கனடாவை சேர்ந்த பெண் ஒருவர், முன்னாள் காதலனை பழிவாங்குவதற்காக அவரின் ஆபாச புகைப்படங்களை இணையத்தில் வெளியிட்ட சம்பவம் பரபரப்பை ஏற்படுத்தியுள்ளது.

கனடாவை சேர்ந்த விக்டோரியா(16) என்ற பெண் நபர் ஒருவரை காதலித்து வந்தார். கடந்தாண்டு செப்டம்பர் மாதம் இருவருக்கும் ஏற்பட்ட மனஸ்தாபம் காரணமாக பிரிந்து விட்டனர், இதன்பின் விக்டோரியாவின் காதலன் வேறொரு பெண்ணை காதலிக்க தொடங்கினார்.

இதனை ஜீரணித்துக் கொள்ள முடியாத விக்டோரியா முன்னாள் காதலனை பழிவாங்க வேண்டும் என்பதற்காக அவரின் ஆபாச படங்களை இணையத்தில் வெளியிட்டார். அதுமட்டுமில்லாமல் காதலன் பற்றிய ரகசிய தகவல்களை, அவரது தற்போதைய காதலிக்கும் அனுப்பி பழிதீர்த்து கொண்டார்.

இதனை தொடர்ந்து விக்டோரியா மீது வழக்கு பதிவு செய்த பொலிசார் விசாரணை நடத்தி வருகின்றனர். இதுகுறித்து வழக்கறிஞர் மாக்கி கிரிஸ்டோபர், விக்டோரியாவின் கொடியச் செயல் மிகவும் வருத்தத்திற்கு உரியது என்றும், கனடாவின் சட்டத்தின்படி இது தவறானது எனவும் தெரிவித்துள்ளார்.

நியூசிலாந்து நாட்டில் நிர்வாணமாக நூற்றுக்கணக்கானோர் கடலில் நீந்தி சாதனை படைத்துள்ளனர். வடகிழக்கு நியூஸிலாந்­திலுள்ள கிஸ்போர்ன் கடற்கரையில் ஒரே சமயத்தில் 745 பேர் நிர்வாணமாக நீச்சலடித்து சாதனை படைத்திட முடிவு செய்து அதற்கான முயற்சியிலும் இறங்கினர்.

கிஸ்போர்ன் கடற்கரையில் ஒரே சமயத்தில் ஆண்களும்,பெண்களுமாக குவிந்த அவர்கள் நிர்வாணமாக நீச்சலடித்து சாதனை படைத்துள்ளனர்.

இந்த நிகழ்ச்சியை ஏற்பாடு செய்தவர்கள் அதனை உலக சாதனையாக அறிவித்திடவும், கின்னஸ் உலக சாதனைப் பதிவேட்டில் பதிவுசெய்ய உள்ள தினத்தையும் எதிர்பார்த்துள்ளனர்.

ஸ்பெயின் நாட்டை சார்ந்த சேர்ந்த 729 பேர் நிர்வாணமாக நீச்சலடித்து கின்னஸ் சாதனையை நிகழ்த்தி காட்டினர். அவர்கள் மேற்கொண்ட சாதனையை முறியடிக்கும் வகையிலேயே நியூசிலாந்தில் இந்த சாதனை நிகழ்த்தப்பட்டதாம்.

இந்தோனேஷியாவில் உள்ள The Surabaya Zoo என்ற மிருகக்காட்சி சாலையில் சிங்கம் ஒன்று மர்மமான முறையில் தூக்கில் தொங்குவதை பார்த்து மிருகக்காட்சி சாலையின் அதிகாரிகள் அதிர்ச்சியில் உறைந்தனர்.

18 மாதமே ஆன மைக்கல் என்ற சிங்கம் நேற்று காலையில் தூக்கில் தொங்கியபடி அதன் கூண்டில் இருந்தது.

சிங்கம் அடைத்து வைக்கப்பட்டிருந்த கூண்டு பூட்டியிருக்கும்போது எப்படி சிங்கம் தூக்கில் தொங்கியது என்பது இதுவரை புரியாத புதிராகவே உள்ளது. மிருகக்காட்சி சாலையின் ஊழியர்களின் வேலைதான் இது என்ற கோணத்தில் விசாரணை நடந்து வருகிறது.

கடந்த ஜூலை மாதத்தில் இருந்து இந்த மிருகக்காட்சி சாலையில் இதுவரை சுமார் 40 மிருகங்கள் வரை இறந்துள்ளன.

