சச்சினை தோள்பட்டையில் சுமக்கும் பூனம் பாண்டே..!

poonamகவர்ச்சி நடிகை பூனம் பாண்டே சச்சின் டெண்டுல்கர் உருவத்தை தனது தோள்பட்டையில் பளிச்சென பச்சை குத்தியுள்ளார்.

தீவிர கிரிக்கெட் ரசிகையான பூனம் பாண்டே,மும்பை வாங்கடே மைதானத்தில் நடந்த சச்சினினின் கடைசி டெஸ்ட் போட்டியை ரசித்துப் பார்த்து மகிழ்ந்தார். இப்போது சச்சினின் படத்தை தனது தோள்பட்டையில் பச்சை குத்தியுள்ளார்.

நிர்வாணமாக ஓடுவதாக அறிவித்தவர். முன்பு இந்தியா உலகக் கோப்பையை வென்றால் நிர்வாணமாக ஓடத் தயார் என்று அறிவித்தவர்தான் பூனம் பாண்டே.

இப்போது சச்சின் பச்சை இந்த நிலையில் தற்போது சச்சின் படத்தை தனது வலது தோள்பட்டையின் மேல் பகுதியில் பச்சை குத்தியுள்ளார் பூனம். இந்தப் படத்தை தனது டிவிட்டரிலும் வெளியிட்டுள்ளார்.

நேரிலும் பார்த்தார் மேலும் சச்சினின் கடைசிப் போட்டியை வாங்கடே மைதானத்திறக்குப் போய் நேரிலும் பார்த்து ரசித்தார் பூனம்.

கலக்கலான கவர்ச்சி உடையில் கலக்கலான கவர்ச்சி உடையில், அதிலும் மூவண்ணத்தைப் பிரதிபலிக்கும் உடையில் மைதானத்திற்கு வந்திருந்தார் பூனம்.

பூனம் ஆட்டத்தை ரசிக்க. ரசிகர்கள் அவரை மொய்த்தனர் பூனம் பாண்டே ஆட்டத்தைப் பார்த்து ரசிக்க,ரசிகர்களோ அவரை மொய்த்துப் பார்த்தபடி இருந்தனர்.

 

காதலை ஏற்காததால் இளம்பெண் மீது துப்பாக்கிச் சூடு..!

pistolஇந்தியாவின் உத்திரப்பிரதேச மாநிலம் ஷாம்லி மாவட்டத்தில் உள்ள கல்லூரியில் பி.எஸ்.சி., இறுதி ஆண்டு படிக்கும் மாணவி ரூபி.

கல்லூரியில் இருந்து தனது ஆண் நண்பருடன் கோகார்ணி கிராமத்தில் உள்ள தனது வீட்டுக்கு இருசக்கர வாகனத்தில் சென்று கொண்டிருந்தார்.

அப்போது அவர்களை பின்தொடர்ந்து மற்றொரு இருசக்கர வாகனத்தில் வந்த மூன்று இளைஞர்கள், முன்னால் வந்து மறித்தனர்.

திடீரென துப்பாக்கியை காட்டி மிரட்டியுள்ளனர். இதனை பார்த்து பதறிய ரூபியின் ஆண் நண்பர் தனது வாகனத்தை வேகமாக ஓட்டிச் செல்ல முற்பட்டுள்ளார்.

அவர்களும் தங்களது வாகனத்தில் வேகமாக பின்தொடர்ந்துள்ளனர். இந்தநிலையில் பின்னால் உட்கார்ந்திருந்த ரூபியை சுட்டுவிட்டு தப்பிச் சென்றனர். இதையடுத்து அவர் சாலையில் விழுந்தார்.

குண்டு பாய்ந்த நிலையில் அவர் சாலையில் விழுந்து கிடந்த போது, பொதுமக்கள் பொலிசாருக்கு தகவல் கொடுத்தனர்.

பின்னர் பொலிசார் அவரை சிகிச்சைக்காக அருகில் உள்ள மருத்துவமனையில் சேர்த்தனர். அங்கு மாணவியின் உடல்நிலை மோசமாக உள்ளதால் மீரட் மருத்துவமனைக்கு கொண்டு செல்லப்பட்டார்.

