9ம் வகுப்பு மாணவன்..

கொரோனா கால ஊரடங்கு தளர்வுகளுக்கு பிறகு பள்ளிகளில் நேரடி வகுப்புக்கள் தொடங்கப்பட்டு விட்டன .ஆனால் மாணவர்களின் அட்டகாசங்கள் அதிகரித்து வருகின்றன. மன அழுத்தம், விளையாட்டு, அலட்சியம் காரணமாக மாணவர்கள் படிப்பில் கவனம் செலுத்துவதில்லை என்பதே பல ஆசிரியர்களின் குற்றச்சாட்டாக இருந்து வருகிறது.

வேலூர் மாவட்டம் அணைக்கட்டு அடுத்த ரெட்டியூர் கிராமத்தில் வசித்து வருபவர் டெய்லர் குப்பன். இவரது மனைவி லாவண்யா. இவர்களுக்கு 2 மகன்கள் இதில் 13 வயது மோகன்ராஜ், 11 வயதில் மற்றொரு மகனும் ஒரே பள்ளியில் படித்து அணைக்கட்டு அரசு ஆண்கள் மேல்நிலை பள்ளியில் படித்து வருகின்றனர்.

இந்நிலையில் நேற்று மாலை 9ம் வகுப்பு இ பிரிவு மாணவர்கள் சத்தமிட்டு பேசி கொண்டிருந்தாக கூறப்படுகிறது. இதற்கு தண்டணை அளிக்கும் வகையில் வகுப்பில் அமர்ந்து பேசிக்கொண்டிருந்த 40 மாணவர்களையும் பள்ளி முழுவதும் 4 சுற்று ஓடி வரும்படி ஆசிரியர் ரவிச்சந்திரன் கூறியுள்ளார்.

அதன்படி 40 பேரும் 4 சுற்றுகள் ஓடத் தொடங்கினர். இதில் 2 ரவுண்டு ஓடியதுமே மோகன்ராஜ் கீழே மயக்கம் போட்டு விழுந்து விட்டார். உடனே பள்ளியில் முதலுதவி சிகிச்சை அளிக்கப்பட்டு பெற்றோருக்கு தகவல் தெரிவிக்கப்பட்டது.

பெற்றோரிடம் மயக்கமாக வருவதாக மோகன்ராஜ் கூறவே, அணைக்கட்டு அரசு மருத்துவமனையில் சிகிச்சைக்காக அனுமதித்தனர். மருத்துவமனையில் சிகிச்சை அளித்துக் கொண்டிருக்கும் போதே திடீரென வலிப்பு, மாரடைப்பு ஏற்பட்டு மோகன்ராஜ் பரிதாபமாக உயிரிழந்தார்.

பள்ளி சென்ற மாணவன் உயிரிழந்ததை கண்ட பெற்றோர்கள் கதறி துடித்த காட்சி காண்பவர்கள் கண்ணீல் நீரை வரவழைத்தது. 9ம் வகுப்பு மாணவன் மாரடைப்பால் உயிரிழந்தது அப்பகுதியில் பெரும் சோகத்தையும், அதிர்ச்சியையும் ஏற்படுத்தியுள்ளது.

இந்தியாவில்..

இந்தியாவில் இன்னும் பல பகுதிகளில் பெண் சிசுக் கொலைகள் தொடர்ந்து வருகின்றன. கிராமங்கள் மட்டுமல்ல நகரங்களிலும் இந்த கொடூரம் அரங்கேறி வருகிறது.

பெண்கள் என்னதான் சாதனைபுரிந்தாலும், பெற்றவர்களை கடைசி காலத்தில் கவனித்துக் கொண்டாலும் பெண் என்றாலே செலவு தான் என்ற மனோபாவம் தொடர்ந்து வருகிறது. ஆணுக்கு பெண் சளைத்தவர்கள் இல்லை என்பதை நிரூபிக்கும் வகையில் பல்வேறு துறையில் பெண்கள் இமாலய சாதனைகளை புரிந்து வருகின்றனர்.

கர்நாடக மாநிலம் கோலார் மாவட்டம் சீனவாசப்பூர் தாலுகா ஷெட்டிஹள்ளி கிராமத்தில் லோகேஷ் என்ற விவசாயி வசித்து வந்தார். இவரது மனைவி மஞ்சம்மா. இந்த தம்பதிக்கு ஏற்கனவே 3 பெண் குழந்தைகள் இந்த நிலையில் மஞ்சம்மாவுக்கு நேற்று முன்தினம் அரசு மருத்துவமனையில் மீண்டும் 4வதாக பெண் குழந்தை பிறந்தது. இந்த முறையாவது ஆண் குழந்தை பிறக்கும் என்று எதிர்பார்த்திருந்த லோகேஷ் விரக்தியடைந்தார்.

