“இருளைப்படைத்தல்” கவிதைநூல் வெளியீட்டு விழா..!

வவுனியாவைச் சேர்ந்த மருத்துவர்களும் தமிழ் மாமன்றத்தின் ஸ்தாபக உறுப்பினர்களுமான செல்வராஜா மதுரகன், பாலசிங்கம் திலீபன் ஆகியோர் இணைந்து எழுதிய முதலாவது கவிதைத்தொகுப்பான “இருளைப்படைத்தல்” தமிழ் மாமன்றத்தின் முதலாவது வெளியீடாக மலரவுள்ளது.

வரும் சனிக்கிழமை(23/11/2013) மாலை 4.30க்கு வவுனியா சுத்தானந்த இந்து இளைஞர் சங்கத்தின் மண்டபத்தில் இடம்பெறவுள்ள இந்நூல் வெளியீட்டு நிகழ்வில் உலகப்புகழ் பெற்ற பேச்சாளர் கம்பவாரிதி இ. ஜெயராஜ் அவர்கள் முதன்முறையாக வவுனியாவில் சிறப்புரை ஆற்றவுள்ளார்.

அனைவரையும் இந்நிகழ்வில் கலந்துசிறப்பிக்குமாறு நூலாசிரியர்களும் தமிழ் மாமன்றத்தினரும் அழைக்கிறார்கள்.

irulai

வவுனியா மாவட்ட 11 ஆவது சாரணர் ஒன்றுகூடலில் தொடர்ந்து இரண்டாவது தடவையாகவும் விபுலாநந்தா கல்லூரி முதலிடம்..!

வவுனியா மாவட்ட சாரணர் சங்கம் நடாத்திய சாரண மாணவர்களுக்கான 11 வது மாவட்ட ஒன்றுகூடல் 15/11/2013 காலை 9.00 மணி தொடக்கம் 17/11/2013 மாலை 4.00 மணி வரை வவுனியா தமிழ் மத்திய மகா வித்தியாலயத்தில் மாவட்ட ஆணையாளர் திரு எம் .எஸ்.பத்மநாதன் தலைமையில் நடை பெற்றது.

வவுனியா மாவட்ட சாரண பாடசாலைகள் பங்குபற்றிய மேற்படி ஒன்றுகூடலில் இவ் வருடம் 169 புள்ளிகளை பெற்று விபுலாநந்தா கல்லூரி முதலிடத்தையும் 163 புள்ளிகளை பெற்று ஓமந்தை மத்திய கல்லூரி இரண்டாம் இடத்தையும் 154 புள்ளிகளை பெற்று வவுனியா தமிழ் மகா வித்தியாலயம் மூன்றாம் இடத்தையும் பெற்று கொண்டன.

அத்துடன் சாரணர் அறிவுத்திறன் போட்டியில் முதலாம் இடத்தை வவுனியா தமிழ் மகா வித்தியாலயத்தை சேர்ந்த க.யதுகனேஷ் அவர்களும் இரண்டாம் இடத்தை விபுலாநந்தா கல்லூரியை சேர்ந்த யோ.சதுர்சிகனும் மூன்றாம் இடத்தை கூமாங்குளம் சித்தி விநாயகர் வித்தியாலயத்தை சேர்ந்த த.கிரிதரனும் பெற்று கொண்டனர்.

நடைபெற்ற மரதன் ஓட்ட போட்டியில் பங்கு பற்றி சிரேஷ்ட பிரிவில் முதலிடத்தை பூந்தோட்ட மகா வித்தியாலயத்தை சேர்ந்த எம்.தனுயனும் இரண்டாம் இடத்தை பூவரசங்குளம் மகா வித்தியாலயத்தை சேர்ந்த வி.விதுசனும் மூன்றாம் இடத்தினை நெளுக்குளம் கலைமகள் மகா வித்தியாலயத்தை சேர்ந்த ச.தனுசனும் பெற்று கொண்டனர்.

கனிஷ்ட பிரிவு மரதன் ஓட்ட போட்டியில் முதலாம் இடத்தை விபுலாநந்தா கல்லூரியை சேர்ந்த ஆர்.ரொஜீபன் அவர்களும் இரண்டாம் இடத்தினை போகஸ்வெவ மகா வித்தியாலயத்தை சேர்ந்த எல்.நளின் தினேஷ் அவர்களும் மூன்றாம் இடத்தினை ஓமந்தை மத்திய கல்லூரியை சேர்ந்த யு.லக்சனும் பெற்று கொண்டனர்.

சாரணர் கைத்திறன் போட்டியில் முதலாம் இடத்தை விபுலாநந்தா கல்லூரியும் இரண்டாம் இடத்தினை நெளுக்குளம் கலைமகள் மகா வித்தியாலயமும் ,வவுனியா தமிழ் மத்திய மகா வித்தியாலயமும் பெற்று கொண்டன .

ஆண்களுக்கான கயிறிழுத்தல் போட்டியில் முதலாம் இடத்தினை நெளுக்குளம் கலைமகள் மகா வித்தியாலயமும் இரண்டாம் இடத்தினை ஓமந்தை மத்திய கல்லூரியும் மூன்றாம் இடத்தினை பூந்தோட்டம் மகா வித்தியாலயமும் பெற்று கொண்டன.

