காரைக்குடியில்..

காரைக்குடியில் லாரி ஓட்டுநர் தூக்கில் தொங்கி உயிரிழந்த நிலையில் மனைவி தனது கணவன் மாரடைப்பால் உயிரிழந்ததாக அடக்கம் செய்துள்ள சம்பவம் பரபரப்பை ஏற்படுத்தி உள்ளது.

சிவகங்கை மாவட்டம் தேவகோட்டை அருகே கொடுங்காவயல் கிராமத்தை சேர்ந்தவர் ஆசீர்வாதம். இவரது மகன் ஜெய பிரபு (36) காரைக்குடி சொந்தமாக லாரி ஒன்றை வைத்து போட்டி வந்தார்.

இந்த நிலையில் கடந்த எட்டு வருடங்களுக்கு முன்பு தீபா என்ற பெண்ணுடன் திருமணம் முடிந்தது. தற்போது அவர்களுக்கு ஏழு வயது மகன் ஒருவர் உள்ளார். அவர் தனது மனைவி மகனுடன் காரைக்குடி பாண்டியன் நகரில் வாடகை வீட்டில் வசித்து வந்துள்ளார்.

இப்படி இருக்க அவரது மனைவி தீபா அடிக்கடி செல்போனை வைத்துக்கொண்டு அதில் அதிக சமூக வலைதளங்களை பயன்படுத்தி வந்துள்ளார். மேலும் அவர் பல ஆண் நண்பர்களுடன் இன்ஸ்டாகிராம் வலைதளத்தில் பழகி வந்ததாக கூறப்படுகிறது.

இதனை அறிந்த ஜெயபிரபு தனது மனைவியை அடிக்கடி கண்டித்துள்ளார். ஆனால் அவரது மனைவி தீபா கணவரின் பேச்சுக்கு செவி சாய்க்காமல் எப்போதும் போல அவர் சமூக வலைதளங்களில் மூழ்கிக் கிடந்துள்ளார்.

அதனால் மன உளைச்சலில் ஜெயபிரபு கடந்த நவம்பர் மாதம் 21 ஆம் தேதி பாண்டியன் நகரில் உள்ள அவர் வசிக்கும் வீட்டில் தூக்கில் தொங்கி உயிரிழந்தார்.

இந்த சம்பவம் குறித்து ஜெய பிரபுவின் மனைவி தீபா யாருக்கும் தகவல் தெரிவிக்காமல் உடலை கீழே இறக்கி தனது கணவர் மாரடைப்பால் உயிரிழந்ததாக கூறி அவரது சடலத்தை அவரின் சொந்த ஊரான கொடுங்காவையில் கிராமத்திற்கு எடுத்துச் சென்றுள்ளார்.

பின்னர் ஜெயபிரபுவின் தந்தை ஆசீர்வாதம் மற்றும் உறவினர்கள் அவரது உடலை அடக்கம் செய்துள்ளனர். அடக்கம் செய்த ஐந்தாவது நாள் ஜெயப்பிரகுவின் 7 வயது மகன் தனது தாத்தாவிடம் தனது தந்தை வீட்டில் தூக்கில் தொங்கி உயிரிழந்ததாகவும் அவரை தனது தாய் சில நண்பர்களின் உதவியுடன் சேர்ந்து கீழே இறக்கி கொண்டு வந்ததாகவும் தெரிவித்துள்ளார்.

தனது பேரன் கூறியதை கேட்டு அதிர்ச்சி அடைந்த ஆசீர்வாதம் தன் மகனின் மரணத்தில் சந்தேகம் இருப்பதாக கூறி காரைக்குடி ஏஎஸ்பி ஸ்டாலினிடம் புகார் தெரிவித்துள்ளார்.

அந்த புகாரை எடுத்து விசாரணை மேற்கொண்டதில் ஜெய பிரபுவின் உடலை தோண்டி எடுத்து பிரேத பரிசோதனை செய்யும் சூழல் உருவானது. தொடர்ந்து சிவகங்கை மருத்துவக் கல்லூரி பிரேத பரிசோதனை சிறப்பு நிபுணரும் உதவி பேராசிரியருமான டாக்டர் செந்தில்குமார் தலைமையில்,

வட்டாட்சியர் செல்வராணி காரைக்குடி எஸ்ஐ பூரண சந்திர பாரதி, ஜெய பிரபுவின் தந்தை ஆசீர்வாதம் ஆகியோர் முன்னிலையில் நடக்கும் செய்யப்பட்ட இடத்தில் ஜெயப்பிரபுவின் உடல் தோண்டி எடுக்கப்பட்டு அதே இடத்தில் பிரேத பரிசோதனை செய்யப்பட்டது.