மனைவியை மருத்துவமனையில் பார்த்துவிட்டு லோகேஷ் வீட்டிற்கு சென்று தற்கொலை செய்து கொண்டார். மகள்கள் தந்தை தூக்கில் தொங்குவதை பார்த்து அதிர்ச்சியடைந்து உடனடியாக அக்கம் பக்கத்தினரை அழைத்து காண்பித்தனர். அதைத்தொடர்ந்து போலீசாருக்கு தகவல் தெரிவிக்கப்பட்டு விரைந்து சென்றனர்.

சடலத்தை கைப்பற்றிய போலீசார் விசாரணை நடத்தினர். அப்போது லோகேஷின் வீட்டில் சோதனை மேற்கொண்டதில் அவர் 4வதும் பெண் குழந்தை பிறந்ததால் அவர்களை எப்படி கரைசேர்க்க முடியும் என்ற துக்கத்தில்,

தனது தற்கொலை முடிவுக்கு தான்தான் காரணம் என்று எழுதியிருந்தார்.ஆண் குழந்தைக்கு ஆசைப்பட்டு 4 பெண் குழந்தைகளையும், மனைவியையும் நிர்க்கதியாக தவிக்கவிட்டு சென்ற லோகேஷால் அப்பகுதியில் சோகம் நிலவியுள்ளது.

நேரலையில்..

தன்னை காதலித்து விட்டு, ஒன்றாக ஊர் சுற்றி நெருக்கமாக பழகிய பின்னர், வீட்டில் பணக்கார மாப்பிள்ளைப் பார்த்ததும், காதலனைக் கழற்றி விட்டு, வேறொருவருடனான கல்யாணத்திற்கு காதலி சம்மதித்ததால் தன் உயிரை மாய்த்திருக்கிறார் இளைஞர்.

பேஸ்புக் நேரலையில், தனது கழுத்தை அறுத்துக் கொண்டு தற்கொலைச் செய்து கொண்டு அதிர வைத்துள்ளார். உத்தரபிரதே மாநிலம் மகாராஜ் கஞ்ச் மாவட்டத்தில் உள்ள புரந்தர்பூர் காவல் நிலைய எல்லைக்கு உட்பட்ட பகவான்பூர் பகுதியில் வசிக்கும் இளைஞன் தனது காதலியை துரோகம் செய்ததாக குற்றம் சாட்டி பேஸ்புக் லைவ் மூலம் இயந்திரத்தால் கழுத்தை அறுத்து தற்கொலை செய்து கொண்டார்.

நேரலையின் போது, ​​அந்த இளைஞன் தனது காதலியின் குடும்ப உறுப்பினர்களை கடுமையாக திட்டியுள்ளார். அந்த நேரத்தில், பலர் அவரை அவ்வாறு செய்ய விடாமல் தடுத்தனர், ஆனால் அவர் அதையும் மீறி வேதனையுடன் தனது உயிரைக் மாய்த்துக் கொண்டார்.

இது குறித்து தகவல் அறிந்து சம்பவ இடத்திற்கு விரைந்து வந்த போலீசார், இளைஞரின் உடலைக் கைப்பற்றி, பிரேத பரிசோதனைக்கு அனுப்பி வைத்தனர்.

இதுதொடர்பான விசாரணையில், காதலித்த பெண்ணிற்கு, அவரது வீட்டில் வேறொரு நபருக்கு திருமணம் செய்து வைக்க நடவடிக்கைகள் மேற்கொண்டு வந்ததாகவும், அதற்கு காதலியும் சம்மதம் தெரிவித்ததாகவும் கூறப்படுகிறது.

இதனால் மனவேதனை அடைந்த அந்த இளைஞர், பேஸ்புக் நேரலையில் காதலி மற்றும் அவரது குடும்பத்தினர் பெயரைக் கூறியபடி, கழுத்தை அறுத்துக் கொண்டு தற்கொலை செய்து கொண்டார் எனத் தெரிய வந்துள்ளது.

மேற்கு வங்கத்தில்..