பெண்களுக்கான கயிறிழுத்தல் போட்டியில் முதலாம் இடத்தினை ஓமந்தை மத்திய கல்லூரியும் இரண்டாம் இடத்தினை மாதர் பணிக்கர் மகிழங்குள உயர்தர கனிஷ்ட வித்தியாலயமும் மூன்றாம் இடத்தினை போகஸ்வெவ மகா வித்தியாலயமும் பெற்று கொண்டன.

இவ் போட்டிகளுக்கான வெற்றி கிண்ணங்களை கோவில்குளம் இளைஞர் கழகத்தின் பின்லாந்து கிளையினர் அன்பளிப்பாக வழங்கிவைத்தனர்.

2 3 4 8 5 6 7

பிரசவத்தை எளிதாக்கும் நவீன கருவி கண்டுபிடிப்பு..!

pragஅர்ஜென்டினாவை சேர்ந்த கார் மெக்கானிக் ஜோர்ஜ் ஓ டன். இவர் பிரசவத்தை எளிதாக்கும் நவீன கருவியை கண்டுபிடித்துள்ளார்.

இந்த கருவிக்கு உலக சுகாதார நிறுவனம் விருது வழங்கியுள்ளது. இவர் நண்பர்களுடன் விருந்து சாப்பிட்ட போது ஒயின் பாட்டிலின் உள்ளே கார்க் போய்விட்டது.

ஆனால் பந்தயத்திற்காக ஜோர்ஜ் பாட்டிலின் உள்ளே பிளாஸ்டிக் பையை நுழைத்தபின் ஊதிப் பெரிதாக்கியதில் கார்க் பிளாஸ்டிக் பைக்குள் மாட்டிக் கொண்டு, இழுத்ததும் அழகாக வெளியில் வந்துவிட்டது. அன்று இரவு தூக்கத்திலிருந்து திடுமென விழித்த ஜோர்ஜ் தனது மனைவியிடம் சம்பவத்தை விவரித்த பின் குழந்தையை இந்த பிளாஸ்டிக் பை முறையில் வெளியில் எடுப்பது எளிதான பிரசவ முறையாக இருக்கும் என்று கூறினார்.

அடுத்தநாள் காலையில் ஜோர்ஜ், அவரது நண்பருடன் ஒரு மகப்பேறு மருத்துவரை சந்தித்து புதிய கருவியை பற்றி கூறினார். அந்த மருத்துவர் ஜோர்ஜின் புதிய கருவி செயல்பாட்டை தனது மருத்துவமனையில் சோதனை செய்துபார்க்க உதவினார்.

இதையடுத்து அந்த மருத்துவர் யூடியூப் இணையதளத்தில் சோதனையை வெளியிட்டு பின் ஜோர்ஜை 2008ம் ஆண்டு உலக சுகாதார நிறுவனத்தின் மகப்பேறு துறையின் தலைவர் டாக்டர் மரியோ மரியால்டி யை சந்தித்து பேசவைத்தார்.

காப்பி குடிக்கும் நேரத்தில் 10 நமிடங்கள் தன்னை சந்திக்க அனுமதி அளித்த டாக்டர் மரியோ கண்டுபிடிப்பை பார்த்து 2 மணிநேரம் ஜோர்ஜ் உடன் பேசினார். இதுகுறித்து டாக்டர் மரியோ கூறியதாவது:

மகப்பேறு காலங்களில் பெண்கள் பல சிக்கல்களை சந்திக்கின்றனர். அவற்றில் ஒன்று பிரசவ நேரத்தில் குழந்தை கருப்பைக்குள் சிக்கிக்கொள்வது. இதனால் குழந்தை அறுவை சிகிச்சை மூலமாக வெளியில் எடுக்கப்படுகிறது. இந்த சிக்கலான நேரத்தில் மருத்துவர் என்ன பிரச்னை, அதை எப்படி சரிசெய்வது என்று சரியாக முடிவெடுக்கவில்லை என்றால் தாயும் சேயும் இறப்பதற்கு அதிக வாய்ப்புகள் உள்ளது.

சிக்கலான பிரசவ நேரத்தில் உபயோகப்படுத்தும் வகையில் எளிய கருவி இருந்தால் மருத்துவர்கள் பிரசவங்களை எளிதாகவும் சீக்கிரமாகவும் செய்யமுடியும். ஓடன் கருவி என்று பெயரிடப்பட்ட இந்த கருவி அர்ஜென்டினாவை சேர்ந்த ஜோர்ஜ் ஓ‘டன் என்ற 59 வயது கார் மெக்கானிக் கண்டுபிடித்தது.

இதன்மூலம் எளிதாக பிரசவம் நடக்க கர்ப்பிணி பெண்களுக்கு மருத்துவர்கள் உதவ முடியும். இதில் கையால் பிடிக்கும் வகையில் உள்ள ஒரு பிளாஸ்டிக் பை உள்ளது. உராய்வை குறைக்க லூப்ரிகன்ட் செலுத்தப்பட்ட இந்த பை காற்று நிரப்பும் வகையில் உள்ளது. இதன்மூலம் சிக்கலான பிரசவத்தில் குழந்தை வெளிவராத போது குழந்தையின் தலையை சுற்றி இந்த பிளாஸ்டிக் பையை வைத்து காற்றால் நிரப்பவேண்டும்.