இந்த சம்பவம் குறித்து ஜெய பிரபுவின் தந்தை ஆசீர்வாதம் கூறுகையில், தனது மகன் காரைக்குடியில் வீட்டில் தூக்கிட்டு தற்கொலை செய்து கொண்டதாகவும் அதனை தனது மருமகள் மறைத்து கணவன் மாரடைப்பால் உயிரிழந்து விட்டதாக தெரிவித்ததாகவும்,

பின்னால் கொடுங்காவயல் கொண்டு வந்து அடக்கம் செய்து விட்டதாகவும் அதன் பின்பு தனது ஏழு வயது பேரன் சம்பவம் குறித்து தெரிவித்து தனது தாயும் அவரது நண்பர்களும் சேர்ந்து உடலை கீழே இறக்கி ஊருக்கு கொண்டு வந்ததாகவும் கூறியுள்ளார்.

இந்த சம்பவம் தற்போது சிவகங்கை முழுவதும் காட்டுத்தை போல பரவி பரபரப்பாக பேசப்பட்டு வருவதோடு அப்பகுதி மக்களிடையே பெரும் அதிர்ச்சியை ஏற்படுத்தியுள்ளது.

திருவனந்தபுரத்தில்..

9 ஆண்டுகளுக்கு முன் விபரீத முடிவை எடுத்து பெண் ஒருவர் உயிரை மாய்த்துக் கொண்டதாக கருதப்பட்டு வந்த நிலையில், இத்தனை நாட்கள் கழித்து தெரிய வந்த உண்மை கடும் அதிர்ச்சியை உண்டு பண்ணி உள்ளது.

திருவனந்தபுரம் அருகே நேமம் என்னும் பகுதியை சேர்ந்தவர் அஸ்வதி. இவரது தாய் இறந்து போன நிலையில், தனது பாட்டியுடன் வசித்து வந்ததாகவும் தகவல்கள் கூறுகின்றது.

அப்படி ஒரு சூழலில், ரதீஷ் என்ற நபரை கடந்த பல ஆண்டுகளுக்கு முன் திருமணம் செய்து கொண்டுள்ளார் அஸ்வதி. திருமணத்திற்கு பின்னர், கணவர் ரதீஷூடன் தனது பாட்டி வீட்டிலேயே வசித்தும் வந்துள்ளார் அஸ்வதி.

அப்படி ஒரு சூழலில், மனைவி அஸ்வதியின் பாட்டி வீடு மற்றும் 3 சென்ட் நிலத்தை தனது பெயரில் மாற்றி எழுதி வைக்க வேண்டும் என்றும் ரதீஷ் வலியுறுத்தி வந்ததாக தகவல்கள் தெரிவிக்கின்றது. ஆனால், ரதீஷ் மது பழக்கம் உடையவராக இருந்ததால், அதற்கு அஸ்வதியின் பாட்டி மறுப்பு தெரிவித்ததாகவும் சொல்லப்படுகிறது.

இதன் பெயரில், வீட்டிற்குள் அடிக்கடி வாக்குவாதம் அரங்கேறி வந்ததால் அங்கிருந்து வெளியேறி உறவினர் ஒருவரின் வீட்டிற்கும் சென்று தங்க தொடங்கி உள்ளார் அஸ்வதியின் பாட்டி.

இதன் பின்னர், ரதீஷ் மற்றும் அஸ்வதி ஆகியோர் தனியாக வாழ்ந்து வர, அவர்களுக்கு இரண்டு பிள்ளைகளும் பிறந்துள்ளனர். இதற்கு மத்தியில், கடந்த 9 ஆண்டுகளுக்கு முன்பாக குடும்ப தகராறின் பெயரில் மனைவி அஸ்வதி தீக்குளித்து விபரீத முடிவை எடுத்து உயிரை மாய்த்துக் கொண்டதாக ரதீஷ் போலீசாரிடம் தெரிவித்துள்ளார்.