2002ம் ஆண்டு பிரிக்கப்பட்ட மேற்கு வங்க மாநிலத்தை சேர்ந்த ஒட்டிப்பிறந்த இரட்டையர்களான மோனா-லிசா தற்போது இரண்டு குழந்தைகளுக்கு அம்மாக்களாக மாறி அனைவரையும் ஆச்சரியப்படுத்தியுள்ளனர்.

கடந்த 2002ம் ஆண்டு நவம்பர் மாதம் 1 திகதி ஒட்டிப்பிறந்த பச்சிளம் குழந்தைகளாக இருந்த மோனா-லிசா இருவரும் சுமார் 30 மருத்துவர்கள் கொண்ட குழுவால் அறுவை சிகிச்சை நடத்தப்பட்டு வெற்றிகரமாக பிரிக்கப்பட்டனர்.

அன்றைய தினத்தில், மேற்கு வங்கத்தில் ஒட்டிப்பிறந்த இரட்டையர்களை பிரித்தெடுப்பதற்காக நடைபெற்ற முதல் வெற்றிகரமான அறுவை சிகிச்சை இதுவாகும்.

இந்த அறுவை சிகிச்சையில் பிரித்தெடுக்கப்பட்ட இந்த இரட்டையர்கள் தற்போது இரண்டு குழந்தைகளுக்கு அம்மாவாக மாறியுள்ள நிலையில், தங்களுடைய சுவாரசியமான வாழ்க்கை குறித்து இணையதளம் ஒன்றுக்கு பேட்டி ஒன்றினை அளித்துள்ளனர்.

நாங்கள் இருவரும் இரட்டையர்கள் என்பதை வெகுகாலம் கழித்தே உணர்ந்ததாகவும், பிறகு தங்கள் அம்மா முழு தகவலையும் விளக்கியதாகவும் தெரிவித்துள்ளனர்.

நாங்கள் இருவரும் ஒட்டிப்பிறந்த கதையை திருமணத்திற்கு முன்பே அவர்களது கணவர்கள் வீட்டில் தெரிவித்து விட்டதாகவும், அவர்களும் எந்தவொரு தயக்கமும் இன்றி மகிழ்ச்சியுடன் ஏற்றுக் கொண்டதாக மோனாவும் லிசாவும் புன்னகையுடன் தெரிவித்துள்ளனர்.

தற்போது மோனாவுக்கு 15 மாத குழந்தையும், லிசாவுக்கு 12 மாத பெண் குழந்தையும் உள்ளனர், இரட்டையர்களான மோனா-லிசாவுக்கு கடந்த மாதம் தான் 20 வயது நிறைவடைந்துள்ளது.

இந்த இரட்டையர்களுக்கு சிகிச்சை அளித்த மருத்துவர் நரேந்திரநாத் முகர்ஜி, மோனாவுக்கும் லிசாவுக்கும் வெவ்வெறு நுரையீரல் மற்றும் இதயங்கள் இருந்தாலும், சில உள்ளுறுப்புகள் ஒன்றாகவே இருந்தன.

அதனால் அறுவை சிகிச்சை சவால் நிறைந்ததாக இருந்தது, சுமார் 8 மணி நேர அறுவை சிகிச்சைக்கு பிறகு மோனாவும் லிசாவும் பிரித்தெடுக்கப்பட்டனர் என்று தெரிவித்துள்ளார்.

அறுவை சிகிச்சை நிறைவடைந்த சிறிது காலத்திற்கு மோனாவுக்கும் லிசாவுக்கும் உடல் உபாதைகள் இருந்ததாகவும், அவை மருத்துவ உதவியால் விடுப்பட்டதாகவும் தெரியவந்துள்ளது. சிறுவயதில் ஒட்டிப்பிறந்து தற்போது இரண்டு குழந்தைகளுக்கு அம்மாவாக இருக்கும் மோனா-லிசாவின் கதை இணையத்தில் வைரலாகி வருகிறது.

கடலூரில்..

தமிழக மாவட்டம் கடலூரில் கல்லூரி மாணவி ஒருவர், தனது மாமன் மகனை திருமணம் செய்துவைக்க தாமதம் ஆனதால் தற்கொலை செய்துகொண்ட சம்பவம் சோகத்தை ஏற்படுத்தியது.