இதனால் தலையை சுற்றி பிளாஸ்டிக் பை கெட்டியாக பிடித்துக்கொள்ளும், பின்னர் மெதுவாக வெளியில் இழுத்தால் குழந்தை பத்திரமாக பிரசவிக்கப்படும்.

இதன்மூலம் மிக சிக்கலான பிரசவங்கள் கூட எளிதாக நடைபெறுகிறது. இந்த கருவியை உலக சுகாதார நிறுவனம் அர்ஜென்டினா கர்ப்பிணி பெண்களிடம் சோதித்துப் பார்த்ததில், சுகமான பிரசவம் நடந்துள்ளது. இதனால் சிசேரியன் அறுவை சிகிச்சைகள் குறையும்.

இந்த முறையை இந்தியா சீனா மற்றும் தெற்கு ஆப்பிரிக்காவில் பயன்படுத்த உள்ளோம். இதன்மூலம் பிரசவ நேரத்தில் ஏற்படும் சிக்கல்களினால் இறக்கும் குழந்தைகள் மற்றும் பெண்களை காப்பாற்ற முடியும். ஒரு ஆண்டில் பிரசவ நேர சிக்கல்களினால் பிறக்கும் குழந்தைகளில் 56 லட்சம் குழந்தைகள், 2,60,000 பெண்கள் இறக்கிறார்கள்.

இதைத் தயாரிக்க 50 டாலர்கள் ஆகிறது. இந்த கருவியை கனடாவை சேர்ந்த கிரான்ட் சேலஞ்சஸ் ஆராய்ச்சி நிறுவனம் மற்றும் பென்டன் டிக்கின்சன் கம்பெனியுடன் சேர்ந்து தயாரிக்க உள்ளது. ஏழை நாடுகளில் இந்த கருவி அதிக அளவில் பயனுள்ளதாக இருக்கும்.இவ்வாறு அவர் கூறினார்.

பாண்டிய நாடு பார்த்து அசந்த விஜய்..!

vijayபாண்டிய நாடு படத்தை பாராட்டியதுடன் நல்ல கதை இருந்தால் உங்கள் படத்தில் நடிக்கிறேன் என்று இயக்குனர் சுசீந்திரனிடம் தெரிவித்துள்ளாராம் விஜய்.

சுசீந்திரன் இயக்கத்தில் விஷால் தயாரித்து நடித்த படம் பாண்டிய நாடு. தீபாவளிக்கு ரிலீஸான பாண்டிய நாடு தரத்தில் நன்றாக உள்ளது என்று பெயர் எடுத்துள்ளது.

மேலும் படத்தின் சாட்டிலைட் உரிமத்தை ராஜ் டிவி பெரிய தொகை கொடுத்து விஷாலிடம் இருந்து வாங்கியுள்ளது.

இந்தப் படத்தினை பார்த்த விஜய் வெகுவாக பாராட்டியதோடு மட்டுமல்லாமல் இயக்குனர் சுசீந்திரனிடம் தனக்கு ஒரு கதை தயார் செய்யும்படி கூறியுள்ளாராம்.

விஜய் பாராட்டியவுடன் உடனே கிளம்பி வந்து இளையதளபதியை நேரில் சந்தித்து பேசியுள்ளாராம் சுசீந்திரன்.

பொலிஸ் உத்தியோகத்தரின் மனைவியை வல்லுறவு புரிந்த நபருக்கு 22 வருட கடூழிய சிறை..!

arrestபொலிஸ் உத்தியோகத்தரின் மனைவியை பலாத்காரமாக பாலியல் வல்லுறவுக்கு உட்படுத்திய சம்பவம் தொடர்பில் குற்றவாளியாக நிரூபிக்கப்பட்டுள்ள நபருக்கு அநுராதபுரம் மேல் நீதிமன்றம் 22 வருட கடூழிய கால சிறை தண்டனை விதித்து தீர்ப்பளித்துள்ளது.

குறித்த வழக்கு நேற்று விசாரணைக்கு எடுத்துக் கொள்ளப்பட்டபோது அநுராதபுரம் மேல் நீதிமன்ற நீதிபதி தம்மிக்க கலேபொல குற்றவாளிக்கு 22 வருட கால கடூழிய சிறை தண்டனை விதித்து தீர்ப்பளித்துள்ளார்.

அத்துடன், 3000 ரூபா அபராதம் விதிக்கப்பட்டுள்ளது. அதனை செலுத்த மறுத்தால் மேலும் மூன்று மாத கால சிறை தண்டனை அனுபவிக்க வேண்டி வரும் என நீதிபதி அறிவித்துள்ளார்.

2010 ஏப்ரல் 17ம் திகதி அல்லது அதனை அண்டிய தினத்தில் இந்த சம்பவம் இடம்பெற்றுள்ளதாக தெரிவிக்கப்படுகிறது.

சந்தேகநபருக்கு எதிராக சட்ட மா அதிபர் குற்றப்பத்திரிகை தாக்கல் செய்திருந்தார்.

