கிரிக்கெட் வீரர் விராத் கோலியும் தமன்னாவும் காதலிப்பதாக கிசுகிசு பரவியுள்ளது. தமன்னா தமிழ், தெலுங்கில் முன்னணி நடிகையாக உள்ளார். ஹிம்மத்வாலா படம் மூலம் இந்திக்கும் போனார்.

தற்போது தமிழில் வீரம் படத்தில் அஜித் ஜோடியாக நடிக்கிறார். இட்ஸ் என்டர்டெய்ன்மென்ட் என்ற இந்தி படத்திலும் ஏகடு என்ற தெலுங்கு படத்திலும் நடித்துக் கொண்டு இருக்கிறார்.

தமன்னாவும் விராத் கோலியும் விளம்பர படமொன்றில் சேர்ந்து நடித்தார்கள். அப்போது இருவருக்கும் நெருக்கம் எற்பட்டது. அடிக்கடி சந்தித்து நட்போடு பழகி வந்தனர். தற்போது அது காதலாக மலர்ந்துள்ளதாக தெலுங்கு பட உலகில் செய்தி பரவி உள்ளது.

விராத் கோலி ஏற்கனவே பல பெண்களுடன் இணைத்து பேசப்பட்டவர். இப்போது தமன்னா வலையில் சிக்கியுள்ளதாக கூறப்படுகிறது. இதுகுறித்து தமன்னாவிடம் கேட்டபோது, காதலை அவர் உறுதிபடுத்தவில்லை.

தனுஷ், நஸ்ரியா ஜோடியாக நடித்து சமீபத்தில் ரிலீசான நய்யாண்டி படத்தை எதிர்த்து மலையாள தயாரிப்பாளர் மணி சி.கப்பன் வழக்கு தொடர்ந்துள்ளார்.

இந்த படம் ஏற்கனவே சர்ச்சையில் சிக்கி தவித்தது. படத்தின் இயக்குனர் சற்குணம் தனக்கு பதில் டூப் நடிகையை வைத்து கவர்ச்சி காட்சிகளை படமாக்கியுள்ளதாக நஸ்ரியா குற்றம் சாட்டினார். போலீஸ் கமிஷனரிடமும் புகார் அளித்தார். இதனால் படம் வெளியாகுவதில் இழுபறி ஏற்பட்டது.

அதன்பிறகு நஸ்ரியா ஆட்சேபித்த சர்ச்சைக்குரிய காட்சிகளை நீக்கி விட்டு படத்தை வெளியிட்டனர். அதுபோல் மீண்டும் பிரச்சினை உருவாகியுள்ளது. மலையாள தயாரிப்பாளர் மணி சி.கப்பன், நய்யாண்டி படத்தை எதிர்த்து நீதிமன்றுக்கு போய் உள்ளார்.

அவர் தாக்கல் செய்துள்ள மனுவில் நான் மலையாளத்தில் எடுத்து வெற்றிகரமாக ஓடிய மேலே பரம்பில் ஆன் வீடு என்ற படத்தின் கதையே நய்யாண்டி. என்னிடம் அனுமதி பெறாமல் இந்த படத்தை எடுத்துள்ளனர். எனவே இதற்கு தடை விதிக்க வேண்டும் என்று குறிப்பிட்டு உள்ளார்.

மணி சி.கப்பன் மேலும் கூறும்போது, நய்யாண்டி படத்தை யார் பார்த்தாலும் மலையாள படத்தின் தழுவல் என்பதை புரிந்து கொள்வார்கள். என் படத்தில் இருந்து 12 காட்சிகளை அப்படியே கொப்பியடித்து படமாக்கி உள்ளனர்.

வசனமும் அப்படியே உள்ளது. இந்த படத்தை இந்தியில் ரீமேக் செய்ய பேச்சுவார்த்தை நடத்தி வந்தேன். இந்த நிலையில் தமிழில் எனக்கு தெரியாமல் எடுத்துள்ளனர் என்றார். இந்த வழக்கை விசாரித்த நீதிபதி நய்யாண்டி’படத்துக்கு இடைக்கால தடை உத்தரவு பிறப்பித்து உத்தரவிட்டார்.

கவலைக்கிடமான நிலையில் நடிகர் சிட்டிபாபு மருத்துவமனையில் அனுமதிக்கப்பட்டுள்ளார்.

பைவ் ஸ்டார், ஒற்றன், போய்ஸ், தூள், சிவகாசி, திண்டுக்கல் சாரதி, திருவண்ணாமலை, மாப்பிள்ளை உள்பட பல படங்களில் நகைச்சுவை வேடங்களில் நடித்து இருப்பவர் சிட்டிபாபு.