இதனையடுத்து, அஸ்வதி தற்கொலை செய்ததாகவும் வழக்கு பதிவு செய்யப்பட்டிருந்தது. ஆனால், அப்பகுதி மக்கள் முழுமையாக விசாரணை நடத்த வேண்டும் என கோரிக்கை வைத்திருந்ததாகவும் தகவல்கள் கூறுகின்றது.

அப்படி ஒரு சூழலில், 9 ஆண்டுகள் கழித்து குற்றப்பிரிவு போலீசார் பல ஆண்டுகளாக தீர்க்கப்படாமல் இருக்கும் மீதமுள்ள வழக்குகளை விசாரிக்க தொடங்கிய போது அஸ்வதியின் மரணம் குறித்தும் விசாரிக்க தொடங்கி உள்ளனர்.

அஸ்வதி உயிரிழந்த போது ரதீஷ் கையில் தீக்காயம் ஏற்பட்டிருந்த நிலையில், மனைவியை காப்பாற்ற முயன்ற போது ஏற்பட்டதாக போலீசாரிடம் அப்போது தெரிவித்திருந்தார்.

ஆனால், அஸ்வதியின் உடலை பிரேத பரிசோதனை செய்த மருத்துவர்கள், தீக்காயங்கள் மீது சந்தேகம் தெரிவித்திருந்தனர். அஸ்வதி கையில் தீக்காயங்கள் இல்லாத போது, ரதீஷ் கையில் காயங்கள் இருந்தது சந்தேகத்தை கிளப்பியது.

ஒரு நபர் தீக்குளித்து இறக்கும் போது அவர்களின் கைகள் தான் முதலில் எரியும் என்ற சூழலில், இது தொடர்பாக ரதீஷிடம் நடத்திய தீவிர விசாரணையில் அவர் மனைவியை கொலை செய்ததை ஒப்புக் கொண்டுள்ளார். 9 ஆண்டுகள் கழித்து மனைவியை கொலை செய்த வழக்கில் கணவர் கைது செய்யப்ட்டிருப்பது அப்பகுதியில் பரபரப்பை ஏற்படுத்தி உள்ளது.

இந்தியாவில்..

காதல் விவகாரத்தில் கல்லூரி மாணவி ஒருவருக்கு நேர்ந்துள்ள சம்பவம் தொடர்பான செய்தி, தென் இந்தியாவில் கடும் அதிர்வலைகளை ஏற்படுத்தி உள்ளது. ஆந்திர மாநிலம், விஜயவாடா பகுதியில் தபஸ்வி என்ற மாணவி ஒருவர் பிடிஎஸ் படிப்பில் மூன்றாம் ஆண்டு படித்து வந்துள்ளதாக தகவல்கள் தெரிவிக்கின்றது.

அப்போது கடந்த இரண்டு ஆண்டுகளுக்கு முன்பாக சமூக ஊடகம் மூலமாக ஞானேஸ்வர் என்ற இளைஞருடனும் தபஸ்விக்கு நட்பு ஏற்பட்டதாக தகவல்கள் தெரிவிக்கின்றது.

ஆரம்பத்தில் நட்பாக பழகி வந்த தபஸ்வி மற்றும் ஞானேஸ்வர் ஆகியோர் ஒருவரை ஒருவர் காதலிக்க தொடங்கியதாகவும் தகவல்கள் கூறுகின்றது. அப்படி ஒரு சூழலில் தான் கடந்த சில மாதங்களாக இருவருக்கும் இடையே கருத்து வேறுபாடு இருந்து வந்ததாகவும் தெரிகிறது.

இதன் காரணமாக ஞானேஸ்வருடன் பேசுவதையும், பழகுவதையும் தபஸ்வி நிறுத்தி உள்ளதாகவும் சொல்லப்படுகிறது. தபஸ்வி ஒதுங்கி சென்றாலும் அவருக்கு ஞானேஸ்வர் தொடர்ந்து தொந்தரவு கொடுத்து வந்ததாக தெரிகிறது.

இது தொடர்பாக சில தினங்களுக்கு முன் காவல் நிலையத்தில், ஞானேஸ்வர் மீது புகார் ஒன்றையும் தபஸ்வி அளித்திருந்தார். இதன் பின்னர் இளைஞரை அழைத்து போலீசார் எச்சரித்தும் அனுப்பி உள்ளதாக சொல்லப்படுகிறது.