அநுராதபுரம் வன்னியக்குளம் பகுதியைச் சேர்ந்த 32 வயது நபரே இவ்வாறு சிறை தண்டனைக்கு உட்படுத்தப்பட்டுள்ளார்.

மதத் தலைவர்கள், மக்கள் மீதான தாக்குதலுக்கு செல்வம் எம்.பி. கண்டனம்..!

adaikalaயாழ்ப்பாணத்தில் இடம் பெற்ற கவனயீர்ப்பு போராட்டத்தின் போது அதில் கலந்து கொண்ட மக்கள் மீதும் கத்தோழிக்க அருட்தந்தையர்கள் மீதும் படைத்தரப்பினர் மேற்கொண்ட கண்மூடித்தனமான தாக்குதல் சம்பவத்தை தாம் வன்மையாக கண்டிப்பதாக தமிழ் தேசியக் கூட்டமைப்பின் வன்னி மாவட்ட பாராளுமன்ற உறுப்பினரும், டெலோ இயக்கத்தின் தலைவருமான செல்வம் அடைக்கலநாதன் தெரிவித்தார்.

இது தொடர்பாக அவர் இன்று வெளியிட்டுள்ள அறிக்கையில் மேலும் குறிப்பிடுகையில்,

காணாமல் போனவர்களது உறவுகள் தமது உறவுகளை மீட்டுத்தருமாறு கோரி கடந்த வெள்ளிக்கிழமை யாழ்ப்பாணத்தில் கவனயீர்ப்பு போராட்டத்தை முன்னெடுத்திருந்தனர்.

யாழ்ப்பாணத்திற்கு வருகை தந்த பிரிட்டிஸ் பிரதமரிடம் தமது கோரிக்கைகளை முன் வைக்கும் முகமாக குறித்த போராட்டம் இடம் பெற்றிருந்தது.

அந்த மக்களுக்கு ஆதரவாக கத்தோழிக்க அருட்தந்தையர்களும் கலந்து கொண்டிருந்தனர்.

இந்த நிலையில் அங்கு கூடியிருந்த மக்கள் மீதும் அருட்தந்தையர்கள் மீதும் பொலிஸார் கண்மூடித்தனமான தாக்குதல்களை மேற்கொண்டுள்ளனர். இதனை தமிழ் தேசியக் கூட்டமைப்பு வன்மையாக கண்டிக்கின்றது.

உயர் அதிகாரிகளின் பணிப்புரைக்கு அமைவாகவே கத்தோழிக்க அருட்தந்தையர்கள் மீதும், மக்கள் மீதும் பொலிஸார் தாக்குதல்களை மேற்கொண்டுள்ளதாக தெரிய வருகின்றது.

இன்றைய சூழ்நிலையில் எமது மக்களுக்கு ஒரு பக்க பலமாக கத்தோழிக்க அருட்தந்தையர்கள் செயற்பட்டு வருகின்ற நிலையில் இந்த தாக்குதல் சம்பவங்கள் திட்டமிட்டு மேற்கொள்ளப்பட்டுள்ளதை நாம் அறிகின்றோம்.

எனவே மதத்தலைவர்கள் மீது மேற்கொள்ளப்படும் தாக்;குதல் சம்பவங்களை தடுக்க உரிய தரப்பினர் நடவடிக்கைகளை மேற்கொள்ள வேண்டும்.

இந்த சம்பவங்களுக்கு எதிராக சர்வதேச சமூகம் உரிய நடவடிக்கைகளை மேற்கொள்ள வேண்டும் என குறித்த அறிக்கையில் மேலும் குறிப்பிடப்பட்டுள்ளது.

2014ஆம் ஆண்டுக்களான ஐ.பி.எல். இலங்கையில் நடத்தப்படுமா?

iplஇந்திய கிரிக்கெட் வாரியம் சார்பில் 2008-ம் ஆண்டு முதல் ஐ.பி.எல். 20 ஓவர் கிரிக்கெட் போட்டி நடத்தப்பட்டு வருகிறது.

ஆண்டுதோறும் இந்த போட்டி ஏப்ரல் மற்றும் மே மாதத்தில் இந்தியாவில் நடப்பது வழக்கம்.

அடுத்த ஆண்டுக்கான (2014) 7-வது ஐ.பி.எல். 20 ஓவர் கிரிக்கெட் போட்டியை நடத்தும் இடங்கள் குறித்து ஆலோசனை செய்ய ஐ.பி.எல். நிர்வாக குழு கூட்டம் இந்திய கிரிக்கெட் வாரிய துணைத்தலைவர் ரஞ்சிப் பிஸ்வால் தலைமையில் மும்பையில் நடந்தது.

புனே வாரியர்ஸ் அணி சமீபத்தில் நீக்கப்பட்டதால் அடுத்த ஆண்டு போட்டியில் 8 அணிகள் மோதும் என்று தெரிகிறது.

இந்த போட்டியில் மாலை நேரத்தில் நடைபெறும் ஆட்டங்களை குறைக்கலாம் என்று போட்டி அமைப்பாளர்கள் முடிவு செய்துள்ளனர்.

இரவில் நடந்தால் அதிக ரசிகர்களை ஈர்க்க முடியும் என்பதாலும், கோடைக்காலத்தில் மாலை நேரத்தில் வீரர்கள் விளையாடுவதற்கு சிரமமாக இருக்கும் என்பதாலும் இந்த முடிவு எடுக்கப்பட்டதாக கூறப்படுகிறது.

