மலையாள படமான த்ரிஷ்யமின் தமிழ் ரீமேக்கில் தனக்கு ஜோடியாக மீனா வேண்டாம் என்று கமல் ஹாஸன் தெரிவித்துவிட்டாராம்.

மலையாள சூப்பர் ஸ்டார் மோகன்லால், மீனா ஜோடியாக நடித்த மலையாள படமான த்ரிஷ்யம் சூப்பர் ஹிட்டாகியுள்ளது. இதையடுத்து இந்த படம் தமிழ், தெலுங்கு, கன்னடம் மற்றும் ஹிந்தியில் ரீமேக் செய்யப்படுகிறது.

மலையாளத்தில் த்ரிஷ்யம் படத்தை எடுத்த ஜீத்து ஜோசபே அதை தமிழில் கமலை வைத்து ரீமேக் செய்கிறார். த்ரிஷ்யம் படத்தில் மீனா இரண்டு பெண்களின் அம்மாவாக, இல்லத்தரசியாக நடித்திருந்தார்.

அவரது நடிப்பை பார்த்த அனைவரும் அவர் அந்த கதாபாத்திரமாகவே வாழ்ந்திருக்கிறார் என்று பாராட்டினர். மலையாளத்தை அடுத்து தமிழ் ரீமேக்கிலும் மீனாவே கதாநாயகியாக நடிப்பார் என்று செய்திகள் வெளியாகின.

மீனாவும், கமலும் சேர்ந்து ஏற்கனவே நடித்துள்ளனர் என்பது குறிப்பிடத்தக்கது. த்ரிஷ்யம் தமிழ் ரீமேக்கில் மீனா வேண்டாம் என்று கமல் தெரிவித்துவிட்டாராம். இதையடுத்து அவருக்கு வேறு ஒருவரை ஜோடியாகப் போடுகிறார்களாம்.

கமல் அனைத்து தென்னிந்திய நடிகைகளுடனும் நடித்துள்ளார். ஆனால் அவர் நதியாவுடன் மட்டும் நடிக்கவில்லை. அதனால் தான் அவரை த்ரிஷ்யம் ரீமேக்கில் நடிக்க வைக்க முயற்சி நடந்து வருகிறது என்று கமலுக்கு நெருக்கமான ஒருவர் தெரிவித்தார்.

த்ரிஷ்யம் ஹிந்தி ரீமேக்கில் கமல் நடிப்பார் என்று கூறப்பட்டது. ஆனால் அதில் அஜய் தேவ்கன் நடிக்கவிருக்கிறாராம். த்ரிஷ்யம் தெலுங்கு ரீமேக்கில் மோகன்லால் கதாபாத்திரத்தில் வெங்கடேஷ் நடிக்கிறார். அவருக்கு ஜோடியாக மீனா தான் நடிக்கிறார். மீனா வெங்கடேஷுடன் ஜோடி சேர்வது இது முதல் முறை அல்ல.

சினிமாவிலிருந்து ஸ்ரேயா ரிட்டயர்டு ஆகட்டும் என்று காஜல் கூறிய கருத்தால் பரபரப்பு ஏற்பட்டுள்ளது.

காஜல் அகர்வால், விஜய்க்கு ஜோடியாக ஜில்லா படத்தில் நடித்தார்.
இந்நிலையில் சமீபத்தில் ஊடகம் ஒன்றிற்கு பேட்டியளித்த காஜலிடம், தமிழ் சினிமாவில் முன்னணி நடிகையாக இருந்த ஒருவர் தற்போது ஓய்வு பெற வேண்டும் என்றால் யார் பெயரை சொல்வீர்கள் என்றதற்கு உடனடியாக ஸ்ரேயா பெயரை குறிப்பிட்டுள்ளாராம்.

இந்த பதிலானது பரபரப்பை ஏற்படுத்தியுள்ளது.
ரஜினி, விஜய் உள்ளிட்ட முன்னணி நடிகர்களுடன் நடித்திருக்கும் ஸ்ரேயா, காஜலின் கருத்தால் அதிர்ச்சியடைந்துள்ளாராம்.

நய்யாண்டி, ராஜா ராணி உள்ளிட்ட படங்களில் நடித்திருக்கும் நஸ்ரியா நாசிமுக்கும், மலையாள நடிகர் பஹத் பாசிலுக்கும் கடந்த 8ம் திகதி திருமண நிச்சயதார்த்தம் நடந்தது.

வரும் ஆகஸ்ட் மாதம் 24ம் திகதி திருமணம் நடக்க முடிவு செய்யப்பட்டுள்ளது. இது காதல் திருமணம் அல்ல. இரு குடும்பத்தார் சம்மதத்துடன் நடக்கும் திருமணம் என்று ஏற்கனவே நஸ்ரியா கூறி வந்தார். ஆனால் ஒரே படத்தில் நடித்து வரும்போது இருவருக்கும் காதல் மலர்ந்ததாக கூறப்படுகிறது.

காதல் திருமணமாக இருந்தாலும் கல்யாணத்துக்கு முன்பு அடிக்கடி தனிமையில் சந்திப்பது, வெளியிடங்களுக்கு சுற்றுவது போன்ற செயல்கள் கண்டிப்பாக கூடாது என இருவரின் குடும்பத்தாரும் உத்தரவிட்டுள்ளார்களாம்.

இந்நிலையில் நாளை காதலர் தினம் கொண்டாடப்படுகிறது. அன்றைய தினம் நஸ்ரியாவும், பஹத்தும் பிரிந்திருக்க முடிவு செய்துள்ளனர்.