இந்த சம்பவம் குறித்து பொலிசார் வழக்குப் பதிவு செய்து விசாரணை மேற்கொண்டனர். இச்சம்பவத்தில் ஈடுபட்ட மூன்று இளைஞர்களையும் தேடி வந்தனர்.

இந்த நிலையில் ரூபியை துப்பாக்கியால் சுட்ட முகேஷ் சௌத்திரி என்ற இளைஞன் பொலிசில் சிக்கினான்.

ரூபியை, முகேஷ் சௌத்திரி ஒருதலையாக காதலித்து வந்ததாகவும், அதனை ரூபி ஏற்காததால் அவன் துப்பாக்கியால் சுட்டதும் பொலிசார் விசாரணையில் தெரியவந்தது.

இதையடுத்து அவனை கைது செய்த பொலிசார், அவனுடன் உடனிருந்த இரு இளைஞர்களையும் தேடி வருகின்றனர்.

மாப்பிள்ளை என்னை விட உயரமாக இருக்க வேண்டும் – அனுஷ்கா..!

anuசுடிதார் குதிரை அனுஷ்காவுக்கு 31 வயதாகி விட்டது. இதனால் அவருக்கு விரைவில் திருமணமாகப் போகிறது என்ற செய்திகள் தொடர்ந்து வெளியாகி கொண்டே இருக்கின்றன.

இதற்கு இதுவரை எந்த பதிலும் கூறாமல் அமைதி காத்து வந்த அனுஷ்கா சமீபத்தில் இதுகுறித்து வாய் திறந்துள்ளார்.

அவர் கூறுகையில் இந்த மீடியாக்காரர்கள் எனக்கு எத்தனை முறை தான் திருமணம் செய்து வைப்பார்களோ தெரியவில்லை.

ஆனாலும் நான் இப்போது கல்யாணத்துக்கு தயாராகி விட்டேன். எனக்கு பொருத்தமான மாப்பிள்ளையை தேடிக் கொண்டிருக்கிறேன்.

கிடைத்தால் உடனடியாக திருமணம் தான் என்கிறார். உங்களை விட உயரமான மாப்பிள்ளை தேடுவதால் தான் திருமணம் தாமதமாகிறது என பேச்சு அடிபடுகிறதே என கேட்டால் லக லகவென சந்திரமுகி மாதிரி சிரித்து மழுப்புகிறார்.

ஆர்யாவை பற்றி கேட்டபோது அவர் நல்ல மனிதர். அவருடன் நடித்தது நல்ல அனுபவமாக இருந்தது. எங்கள் இருவருக்கும் இடையேயான இதைத் தவிர வேறு எந்த விஷயமும் இல்லை என்கிறார்.

திருமண பந்தத்தில் இணையவுள்ளார் ஸ்ரீசாந்த்..!

srisanthதடை செய்யப்பட்ட கிரிக்கெட் வீரர் ஸ்ரீசாந்த்துக்கும், ஜெய்ப்பூரைச் சேர்ந்த அரச குடும்பத்தைதச் சேர்ந்த பெண்ணுக்கும் இடையே டிசம்பர் 12ம் திகதி குருவாயூரில் திருமணம் நடைபெறவுள்ளது.

ஸ்ரீசாந்த்தை திருமணம் செய்யப்போகும் பெண்ணின் பெயரை இதுவரை வெளியிடாமல் வைத்துள்ளனர்.

இருப்பினும் இது காதல் திருமணம் என்கிறார்கள். கடந்த 2006ம் ஆண்டு ஜெய்ப்பூரில் நடந்த கிரிக்கெட் போட்டியின்போது அந்தப் பெண்ணும், ஸ்ரீசாந்த்தும் சந்தித்து காதலில் விழுந்ததாக கூறப்படுகிறது.

ஸ்ரீசாந்த்துக்கு மேட்ச் பிக்ஸிங் சோதனை வந்தபோது அவருக்கு ஆதரவாக இருந்தாராம் இப்பெண். மேலும் தேவையான சட்ட உதவிகளையும் ஏற்பாடு செய்து கொடுத்தாராம்.

அந்தப் பெண் மட்டுமல்லாது, அவரது குடும்பமும் ஸ்ரீசாந்த்துக்கு ஆதரவாக இருந்ததாம். இதையடுத்து திருமணத்தை முடிவு செய்து விட்டனர்.