அடுத்த ஆண்டு ஐ.பி.எல். போட்டி நடைபெறும் காலத்தில் இந்திய பாராளுமன்ற தேர்தல் நடைபெறலாம் என்று தெரிகிறது.

இதனால் பாதுகாப்பு கொடுப்பதில் பிரச்சினை ஏற்பட வாய்ப்பு இருக்கிறது.

எனவே போட்டியை வேறு நாட்டுக்கு மாற்றலாமா? என்பது குறித்தும் ஐ.பி.எல்.நிர்வாக குழுவினர் விவாதித்தனர்.

இந்த விஷயத்தில் தேர்தல் திகதி அறிவிப்பு வெளியான பிறகே இறுதி முடிவு செய்யப்படும்.

பாராளுமன்ற தேர்தல் ஏப்ரல் அல்லது மே மாதத்தில் நடத்தப்பட்டால் ஐ.பி.எல். போட்டி 2009-ம் ஆண்டை போல் தென் ஆப்பிரிக்காவுக்கு மாற்றப்பட அதிக வாய்ப்பு இருப்பதாக கிரிக்கெட் வாரிய வட்டாரங்கள் தெரிவித்துள்ளன.

இலங்கை அல்லது மலேசியாவில் நடத்தவும் நடவடிக்கை எடுக்கப்படலாம் என்று தகவல்கள் வெளியாகி இருக்கின்றன.

சவுதியில் தங்கியிருக்கும் 1500 பேரை உடனடியாக அழைத்துவர நடவடிக்கை..!

saudiபொது மன்னிப்புக் காலம் முடிவடைந்த நிலையில் சவுதி அரேபியாவில் சட்டவிரோதமாக தங்கியிருக்கும் இலங்கை பணியாளர்களை உடனடியாக நாட்டிற்கு அழைத்து வருவதற்கான நடவடிக்கைகளை மேற்கொண்டுள்ளதாக வெளிநாட்டு வேலை வாய்ப்பு பணியகம் தெரிவித்துள்ளது.

சட்டவிரோதமான முறையில் சவுதி அரேபியாவில் தங்கியிருக்கும் வெளிநாட்டு பணியாளர்கள் அந்நாட்டை விட்டு வெளியேறுவதற்காக கடந்த 3ஆம் திகதி வரை பொது மன்னிப்புக் காலம் அறிவிக்கப்பட்டிருந்தது.

அந்த காலப்பகுதிக்குள் சவுதியை விட்டு வெளியேறாது தொடர்ந்தும் சட்டவிரோதமாக அங்கு தங்கியிருப்பவர்களை கைது செய்து சிறைத்தண்டனை வழங்க அந்நாட்டு அரசு முடிவு செய்துள்ளது.

எவ்வாறாயினும் குறித்த பொது மன்னிப்புக் காலப்பகுதிக்குள் 1500 இலங்கை பிரஜைகள் நாடு திரும்பவில்லை என வெளிநாட்டு வேலை வாய்ப்பு பணியகம் குறிப்பிட்டுள்ளது.

இவர்கள் சவுதி அரேபியாவிலுள்ள இலங்கைத் தூதுவராலயத்தின் கீழ் தங்கியிருப்பதாகவும் அவர்களை மீண்டும் இலங்கை அழைத்துவர தேவையான நடவடிக்கைகளை மேற்கொண்டுள்ளதாகவும் வௌிநாட்டு வேலை வாய்ப்பு பணியகம் மேலும் தெரிவித்துள்ளது.

கயானாவில் 900 பேர் கூட்டாக தற்கொலை!!(வீடியோ)

1978ம் ஆண்டு நவம்பர் 18ம் திகதி கயானாவில் மதநிலையமொன்றின் அறிவுறுத்தல் காரணமாக 270 சிறார்கள் உட்பட 900 பேர் கூட்டாக தற்கொலை செய்து கொண்டனர்.

 

லண்டன் தேம்ஸ் நதியில் மிதக்கும் விமான நிலையம்!!

riverலண்டனின் தேம்ஸ் நதியில் 4.7 லட்சம் கோடியில் மிதக்கும் விமான நிலையத்தை அமைக்க பிரிட்டன் திட்டமிட்டுள்ளது.

பரபரப்பான உலகில் போக்குவரத்துக்கு விமானத்தை பயன்படுத்தும் மக்களின் எண்ணிக்கை கடந்த 10 ஆண்டுகளில் ஏறக்குறைய இரு மடங்காக அதிகரித்துள்ளது. இங்கிலாந்தை பொருத்தவரையில் கடந்த 2002ம் ஆண்டில் 7.23 கோடி பேர் விமானத்தில் பயணம் செய்துள்ளனர். ஆனால் கடந்த ஆண்டில் மட்டும் 11.5 கோடி பேர் விமானத்தை பயன்படுத்தியுள்ளனர். இது 60 சதவீதத்துக்கும் அதிகமாகும்.

