சுருதிஹாசனை வீடு புகுந்து தாக்கியவன் கைது செய்யப்பட்டான். இதனால் சுருதிஹாசன் மகிழ்ச்சியடைந்துள்ளார். தனது டுவிட்டரில் மர்ம மனிதனை பிடித்த போலீசாருக்கு நன்றி தெரிவித்துள்ளார்.

கைதான ஆசாமி பெயர் அசோக் சந்தர் திருமூக்கே (45). இவர் போரிவிலி திரைப்பட நகரில் உதவியாளராக பணியாற்றி வருகிறார். ரகசிய கண்காணிப்பு கேமராவை ஆய்வு செய்தபோது இவரைப் பற்றி அடையாளம் தெரிந்தது. அசோக்சந்தர் மீது தாக்குதல், மானபங்கம் செய்தல், அத்து மீறி நுழைதல் போன்ற பிரிவுகளின் கீழ் வழக்கு பதிவு செய்யப்பட்டு உள்ளது.

அசோக் சந்தரை போலீசார் பாந்திரா கோர்ட்டில் ஆஜர்படுத்தினர். நாளை(26) வரை போலீஸ் காவலில் வைத்து விசாரிக்க நீதிபதி உத்தரவிட்டார். இதற்கிடையில் சுருதி ஹாசனை தாக்கவில்லை என்றும் அவரை சந்திக்க முயற்சி செய்ததாகவும் அசோக்சந்தர் போலீசில் வாக்குமூலம் அளித்துள்ளான்.

அவரது குடும்பத்தினரும் சுருதியை தாக்கவில்லை என்று மறுத்துள்ளனர். தனது தம்பிக்கு வேலை கேட்கவே சுருதி வீட்டுக்கு சென்றார் என்று அசோக் சந்தர் சகோதரி ஷாலினி கூறியுள்ளார்.

காமெடி நடிகர் விவேக் சின்னக் கலைவாணர் என்று அழைக்கப்படுகிறார். படங்களில் அவரது பெயருடன் இந்த பட்ட பெயர் இணைக்கப்பட்டு உள்ளது. இதற்கு மறைந்த காமெடி நடிகர் குல தெய்வம் ராஜ கோபால் மகன் சௌந்திர பாண்டியன் எதிர்ப்பு தெரிவித்துள்ளார்.

இதுகுறித்து அவர் நடிகர் சங்கத்தில் அளித்துள்ள புகார் மனுவில் கூறி இருப்பதாவது..

நடிகர்களுக்கு அவர்களின் நடிப்பு திறமையை மையமாக வைத்து ரசிகர்கள் சார்பில் பட்டங்கள் வழங்கப்பட்டு வருகிறது. கடந்த 1962ல் மதுரையில் நடந்த விழாவில் கலைவாணர் என்.எஸ்.கிருஷ்ணன் மனைவி மதுரம் மற்றும் எழுத்தாளர் தமிழ்வாணன் ஆகியோரால் என் தந்தை குல தெய்வம் ராஜகோபாலுக்கு சின்ன கலைவாணர் பட்டம் அளிக்கப்பட்டது. எங்கள் குடும்பத்தின் மரியாதைக்குரிய பொக்கிஷமாக அந்த பட்டத்தை போற்றி வருகிறோம்.

ஆனால் நடிகர் விவேக்கும் இந்த பட்டத்தை பயன்படுத்தி வருகிறார். இதனால் எங்கள் குடும்பத்தினர் மன உளைச்சலுக்கு ஆளாகியுள்ளோம். எங்கள் தந்தை வாங்கியபட்டத்தை காப்பாற்றுவதற்காக போராட வேண்டிய சூழ்நிலைக்கு எங்களை தள்ளவேண்டாம். இவ்வாறு மனுவில் குறிப்பிடப்பட்டு உள்ளது.

காவல் நிலையத்தில் நடிகை ராதா பொலிசாரின் கேள்விகளுக்கு பதிலளிக்க முடியாமல் திணறியுள்ளதாக தகவல்கள் வெளியாகியுள்ளது.