கடலூர் மாவட்டம் சிதம்பரம் அருகே உள்ள வல்லம்படுகையைச் சேர்ந்தவர் கணேச மூர்த்தி. தனியார் கல்லூரி ஒன்றில் படித்து வந்த இவரது மகள் கிருத்திகா(19), தனது மாமன் மகனை ஆறு மாதகாலமாக காதலித்து வந்ததாக கூறப்படுகிறது.

இதனால் அவரை திருமணம் செய்து வைக்கக் கோரி தன் பெற்றோரிடம் கிருத்திகா கேட்டுள்ளார். ஆனால் படிப்பு முடிந்த பின்னர் தான் திருமணம் என அவர்கள் கூறியுள்ளனர்.

இதுதொடர்பாக கடந்த சில மாதங்களாகவே கிருத்திகாவுக்கும், அவரது பெற்றோருக்கும் மன வருத்தம் இருந்து வந்துள்ளது. இந்த நிலையில், கணினி பயிற்சி மையத்திற்கு சென்று திரும்பிய மாணவி கிருத்திகா, தனது மாமன் மகனை செல்போனில் அழைத்து வல்லம்படுகை ரயில் நிலையத்தில் இருப்பதாக கூறியுள்ளார்.

இதனால் பதற்றமடைந்த அவர், உடனடியாக கிருத்திகாவின் பெற்றோரை செல்போனில் தொடர்பு கொண்டு தகவலை தெரிவித்துள்ளார். ஆனால் துரதிர்ஷ்டவசமாக பெற்றோர் கிருத்திகாவை தொடர்பு கொள்ளும் முன் அவர் ரயில் முன் பாய்ந்து தற்கொலை செய்துகொண்டதாக கூறப்படுகிறது.

இதுகுறித்து தகவல் அறிந்த ரயில்வே பொலிஸார் கிருத்திகாவின் உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர். மேலும் இந்த சம்பவம் வழக்குப்பதிவு செய்த பொலிஸார் விசாரணை மேற்கொண்டு வருகின்றனர்.

சென்னையில்..

சென்னையில் வீட்டில் இருந்த பெண்ணின் அலறல் சத்தம் கேட்டு அக்கம் பக்கத்தினர் போய் பார்த்த போது கடும் அதிர்ச்சி ஒன்று அங்கே காத்திருந்தது. ஒடிஷா மாநிலத்தை சேர்ந்தவர் ஆசிஃப். இவருக்கு தற்போது 43 வயதாகிறது.

இவருக்கும் பிரியங்கா பாட்லா என்ற பெண்ணுக்கும் கடந்த சில ஆண்டுகளுக்கு முன்பு திருமணம் நடந்துள்ளது. ஆசிஃப் மற்றும் பிரியங்கா ஆகியோர் காதலித்து திருமணம் செய்து கொண்டதாக தகவல் தெரிவிக்கும் நிலையில், இருவரது வீட்டிலும் இதற்கு கடும் எதிர்ப்பு கிளம்பி உள்ளது.

இதனிடையே, கடந்த ஐந்து ஆண்டுகளுக்கு முன்பாக, சென்னை மண்ணடி பகுதியில் ஆசிஃப் மற்றும் பிரியங்கா ஆகியோர் குடியேறி உள்ளதாக தகவல்கள் தெரிவிக்கின்றது. இதனைத் தொடர்ந்து, மைலாப்பூர் பகுதியில் உள்ள வங்கி ஒன்றில் ஆசிஃப்பும், மறுபக்கம் போரூரில் உள்ள ஐடி நிறுவனம் ஒன்றில் பிரியங்காவும் பணிபுரிந்து வந்துள்ளனர்.

திருமணமாகி ஐந்து ஆண்டுகளுக்கு மேலான நிலையிலும் ஆசிஃப் – பிரியங்கா தம்பதிக்கு குழந்தைகள் இல்லை என்றும் தகவல்கள் தெரிவிக்கின்றது. அப்படி ஒரு சூழலில், இதன் பெயரில் கணவன் மனைவி ஆகியோர் அடிக்கடி சண்டை போட்டும் வந்துள்ளதாக தெரிகிறது.

அதே வேளையில் மனைவி பிரியங்காவுக்கு வேறொரு நபருடன் தொடர்பு உருவானதாகவும் அவர் மீது சந்தேகம் கொண்டுள்ளார் ஆசிஃப். இதன் பெயரிலும் மனைவியுடன் ஆசிஃப் சண்டை போட்டு வந்துள்ளார்.

