாகவும், எனவே அவரை விட்டு திரிஷா விலகியதாகவும் கிசுகிசுக்கப்பட்டது. இதை தொடர்ந்து திரிஷாவுக்கும், வருண்மணியனுக்கும் இடையே நெருக்கம் ஏற்பட்டு காதல் வயப்பட்டதாக செய்திகள் பரவின.

ஆனால் தனக்கு நிச்சயதார்த்தம் நடக்கவில்லை என்று டுவிட்டரில் திரிஷா தெரிவித்து உள்ளார். அவர் கூறும்போது, எனக்கு நிச்சயதார்த்தம் நடந்ததாக வெளியான செய்தி வதந்திதான். அப்படி எதுவும் நடக்கவில்லை. இந்த வதந்தி எங்கிருந்து கிளம்பியது என்று தெரியவில்லை.

என் திருமண நிச்சயதார்த்தம் என்பது எனது வாழ்க்கையில் ஒரு முக்கியமான நாளாக இருக்கும். அதை சந்தோஷமாக அறிவிக்கும் முதல் நாளாக நான் இருப்பேன். பாலகிருஷ்ணாவுடன் தெலுங்கு படத்தில் நடித்துக் கொண்டிருக்கிறன் என்றார்.

திரிஷா இவ்வாறு கூறிய உடனேயே லட்சுமிராய் தனது டுவிட்டரில் நடந்ததை ஏன் மறைக்கிறார்கள். உண்மையை ஒப்புக் கொள்ளும் தைரியம் வேண்டும் என்று குறிப்பிட்டு உள்ளார்.

திரிஷாவுக்கும், லட்சுமி ராய்க்கும் நீண்ட நாட்களாக மோதல் உள்ளது. ‘மங்காத்தா’ படத்தில் இருவரும் இணைந்து நடித்தனர். அப்போது இருந்து இந்த சண்டை தொடர்கிறது. எனவே தான் அவர் திரிஷாவுக்கு மறைமுகமாக பதிலடி கொடுத்துள்ளார் என்கின்றனர்.

திரிஷா, வருண்மணியன் தொடர்பு லட்சுமிராய்க்கு நன்றாக தெரியும் என்றும், லட்சுமி ராய்க்கும் வருண் மணியன் நண்பர்தான் என்றும் தகவல் வெளியாகி உள்ளது.

திருச்சியில் இன்று அகில இந்திய சமத்துவ மக்கள் கட்சி தலைவர் நடிகர் சரத்குமார் நிருபர்களிடம் கூறியதாவது..

அகில இந்திய சமத்துவ மக்கள் கட்சி தேர்தலை மட்டுமே மனதில் வைத்து செயல்படும் கட்சி அல்ல. அனைத்து நேரங்களிலும் மக்களுக்காக மக்கள் நலனையே கருத்தில் கொண்டு செயல்பட்டு வருகிறது. இதனால் மக்கள் மனதில் சமத்துவ மக்கள் கட்சிக்கு நல்ல இடம் உள்ளது.

மக்கள் பணியில் தொடர்ந்து எவ்வாறு செயல்பட வேண்டும், கட்சி வளர்ச்சி பணியை தீவிரப்படுத்துவது எப்படி என்பதற்தாக திருச்சியில் இன்று தொகுதி செயலாளர்கள் கூட்டத்தை நடத்துகிறோம்.

கர்நாடகாவில் மேலும் 2 அணைகள் கட்டுவதை தடுப்பது குறித்து அம்மாநில முதலமைச்சரை நேரில் சந்தித்து மனு கொடுத்து வலியுறுத்துவோம். தமிழகத்தில் அ.தி.மு.க. ஆட்சி சிறப்பாக நடந்து வருகிறது. அ.தி.மு.க. பொதுச்செயலாளர் ஜெயலலிதா வழக்குகளில் வெற்றி பெற்று மீண்டும் முதலமைச்சராக வருவார்.

முதலமைச்சராக ஜெயலலிதா இல்லை என்பதற்காக சில கட்சிகள் எதையாவது குறை கூறி கொண்டே இருக்கின்றன. சட்ட சபையை கூட்ட வேண்டும் என்று தி.மு.க. கூறுவது நியாமில்லை. சட்ட சபையை கூட்டினாலும் அவர்கள் வெளி நடப்பு தான் செய்கிறார்கள்.