இதுபற்றி நஸ்ரியா கூறும்போது, விரைவில் நான் கன்னடத்தில் அஞ்சலி மேனன் இயக்கும் பெங்களூர் டேஸ் என்ற படத்தில் நடிக்க புறப்படுகிறேன். சில நாட்களில் அதன் படப்பிடிப்பு முடிந்துவிடும்.

எனவே காதலர் தினமான 14ம் திகதி நானும், பஹத்தும் வெவ்வேறு இடங்களில் பிரிந்து இருப்போம். இதற்கு காரணம் இருவரும் படப்பிடிப்பில் பிஸியாக இருப்பதுதான் என்றார்.

இசைஞானி இளையராஜாவுக்கு, கார்த்திக் ராஜா, யுவன் சங்கர் ராஜா என 2 மகன்கள், பவதாரிணி என்ற மகளும் உள்ளனர். மூன்று பேருக்கும் திருமணம் ஆகிவிட்டது. திரையுலகில் பிஸியாக இருந்தாலும் யுவன் சங்கர் ராஜா வாழ்க்கையில் மட்டும் கசப்பான சம்பவங்கள் நடந்தேறின. சுஜாயா என்ற பெண்ணுடன் யுவனுக்கு திருமணம் நடந்தது.

கருத்து வேறுபாடு ஏற்பட்டு இருவரும் பிரிந்ததுடன் சட்டப்படி விவாகரத்து பெற்றனர். இதையடுத்து ஷில்பா என்ற பெண்ணை 2வதாக திருமணம் செய்தார். அவர்களுக்குள்ளும் கருத்து வேறுபாடு ஏற்பட்டு பிரிந்து வாழ்வதாக கூறப்படுகிறது. இந்நிலையில் திடீரென்று சில வாரங்களுக்கு முன் யுவன் இஸ்லாம் மதத்துக்கு மாறினார்.

இதுபற்றி தனது தந்தை இளையராஜாவிடம் அவர் ஏற்கனவே தெரிவித்திருந்தார். இதை யுவனே தனது இணைய தளப்பக்கத்தில் குறிப்பிட்டிருக்கிறார்.

இந்நிலையில் யுவனுக்கு முஸ்லிம் பெண் ஒருவருடன் நட்பு ஏற்பட்டிருப்பதாக கூறப்படுகிறது. யுவன் மதம் மாறியது பற்றி அறிந்த சிம்பு அவருக்கு தனது ஆதரவை இணையதள பக்கமான டுவிட்டர் மூலம் தெரிவித்திருக்கிறார்.

என்ன என்பது விஷயம் கிடையாது. என்னுடைய ஆதரவும், அன்பும் எப்போதும் யுவனுக்கு உண்டு என்று அவர் குறிப்பிட்டிருக்கிறார்.

ஆரம்பம் படத்தில் நடித்தபோது காலில் ஏற்பட்ட காயத்திற்காக அஜித் குமார் வரும் செப்டம்பர் மாதம் அறுவை சிகிச்சை செய்து கொள்கிறார்.

அஜித் குமார் விஷ்ணுவர்தன் இயக்கத்தில் ஆரம்பம் படத்தில் நடித்தபோது ஆக்ஷன் காட்சி ஒன்றில் டூப் போட மாட்டேன் என்று அடம்பிடித்து தானே நடித்தார். ஆர்யா காரை ஓட்ட அஜித் காரின் முன்பகுதியில் நின்று செல்லும் காட்சியை படமாக்கியபோது விபத்து ஏற்பட்டது.

அந்த ஆக்ஷன் காட்சியில் நடித்தபோது ஏற்பட்ட விபத்தில் அஜித்தின் காலில் காயம் ஏற்பட்டது. முதலுதவி பெற்ற பிறகு அவர் நடிப்பை தொடர்ந்தார்.

காலில் ஏற்பட்ட காயத்திற்கு அஜித் கட்டாயம் அறுவை சிகிச்சை செய்ய வேண்டும் என்று மருத்துவர்கள் தெரிவித்தனர். ஆனால் அவரோ ஆரம்பம், வீரம் படங்களின் படப்பிடிப்பு முடியட்டும் பார்க்கலாம் என்று தெரிவித்துவிட்டார்.

ஆரம்பம் படம் வெளியாகி, வீரம் படத்தின் படப்பிடிப்பு முடிந்ததும் கடந்த டிசம்பர் மாதமே அஜித் அறுவை சிகிச்சை செய்து கொள்கிறார் என்று கூறப்பட்டது. ஆனால் அவர் வீரம் படத்தை முடித்துவிட்டு குடும்பத்துடன் வெளிநாடு சென்றுவிட்டார்.

வெளிநாட்டில் இருந்து திரும்பிய அவர் இந்த மாத இறுதியில் தொடங்கும் கௌதம் மேனன் படத்தில் நடிக்கிறார். இந்த படத்தில் அவருடன் முதல் முறையாக அனுஷ்கா ஜோடி சேர்கிறார்.

இத்தனை மாதங்களாக அறுவை சிகிச்சையை தள்ளிப்போட்ட அஜித் ஒரு வழியாக வரும் செப்டம்பர் மாதம் அறுவை சிகிச்சை செய்து கொள்கிறாராம். இந்த முறையாவது அறுவை சிகிச்சையை தள்ளிப்போடாமல் இருக்கட்டும் என்று அவரது இரசிகர்கள் எதிர்பார்க்கின்றனர்.