இது அடுத்த 15 ஆண்டுகளில் மிகவும் அதிகரிக்கும் என்று இங்கிலாந்து போக்குவரத்துத் துறை கணக்கிட்டுள்ளது.பிஸியான விமான நிலையங்களில் லண்டனின் ஹீத்ரு விமான நிலையம் உலகிலேயே 4வது இடத்தை பிடிக்கிறது.

வருகிற 2030ம் ஆண்டில் விமானத்தை பயன்படுத்தும் மக்களின் எண்ணிக்கைக்கு ஏற்ப விமான நிலையங்களை விரிவுபடுத்துவது குறித்து இங்கிலாந்து போக்குவரத்துத் துறை ஆலோசித்து வருகிறது. ஹீத்ரு விமான நிலையத்தில் 3வது ஓடுதளத்தை ஏற்படுத்துவதற்கே ஏராளமான கிராமங்களை முற்றிலும் அழிக்க வேண்டும் என்ற நிலை ஏற்பட்டுள்ளது. எனவே மாற்று ஏற்பாடுகள் குறித்து அதிகாரிகள் ஆலோசித்து வருகின்றனர்.

இதன் ஒரு பகுதியாக புகழ்பெற்ற தேம்ஸ் நதியில் மிதக்கும் விமான நிலையத்தை அமைப்பது குறித்து தேம்ஸ் நதி ஆராய்ச்சி மற்றும் மேம்பாட்டு நிறுவனம் போக்குவரத்துத் துறைக்கு அறிக்கை அளித்துள்ளது. இதற்காக மாதிரி விமான நிலையத்தை அந்த நிறுவனம் உருவாக்கியுள்ளது.

எதிர்கால தேவையை கருத்தில் கொண்டு படிப்படியாக விமான நிலையத்தை விரிவுபடுத்துவதற்கும் தேவையான ஆலோசனைகளை அந்த நிறுவனம் தனது அறிக்கையில் கூறியுள்ளது.பிரிட்டானியா என்று பெயரிடப்பட்டுள்ள இந்த விமான நிலையத்தை உருவாக்க 4.7 லட்சம் கோடி செலவாகும் என்று மதிப்பிடப்பட்டுள்ளது.

லண்டனுக்கு கிழக்கே 75 கிலோ மீட்டர் தொலைவில் அமைய உள்ள இந்த புதிய விமான நிலையத்தின் மூலம் 2 லட்சம் பேருக்கு புதிதாக வேலைவாய்ப்பு கிடைக்கும் என்று எதிர்பார்க்கப்படுகிறது.

சுதந்திரமான போர் குற்ற விசாரணைக்கு வலியுறுத்தினேன் : டேவிட் கெமரூன்!!

camaronயுத்தக் குற்றம் குறித்து உண்மையான, வெளிப்படையான, சுதந்திர விசாரணை நடத்தப்பட வேண்டும் என இலங்கை ஜனாதிபதி மஹிந்த ராஜபக்ஷவிடம் வலியுறுத்தியதாக பிரித்தானிய பிரதமர் டேவிட் கெமரூன் தெரிவித்துள்ளார்.

இலங்கை விஜயம் குறித்து பிரித்தானிய பிரதமர் டேவிட் கெமரூன் பிரித்தானிய பாராளுமன்றில் நேற்று ஆற்றிய உரையிலேயே இவ்வாறு தெரிவித்துள்ளார்.

பிரித்தானிய பிரதமர் பொதுநலவாய மாநாட்டில் கலந்து கொண்டமைக்கு பிரித்தானிய தொழில் கட்சி எதிர்ப்பு வெளியிட்டுள்ளது. நேற்று பிரித்தானிய பாராளுமன்றில் பிரதமர் டேவிட் கெமரூன் உரை நிகழ்த்துவதற்கு முன்பு இந்த எதிர்ப்பு வெளியிடப்பட்டது.

மாநாட்டை புறக்கணிக்க கனடா, இந்தியா முடிவு செய்த போதும் கெமரூன் அதனை செய்யவில்லை என குற்றம் சுமத்தப்பட்டது.
இலங்கையில் இடம்பெற்றதாகக் கூறப்படும் மனித உரிமை மீறல் குறித்து ஆராயவே அங்கு சென்றதாக டேவிட் கெமரூன் பதிலளித்துள்ளார்.

4000 மையல் தூரத்தில் இருந்து அதனை செய்ய முடியாது எனவும் 1948 இலங்கை சுதந்திரம் பெற்ற பின் வட பகுதிக்குச் சென்ற முதல் பிரித்தானிய பிரதமர் தான் எனவும் அவர் குறிப்பிட்டார்.

தமிழ் தலைவர்கள் மற்றும் ஊடகவியலாளர்களுடன் சந்திப்பு நடத்தியதாக அவர் கூறியுள்ளார். தன்னால் முன்வைக்கப்பட்ட போர் குற்ற விசாரணை கோரிக்கையை இலங்கை ஜனாதிபதி நிராகரித்துள்ளதாக பிரித்தானிய பிரதமர் தெரிவித்துள்ளார்.

கோரிக்கையை நிராகரித்தால் எதிர்வரும் மார்ச் மாதம் இடம்பெறவுள்ள மனித உரிமை கவுன்ஸில் கூட்டத்தில் இலங்கைக்கு எதிராக போர் குற்ற விசாரணை கோரிக்கைக்கு ஆதரவு அளிக்கப்படும் என டேவிட் கெமரூன் தெரிவித்துள்ளார்.

