கேரளாவில்..

இந்திய மாநிலம் கேரளாவில் ஓடும் ரயிலில், பயணிகள் தீ வைத்து எரிக்கப்பட்ட சம்பவம் தொடர்பில் கைது செய்யப்பட்ட நபர் அளித்துள்ள வாக்குமூலம் அதிர்ச்சியை ஏற்படுத்தியுள்ளது.

கேரளாவின் கோழிக்கோடு எலத்தூர் அருகே ஓடும் ரயிலில், நபர் ஒருவர் சக பயணியை தீ வைத்து எரித்தார். இதில் 8 பேர் தீக்காயம் அடைந்த நிலையில், இரண்டு வயது குழந்தை உட்பட ஒரே குடும்பத்தைச் சேர்ந்த மூவர் உயிரிழந்தனர்.

அவர்களது உடல்கள் தண்டவாளத்தில் மீட்கப்பட்டன. இந்த சம்பவம் பெரும் பரபரப்பை ஏற்படுத்தியது. இந்த நிலையில் தீ வைத்து எரித்த நபரான முகம்மது ஷாரூக் ஷஃபி மகாராஷ்டிரா மாநிலம் ரத்னகிரியில் வைத்து கைது செய்யப்பட்டார்.

அவரிடம் நடத்தப்பட்ட விசாரணையில், ரயிலில் பயணிகள் மீது வைத்தால் நல்ல காலம் பிறக்கும் என மர்ம நபர் ஒருவர் கூறியதால், அவ்வாறு செய்ததாக அளித்துள்ள வாக்குமூலம் அதிர்ச்சியை ஏற்படுத்தியுள்ளது.

மேலும் ஷாரூக் தீ வைத்துவிட்டு இரண்டு பெட்டிகள் மாறி அமர்ந்திருந்துள்ளார். அதே ரயிலில் வேறு பெட்டியில் அவர் ஏறி கண்ணூர் சென்றதாகவும் அவர் கூறியுள்ளார்.

தமிழகத்தில்..

தமிழகத்தின் நெய்வேலி அருகே நீட் பயிற்சி பெற்று வந்த மாணவி தற்கொலை செய்து கொண்ட சம்பவம் அனைவரையும் சோகத்தில் ஆழ்த்தியுள்ளது. நெய்வேலி அருகே உள்ள ஆபத்தாரணபுரத்தை சேர்ந்த உத்திரபாதி என்பவர் தனது பணிக்காக நெய்வேலியில் குடும்பத்தோடு வசித்து வருகிறார்.

இவரது மகளான நிஷா கடந்த ஆண்டு நடந்த பிளஸ் 2 அரசு பொதுத் தேர்வில் 399 மதிப்பெண்கள் பெற்றுள்ளார். அவர் நீட் தேர்வு எழுதுவதற்காக நெய்வேலி இந்திரா நகரில் உள்ள தனியார் பயிற்சி மையத்தில் சேர்ந்து முழு நேரப் பயிற்சி பெற்று வந்துள்ளார்.

மே மாதம் நடைபெறவுள்ள நீட் தேர்வு எழுதுவதற்கு தயாராகி வந்து உள்ளார். இதற்காக பயிற்சி மையத்தில் வைக்கப்பட்ட தேர்வுகளில் அவர் சரியான மதிப்பெண்கள் எடுக்கவில்லை என சொல்லப்படுகிறது.

இதனால் மன உளைச்சலுக்கு ஆளான நிஷா நேற்று ( ஏப்ரல் 5 ) மாலை வகுப்பு இல்லாத நிலையிலும் வகுப்பு உள்ளதாக கூறிவிட்டு நெய்வேலியிலிருந்து பேருந்து மூலம் வடலூருக்கு சென்றுள்ளார்.

வடலூர் ரயில் நிலையம் அருகே ரயில் தண்டவாளத்தில் அவர் பெங்களூரிலிருந்து கடலூர் நோக்கி வந்த ரயில் முன்பு தலையை வைத்து தற்கொலை செய்து கொண்டார். இதில் அவரது உடல் சிதைந்து போனது.