சென்ற ஜூலை மாதம் ஒட்டகம் ஒன்று திடீரென இறந்தது. அதன் வயிற்றில் 20 கிலோ பிளாஸ்டிக் கழிவுப்பொருட்கள் இருந்ததுதான் மரணத்திற்கு காரணம் என பின்னர் கண்டுபிடிக்கப்பட்டது.

இதுபோலவே ஒரு புலியும் மர்மமான முறையில் சென்ற ஆகஸ்ட் மாதம் இறந்துவிட்டது என்பது குறிப்பிடத்தக்கது.

மிருக்ககாட்சி சாலையின் ஊழியர்கள் மிருகங்களை சரியாக பராமரிப்பதில்லை என்ற குற்றச்சாட்டு வலுத்து வருகிறது. சரியான நேரத்திற்கு உணவிடுவதில்லை என்ற புகார் எழுந்துள்ளது. மேலும் மிருகக்காட்சி சாலைக்கு போதிய நிதி ஒதுக்குவதில்லை என அதிகாரிகளும் தங்கள் மனக்குறையை தெரிவித்துள்ளனர்.

அமெரிக்காவை சேர்ந்த பெண்ணொருவர் மூன்றே நிமிடங்களில் 2 கிலோ மாட்டிறைச்சியை சாப்பிட்டு புதிய சாதனையை படைத்துள்ளார்.

கடந்த 3ம் திகதி அமெரிக்காவின் ஆர்கான் அருகே உள்ள போர்லாண்டு என்ற இடத்தில் சமைக்கப்பட்ட 2 கிலோ ஸ்டீக் என்ற மாட்டு இறைச்சியை மாலி ஸ்குயிலர் என்பவர் மூன்றே நிமிடங்களில் சாப்பிட்டு புதிய உலக சாதனையை ஏற்படுத்தியுள்ளார்.

மூன்று கிலோ மாட்டு இறைச்சியை 6 நிமிடம் 48 வினாடிகளில் ஒருவர் சாப்பிட்டது தான் இதுவரை உலக சாதனையாக பதிவு செய்யப்பட்டிருந்தது. அந்த சாதனையை மாலி ஸ்குயிலர் முறியடித்துள்ளார்.

ஈரான் நாட்டில் வாழும் 80 வயது முதியவர் கடந்த 60 ஆண்டுகளாக குளிக்காமல் காலத்தை கடத்தி வந்துள்ளார் என்ற விசித்திர செய்தி தற்போது வெளியாகியுள்ளது.

ஈரானின் தெற்கு மாகாணமான ஃபர்ஸ் பகுதியில் உள்ள டெஜ்கா என்ற கிராமத்தை சேர்ந்தவர், அமோவ் ஹாஜி. இளம் வயதில் தனது வாழ்க்கையில் சந்தித்த கசப்பான அனுபவங்களையடுத்து, உறவினர்கள் மற்றும் நண்பர்களிடம் இருந்து தன்னை தனிமைப்படுத்திக் கொண்ட இவர், இவ்வுலக வாழ்க்கையையே வெறுத்து, பற்றற்ற துறவியின் நிலையில் வாழ்ந்து வருகிறார்.

நீராவியால் இயங்கும் ரயிலின் சாரதியைப் போல், உடல் முழுவதும் பட்டைப்பட்டையாய் புழுதி மண்ணுடனும், கன்னங்கரேலென்ற அழுக்கு துணிகளுடனும் அந்த கிராமத்திலேயே சுற்றிச்சுற்றிவரும் இவரை மடக்கிப்பிடித்து குளிப்பாட்ட பலர் செய்த முயற்சிகள் அனைத்தும் பலனளிக்காமல் விரையத்தில் தான் முடிந்துள்ளது.

செயின் ஸ்மோக்கர் ஆன இவர் விரும்பி சாப்பிடுவது என்ன தெரியுமா, கெட்டுப்போன இறைச்சியும், செத்துக் கிடக்கும் உயிரினங்களின் மாமிசமும்தான்.

தனது ஸ்மோக்கிங் பைப்பில் (புகை பிடிக்க பயன்படுத்தும் உறிஞ்சு குழல்) புகையிலைக்கு பதிலாக விலங்குகளின் சாணத்தை அடைத்து, 10 நிமிடத்திற்கு ஒரு முறையாவது பைப்பை பற்றவைத்து தம் அடிக்காவிட்டால் தலை வெடித்து விடுவது போல் அமோவ் ஹாஜி துடித்துப்போய் விடுகிறார்.

வானமே கூரையாய், கட்டாந்தரையே பஞ்சனையாக தனது காலத்தை ஓட்டிவரும் இவருக்கு உரிமையான உபயோகப் பொருட்கள் என்று ஏதுமில்லாததால் மடியில கனமில்லே.. வழியில பயமில்லே என்ற சித்தாந்தத்தின்படி, பயமறியாத இளங்கன்றாக கடந்த 60 ஆண்டுகளாக குளித்தே அறியாமல் இவர் டெஜ்கா கிராமத்தில் வலம் வருகிறார்.

