அஜித்தின் வீரம் படம் குறித்து பார்த்த பலரும் இது அஜித் படமில்லை, ஹரி படம் மாதிரி பரபரவென போகிறது என பாராட்டு தெரிவித்துள்ளனர்.

படம் பார்த்த ரசிகர்களில் ஒருவரான செல்வகுமார் அசல், பில்லா, ஆரம்பம்னு கோட்டு சட்டையோட மொரைச்சிகிட்டே திரிந்த அஜித்தை சும்மா கலகலனு வேறமாதிரி மாத்தி படத்தையும் குடும்பத்தோட பாக்கிற மாதிரி கொடுத்த வீரம் சிவாவை பாராட்டலாம் என்கிறார்.

வீரம் பட்டையைக் கிளப்பும் பொங்கல் விருந்து – ரசிகர்கள் உற்சாகம், பாசக்கார அண்ணன் அஜீத் விநாயகம் அவருக்கு மூன்று பிரதர்ஸ். அநியாயத்துக்கு எதிராக குரல் கொடுப்பதில் வீராதி வீரர்கள். மனைவி வந்தால் தம்பிகளைப் பிரித்து விடுவார் என்பதால் திருமணமே வேண்டாம் என தம்பிகளோடு வாழ்கிறார் அஜித்.

அண்ணனுக்கு திருமணம் நடந்தால்தான் தங்களுக்கு திருமணம் நடக்கும் என்பதால் தங்களுக்கான அண்ணியைத் தேடுகிறார்கள் தம்பிகள். எப்படித் திருமணம் நடந்தது என்பது மீதிக் கதை. வீரம்… பட்டையைக் கிளப்பும் பொங்கல் விருந்து – ரசிகர்கள் உற்சாகம் -படம் பார்த்தவர்கள் சொன்ன கதை இது.

படத்தில் இவருக்குத்தான் முக்கியத்துவம் என்று சொல்ல முடியாத அளவுக்கு அண்ணன் தம்பிகள் நால்வருக்கும் முக்கியத்துவம் தந்திருக்கிறார்களாம். படம் முழுக்க அஜித்தின் நடிப்பும் உடல் மொழியும் மிரட்டலாக உள்ளது.

தமன்னா அழகு, சந்தானம் காமெடி எல்லாமாகச் சேர்ந்து பொங்கலுக்கு பக்காவான விருந்தாக இந்தப் படம் அமைந்துள்ளது என ரசிகர்கள் தெரிவித்தனர்.

வீரம் பட்டையைக் கிளப்பும் பொங்கல் விருந்து – ரசிகர்கள் உற்சாகம் அஜித்தை வைத்து ஹரி ஒரு அதிரடி படம் எடுத்திருந்தால் எப்படி இருக்குமோ அப்படி இருந்தது வீரம் – இது வீரம் பார்த்த ரசிகர்களின் தீர்ப்பு.

புத்தாண்டு கொண்டாட்டத்தின் போது நடனமாடிய ஹிந்தி நடிகை பூனம் பாண்டேயை இரசிகர்கள் குடிபோதையில் பாலியல் பலாத்காரம் செய்ய முயன்றதாக தகவல் வெளியாகியுள்ளது.

பெங்களூர் இரவு விடுதியொன்றில் இந்த சம்பவம் நடந்துள்ளது. இதனால் பூனம்பாண்டே அதிர்ச்சியில் இருக்கிறார்.

பணத்திற்காக போதை ஆசாமிகள் முன்பு நடனமாடவேண்டாம் என்றும் அவர் நடிகைகளுக்கு கோரிக்கை விடுத்துள்ளார்.

புத்தாண்டையொட்டி பெங்களூர் கிளப் ஒன்றில் என்னை நடனமாட அழைத்து இருந்தனர். இதற்காக நிறைய பணம் கொடுத்தார்கள். அங்கு ஏராளமான ஆண்கள் குடிபோதையில் என்னை சுற்றி இருந்தார்கள்.

நான் மேடை ஏறி ஆட தொடங்கினேன். நிகழ்ச்சி முடியும் தருவாயில் இருந்தபோது சிலர் திடீரென மேடையை சுற்றி போடப்பட்டு இருந்த தடுப்புகளை உடைத்துக்கொண்டு மேடையை நோக்கி ஓடி வந்தார்கள்.

எல்லோருமே குடித்து இருந்தனர். என்னுடைய கையை பிடித்து இழுத்து அத்துமீறி நடந்தார்கள். என்னை பலாத்காரம் செய்யும் ஒரே நோக்கமே அவர்களிடம் இருந்தது.

நான் அந்த முரட்டு இரசிகர்களின் பிடியில் இருந்து தப்பித்து ஓடினேன். ஆனாலும் விடாமல் துரத்தி வந்தனர். நான் தங்கி இருந்த அறைக்கும் துரத்தி வந்தனர்.