இதனை பார்த்த எஞ்ஜின் ஓட்டுநர் ரயிலை நிறுத்திவிட்டு கடலூர் முதுநகர் ரயில்வே காவல் நிலையத்திற்கு தகவல் கொடுத்துள்ளார். ரயில்வே காவல் துறையினர் சம்பவ இடத்திற்கு விரைந்து நிஷாவின் உடலைக் கைப்பற்றி உடற் கூராய்வுக்காக கடலூர் அரசு மருத்துவமனைக்கு அனுப்பி வைத்துள்ளனர்.

காவல் துறையினர் விசாரணையில், நீட் பயிற்சி மையத்தில் நடந்த மாதிரி தேர்வில் அவர் குறைவான மதிப்பெண் எடுத்தது தெரிய வந்துள்ளது. அதனால் மனவேதனை அடைந்த அவர் தற்கொலை செய்து கொண்டதாக தெரிவித்துள்ளார். நீட் பயிற்சி பெற்று வந்த மாணவி தற்கொலை செய்து கொண்ட சம்பவம் அப்பகுதி மக்களிடையே சோகத்தை ஏற்படுத்தியுள்ளது.

ஹரியானாவில்..

கனடாவில் இருந்து காதலியை வரவழைத்து கொலை செய்த இளைஞரின் செயல் ஹரியானாவில் பெரிய பரபரப்பையும், அதிர்ச்சியையும் ஏற்படுத்தியுள்ளது. ஹரியானா மாநிலம் ரோஹ்டக் பகுதியைச் சேர்ந்த இளம்பெண் நீலம் (23).

இவர் சோனிபட் பகுதியை சேர்ந்த சுனில் என்ற இளைஞரை காதலித்து வந்துள்ளார். இந்த நிலையில் நீலம் கனடாவில் வேலை செய்வதற்கான முயற்சிகளை மேற்கொண்டுள்ளார்.

அவர் அதற்காக சர்வதேச ஆங்கில மொழி சோதனை முறை (IELTS) தேர்வில் தேர்ச்சி பெற்று கன்னடாவுக்கு சென்றார். அங்கு வேலையும் பார்த்து வந்தார். இந்த நிலையில், நீலத்தை திருமணம் செய்துகொள்ளலாம் எனக்கூறி இந்தியாவுக்கு அழைத்துள்ளார் சுனில்.

அதன்படி கடந்த ஜனவரியில் இந்தியாவுக்கு வந்த நீலம் ரோஹ்டக்கில் உள்ள தனது பெற்றோர் வீட்டுக்கு சென்றுள்ளார். பின்னர் காதலனை சந்திக்க சோனிபட் வந்துள்ளார். அதன் பிறகு நீலம் திரும்பி வரவில்லை.

இதனால் அதிர்ச்சி அடைந்த நீலத்தின் பெற்றோர் சுனில் வீட்டுக்கு சென்று பார்த்தபோது அவரும் மா.யமாகி இருந்தார். பின்னர் அவரது குடும்பத்தினர் கணவுர் காவல் நிலையத்தில் கா.ணவில்லை என்று புகார் அளித்தனர்.

ஆனால், போலீஸார் வி.சாரணை உதவாததால், பெண்ணின் குடும்பத்தினர் ஹரியானா உள்துறை அமைச்சர் அனில் விஜை சந்தித்து நடவடிக்கை எடுக்க அழுத்தம் கொடுத்தனர். பின்னர் இந்த வழக்கு பிவானியில் உள்ள கு.ற்றப் பு.லனாய்வு முகமைக்கு மாறியது.

சிஐஏ விசாரணை நடத்தி வந்த நிலையில் சுனிலை கண்டுபிடித்து கஸ்டடியில் எடுத்தனர். அதில் அவர் நீலத்தை கொ.லை செ.ய்.து வீட்டு காலியிடத்தில் குழி தோ.ண்டி பு.தைத்ததாக கூறி பகீர் கிளப்பினார்.