அப்படி ஒரு சூழலில் சமீபத்தில் ஆசிஃப் மற்றும் பிரியங்கா ஆகியோர் வீட்டில் இருந்துள்ளனர். அப்படி ஒரு சூழலில் அப்பகுதி மக்கள் மத்தியில், பிரியங்காவின் அலறல் சத்தம் கேட்டுள்ளதாக தகவல்கள் தெரிவிக்கின்றது.

இதனைத் தொடர்ந்து சுற்றி இருந்தவர்கள் அனைவரும் ஆசிஃப் வீட்டிற்கு சென்றுள்ளனர். அங்கே உடலில் ரத்தத்துடன் கதவை திறந்து கொண்டு நின்றுள்ளார் ஆசிஃப். இதனைக் கண்டதும் அனைவரும் பதறிப் போகவே இது பற்றி போலீசாருக்கும் தகவல் தெரிவிக்கப்பட்டது.

தொடர்ந்து சம்பவ இடம் வந்த போலீசார், ஆசிஃப்பிடம் விசாரணை மேற்கொண்டனர். மேலும், பிரியங்காவின் உடலும் பிரேத பரிசோதனைக்காக அனுப்பி வைக்கப்பட்டுள்ளது.

இது தொடர்பாக நடந்த விசாரணையில், வழக்கம் போல ஆசிஃப் மற்றும் பிரியங்கா ஆகியோர் சண்டை போட்டுக் கொண்டிருந்ததாகவும் ஆசிப் அடித்ததால் வீட்டை விட்டு பிரியங்கா கிளம்ப முயன்றதாகவும் அப்போது வீட்டின் கதவை அடைத்து கோபத்தில் மனைவியின் கழுத்தை அறுத்து கொலை செய்ததாகவும் தெரிவித்துள்ளார்.

சென்னையில் பட்டப்பகலில் தனியாக இருந்த கணவன் மனைவி இடையே உருவான தகராறின் காரணமாக பெண் கொலை செய்யப்பட்ட சம்பவம், கடும் அதிர்ச்சியை ஏற்படுத்தி உள்ளது.

பீகாரில்..

பீகார் மாநிலம் நவாடா மாவட்டத்திற்குட்பட்ட நியூ ஏரியா பகுதியைச் சேர்ந்தவர் கேதர் லால் குப்தா. பழ வியாபாரியான அவரது மனைவி அனிதா தேவி. இவரது மகள்கள் குரியா குமாரி, சப்னம் குமாரி, சாஷி குமாரி. மகன் பிரின்ஸ் குமார் உள்ளனர்.

இந்நிலையில் பழ வியாபாரம் நன்றாகச் செல்லாததால் குடும்பத்தில் பணக் கஷ்டம் ஏற்பட்டுள்ளது. இதனால் கேதர் லால் குப்தா மணீஷ் குமார் என்பவரிடம் கடன் வாங்கியுள்ளார். ஆனால் இந்த கடனை அவரால் திருப்பி செலுத்த முடியவில்லை.

இதனால் மணீஷ் குமார், மூன்று நான்குபேருடன் குப்தா வீட்டிற்கு வந்து கடன் பணத்தைக் கேட்டு தொல்லை கொடுத்து வந்துள்ளார். அப்போது எல்லாம் ரூ.1000 கொடுத்து சமாதானம் படுத்தியுள்ளார்.

ஆனால் முழு பணத்தையும் கொடுக்க வேண்டும் என மணீஷ் குமார் மிரட்டிக் கூறியுள்ளார். பிறகு ஒட்டுமொத்த குடும்பம் மன உளைச்சலில் இருந்துள்ளது.

மேலும் பழ வியாபாரத்தையும் சரியாக நடத்த முடியாததால் சாப்பாட்டிற்கே கஷ்டப்பட்டுள்ளனர். இதையடுத்து குடும்பத்தில் உள்ள அனைவரும் முடிவெடுத்து விஷம் குடித்துள்ளனர்.

இதில் கேதர் லால் குப்தா. மனைவி அனிதா தேவி. இவரது மகள்கள் குரியா குமாரி, சப்னம் குமாரி, மகன் பிரின்ஸ் குமார் ஆகியோர் உயிரிழந்துள்ளனர்.

மற்றொரு மகள் சாஷி குமாரி மட்டும் மருத்துவமனையில் சிகிச்சை அளிக்கப்பட்டு வருகிறது. இந்த சம்பவம் குறித்து போலிஸார் வழக்குப் பதிவு செய்து விசாரணை நடத்தி வருகின்றனர்.