இதன் பின்னர், குண்டூர் அருகே உள்ள தக்கெல்லப்பட்டு என்ற இடத்தில தனது தோழியுடன் தபஸ்வி கடந்த ஒரு வாரத்திற்கும் மேல் தங்கி வந்துள்ளார். அவர் இருக்கும் இடத்தை அறிந்த ஞானேஸ்வர், அங்கே சென்று தபஸ்வியிடம் பேசவும் முயன்றுள்ளார்.

அந்த சமயத்தில் இருவருக்கும் இடையே கடுமையான வாக்குவாதமும் உருவானதாக தகவல் தெரிவிக்கும் நிலையில், ஆத்திரத்தில் தான் மறைத்து வைத்திருந்த கத்தியை எடுத்து மாணவி தபஸ்வியை ஞானேஸ்வர் கொலை செய்ததாகவும் தகவல்கள் தெரிவிக்கின்றது.

இதனை அறிந்த அக்கம் பக்கத்தினர், ஞானேஸ்வரை தாக்க முயன்ற நிலையில், தனது கையையும் அவர் அறுத்துள்ளார். மறுபக்கம் ரத்த வெள்ளத்தில் துடித்த மாணவி தபஸ்வியை மருத்துவமனையில் சேர்த்த நிலையில், அங்கே அவர் சிகிச்சை பலனின்றி உயிரிழந்துள்ளார்.

காதலை கைவிட்டதன் பெயரில் கல்லூரி மாணவியை கொன்ற இளைஞரை போலீசார் கைது செய்துள்ள நிலையில், இந்த சம்பவத்தால் அப்பகுதியில் கடும் பரபரப்பு நிலவி உள்ளது.

மத்திய பிரதேசத்தில்..

ஐந்தாம் வகுப்பு மனைவிக்கு பேய் போல் மேக்கப் போட்டு செருப்பு மாலை அணிவித்து விடுதி வளாகத்தை சுற்றிவர செய்திருக்கிறார் விடுதி காப்பாளர். மத்திய பிரதேச மாநிலத்தில் நடந்திருக்கிறது இந்த கொடூரம்.

மத்திய பிரதேச மாநிலத்தில் பெட்டூல் மாவட்டம் டம்ஜிபுரா கிராமத்தில் அமைந்துள்ளது அரசு பள்ளி. அந்த பள்ளியில் ஐந்தாம் வகுப்பு படித்து வரும் மாணவி விடுதியில் தங்கி படித்து வருகின்றார்.

செருப்பு மாலை அணிவித்து, பேய் போல் மேக்கப் போட்டு விடுதி வளாகத்தை சுற்றி வர வைத்ததாக விடுதி காப்பாளர் மீது புகார் அளித்துள்ளார் சிறுமியின் தந்தை.

விடுதியில் தங்கி இருந்த மாணவிகளில் ஒருவரின் 400 ரூபாய் பணத்தை அந்த ஐந்தாம் வகுப்பு படிக்கும் மாணவி எடுத்துவிட்டதாக குற்றச்சாட்டு எழுந்திருக்கிறது.

இதனால் விடுதியின் பெண் காப்பாளர், அந்த மாணவியின் முகத்தில் கருப்பு நிற மை பூசி பேய் போல் மேக்கப் போட்டுவிட்டு, செருப்பு மாலை அணிவித்து, விடுதி வளாகத்தை சுற்றிவர செய்திருக்கிறார்.

அந்த நேரம் பார்த்து மகளை சந்திப்பதற்காக தந்தை சென்று இருக்கிறார். அப்போது நடந்த கொடூரத்தை பார்த்து அவர் போலீசில் புகார் அளிக்கவும், கல்வி அதிகாரிகளும் விசாரணை மேற்கொண்டு விடுதி காப்பாளரை பணியில் இருந்து நீக்கி உத்தரவிட்டு உள்ளனர். இது குறித்து மேற்கொண்டு விரிவான விசாரணையும் நடந்து வருகிறது.

தமிழகத்தில்..

பிரபல தமிழ் சின்னத்திரை நடிகையை திருமணம் செய்வதாக ஏமாற்றி பணத்தை மோசடி செய்து சொகுசு வாழ்க்கை வாழ்ந்த இளைஞருக்கு 10 ஆண்டுகள் சிறை தண்டனை விதிக்கப்பட்டுள்ளது.