இந்த சாதனையை இவர் எட்டுவதற்கு முன்னர் வரை 66 வயதான ஒரு நபர் 38 ஆண்டுகளாக குளிக்காமல் வாழ்ந்தது தான் பெரிய சாதனையாக கருதப்பட்டது.

அந்த சாதனையை தற்போது அமோவ் ஹாஜி முறியடித்து விட்டார். அந்த மகத்தான முந்தைய சாதனைக்கு சொந்தக்காரர், இந்தியாவின் வாரணாசி பகுதியை சேர்ந்த கைலாஷ் சிங் என்பவர்தான்.

உயிரே போனாலும் இனி குளிக்கப்போவது இல்லை என 1974ம் ஆண்டில் சபதமேற்றுக் கொண்ட இவர் 2012 வரை 38 ஆண்டுகளாக குளித்ததே கிடையாது.

அதற்கு பிறகாவது அவர் குளித்தாரா, இல்லையா என்பது தொடர்பாக இவரைப்பற்றி உறுதிப்படுத்தப்பட்ட செய்திகள் ஏதும் வெளியாகவில்லை.

எச்.ஐ.வி. குறித்த ஆராய்ச்சியில் குறிப்பிடத்தக்க திருப்புமுனையைக் கண்டறிந்துள்ளதாக சீன நாட்டு ஆய்வாளர்கள் பத்திரிகை வாயிலாக தெரிவித்துள்ளனர்.

இந்த ஆராய்ச்சியின் முடிவுகள் மூலம் இந்த நோயை முற்றிலும் குணப்படுத்தவோ அல்லது அதற்கான புதிய மருந்துகளோ கண்டுபிடிக்க முடியும் என்றும் அவர்கள் நம்பிக்கை தெரிவித்துள்ளனர்.

வைரஸ் தொற்றுநோய்க் காரணி கட்டமைப்பு ஆய்வில் ஏற்படும் மாற்றங்கள் குறித்த ஆய்விலேயே இவர்கள் புதிய முன்னேற்றங்களைக் கண்டறிந்துள்ளதாகக் குறிப்பிட்டுள்ளனர்.

சீனாவில் உள்ள ஹர்பின் தொழில்நுட்ப நிறுவனம் மற்றும் வாழ்க்கை அறிவியல் பள்ளியில் கட்டமைப்பு மூலக்கூறு உயிரியல் பேராசிரியராகப் பணி புரிந்துவரும் ஹுவாங் சிவி தலைமையில் இந்த ஆய்வு நடத்தப்பட்டுள்ளது.

இதன் முடிவுகள் இயற்கை என்ற அறிவியல் இதழின் இணையதளத்தில் வெளியிடப்பட்டுள்ளன. இதில் ஆண்டி வைரசை அழிக்க உதவும் எச்ஐவி-1 புரதத்தின் கட்டமைப்பின் செயல்பாடுகள் விளக்கப்பட்டுள்ளன.

கடந்த 2012 ஆம் ஆண்டில் தொடங்கப்பட்ட இந்தத் திட்டத்தின் முடிவுகள் மூலம் செயல்தன்மை கொண்ட புதிய மருந்துகள் கண்டுபிடிக்கப்பட முடியும் என்று இந்த ஆய்வு விளக்குகின்றது.

1981 ஆம் ஆண்டில் எய்ட்ஸ் வைரஸ் கண்டறியப்பட்டதிலிருந்தே அதனுடைய நோய்த்தொற்று காரணி உட்பட பல முக்கிய விஷயங்கள் அதில் கண்டறியப்படாமல் இருந்தது.

இதுவே நோய்த்தொற்று மற்றும் போலிகளைக் கண்டறியும் முக்கிய காரணியாக விளங்கி வந்துள்ளது என்று ஆய்வின் முடிவு தெரிவிக்கின்றது.

சமீபகாலங்களில் உலகம் முழுவதும் எய்ட்ஸ் ஆய்வாளர்களின் ஆய்விலும் இந்த நோய்த்தொற்று காரணியே முக்கிய ஆய்வுக்குரிய பொருளாகவும் விளங்கி வந்தது.

தங்களுடைய ஆய்வு முடிவுகள் வெளிவந்ததன்மூலம் சீனாவே தற்போது இந்த ஆய்வில் முன்னணியில் இருப்பதாக ஹுவாங் தெரிவிக்கின்றார்.