விஜய்-காஜல் அகர்வால் நடிப்பில் புதுமுக இயக்குனர் நேசன் இயக்கி வரும் படம் ஜில்லா. இப்படத்தை சூப்பர் குட் பிலிம்ஸ் நிறுவனம் சார்பாக ஆர்.பி.சௌத்ரி தயாரித்து வருகிறார். டி.இமான் இசையமைக்கிறார். மோகன்லால், பூர்ணிமா பாக்யராஜ், மஹத் உள்ளிட்டோரும் நடிக்கின்றனர்.

இப்படத்தில் இடம்பெறும் பாடல் காட்சி ஒன்றை படமாக்குவதற்காக இப்படக்குழு சமீபத்தில் ஜப்பான் பறந்து சென்றது. அவர்கள் அங்கு சென்றிருந்தபோது ஜப்பானில் நிலநடுக்கம் ஏற்பட்டுள்ளது. இதையறிந்து பதறிப்போன தயாரிப்பாளர் ஆர்.பி.சௌத்ரி படக்குழுவினை உடனடியாக திரும்பி வருமாறு கேட்டுக் கொண்டார்.

ஆனால் அப்போது ஜப்பானில் நிலவி வந்த வானிலை வருடத்துக்கு ஒருமுறைதான் வரும். அதுதான் படத்தின் பாடலுக்கு தேவையான சூழ்நிலை என்பதால் பாடலை எடுத்துவிட்டுத்தான் திரும்பி வருவோம் என விடாபிடியாக படக்குழு மறுத்துவிட்டதாம். இதையடுத்து பாடலை படமாக்கிய பிறகே படக்குழுவினர் இந்தியா திரும்பியிருக்கிறார்கள்.

இப்படத்தின் இறுதிக்கட்டப் படப்பிடிப்பு தற்போது விறுவிறுப்பாக நடைபெற்று வருகிறது. வரும் பொங்கலுக்கு வெளியிடவிருக்கின்றனர்.

திருமணம் செய்து கொள்ளாமல் நடிகைகள், காதலர்களுடன் சேர்ந்து வாழ்வதாக நடிகை அசின் பரபரப்பு தகவல் வெளியிட்டு உள்ளார். இந்த கலாசாரம் சினிமா உலகில் புதிதாக பரவி வருகிறது. வெளிநாடுகளில் இந்த வழக்கத்தை அதிகம் பார்க்க முடியும். அது தற்போது இந்தியாவிலும் ஊடுருவி உள்ளது.

குறிப்பாக இந்தி நடிகர்–நடிகைகள் இதுபோல் வாழத் துவங்கியுள்ளனர். இந்தி நட்சத்திர ஜோடி சயீப் அலிகான், கரீனாகபூர் ஜோடி பல வருடங்களாக இதுபோல் திருமணம் செய்து கொள்ளாமல் சேர்ந்து வாழ்ந்தார்கள். சமீபத்தில் பெற்றோர் வற்புறுத்தலால் தாலி கட்டிக் கொண்டார்கள்.

இன்னும் நடிகர், நடிகைகள் பலர் மணம் முடிக்காமல் சேர்ந்து வாழ்கிறார்கள். இது தெலுங்கு பட உலகையும் இப்போது தொற்றிக் கொண்டு உள்ளது. அங்கு திருமணமான நடிகர்களுடன் சில நடிகைகள் சேர்ந்து குடும்பம் நடத்துவதாக கிசுகிசுக்கப்படுகின்றன.

தமிழ் திரையுலகில் பிரபல கதாநாயகியும், இயக்குனரும் பல மாதங்கள் திருமணம் செய்து கொள்ளாமல் ஒரே வீட்டில் சேர்ந்து வாழந்ததாக கூறப்பட்டது. அவர்கள் கல்யாணம் செய்து கொள்வார்கள் என எதிர்பார்க்கப்பட்டது. ஆனால் இருவரும் தற்போது பிரிந்து விட்டனர்.