இவர் ஏற்கனவே சில வருடங்களுக்கு முன்பு இருதய கோளாறு காரணமாக பைபாஸ் சத்திர சிகிச்சை செய்து கொண்டார். அதன்பிறகு 2 வருடங்களாக அவர் நடிக்கவில்லை. பின்னர் மீண்டும் படங்களில் நடிக்க ஆரம்பித்தார்.

இந்நிலையில் நேற்று முன்தினம் அவர் திடீர் என்று மயங்கி விழுந்த இவரை கவலைக்கிடமான நிலையில் சென்னை முகப்பேரில் உள்ள ஒரு தனியார் மருத்துவமனையில் சேர்த்தனர்.

மருத்துவமனையில் சிட்டிபாபுவின் நிலைமை மிகவும் மோசமாக உள்ளது. சுய நினைவை இழந்து கோமா நிலைமைக்கு சென்றுள்ளார் என்றும் அவரின் மூளையில் கட்டி இருப்பதால் தீவிர சிகிச்சை அளிக்கப்பட்டு வருகிறது எனவும் மருத்துவர்கள் கூறியுள்ளனர்.

தமிழ் சினிமாவில் பிரம்மாண்ட ஆரம்பம் கொண்ட ஹீரோக்களில் நடிகர் அஜித்தும் ஒருவர். அவரது படம் வெளியாகும் போதெல்லாம் தியேட்டர்களில் ரசிகர்கள் கூட்டம் அலைமோதும்.

அந்த வகையில் ரசிகர்களின் மிகப்பெரிய எதிர்பார்ப்போடு தீபாவளிக்கு 2 நாட்கள் முன்னதாக அஜித்தின் ஆரம்பம் படம் திரையரங்குகளில் வெளியானது. இந்த படத்தை பார்க்க தியேட்டர்களில் ரசிகர்கள் கூட்டம் அலைமோதியது.

பில்லா வெற்றிக்குப் பிறகு விஷ்ணுவர்தன்–அஜித் கூட்டணியில் உருவான படம் என்பதால், இதுவரை இல்லாத அளவிற்கு ஆரம்பம் படத்திற்கு டிக்கெட் விற்பனையும் வேகமாக நடந்தது. முதல் நாள் விற்பனையிலேயே ஒரு வாரத்திற்குண்டான டிக்கெட்டுகள் எல்லாம் விற்றுத் தீர்ந்தன.

பல்வேறு எதிர்பார்ப்புகளிடையே வெளியான ஆரம்பம் படத்தின் வசூலும் இப்படத்தை வாங்கி வெளியிட்ட விநியோகஸ்தர்களுககு திருப்தியாக அமைந்தது. தீபாவளிக்கு வெளியாகும் படங்களுக்காக பல தியேட்டர்கள் ஏற்கெனவே புக் செய்யப்பட்டிருந்த நிலையில், அந்த தியேட்டர்களில் மட்டும் ஆரம்பம் 2 நாட்களுக்கு வெளியானது.

அதன்பிறகு தீபாவளிக்கு வெளியான ஆல் இன் ஆல் அழகுராஜா, பாண்டிய நாடு படங்களின் வசூல் திருப்திகரமாக இல்லாததால், அந்த திரையரங்குகளில் காட்சிகள் குறைக்கப்பட்டு ஆரம்பம் படம் திரையிடப்பட்டது.

ஆரம்பம்’ படம் வெளியான முதல் நாள் மட்டும் 10.20 கோடி வரை வசூல் செய்ததாக கூறப்படுகிறது. ரிலீஸாகி 6 நாட்கள் ஆகிய நிலையில் 50 கோடியை தாண்டி வசூல் சாதனை செய்துள்ளதாகவும் விநியோகஸ்தர்கள் தரப்பில் தெரிவிக்கப்பட்டுள்ளது.

அதேபோல வெளிநாடுகளிலும் ரிலீசான 3 நாட்களில் சுமார் 1.34 கோடி ரூபாயை வசூல் செய்து யு.கே.பாக்ஸ் ஒபீசில் மூன்றாவது இடத்தை பிடித்துள்ளது.

படத்தின் மொத்த பட்ஜெட் 60 கோடி ரூபாய். ஆனால் வெளியாகி 6 நாட்கள் ஆன நிலையிலேயே இந்த தொகையை நெருங்கிவிட்ட ஆரம்பம் படத்தின் வசூல் தமிழகத்தின் பல்வேறு ஏரியாக்களிலும் எதிர்பார்த்த அளவுக்கு இருப்பதால் இன்னும் அதிகரிக்கும் என கூறப்படுகிறது. எனவே, இப்படத்தை வாங்கி வெளியிட்ட விநியோகஸ்தர்களும், ஆரம்பம் படக்குழுவினரும் மிகுந்த மகிழ்ச்சியுடைந்துள்ளனர்.