தமிழகத்தின் ஈரோட்டை சேர்ந்த இளம்பெண் தொலைக்காட்சி தொகுப்பாளராகவும், சீரியல்களிலும் நடித்து வருகிறார். இவர் தனியார் நிகழ்ச்சிகளை தொகுத்து வழங்கும் பணியிலும் ஈடுபட்டு வந்துள்ளார்.

இதன் மூலம் நிகழ்ச்சி ஏற்பாட்டாளர் ராகுல் என்பவர் அறிமுகமாகியுள்ளார். இருவரும் 3 ஆண்டுகள் காதலித்தனர். பின்னர் நடிகையை திருமணம் செய்துகொள்வதாக கூறி கோவையில் நிகழ்ச்சி ஒன்று நடத்துவதற்காக இருவரும் சென்றுள்ளனா்.

அப்போது, கோவையில் உள்ள ஒரு ஹொட்டலில் அப்பெண்ணை அழைத்துச் சென்று, திருமணம் செய்து கொள்வதாகக் கூறி ராகுல் பாலியல் வன்கொடுமை செய்துள்ளாா். மேலும் அப்பெண்ணிடம், 8 லட்சம் ரூபாய், 1.75 சவரன் நகையையும் அவர் பெற்றார்.

ஆனால், பணம், நகையை திருப்பி தராததுடன், அப்பெண்ணை திருமணமும் செய்யாமல் ஏமாற்றினார். இது தொடா்பாக ஈரோடு அனைத்து மகளிா் காவல் நிலையத்தில் கடந்த ஆண்டு ஜூலை மாதம் அப்பெண் புகாா் அளித்தாா். வழக்குப் பதிவு செய்த பொலிசார் , ராகுலை கைது செய்தனா்.

இவ்வழக்கு விசாரணை ஈரோடு மகளிா் நீதிமன்றத்தில் நீதிபதி மாலதி முன்னிலையில் நடைபெற்று வந்தது. விசாரணை முடிந்த நிலையில், குற்றம்சாட்டப்பட்ட ராகுலுக்கு 10 ஆண்டுகள் சிறைத் தண்டனையும், ரூ.5 ஆயிரம் அபராதமும் விதித்து நீதிபதி தீர்ப்பளித்துள்ளார்.

வேலூரில்..

வேலூர் அருகே குடும்பத் தகராறு காரணமாக திருமணமான 3 மாதங்களே ஆன பெண் ஒருவர் விவசாய கிணற்றில் பிணமாக கண்டெடுக்கப்பட்ட சம்பவம் குறித்து விசாரணை நடத்தப்பட்டு வருகிறது.

வேலூர் மாவட்டம் பேரணாம்பட்டு திருவிக நகர் பகுதியை சேர்ந்த கூலித் தொழிலாளி ராஜா என்பவருடைய மகள் ராஜேஸ்வரி (வயது 19). பேரணாம்பட்டு அடுத்த ரங்கம்பேட்டை பகுதியைச் சேர்ந்த கூலி தொழிலாளி மோகன் என்பவருடைய மகன் ஸ்ரீதர் (20).

ராஜேஸ்வரி மற்றும் ஸ்ரீதர் இருவரும் இரண்டு ஆண்டுகளாக காதலித்து வந்துள்ளனர். இருவரும் கடந்த மூன்று மாதத்திற்கு முன் பெற்றோர்கள் எதிர்த்து காதல் திருமணம் செய்து கொண்டுள்ளனர்.

ராஜேஸ்வரி மற்றும் ஸ்ரீதர் இருவரும் ஸ்ரீதரன் வீட்டார் குடும்பத்துடன் வாழ்ந்து வந்துள்ளனர். இந்நிலையில் இருவருக்கும் அவ்வப்போது குடும்ப சண்டைகள் ஏற்பட்டுள்ளதாக கூறப்படுகிறது.

நேற்றைய முன் தினம் இரவு மீண்டும் குடும்ப தகராறு ஏற்பட்டு, இதில் ஸ்ரீதர் ராஜேஸ்வரியை அடித்ததாக கூறப்படுகிறது. இதனால் மனவேதனையில் இருந்த ராஜேஸ்வரி ஸ்ரீதரின் தாயாரிடம் சென்று கூறி அவர்களின் வீட்டிலே தங்கி இருந்ததாக கூறப்படுகிறது.