உண்ணாவிரதம் மேற்கொண்ட இலங்கை அகதி வைத்தியசாலையில் அனுமதி!!

hospitalசெங்கல்பட்டு சிறப்பு முகாமில் 4வது நாளாக உண்ணாவிரதம் மேற்கொண்ட ஈழத்தமிழ் அகதி வைத்தியசாலையில் அனுமதிக்கப்பட்டுள்ளார்.

ஈழத்தமிழ் அகதிகளுள் ஒருவரான அருள்ராஜ் (51) தன்னை முகாமில் இருந்து விடுவித்து தனது குடும்பத்தினருடன் சேர்த்து வைக்கக் கோரி 2வது முறையாக உண்ணாவிரதம் மேற்கொண்டார்.

ஏற்கனவே உண்ணாவிரதம் மேற்கொண்ட இவருடன் பேச்சுவார்த்தை நடத்திய அதிகாரிகள் ஒரு மாதத்தில் நடவடிக்கை எடுப்பதாக கூறியுள்ளனர்.

ஆனால் ஒரு மாதமாகியும் நடவடிக்கை மேற்கொள்ளாததால் மீண்டும் 2வது முறையாக உண்ணாவிரதம் மேற்கொண்ட இவர், நேற்று உடல்நிலை பாதிக்கப்பட்டதை அடுத்து சிகிச்சைக்காக செங்கல்பட்டு அரசு வைத்தியசாலையில் அனுமதிக்கப்பட்டுள்ளார்.

மீன் பிரியாணி செய்வது எப்படி!!

fish biriyani

பிரியாணி வகைகள் எல்லோரும் விரும்பி சாப்பிடக்கூடியது. மீன் மனித உடலுக்கு அவசியமான ஒமேகா3 போன்ற அத்தியாவசிய சத்துக்கள் நிறைந்தது. அத்துடன் மீன் பிரியாணி சமைக்க எளிதானது.

தேவையான பொருட்கள்
மீன் – 1/4 கிலோ
அரிசி – 2 சுண்டு
வெங்காயம் – 150 கிராம்
தக்காளி – 150 கிராம்
பச்சை மிளகாய் – 2
இஞ்சி, பூண்டு விழுது – 2 தேக்கரண்டி.
புதினா, கொத்தமல்லி இலை – 1/4 கட்டு
மிளகாய்த்தூள் – 1 தேக்கரண்டி
தனியாத்தூள் – 1 தேக்கரண்டி
மஞ்சள்தூள் – 1/4 தேக்கரண்டி
தயிர் – 1 கப்
உப்பு – தேவையான அளவு
எண்ணை – 1/2 கரண்டி

செய்முறை

* மீனை சுத்தம் செய்து துண்டுகளாக்கவும்.
* வெங்காயம், தக்காளியை சிறிதாக நறுக்கவும். மிளகாயைக் கீறிக் கொள்ளவும்.
* ஒரு அகலமான பாத்திரம் அல்லது குக்கரில் எண்ணை ஊற்றி காய்ந்ததும் கறுவாபட்டை, லவங்கம் சேர்த்துத் தாளிக்கவும்.
* வெங்காயம், இஞ்சி, பூண்டு விழுது, தக்காளி, புதினா, கொத்தமல்லி இலை இவற்றை ஒன்றன் பின் ஒன்றாகச் சேர்த்து வதக்கவும்.
* தயிர் மற்றும் போதுமான அளவு உப்பு சேர்த்து மீனை வதக்கவும். தொடர்ந்து மிளகாய்த்தூள், தனியாத்தூள், மஞ்சள் தூள் சேர்க்கவும்.
* பாஸ்மதி அரிசி ஒன்றரை பங்கும், சாதாரண அரிசி 2 பங்கும் சேர்த்து வேக வைக்கவும். பாத்திரத்தில் ஆவி போகாமல் மூடிவைத்து சிறிது நேரத்தில் இறக்கவும்.
* குக்கரில் ஒரு விசில் வந்ததும், குறைந்த நெருப்பில் வைத்திருந்து அடுப்பை அணைத்து விடவும்.
சுவையான மீன் பிரியாணி மணமணக்க தயார்.

6 ஆண்டுகளாக பெற்றோருடன் பெண்ணை சிறைபிடித்து வைத்தாரா ராகுல்?

rahul2007ம் ஆண்டு முதல் ஒரு பெண் மற்றும் அவரது பெற்றோரை காங்கிரஸ் பொதுச் செயலர் ராகுல் காந்தி பிடித்து வைத்திருந்தார் என்று அலகாபாத் நீதிமன்றத்தில் மனு செய்யப்பட்டது பரபரப்பாகியுள்ளது.

இதனையடுத்து அலகாபாத் நீதிமன்றத்தின் லக்னோ கிளை விளக்கம் நீதிமன்றம் ராகுல் காந்திக்கு நோட்டீஸ் அனுப்பியுள்ளது.

சுகன்யா தேவி, இவரது தந்தை பல்ராம் சிங், தாயார் சுமித்ரா தேவி ஆகியோர் சார்பாக சமாஜ்வாடி கட்சி முன்னாள் எம்.எல்.ஏ கிஷோர் சமிர்த் என்பவர் மனு செய்திருந்தார்.