கிளப் நிர்வாகத்தினர் பாதுகாப்புக்கு நிறுத்தி இருந்த ஆட்கள் போதுமானதாக இல்லை. அவர்களால் குடிகாரர்களை தடுத்து நிறுத்த முடியவில்லை. ஒரு வழியாக அவர்களிடம் இருந்து மீட்கப்பட்டேன். நான் மற்ற நடிகைகளிடம் கேட்டுக் கொள்வதெல்லாம் பணத்துக்காக யாரும் புத்தாண்டு நிகழ்ச்சிகளில் பங்கேற்று நடனம் ஆட போகாதீர்கள் என்று கடைசியில் அறிவுரை வேறு செய்துள்ளார் பூனம் பாண்டே.

முன்னதாக நடிகை நித்தியா மேனனை இவ்வாறு புத்தாண்டில் நடனமாட அழைத்ததற்கு நான் பணத்துக்காக அவ்வாறு நடனமாடத் தயாராக இல்லை என காட்டமாக பேசியிருந்தார் என்பது குறிப்பிடத்தக்கது. ஆனால் பூனம் பாண்டோவைப் பொறுத்தவரை பட்டதும் தான் புத்தி வந்துள்ளது போலும்.

அஜித்தின் வீரம் படம் தமிழகம் முழுவதும் நேற்று ரிலீசானது. வீரம் படம் திரையிடப்பட்ட தியேட்டர்களில் ரசிகர்கள் அஜித்தின் கட்அவுட்டுகள், கொடி தோரணம் அமைத்து இருந்தனர். பட்டாசும் கொளுத்தினார்கள்.

அசோக்நகரில் உள்ள உதயம் தியேட்டரில் ஜில்லா மற்றும் வீரம் படங்கள் திரையிடப்பட்டு உள்ளன. இதனால் இன்று காலை தியேட்டர் முன்னால் விஜய் மற்றும் அஜித் ரசிகர்கள் ஆயிரக் கணக்கில் திரண்டு நின்றனர். பாதுகாப்புக்கு ஏராளமான பொலிசாரும் குவிக்கப்பட்டு இருந்தனர்.

அப்போது ஒரு ரசிகர் வீரம் படத்தில் அஜித் வருவது போல் வெள்ளை வேட்டி சட்டையில் கண்ணாடி அணிந்து அஜித் போலவே காரில் வந்தார். அவரை பார்த்ததும் அஜித் என ரசிகர்கள் நம்பினார்கள். தல அஜித் வாழ்க என கோஷமிட்டபடி காரை மொய்த்தனர்.

கூட்டத்தினர் காரில் அஜித் இருக்கிறார் என நம்பி அவரை காண முண்டியடித்தார்கள். இதனால் நெரிசல் ஏற்பட்டது. போக்குவரத்தும் பாதிக்கப்பட்டது. ஆனால், அவர் பெயர் மனோகரன் என்பது தெரியவந்தது. இவர் சென்னை தனியார் கம்பெனியின் இயக்குனராக பணிபுரிகிறார்.

இதையடுத்து போலீசார் லேசான தடியடி நடத்தி ரசிகர்களை விரட்டினார்கள். அதன்பிறகு காரில் இருந்து அந்த ரசிகர் இறங்கி கூட்டத்தினரை பார்த்து கையசைத்தார். அவருடன் ரசிகர்கள் போட்டோ எடுத்துக் கொண்டனர்.

விஜய் நடித்துள்ள ஜில்லா படம் வெளியான முதல்நாளே பலவிதமான விமர்சனங்களை பெற்றுவருகிறது. ஜில்லா படத்தை பார்த்த இரசிகர்கள் சொல்லும் முக்கியமான குறை திரைப்படத்தின் நீளம் தான்.

கிட்டத்தட்ட 3 மணிநேரத்தை மொத்தமாக விழுங்கிவிடுவதால் இரசிகர்களின் வேண்டுகோளுக்கிணங்க படத்தின் நீளத்தை 10 நிமிடம் குறைத்து இன்று இரவு முதல் அனைத்து திரையரங்குகளிலும் திரையிடுகிறார்கள்.

இந்தி நடிகர் ஜோன் ஆப்ரகாமும், நடிகை பிபாஷா பாசுவும் பல வருடங்களாக காதலித்து வந்தனர். இந்நிலையில் இருவருக்கும் இடையில் கருத்துவேறுபாடு ஏற்பட்டு சமீபத்தில் இருவரும் பிரிந்தனர்.

இதனைத் தொடர்ந்து பிபாஷா பாசு இந்தி நடிகர் ஹர்மன் பவேஜாவை காதலிக்க துவங்கினார். இந்நிலையில் பிபாஷா பாசுவும் தனது காதலர் ஹர்மன் பவேஜாவை திருமணம் செய்ய முடிவு செய்துள்ளார். இவர்களது திருமணம் இரு வீட்டார் சம்மதத்துடனும் நடக்க இருக்கிறது.

இப்போது ஷில்பா ஷெட்டி தயாரிக்கும் திஷ்கியான் என்ற இந்தி படத்தில் நடித்து வருகிறார் ஹர்மன்.
இந்தப் படம் வருகிற ஆகஸ்ட் மாதம் ரிலீசாகவிருக்கிறது. இந்த படம் வெளியானதும் இருவரும் சேர்ந்து தங்களது திருமண திகதியை முடிவு செய்து அறிவிக்க உள்ளனர்.