நடிகை ராதா சில தினங்களுக்கு முன்பு பொலிஸ் கமிஷனர் அலுவலகத்தில் சினிமா தயாரிப்பாளர் பைசூல் என்பவர் மீது புகார் கொடுத்தார்.

அதில் தன்னோடு திருமணம் செய்யாமல் குடித்தனம் நடத்திவிட்டு தனது பணம் நகையை ஏமாற்றி கொண்டு சென்றுவிட்டதாக அந்த புகாரில் தெரிவித்திருந்தார். இதுகுறித்து விசாரணை நடத்துமாறு வடபழனி இன்ஸ்பெக்டருக்கு கமிஷனர் உத்தரவிட்டார்.

இதனைத் தொடர்ந்து நேற்று வடபழனி காவல் நிலையத்தில் ஆஜரானா ராதாவிடம் பொலிசார் தனி அறையில் வைத்து விசாரணை நடத்தினர். அவருடன் அவரது வழக்கறிஞரும் இருந்தார்.

விசாரணையில் பொலிசார் பைசூலுடன், ராதாவுக்கு இருந்த உறவு பற்றி துருவி துருவி கேட்டனர். தாலி கட்டாமலேயே அவருடன் எப்படி 5 ஆண்டுகள் மனைவியாக வாழ சம்மதித்தீர்கள் என்ற கேள்விக்கு ராதா பதில் சொல்ல முடியாமல் திணறினாராம்.

மேலும் வேறு யாருடனாவது உங்களுக்கு காதல் இருந்ததா என்றும் கேட்டுள்ளனர். சினிமாவில் நடிப்பதை விட்டுவிட்ட பிறகு வருமானத்துக்கு என்ன செய்தீர்கள் என்று கேட்டதாகவும் தெரிகிறது.

இதனால் பெரும்பாலான கேள்விக்கு ராதா பதில் சொல்ல முடியாமல் அழுது கொண்டே இருந்ததாக காவல் நிலைய வட்டாரங்கள் தெரிவித்துள்ளன.

இதற்கிடையில் தயாரிப்பாளர் பைசூல், ராதா தன்னைப்போலவே பலருடன் குடும்பம் நடத்தினார் என்றும் அதற்கான ஆதாரங்களையும் திரட்டி விரைவில் கமிஷனரை சந்திக்க இருப்பதாகவும் கூறியுள்ளார்.

நடிகை ஸ்ருதி ஹாஸனை அவரது வீடு புகுந்து தாக்கிய அசோக் த்ரிமுகேவை பொலிசார் கைது செய்துள்ளனர்.

நடிகை ஸ்ருதி ஹாஸன் மும்பையில் உள்ள பந்த்ரா பகுதியில் வீடு எடுத்து வசித்து வருகிறார். இந்நிலையில் அவரை பல காலமாக பின் தொடர்ந்து வந்த ஒருவர் கடந்த 19ம் திகதி அவரது வீட்டுக் கதவை தட்டியுள்ளார். கதவை திறந்த ஸ்ருதியை அந்த நபர் கழுத்தை நெறித்துள்ளார்.

அவர் வசம் இருந்து தப்பித்த ஸ்ருதி பின்னர் இந்த சம்பவம் குறித்து பொலிசில் கொடுத்தார். அவரது புகாரின்பேரில் வழக்குப் பதிவு செய்த பொலிசார் குற்றவாளி அசோக் த்ரிமுகே(32) என்பவரை நேற்று அவரை அவரது வீட்டுக்கு அருகே வைத்து கைது செய்தனர்.

இதுகுறித்து குற்றவாளி கூறுகையில் என் சகோதரருக்கு வேலை கேட்டுத் தான் அவரது வீட்டுக்கு சென்றேன். நான் பிலிம் சிட்டியில் பணியாற்றி வந்தேன் என்றும் என்னை ஸ்ருதி தவறாக புரிந்து கொண்டார் எனவும் கூறியுள்ளார்.

அசோக்கின் சகோதரி ஹேர் ஸ்டைலிஸ்ட் மற்றும் ஆடை வடிவமைப்பாளராக உள்ளார்.