பெப்ரவரி 15ம் திகதி துவங்கும் அஜீத் – கௌதம் மேனன் படம்..!

ajithஅஜீத் குமாரை வைத்து கௌதம் மேனன் எடுக்கும் படத்தின் படப்பிடிப்பு வரும் பெப்ரவரி மாதம் 15ம் திகதி துவங்குகிறது.

கௌதம் மேனன் அஜீத் குமாரை வைத்து படம் எடுக்கப் போவதாக அறிவித்தார். அந்த படப்பிடிப்பு எப்பொழுது துவங்கும் என்று அஜீத் ரசிகர்கள் ஆவலாக இருந்தனர்.

இந்நிலையில் கௌதம் சிம்புவை வைத்து தான் இயக்குவதாக அறிவித்த படத்தின் படப்பிடிப்பை துவங்கினார். சிம்பு படம் விண்ணைத் தாண்டி வருவாயாவின் இரண்டாம் பாகம் அல்ல என்று அவர் அறிவித்தார்.

இந்நிலையில் அஜீத்தை தான் இயக்கும் படத்தின் படப்பிடிப்பு வரும் பிப்ரவரி மாதம் 15ம் தேதி துவங்குகிறது என்று கௌதம் அதிகாரப்பூர்வமாக அறிவித்துள்ளார்.

அஜீத், தமன்னா நடிக்கும் வீரம் படம் பொங்கலுக்கு ரிலீஸாகிறது. அதனால் அஜீத் அந்த படத்தின் வேலைகளில் தற்போது பிசியாக உள்ளார்.

ஆஸி. அணியின் வியூகங்களே இந்தியாவை வெல்ல துணை புரியும்..!

wi21 ம் திகதி ஆரம்பமாகவுள்ள இந்தியாவுக்கு எதிரான ஒரு நாள் தொடரில் அவுஸ்திரேலியாவின் வியூகங்களை கடைப்பிடிக்க போவதாக மேற்கிந்திய அணியின் விக்கட் காப்பாளர் தினேஷ் ராம்டின் தெரிவித்துள்ளார்.

ஏற்கனவே 2-0 என்ற நிலையில் டெஸ்ட் தொடரை இழந்த நிலையிலேயே மேற்கிந்திய அணி ஒரு நாள் தொடரில் கலம் இறங்குகின்றது.

இந்தியாவுக்கு எதிரான தொடரில் அவுஸ்திரேலிய அணி அதிரடியாக ஆடி இருந்தமை குறிப்பிடத்தக்கது. எனினும் தொடரை 3-2 என்ற அடிப்படையில் இழந்து இருந்தது.

எனினும் கிறிஸ் கெய்ல், சாமுவேல்ஸ், சமி போன்ற அதிரடி ஆட்டக்காரர்கள் மேற்கிந்திய அணியில் இருப்பதால் அந்த வியூகம் சரிவரலாம் என கிரிக்கட் ரசிகர்கள் தெரிவிக்கின்றனர்.

எனினும் பொலாடுக்கு ஒரு நாள் தொடரில் ஓய்வு வழங்கப்பட்டிருப்பதும், வேகப்பந்து வீச்சாளர் ரோச் காயம் காரணமாக ஓய்வில் இருப்பதும் மேற்கிந்திய அணிக்கு பெரிய இழப்பாகும்

சுயசரிதை எழுதும் ஷகிலாவின் வருத்தம்..!

shakeelaகவர்ச்சி நடிகை ஷகிலா சுயசரிதை எழுதுகிறார். சினிமாவில் சந்தித்த கசப்பான அனுபவங்களையும் திரையுலகின் இருட்டு பக்கங்களையும் இதன் மூலம் வெளிச்சத்துக்கு கொண்டு வருகிறார். இதனால் மலையாள நடிகர்கள், டைரக்டர்கள் அச்சத்தில் இருப்பதாக தகவல் வெளியாகியுள்ளது.

சுயசரிதையை வெளியிடக்கூடாது என்று ஷகிலாவுக்கு மறைமுக மிரட்டல்களும் வருகிறதாம். எதிர்ப்புகளை மீறி சுயசரிதையை வெளிக்கொண்டு வரும் முயற்சியில் தீவிரமாக இருக்கிறார் ஷகிலா.

