திரைப்படத் துறையில் 2013ல் சாதனை படைத்த கலைஞர்களுக்கு விருது வழங்கும் விழா சென்னையில் நடந்தது.

நடிகர்கள் பிரபு, சத்யராஜ், சிவகார்த்திகேயன், விக்ரம் பிரபு, கவுதம், கார்த்தி, விஜய் சேதுபதி நடிகைகள் லட்சுமிமேனன், பிந்துமாதவி, சரண்யா பொன்வண்ணன், இயக்குனர்கள் பாரதிராஜா, பாலுமகேந்திரா உள்ளிட்டோர் விருது பெற்றனர்.

ஆர்.எம். வீரப்பன், ஏ.சி.சண்முகம், எஸ்.பி. முத்துராமன், மனோரமா உள்ளிட்டோருக்கு சாதனையாளர் விருது வழங்கப்பட்டது. வி4 அமைப்பு சார்பில் சிங்காரவேலு, டைமன்ட் பாபு, மவுனம் ரவி, ரியாஸ் விழா ஏற்பாடுகளை செய்து இருந்தனர்.

நான் நிச்சயமாக அரசியலுக்கு வருவேன் என நடிகை நமீதா குறிப்பிட்டுள்ளார். இது குறித்துஅவர் கூறியுள்ளதாவது..

என் திருமணத்தை பற்றி இப்போதைக்கு எந்த முடிவும் எடுக்க வில்லை. நான் அரசியலுக்கு கட்டாயம் வருவேன். முழுநேர அரசியல்வாதியாக மாறுவேன். எந்த கட்சி என்பதை இப்போது சொல்ல முடியாது என்று தெரிவித்தார்.

அத்துடன் மோடியின் பிரச்சாரம் புதிதாகவும், வித்தியாசமாகவும் இருக்கிறது. ஆம் ஆத்மி கட்சி சாதாரண மக்களின் குரலாக ஒலிக்கிறது. அவர்களுக்கு என் வாழ்த்துக்கள்.

விஜயகாந்த் அனைத்து கட்சிகளும் அவரை தேடி வருகிற அளவுக்கு பலம் வாய்ந்து இருக்கிறார். ஜெயலலிதா நிறைய நலத்திட்ட உதவிகள் செய்து வருகிறார் என்று தெரிவித்தார்.

விஜய், அஜித் ரசிகர்கள் இடையே தியேட்டர்களில் கட் அவுட், பேனர் வைப்பதில் கடும் போட்டி ஏற்பட்டு உள்ளது. சில இடங்களில் மோதலில் ஈடுபட்டு வருகிறார்கள்.

விஜய்யின் ஜில்லா படமும், அஜீத்தின் வீரம் படமும் வருகிற 10ம் திகதி ஒரே நாளில் ரிலீசாகிறது.

ஏற்கனவே போக்கிரி, ஆழ்வார் படங்கள் இது போல் ஒன்றாக வந்தன. அப்போதும் இருவரின் ரசிகர்களும் அடிதடி தகராறில் ஈடுபட்டனர். தற்போது ஏழு வருடங்களுக்கு பிறகு மீண்டும் விஜய், அஜித் படங்கள் ஒன்றாக வருகின்றன. ரசிகர்கள் இப்போதே தியேட்டர்களிலும், சுவர்களிலும் இடம் பிடிக்க துவங்கியுள்ளனர்.

மதுரையில் இரு தரப்பு ரசிகர்களும், ஜில்லா, வீரம் படங்கள் பற்றி சுவர் விளம்பரம் செய்த போது தகராறில் ஈடுபட்டனர். சேலத்திலும் இது போல் மோதல் நடந்தது. சென்னையிலும் தியேட்டர்களில் கட் அவுட், பேனர் வைப்பதில் போட்டி நிலவுகிறது.

விஜய் ரசிகர் மன்ற மத்திய சென்னை மாவட்ட தலைவர் பூக்கடை எஸ்.குமார், திருவள்ளூர் தெற்கு மாவட்ட தலைவர் பால முருகன், காஞ்சீபுரம் கிழக்கு மாவட்ட விஜய் ரசிகர் மன்ற இளைஞர் அணி தலைவர் இ.சி.ஆர். சரவணன், மாதவரம் இளங்கோ உள்ளிட்டோர் சென்னை மற்றும் புறநகர் பகுதி தியேட்டர்களில் ஜில்லா படத்தை வரவேற்று விஜய் கட்அவுட்கள் வைக்க துவங்கியுள்ளனர்.

பேனர்களும் கட்டி வருகிறார்கள். கட் அவுட், பேனர்களை கிழிப்பதை தடுக்கும்படி அம்பத்தூர் போலீசில் பால முருகன் புகார் மனு அளித்துள்ளார்.

இதுபோல் சென்னை அஜித் ரசிகர் மன்ற நிர்வாகிகள் சக்கின் மணி, புரசை சரவணன், ரெட் சாரதி மற்றும் காஞ்சி ரமேஷ் உள்ளிட்டோர் வீரம் பட கட் அவுட் மற்றும் பேனர்களை போட்டியாக நிறுவி வருகிறார்கள். தியேட்டர்களில் மாறி மாறி இடம் பிடிப்பதால் தகராறு மூண்டுள்ளது. ரசிகர்களை சமாதானபடுத்த முடியாமல் தியட்டர்காரர்களும் தவிக்கிறார்கள்.

சிம்புவை முத்தமிட நடிகை திக்ஷாசேத் 50 இலட்சம் கேட்டதாக தகவல் வெளியாகியுள்ளது. இருவரும் வேட்டை மன்னன் படத்தில் இணைந்து நடிக்கின்றனர். ஹன்சிகா, ஜெய், சந்தானம், வி.டி.வி. கணேஷ், போன்றோரும் நடிக்கின்றனர். இதன் படப்பிடிப்பு விறுவிறுப்பாக நடக்கிறது.

இப்படத்தில் சிம்புவும் தீக்ஷா சேத்தும் உதட்டோடு உதடு முத்தமிடுவது போன்று சில காட்சிகளை வைக்க இயக்குனர் விரும்பினார். தீக்ஷாசேத் ஏற்கனவே விக்ரம் ஜோடியாக ராஜ பாட்டை படத்தில் நடித்தார். தெலுங்கிலும் முன்னனி நடிகையாக உள்ளார். அங்கு கவர்ச்சியாகவும் நடித்து வருகிறார்.

தீக்ஷா சேத்தை அணுகி முத்த காட்சியில் நடிக்கும்படி கேட்டனர். முதலில் மறுத்த அவர் பிறகு சம்மதித்தார். முத்தக்காட்சிகளில் நடிப்பதற்காக மட்டும் 50 இலட்சம் தர வேண்டும் என்றும் நிபந்தனை விதித்தார். இதனால் படக்குழுவினர் அதிர்ந்தனர்.

சம்பளத்தை தவிர்த்து முத்த காட்சிக்கு மட்டும் அவர் 50 இலட்சம் கேட்டாராம். கேட்ட தொகையை கொடுப்பதா அல்லது முத்த காட்சி வேண்டாம் என விட்டு விடுவதா என்ற யோசனையில் படக்குழுவினர் உள்ளனர்.