அசின் இதுகுறித்து கூறும்போது இந்தி நடிகர், நடிகைகள் பலர் திருமணம் வேண்டாம் என்று வாழ்ந்து கொண்டிருக்கிறார்கள். அவர்கள் திருமணம் செய்து கொள்ளாமலேயே சேர்ந்து வாழக்கூடிய ‘லிவ் இன் ரிலேஷன்சிப்பில்’ உள்ளனர். என்னை பொறுத்தவரை பொருத்தமானவரை கண்டுபிடித்ததும் திருமணம் செய்து கொள்வேன் என்றார்.

நடிகை சினேகாவும், நடிகர் பிரசன்னாவும் கடந்த வருடம் காதல் திருமணம் செய்துகொண்டனர். இதைத் தொடர்ந்து இருவரும் சினிமாவில் சில படங்களில் நடித்து வருகின்றனர். இந்நிலையில், சினேகா கர்ப்பமாக இருப்பதாக இணையதளங்களில் செய்தி வெளியாகி பரபரப்பாகி உள்ளது. இந்த செய்தி உண்மையில்லை என்று பிரசன்னா மறுத்துள்ளார்.

இதுகுறித்து அவர் தனது டுவிட்டரில் கூறியிருப்பதாவது..

பத்திரிக்கை மற்றும் சில ஊடகங்களில் சினேகா கர்ப்பமாக இருக்கிறார் என வெளிவரும் செய்திகள் உண்மையில்லை. தொடர்ந்து நாங்கள் படங்களில் நடித்து வருவதால் இப்போதைக்கு குழந்தை பிறப்பை தள்ளி வைத்திருக்கிறோம். அப்படி ஒரு சுபசெய்தி இருந்தால் பத்திரிகையாளர்களான உங்களை அழைத்துத்தான் முதலில் பகிர்ந்து கொள்வோம் என்று கூறியுள்ளார்.

சினேகா தற்போது பிரகாஷ்ராஜ் இயக்கத்தில் மூன்று மொழிகளில் உருவாகி வரும் உன் சமையல் அறையில் என்ற படத்தில் நடித்து வருகிறார். இதைத் தொடர்ந்து தெலுங்கு படமொன்றிலும் நடித்து வருகிறார். பிரசன்னா கல்யாண சமையல் சாதம், புலிவால் ஆகிய படங்களில் நடித்து வருகிறார்.

தன்னைப்பற்றி வதந்திகள் பரப்பப்படுவதாக நடிகை அனுஷ்கா ஆதங்கப்பட்டார். இவரைப்பற்றி ஏற்கனவே நிறைய கிசுகிசுக்கள் வந்தன. தெலுங்கு நடிகர் நாகார்ஜூனாவுடன் இணைந்து பேசப்பட்டார். ஆந்திர தொழில் அதிபர் ஒருவரை திருமணம் செய்து கொள்ளப் போவதாகவும் செய்திகள் வந்தன.

அனுஷ்காவுக்கு 32 வயது ஆகிறது. இந்த வயது நடிகைகள் பலருக்கு திருமணம் முடிந்து விட்டது. அனுஷ்காவும் விரைவில் திருமணம் செய்து கொள்ள திட்டமிட்டுள்ளதாக கூறப்படுகிறது. ஐதராபாத்தில் நடந்த தெலுங்கு படவிழாவுக்கு வந்த அனுஷ்காவிடம் திருமணம் பற்றி நிருபர்கள் கேட்டனர். உடனே ஆவேசமானார். அவர் அளித்த பேட்டி வருமாறு..

என்னைப்பற்றி நிறைய வதந்திகள் பரவி உள்ளன. எனது திருமணம் குறித்து என்னைவிட பத்திரிகையாளர்களுக்குதான் முழு விவரமும் தெரிந்து இருக்கிறது. நிறைய கிசுகிசுக்கள் வருகின்றன. எனக்கு எப்போது திருமணம் நடக்கும் என்பதையும் நீங்கள்தான் சொல்ல வேண்டும். என்னைப் பொறுத்தவரை படங்களில் பிசியாக நடிக்கிறேன். திருமணம் பற்றி இப்போது சிந்திக்கவில்லை. பொருத்தமான மாப்பிள்ளை கிடைத்ததும் திருமணம் செய்து கொள்வேன் என்று அனுஷ்கா கூறினார்.