இதுகுறித்து ஷகிலா கூறியதாவது:–

சினிமாவில் வரும்போது உடம்பை முழுவதும் மறைத்துக் கொண்டு குடும்பபாங்காக நடிக்க வேண்டும் என்றுதான் ஆசைப்பட்டேன். ஆனால் எனக்கு கவர்ச்சி வேடங்கள் கொடுத்து கவர்ச்சி நடிகையாக்கி விட்டனர். இதற்காக வருத்தம் இல்லை. நான் சுயசரிதை எழுதுவதால் திரையுலகில் இருக்கும் சிலர் பயப்படுவதாக செய்திகள் வந்துள்ளன. அவர்கள் ஏன் பயப்படுகிறார்கள் என்று புரியவில்லை.

என் வாழ்க்கையில் நடந்த சம்பவங்களைத்தான் புத்தகமாக வெளியிடுகிறேன். நான் சினிமாவில் அறிமுகமானபோது சினிமாவில் பலர் உதவியும் செய்து இருக்கின்றனர். நடக்காத எதையும் நான் எழுதவில்லை. அழுது அழுதுதான் இதை எழுதி இருக்கிறேன். புத்தகம் தயாராகி விட்டது. தமிழ், மலையாளம் ஆகிய இரு மொழிகளில் இதனை வெளியிடப்போகிறேன்.

இவ்வாறு ஷகிலா கூறினார்.

மனவேதனை அடைந்த சச்சின் ரசிகர் ஒருவர் தூக்கிட்டுத் தற்கொலை..!

India v West Indies 2nd Test Day 3கிரிக்கெட் கடவுள் என்று புகழப்படும் சச்சின் டெண்டுல்கர் கிரிக்கெட்டில் இருந்து ஓய்வு பெற்றதால் மனவேதனை அடைந்த அவரது ரசிகர் ஒருவர் தூக்கிட்டுத் தற்கொலை செய்து கொண்டுள்ளார்.

இந்தியாவின் குஜராத் மாநிலம் பூஜ் மாவட்டத்தில் உள்ள வார்லி கிராமத்தை சேர்ந்த இளைஞர் விஜய் கோவிந்த் (வயது 20).

சச்சின் டெண்டுல்கரின் தீவிர ரசிகரான இவர், கிரிக்கெட்டிலிருந்து சச்சின் ஓய்வு பெறுவதாக அறிவித்த நாளில் இருந்தே மிகுந்த மனவேதனையில் இருந்துள்ளார்.

இவர், கடந்த ஒரு வாரமாக தனது நண்பர்களிடம், சச்சின் ஓய்வு பெறும் நாள்தான் தன் வாழ்வின் இறுதிநாள் எனக் கூறி புலம்பி வந்துள்ளார்.

இந்நிலையில்,நேற்று சச்சின் ஓய்வு பெற்றதை தாங்க முடியாத விஜய்,தனது வீட்டில் தூக்குப்போட்டு தற்கொலை செய்து கொண்டதாகத் தெரிகிறது. இது குறித்து பொலிஸ் விசாரணை மேற்கொண்டு வருகின்றனர்.

கமலின் இளைய மகளுடன் ஜோடி சேரும் ரஜினி மருமகன்..!

aksharaகமலின் இளைய மகள் அக்ஷரா ஹாஸன் தனுஷ் நடிக்கும் பாலிவுட் படத்தில் அவருக்கு ஜோடியாக நடிக்க ஒப்புக் கொண்டுள்ளாராம். கமலின் மூத்த மகள் ஸ்ருதி பெற்றோர் வழியில் நடிக்க வந்துவிட்டார்.

அவர் தற்போது தெலுங்கு மற்றும் இந்தி படங்களில் நடித்து வருகிறார். இதற்காக அவர் மும்பையில் வீடு எடுத்து தங்கி உள்ளார். அவரது தங்கை அக்ஷராவும் மும்பையில் தனது தாயுடன் தங்கி உள்ளார்.

அக்ஷரா ஹாஸனுக்கு படங்களில் நடிக்க பல வாய்ப்புகள் வந்தன. ஆனால் அவரோ நான் நடிக்க வர மாட்டேன் கேமராவுக்கு பின்னால் இருக்கவே விரும்புகிறேன் என்று திட்டவட்டமாக கூறினார்.