ஸ்ரீரங்கம் தொகுதி இடைத்தேர்தலில் அ.தி.மு.க.விற்கு தான் கொள்கை, தார்மீக அடிப்படையில் ஆதரவு அளிப்போம். தமிழக மீனவர்கள் 5 பேருக்கு பொது மன்னிப்பு கிடைக்க வாய்ப்பு உள்ளது என்று கூறுகிறார்கள். இப்பிரச்சினையை பொறுத்த வரை தமிழக மீனவர்கள் என்று பாராமல் தமிழகத்தில் உள்ள இந்திய மீனவர்கள் என்று நினைத்து செயல்பட வேண்டும்.

இப்பிரச்சினையை வைத்து பா.ஜனதா தன்னை வளர்த்து கொள்ள நினைக்கிறதா என்பதற்கு பதில் கூறவில்லை. ஏனென்றால் நடிகர் ரஜினியை வைத்து கட்சியை வளர்க்க நினைப்பவர்கள் அவர்கள். ரஜினி மட்டுமல்ல யார் வேண்டுமானாலும் அரசியலுக்கு வரலாம். ஜி.கே.வாசன் புதிய கட்சிக்கு சமத்துவ மக்கள் கட்சி ஆதரவா என்று கேட்பது சரியல்ல. புதிய கட்சியை அவர் தான் தொடங்குகிறார். அவர் தான் எங்களுக்கு ஆதரவு தருவாரா என்று கேட்க வேண்டும்.

நடிகர் சங்கம் சிறப்பாக செயல்படுகிறது. நஷ்டத்தில் இருந்த நடிகர் சங்க நிதியை நாங்கள் தற்போது 3½ கோடி நிதி இருப்பு இருக்கும் வகையில் உயர்த்தி உள்ளோம். இதன் மூலம் நலிந்த கலைஞர்களுக்கு உதவி வருகிறோம். மீதி உள்ள நிதியை வைத்து நடிகர் சங்க இடத்தில் கட்டிடம் கட்டி அதன் மூலம் நலிந்த கலைஞர்களுக்கு உதவ முடிவு செய்துள்ளோம்.

அதன் அடிப்படையில் திரைப்பட துறையில் தொடர்பு உள்ள சத்யம் நிறுவனத்திற்கு கட்டிடம் கட்ட அனுமதி வழங்கினோம். இதில் 15 கோடி நடிகர் சங்கத்தின் நிதி. மீதி 50 கோடி நிதி சத்யம் நிறுவனத்தினுடையது. இதன் மூலம் நடிகர் சங்கத்திற்கு ஆண்டுக்கு 24 லட்சம் வாடகை வரும்.

மொத்தம் 29 வருடம் 11 மாதத்திற்கு லீசுக்கு விடுகிறோம். இதன் முடிவில் 170 கோடி நடிகர் சங்க சொத்து மதிப்பு உயர்ந்திருக்கும். இதை பொதுக்குழுவில் கூடி அனுமதி பெற்று தான் செய்துள்ளோம். நடிகர் சங்கத்தில் இருந்து யாரும் ஒரு பிடி மண்ணை கூட எடுத்து செல்ல முடியாது. ஆனால் விஷால் எனக்கு நோட்டீஸ் அனுப்புவதாக கூறுவது சரியல்ல. விஷாலுக்கு தான் நாங்கள் நோட்டீஸ் அளிக்க வேண்டும்.

பொதுக்குழுவில் கலந்து கொள்ளாமல் இதைப்பற்றி கேள்வி கேட்கக்கூடாது. விஸ்வரூபம் படப்பிரச்சினையில் ஒரு நாள் இரவு முழுவதும் கமலுடன் அமர்ந்து நானும் ராதாரவியும் பேசினோம் என்பது விஷாலுக்கு தெரியவில்லையா. பூச்சி முருகன் என்பவர் அவருக்கு பதவி வழங்கவில்லை என்பதற்காக வழக்கு போட்டுள்ளார். நடிகர் சங்க நிர்வாகிகள் மீது குறை கூறும் அவரை கண்டிக்காமல் விஷால் தவறான தகவலை கூறினால் அவர் மீது தான் நடவடிக்கை எடுக்க வேண்டும்.

நாங்கள் பொறுமையாக இருக்கிறோம். இனியும் இது போன்று செயல்பட்டால் விஷாலை சங்கத்தில் இருந்து நீக்குவோம் என்று எச்சரிக்கிறேன். விஷால் இவ்வாறு செயல்படுவதற்கு பின்னணி உள்ளதா என்பது எனக்கு தெரியாது.