காலையில் எழுந்து பார்த்த போது ராஜேஸ்வரி வீட்டில் இல்லாததை கண்டு அதிர்ச்சி அடைந்த ஸ்ரீதரின் குடும்பத்தினர், அக்கம் பக்கத்தில் தேடி, பின்னர் ராஜேஸ்வரியின் பெற்றோரிடம் விசாரித்துள்ளனர். ராஜேஸ்வரியின் பெற்றோர்கள் எங்களுடைய மகள் இங்கு வரவில்லை என்று தெரிவித்துள்ளனர்.

கிணற்றில் இருந்து ராஜேஸ்வரி உடலை மீட்கும் போது ராஜேஸ்வரி கை, அவர் அணிந்திருந்த துப்பட்டாவில் கட்டப்பட்டுள்ளதாக கூறப்படுகிறது. இந்நிலையில் ராஜேஸ்வரியின் தந்தை ராஜா மகளின் இறப்பில் சந்தேகம் இருப்பதாக கொடுத்த புகாரின் அடிப்படையில் ஸ்ரீதரின் குடும்பத்தாரிடம் குடியாத்தம் டிஎஸ்பி ராமமூர்த்தி மற்றும் குடியாத்தம் ஆர்டிஓ வெங்கட்ராமன் இருவரின் தலைமையில் விசாரணை மேற்கொண்டு வருகின்றனர்.

காதலித்து திருமணம் செய்து கொண்ட மூன்றே மாதத்தில் பெண் விவசாய கிணற்றில் சடலமாக கிடந்த சம்பவம் பெண்ணின் உறவினர்களிடையே பெரும் சோகத்தை ஏற்படுத்தி உள்ளது.

திருநெல்வேலியில்..

திருநெல்வேலி அருகே அண்ணன் உயிரிழந்த செய்தியை கேட்டு கதறி அழுத தம்பியும் அதிர்ச்சியில் மரணம் அடைந்த சம்பவம் அப்பகுதி மக்களை பெரும் சோகத்தில் ஆழ்த்தியுள்ளது.

நெல்லை மாவட்டம் செட்டிகுளம் புதுமனை கிழக்கு தெருவை சேர்ந்தவர் சுயம்பு. இவரது மகன் தினேஷ்குமார். 30 வயதான இவர் கூடங்குளம் கடலோர காவல் நிலையத்தில் ஊர்க்காவல் படையில் பணிபுரிந்து வருகிறார்.

இவர் அண்மையில் நடைபெற்ற காவலர் தேர்வில் கலந்து கொண்டதாக தெரிகிறது. தினேஷ்குமார் அதே பகுதியைச் சேர்ந்த இளம் பெண் ஒருவரை காதலித்து வந்ததாகவும் தகவல்கள் தெரிவிக்கின்றன.

இந்நிலையில் தினேஷ் குமாருக்கும் அவர் காதலித்துவந்ததாக சொல்லப்படும் இளம்பெண்ணிற்கும் இடையே கடந்த சில தினங்களுக்கு முன்னர் கருத்துவேறுபாடு ஏற்பட்டதாக சொல்லப்படுகிறது. மேலும், தேர்வு சரியாக எழுதாததால் கவலையில் தினேஷ் இருந்ததாகவும் தெரிகிறது. இந்நிலையில், வீட்டில் யாரும் இல்லாத நேரத்தில் தினேஷ் குமார் தனது உயிரை மாய்த்துக்கொண்டார்.

இதனை அறிந்த குடும்பத்தினர் செய்வதறியாது திகைத்திருக்கின்றனர். பின்னர் இதுகுறித்து தகவல் அறிந்த கூடங்குளம் காவல்நிலையத்தினர் சம்பவ இடத்திற்கு விரைந்து சென்று உயிரிழந்த தினேஷ் குமாரின் உடலை கைப்பற்றி பிரேத பரிசோதனைக்காக அரசு மருத்துவனைக்கு அனுப்பி வைத்திருக்கின்றனர்.

தினேஷ் குமார் தனது உயிரை மாய்த்துக்கொண்டதை அறிந்து ஓடிவந்த உறவினர்கள் பெரும் சோகத்தில் மூழ்கினர். அப்போது அங்கு வந்த தினேஷ் குமாரின் சித்தப்பா மகன் வெங்கடேஷ் கதறி அழுதிருக்கிறார்.