இத்தனை காலமாக நடிக்க மறுத்து வந்த அக்ஷரா இந்தி இயக்குனர் ஆர். பால்கியின் படத்தில் தனுஷ் ஜோடியாக நடிக்க ஒப்புக் கொண்டுள்ளாராம். படத்தில் அமிதாப் பச்சனும் இருக்கிறார்.

தனுஷ் ராஞ்ஹனா படம் மூலம் பாலிவுட்டில் அறிமுகமானார். முதல் படமே ஹிட்டானதுடன் அவருக்கு பெயரும், புகழும் கிடைத்தது. இந்நிலையில் அவர் மீண்டும் இந்தி படத்தில் நடிக்கவிருக்கிறார்.

தனுஷ் ஸ்ருதி ஹாஸனுடன் 3 படத்தில் நடித்துள்ளார். இந்நிலையில் அவர் ஸ்ருதியின் தங்கை அக்ஷராவுடன் நடிக்கவிருக்கிறார் என்பது குறிப்பிடத்தக்கது.

எகிப்து ரயில் விபத்தில் 26 பேர் பலி..!

agiptஎகிப்தின் தலைநகரான கெய்ரோவின் தெற்கே, ரயில்வே லெவல் கிராஸிங்கில், நடந்த விபத்தில் குறைந்தது 26 பேர் பலியாகியுள்ளனர். மேலும் 28 பேர் காயமடைந்துள்ளனர்.

இந்த லெவல் கிராஸிங்கை, மினி பஸ் மற்றும் ஒரு ட்ரக், ஆகியவை கடக்க முயன்றபோது, ரெயில் மோதியபோது இந்த விபத்து நடந்தது.

டாஷுர் என்ற கிராமத்திற்கு அருகே நடந்த இந்த விபத்தில் 28 பேர் வரை படுகாயம் அடைந்துள்ளனர்.

காயமடைந்து இறந்தவர்களில் பெரும்பாலானோர் ஒரே பெரிய குடும்பத்தை சேர்ந்தவர்கள் என்றும், அவர்கள் ஒரு திருமணத்திலிருந்து மினி பஸ்ஸில் திரும்பி வரும் போது இந்த விபத்து நடந்துள்ளது என்றும் அப்பகுதி போலிசார் தெரிவித்துள்ளனர்.

எகிப்தின் அரச ரயில் சேவைகள் பாதுகாப்பாக செயல்படும் விஷயத்தில் , அவைகளின் செயல்பாடு மோசமாகவே இருந்துள்ளது.

கடந்த ஜனவரி மாதம் ராணுவத்தில் புதிதாக ஆளெடுக்கப்பட்டவர்களைக் கொண்டு சென்ற ரயில் தடம் புரண்டதில் 19 குழந்தைகள் கொல்லப்பட்டனர்.

மேலும் கடந்த வருடம், ரயில் வரும் சிக்னல் காண்பிக்கும் பொறுப்பிலிருந்தவர் தூங்கிவிட்டதால், பள்ளிக்கூட பேருந்து ஒன்றின் மீது ஓடும் ரெயில் மோதி சுமார் 50 குழந்தைகள் இறந்தனர் என்பது குறிப்பிடத்தக்கது.

சிம்பு பிறந்தநாளில் வாலு ரிலீஸ்..!

simbuசிம்பு, ஹன்சிகா நடிப்பில் விஜய் சந்தர் இயக்கி வரும் படம் ‘வாலு’. இப்படம் ஆரம்பிக்கப்பட்டு ஒரு வருடம் ஆகியும் படம் முடிந்தபாடில்லை. சிம்பு இந்த படத்தில் நடிக்க ஒத்துழைப்பு தருவதில்லை என செய்திகள் பரவின. இந்நிலையில் இப்படத்தை விரைவில் வெளியிடப் போவதாக இப்படத்தின் இயக்குனர் விஜய் சந்தர் கூறியுள்ளார்.

இதுகுறித்து இயக்குனர் விஜய்சந்தர் கூறும்போது, நானும், சிம்புவும் படத்தை வெளியிட தயாராக உள்ளோம். ஆனால், தயாரிப்பாளர் தரப்பில் சில பணச்சிக்கல்கள் இருப்பதால் படத்தை வெளியிட முடியாத நிலையில் உள்ளோம்.