ஜனவரி 4, 2007 முதல் ராகுல் காந்தி இவர்களை சட்டவிரோதமாக பிடித்து வைத்திருந்ததாக அந்த மனுவில் கூறப்பட்டுள்ளது.

மேலும் அந்தப் பெண்ணையும் அவரது பெற்றோரையும் நீதிமன்றத்தின் முன் கொண்டுவரவும் அவர்களை விடுவிக்கவும் வழிவகைகளைச் செய்யுமாறு அறிவுறுத்தியுள்ளது.

பணம் வாங்கி விளையாடிய சச்சினுக்கு பாரத ரத்னா விருதா?

sachinபணம் பெற்றுக் கொண்டு கிரிக்கெட் விளையாடிய சச்சினுக்கு எதற்காக பாரத ரத்னா விருது வழங்க வேண்டும் என கேள்வி எழுப்பியுள்ளார் ஐக்கிய ஜனதாதள தலைவர் சிவானந்த் திவாரி.

நேற்று முன் தினம் தனது கடைசிப் போட்டியை ஆடினார் பிரபல கிரிக்கெட் ஜம்பவான் சச்சின். அதனைத் தொடர்ந்து முன்பு அளித்த வாக்குறுதியின் படியே, சச்சினுக்கு பாரத ரத்னா விருது வழக்க இருப்பதாக அறிவித்தது இந்திய மத்திய அரசு.

ஆனால் அதனை எதிர்த்துக் குரல் கொடுத்துள்ளார் ஐக்கிய ஜனதா தள தலைவர் சிவானந்த் திவாரி. இது குறித்து மேலும் அவர் தெரிவித்திருப்பதாவது..

கிரிக்கெட் விளையாடி பல கோடி சம்பாதித்தவர் சச்சின். இவர் காசு வாங்கிக் கொண்டுதான் இத்தனை காலம் விளையாடினார். அவருக்குப் போய் பாரத ரத்னா விருது என்பது நகைப்புக்குரியதாக இருக்கிறது.

இவரை விட தகுதியான மிகச் சிறந்தவர்கள் இந்த விருதுக்கும், கெளரவத்திற்கும் தகுதியான பலர் உள்ளனர். பாரத ரத்னா விருதே கேலிக்குரியதாக மாறி விட்டது. இதை ஒழிக்க வேண்டும். அதற்கு இப்போது முக்கியத்துவம் இல்லாமல் போய் விட்டது.

ஓசியில் விளையாடவில்லை சச்சின். பல கோடி பணத்தை விளையாடி சம்பாதித்தவர் அவர் என அவர் கூறியுள்ளார்.

மனித உரிமைகளை பாதுகாக்க இலங்கை நடவடிக்கை எடுக்க வேண்டும் : சீனா!!

chinaஇலங்கை மனித உரிமைகளை பாதுகாக்கவும் அதனை ஊக்குவிக்கவும் நடவடிக்கை எடுக்க வேண்டும் என சீன அரசாங்கம் தெரிவித்துள்ளது.

பீஜிங்கில் நேற்று நடைபெற்ற செய்தியாளர் சந்திப்பொன்றில் ஊடகவியலாளர் ஒருவர் எழுப்பிய கேள்விக்கு பதிலளித்தபோதே சீன வெளிவிவகார அமைச்சின் செயலாளர் ஹிக்வின் யேன் இதனை கூறினார்.

இலங்கையில் நடைபெற்ற பொதுநலவாய நாடுகளின் மாநாடு நிறைவடைந்தமை, மனித உரிமை மீறப்பட்டுள்ளதாக இலங்கை மீது சுமத்தப்பட்டுள்ள குற்றச்சாட்டு, இந்த குற்றச்சாட்டுக்கள் தொடர்பில் பிரித்தானிய பிரதமர் டேவிட் கமரூன் வெளியிட்டிருந்த கருத்துக்கள் தொடர்பில் இதன் போது கேள்விகள் எழுப்பட்டதாக தெரியவருகிறது.

சமூக மற்றும் பொருளாதார அபிவிருத்திகளின் வேறுபாடுகளுக்கு அமையவாக மனித உரிமை பாதுகாப்பு தொடர்பில் மாற்றங்கள் இருக்கலாம்.

எனினும் மனித உரிமைகளை பாதுகாத்து அவற்றை ஊக்குவிக்க அந்த நாடுகள் நடவடிக்கை எடுக்க வேண்டும். இதற்கு ஏனைய நாடுகள் பயனுள்ள வகையில் உதவிகளை வழங்க வேண்டும்.

இலங்கையின் மனித உரிமை பிரச்சினையானது இந்த சந்தர்ப்பத்தில் பொதுநலவாய மாநாட்டில் பேசப்பட்ட விடயமாக இருந்தாலும் மனித உரிமைகள் தொடர்பான வாத விவாதங்களும், தொடர்பாடல்களும் நாடுகளுக்கு இடையில் இருக்க வேண்டும் என அவர் மேலும் குறிப்பிட்டுள்ளார்.

1...4,4524,4534,454...4,739Page 4,453 of 4,739