கொஞ்ச நேரத்தில் வெங்கடேஷ் மயக்கமடைந்து கீழே விழ, அங்கிருந்த அனைவரும் அதிர்ச்சியடைந்திருக்கின்றனர். இதனை தொடர்ந்து வெங்கடேஷை அருகில் உள்ள மருத்துவமனைக்கு உறவினர்கள் அழைத்துச் சென்றிருக்கின்றனர்.

அவரை பரிசோதித்த மருத்துவர்கள் அவர் ஏற்கனவே உயிரிழந்துவிட்டதாக தெரிவித்துள்ளனர். மேலும், நெஞ்சுவலி காரணமாக வெங்கடேஷ் மரணமடைந்திருப்பதாகவும் தெரிவிக்கப்பட்டுள்ளது. இதனால் அங்கிருந்த அனைவரும் பெரும் அதிர்ச்சியில் மூழ்கியுள்ளனர்.

இந்நிலையில் இதுகுறித்து காவல்துறையினர் விசாரணை செய்து வருகின்றனர். அண்ணனின் மறைவு செய்தியை கேட்டு, கதறி அழுத தம்பியும் நெஞ்சுவலியால் உயிரிழந்த சம்பவம் அப்பகுதி மக்களை பெரும் சோகத்தில் ஆழ்த்தியுள்ளது.

திருத்தணியில்..

காதலிச்சு, மனசுக்குப் பிடிச்சவனையே திருமணம் செய்த மாலினி, நாலே மாசத்துல காதலித்தவனின் சுய ரூபம் தெரிந்து தூக்குல தொங்கிட்டாளே என மாலினியின் மரணத்துக்கு திரண்டிருந்த மொத்த கூட்டமும் கதறியழுதது.

திருத்தணி அருகே பெற்றோர்களின் எதிர்ப்பையும் மீறி காதலித்தவனையே திருமணம் செய்து கொண்டார் மாலினி. இந்நிலையில், திருமணமான 4 மாதத்திற்குள் தூக்கில் சடலமாக தொங்கிய சம்பவம் பெரும் பரபரப்பை ஏற்படுத்தியுள்ளது.

திருவள்ளூர் மாவட்டம் திருத்தணி அருகே உள்ள அகூர் கிராமத்தை சேர்ந்தவர் விக்னேஷ் (20). இவருக்கும் செருக்கனூர் கிராமத்தை சேர்ந்த மாலினி (18) என்பவருக்கும் பழக்கம் ஏற்பட்டுள்ளது. இவர்கள் இருவருக்கும் இடையே ஏற்பட்ட பழக்கமானது, நாளடைவில் காதலாக மாறியுள்ளது.

இதனையடுத்து, இருவரும் கடந்த 4 மாதங்களுக்கு முன்னதாக மாலினியின் பெற்றோரை எதிர்த்து காதல் திருமணம் செய்து கொண்டனர். திருமணத்திற்கு பின்னர் அகூர் கிராமத்திலேயே இருவரும் வசித்து வந்தனர்.

கடந்த சில நாட்களாக கணவன் மனைவிக்கும் இடையே அடிக்கடி தகராறு ஏற்பட்டுள்ளது. இதனால் கடுமையான மன உளைச்சலில் இருந்து வந்த மாலினி, மின்விசிறியில் தூக்கிட்டு தற்கொலை செய்து கொண்டுள்ளார்.

இது குறித்து தகவல் அறிந்து சம்பவ இடத்திற்கு விரைந்து வந்த திருத்தணி போலீசார், மாலினியின் உடலை மீட்டு பிரேத பரிசோதனைக்காக திருத்தணி அரசு மருத்துவமனைக்கு அனுப்பி வைத்தனர்.

மாலினியின் தந்தை தனது மகளின் இறப்பில் மர்மம் இருப்பதாக புகார் அளித்துள்ளார். புகாரின் பேரில் வழக்கு பதிவு செய்த போலீசார் விசாரணை நடத்தி வருகின்றனர்.

திருமணம் நடந்து 4 மாதங்களுக்குள் புதுமணப்பெண் தற்கொலை செய்து கொண்ட காரணத்தால், வட்டாட்சியர் தலைமையிலான விசாரணையும் நடந்து வருகிறது. இந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.