இந்த பிரச்சினை இன்னும் சில நாட்களில் தீர்ந்துவிடும். இன்னும் செட் போட்டு எடுக்கவேண்டிய பாடல்களும், வெளிநாடுகளில் எடுக்கப்பட வேண்டிய பாடல்கள் மட்டும் படமாக்கப்படாமல் உள்ளன. டிசம்பரில் இப்படத்தின் பாடல்களையும், பெப்ரவரி மாதம் சிம்பு பிறந்த நாளில் படத்தையும் வெளியிட திட்டமிட்டுள்ளோம்.

இவ்வாறு அவர் கூறினார்.

‘வாலு’ படத்தில் சிம்பு, ஹன்சிகாவுடன் இணைந்து சந்தானமும் நடித்துள்ளார். தமன் இசையமைத்துள்ளார். நிக் ஆர்ட்ஸ் நிறுவனம் சார்பாக எஸ்.எஸ்.சக்கரவர்த்தி தயாரிக்கிறார்.

பேசும் சக்தியை இழந்து விட்டார் மண்டேலா?

mandelaதென்னாபிரிக்காவின் முன்னாள் ஜனாதிபதி நெல்சன் மண்டேலாவினால் பேச இயலவில்லை என அவரது முன்னாள் மனைவி வின்னி மண்டேலா தெரிவித்துள்ளார்.

நுரையீரல் தொற்று காரணமாக, வீட்டிலிருந்தே சிகிச்சை பெற்று வரும் மண்டேலா பேசும் சக்தியை இழந்துள்ளார். எனினும், தொடர்ந்து சிகி்ச்சை அளித்து வரும் டாக்டர்கள், மண்டேலா விரைவில் பேசுவார் எனத் தெரிவித்துள்ளனர்.

ரஜினி, அஜித்துடன் கமலும் இணைந்தார்: அப்படியாயின் விஜய்?

kamalஜனவரி 26ம் திகதி கமலின் விஸ்வரூபம் 2 படத்தை வௌியிட முடிவு செய்யப்பட்டுள்ளது. பொங்கலுக்கு ரஜினியின் கோச்சடையான், அஜித் குமாரின் வீரம் ஆகிய படங்கள் வௌியாகின்றன.

கோச்சடையான் வௌியாவதால் பொங்கலுக்கு பிற படங்களுக்கு தியேட்டர்கள் கிடைப்பதில் சிக்கல் ஏற்பட்டுள்ளது. நிலைமை இப்படி இருக்கையில் கமலின் விஸ்வரூபம் 2 படத்தை வரும் ஜனவரி மாதம் 26ம் திகதி வௌியிடவுள்ளனர்.

கமல் படத்தை டிடிஹெச்சில் வெளியிட முடிவு செய்துள்ளார். விஸ்வரூபம் படத்தை போன்று இந்த படத்திற்கும் எதிர்ப்பு கிளம்பினால் நாட்டை விட்டு வெளியேற வேண்டி இருக்கும் என்று அவர் தெரிவித்துள்ளார் என்பது குறிப்பிடத்தக்கது.

ஜனவரி மாதம் முக்கிய நடிகர்களின் படங்களாக வௌியாவதால் தியேட்டர்கள் ஒதுக்குவதில் சிக்கல் ஏற்படும் நிலை உள்ளது.

கோச்சடையான் மட்டும் 700 திரையரங்குகளில் வௌியிடப்படும் என்று எதிர்பார்க்கப்படுகிறது. இதனால் யார் படத்திற்கும் பாதிப்பில்லாமல் படங்களை வெளியிட ஆலோசனை நடந்து வருகிறதாம்.

மாடு மேய்க்கும் ரோபோ..!

robotமாடுகளை மேய்த்து விட்டு மீண்டும் பத்திரமாக திரும்ப அழைத்து வரும் ‘ரோபோ’வை விஞ்ஞானிகள் கண்டுபிடித்துள்ளனர்.

இவை 4 சக்கரங்களால் ஆனது. இவற்றை அவுஸ்திரேலியாவை சேர்ந்த நிபுணர்கள் கண்டு பிடித்துள்ளனர்.

இவை பண்ணைகளில் இருந்து பசுமாடுகளை மேய்ச்சல் நிலத்துக்கு பத்திரமாக அழைத்து சென்று கண்காணிக்கின்றன. மாடுகள் மேய்ந்தவுடன் மாலையில் அவற்றை மீண்டும் பத்திரமாக பண்ணைக்கு அழைத்து வருகின்றன.