நடிகை ஸ்ரீதிவ்யா மீது தயாரிப்பாளர் சங்கத்தில் புகார் அளிக்கப்பட உள்ளது. வருத்தப்படாத வாலிபர் சங்கம், ஜீவா படங்களில் கதாநாயகியாக ஸ்ரீதிவ்யா நடித்துள்ளார். இப்படங்களுக்கு பின் பட வாய்ப்புகள் குவிந்தன. சம்பளமும் கூடியது.

தற்போது சிவகார்த்திகேயனுடன் காக்கிசட்டை, ஜி.வி.பிரகாஷ் ஜோடியாக பென்சில், விக்ரம் பிரபுவுடன் வெள்ளைக்கார துரை படங்களில் நடிக்கிறார். அதர்வாவுடன் ஈட்டி படத்திலும் நடிக்கிறார். இப்படங்களுக்கு முன்பு நகர்ப்புறம், காட்டு மல்லி என இரு படங்களில் நடிக்க ஸ்ரீதிவ்யாவை ஒப்பந்தம் செய்து இருந்தனர். சில நாட்கள் படப்பிடிப்பு நடந்த நிலையில் அப்படங்கள் நின்று போயின.

அவ்விரு படங்களின் படப்பிடிப்பையும் தொடர்ந்து நடத்த அதன் தயாரிப்பாளர்கள் முடிவு செய்துள்ளனர். ஆனால் ஸ்ரீதிவ்யா கால்சீட் கொடுக்க மறுக்கிறாராம். இதனால் இரண்டு தயாரிப்பாளர்களும் ஸ்ரீதிவ்யா மீது தயாரிப்பாளர் சங்கத்தில் புகார் அளிக்கிறார்கள்.

தமிழ் திரையுலகில் தனது நகைச்சுவை நடிப்பாலும், சிந்தனையை தூண்டக்கூடிய வசனங்களாலும் மக்களை வெகுவாக கவர்ந்தவர் கலைவாணர் என்.எஸ்.கிருஷ்ணன். அவரை போலவே நடிகர் விவேக்கும் நகைச்சுவையாக நடிப்பால், சமுதாயத்தில் நிலவும் அவலங்களையும், அரசு ஊழியர்கள் கடமை தவறுவதையும் சுட்டிக்காட்டி வருகிறார்.

சாமி படத்தில் லஞ்சம் வாங்குது தவறு என்பதையும், போகியன்று பழைய துணிகளை தீ வைத்து எரிப்பதற்கு பதிலாக வறுமையில் வாடுபவர்களுக்கு அதை தரலாம் என்றும், ஏழை குழந்தைகளுக்கு பள்ளிகளில் இடம் அளிக்கவேண்டும் என்பதை வலியுறுத்தியும் அவர் நகைச்சுவையுடன் கூறியது பலரையும் கவர்ந்தது.

அதே போல் 12 பி படத்தில் பேருந்து நிறுத்தத்தில் டிரைவர் நிறுத்துவதில்லை என்பதையும், காதல் சடுகுடு படத்தில் கள்ளிப்பால் ஊற்றி பெண் குழந்தைகளை கொல்வது தவறு என்றும், பெண்ணை கற்பழித்தவருக்கு கட்டப்பஞ்சாயத்து மூலம் அபராதம் மட்டும் விதிப்பது தவறு என்பதையும் நகைச்சுவையாக எடுத்துக்கூறியது அநேகம் பேரை கவர்ந்தது. இப்படி பல படங்களில் தனது நகைச்சுவை நடிப்பு மற்றும் பேச்சால் அவர் மக்களை சிந்திக்கவைத்து வருகிறார்.

சமீபத்தில் வெளிவந்த நான் தான் பாலாவில், உப்பிட்டவரை உயிர் உள்ளவரை நினை என்ற கருத்தை உரக்க சொன்ன விவேக்கை இந்த பிறந்த நாளில் வவுனியா நெற் வாழ்த்துகிறது. இனி வரும் காலங்களிலும் தனது நகைச்சுவை நடிப்பால் அவர் மக்களை தொடர்ந்து சிந்திக்க வைக்கவேண்டும் என்ற எதிர்பார்ப்புடன் தமிழ் சினிமா ரசிகர்களும் விவேக்கை வாழ்த்துகின்றனர்.