நடிகை சுருதிஹாசன் தெலுங்கு படங்களில் பிசியாக நடிக்கிறார். கவர்ச்சியிலும் தாராளம் காட்டுகிறார். இன்னொருபுறம் ஆன்மீகத்திலும் தீவிரம் காட்டுகிறார். படப்பிடிப்புக்கு செல்லும் இடங்களில் பிரபலமான கோவில்களை பார்த்தால் சாமி கும்பிட சென்று விடுகிறார். சிறப்பு அர்ச்சனைகளும் செய்கிறார்.

சமீபத்தில் மராட்டிய மாநிலத்தில் உள்ள ஷீரடி சாய் பாபா கோவிலுக்கும் சென்று வழிபட்டார். இது குறித்து டுவிட்டரில் அவர் கூறும்போது ஷீரடி சாய்பாபா கோவிலுக்கு முதல் தடவையாக சென்றேன். அங்கு எனக்கு சிறப்பான தரிசனம் கிடைத்தது என்று கூறியுள்ளார்.

சுருதிஹாசன் நடித்து சமீபத்தில் ரிலீசான சில படங்கள் பெரிதாக ஓடவில்லை. ஏவடு, ரேஸ்குர்ரம் என்ற தெலுங்கு படங்களிலும் வெல்கம் பேக் என்ற இந்தி படத்திலும் நடிக்கிறார். இந்த படங்கள் வெற்றி பெற சாய்பாபாவிடம் வேண்டி வழிபாடு நடத்தி உள்ளார்.

இந்தியில் பா, சீனிகம் என வித்தியாசமான படங்களைக் கொடுத்து இந்திய சினிமாவையே திரும்பிப் பார்க்க வைத்தவர் இயக்குனர் பால்கி. இவருடைய இந்த இரண்டு படங்களிலும் பாலிவுட்டின் சூப்பர் ஸ்டார் அமிதாப் பச்சன் நடித்திருந்தார்.

2009ம் ஆண்டுக்குப் பிறகு எந்த படங்களையும் இயக்காத பால்கி தற்போது இந்தியில் மீண்டும் ஒரு படத்தை இயக்கவுள்ளார். இந்த படத்திலும் அமிதாப்பச்சன் முக்கிய கதாபாத்திரத்தில் நடிக்கிறார். அமிதாப்பச்சனுடன் இணைந்து தனுஷும் ஒரு முக்கிய கதாபாத்திரத்தில் நடிக்கவிருக்கிறார். இந்தியில் ராஞ்சனா வெற்றிக்குப் பிறகு தனுஷ் நடிக்கும் இரண்டாவது படமே பாலிவுட்டின் சூப்பர் ஸ்டார் உடன் நடிக்கவிருக்கிறார் என்பது அவரை சந்தோஷத்தில் ஆழ்த்தியுள்ளது.

இப்படம் தனுஷுக்கு ஒரு லைப் டைம் படமாக இருக்கும் என பொலிவுட் செய்தி வட்டாரங்கள் தெரிவிக்கின்றன. அந்த அளவுக்கு இந்த படத்தில் தனுஷூக்கு பவர்புல்லான கதாபாத்திரமாம். இந்த கதாபாத்திரத்தில் நடிப்பதற்கு முதலில் ஷாருக்கான்தான் பரிசீலனையில் இருந்தார். இப்போது திடீர் மாற்றமாக தனுஷ் நடிக்கிறார்.

இப்படத்திற்கு இளையராஜா இசையமைக்கிறார். ஸ்ரீராம் ஒளிப்பதிவு செய்கிறார். இவர்களும் ஏற்கெனவே பால்கியின் முந்தைய படங்களில் இணைந்து பணியாற்றியவர்கள்தான். இப்படத்தில் நடிக்கும் பிற கலைஞர்கள் தேர்வு நடந்து வருகிறது. விரைவில் இதுகுறித்து அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.