இதற்கான பரிசோதனை முகாம் சிட்னி பல்கலைக்கழக ஆராய்ச்சியாளர்கள் முன்னிலையில் நடந்தது. இது விவசாயிகளின் பணிச்சுமையை குறைக்கும் என நிபுணர்கள் தெரிவித்துள்ளனர்.

நடிகர் திடீர் கண்ணையா மரணம்..!

kannaiyaபிரபல நகைச்சுவை மற்றும் குணச்சித்திர நடிகர் திடீர் கண்ணையா நேற்று சென்னையில் காலமானார். அவருக்கு வயது 76.

நுரையீரல் நோய்த் தொற்று காரணமாக சில மாதங்களாக அவதிப்பட்டு வந்த “திடீர்´ கண்ணையாவுக்கு கடந்த மாதம் நுரையீரலில் சளி அதிகமானதால் உடல் நலக் குறைவு ஏற்பட்டது.

இதற்காக அவ்வப்போது மருத்துவமனையில் சிகிச்சை பெற்று வந்தார். இந்த நிலையில் ஞாயிற்றுக்கிழமை அவர் காலமானார். சென்னையைச் சேர்ந்த கண்ணையா சிறு வயதில் இருந்தே பல்வேறு நாடகக் குழுக்களில் பணியாற்றியுள்ளார்.

´அவள் ஒரு தொடர்கதை´ படத்தின் மூலம் முதன் முதலாக திரைத்துறைக்கு அறிமுகமான அவர், இதுவரை 500-க்கும் மேற்பட்ட படங்களில் குணச்சித்திர மற்றும் நகைச்சுவை வேடங்களில் நடித்துள்ளார்.

நாடகத் துறையில் இருந்தபோது அதில் வரும் திருப்புமுனை காட்சிகளில் கண்ணையா தோன்றுவதாக காட்சிகள் அமைக்கப்படுவது வழக்கமாக இருந்தது. இதனால் அவர் ´திடீர்´கண்ணையா என்றழைக்கப்பட்டார்.

ஒரு படத்தில் வடிவேலுவிடம் தனது ஆட்டைப் பறிகொடுத்துவிட்டு, பின் பஞ்சாயத்தில் அதைச் சொல்லமுடியாமல் அவர் படும்பாடு மிகப் பிரபலமான நகைச்சுவையாக இன்று வரை திகழ்கிறது.

கண்ணயாவுக்கு மனைவி, மகன் மற்றும் மகள் உள்ளனர். அயனாவரம் சக்ரவர்த்தி நகரில் உள்ள இல்லத்தில் அவரது உடல் அஞ்சலிக்காக வைக்கப்பட்டுள்ளது. இறுதிச்சடங்கு திங்கள்கிழமை (நவம்பர் 18)காலை நடைபெறுகிறது

அமெரிக்க போர் கப்பலில் மோதிய ஆளில்லா உளவு விமானம்..!

usaஅமெரிக்க கடற்படை வீரர்கள் சுமார் 300 பேர் தெற்கு கலிபோர்னியா கடற்பகுதியில் நேற்று போர் பயிற்சியில் ஈடுபட்டிருந்தனர்.

அப்போது, ´சான்சலர்வில்லி´ என்ற போர் கப்பலில் இருந்து ஆளில்லா உளவு விமானங்களை ஏவி ஒத்திகை பார்த்தனர்.

கப்பலில் இருந்து சீறி புறப்பட்ட ஒரு ஆளில்லா உளவு விமானம் இயந்திர கோளாறினால் திசை திரும்பி போர் கப்பலை தாக்கியது.

எதிர்பாராத இச்செயலினால் கடற்படையினர் அதிர்ச்சி அடைந்தனர். கப்பலில் இருந்த 2 வீரர்களுக்கு லேசான தீக்காயங்கள் மட்டுமே ஏற்பட்டதாகவும், கப்பலுக்கோ, இதர வீரர்களுக்கோ பெரும் சேதம் ஏதும் ஏற்படவில்லை எனவும் கடற்படை செய்தி தொடர்பாளர்கள் தெரிவித்துள்ளனர்.

1...4,4544,4554,456...4,739Page 4,455 of 4,739