உடனே அதிகாரிகள் சுனில் சொன்ன இடத்துக்கு சென்று தோண்டி பார்த்ததில் சுமார் 10 அடி குழிக்குள் மனித எலும்புக்கூடு இருப்பது தெரிய வந்தது. அதனை கைப்பற்றி ஆய்வுக்காக அனுப்பி வைத்தனர்.

கொ.லை குறித்து சுனில் கொடுத்த வாக்குமூலத்தில், கடந்தாண்டு கன்னடாவில் இருந்து வந்த காதலி தன்னை பார்ப்பதற்கு வீட்டுக்கு வந்தார். அப்போது நான் கு.டி போ.தையில் இருந்தேன்.

அப்போது காதலியின் நெற்றியில் இரண்டு முறை சு.ட்.டு கொ.லை செ.ய்.தே.ன் என சுனில் கூறினார். இந்நிலையில், எதற்காக அவர் கொ.லை செ.ய்.தா.ர் என்பதை அறிய அதிகாரிகள் வி.சாரணை நடத்தி வருகின்றனர்.

இதனை தொடர்ந்து சிஐஏ அதிகாரிகள் இளைஞர் மீது கொ.லை ம.ற்றும் ச.ட்டவிரோத கை.த்.து.ப்.பா.க்.கி.க.ளை வை.த்திருந்தது உள்ளிட்ட வழக்குகளை பதிவு செய்துள்ளனர். மேலும், சுனில் மீது ஏற்கனவே கு.ற்ற வழக்குகள் இருப்பதாகவும் போலீசார் தெரிவித்துள்ளனர்.

கோவையில்..

அடுத்த வாரம் திருமணம் நிச்சயிக்கப்பட இருந்த நிலையில் இளைஞர் ஒருவர் சாலை விபத்தில் மரணமடைந்த சம்பவம் வால்பாறை மக்களை பெரும் சோகத்தில் ஆழ்த்தியுள்ளது.

கோவை மாவட்டத்தை சேர்ந்தவர் பாலா சுகேஷ். 23 வயதான இவர் தனியார் நிறுவனத்தில் பணிபுரிந்து வந்திருக்கிறார். இவருக்கும் பொள்ளாச்சி ஜமீன் கோட்டம்பட்டி கிராமத்தை சேர்ந்த யாஷிகா என்பவருக்கும் அடுத்த வாரம் திருமணம் நிச்சயிக்கப்பட இருந்திருக்கிறது.

இது தொடர்பாக இரு வீட்டினரும் பேசி முடிவு செய்திருந்த நிலையில் இந்த துயர சம்பவம் நடந்திருப்பது மக்களை பெரும் சோகத்தில் ஆழ்த்தியுள்ளது. தனக்கு நிச்சயிக்கப்பட இருக்கும் யாஷிகாவை அழைத்துக்கொண்டு பாலா சுகேஷ் காரில் வெளியே சென்றிருக்கிறார்.

ஆழியாரை சுற்றிப் பார்க்க இருவரும் தங்களது காரில் சென்றிருக்கின்றனர். அப்போது ஆழியாறில் இருந்து பொள்ளாச்சி நோக்கி வந்த அரசு பேருந்து மீது கார் மோதியதாக சொல்லப்படுகிறது. இதனால் அங்கிருந்த பொதுமக்கள் பெரும் அதிர்ச்சியடைந்திருக்கின்றனர்.

விபத்தில் சிக்கிய இருவரையும் மீட்டு, பொள்ளாச்சி அரசு மருத்துவமனைக்கு பொதுமக்கள் அனுப்பி வைத்திருக்கின்றனர். ஆனால், மருத்துவமனைக்கு செல்லும் வழியிலேயே பாலா சுகேஷ் மரணமடைந்ததாக தெரிகிறது.

படுகாயமடைந்த யாஷிகா பொள்ளாச்சி அரசு மருத்துவமனையின் அவசர சிகிச்சை பிரிவில் அனுமதிக்கப்பட்டு சிகிச்சை பெற்று வருகிறார். இது தொடர்பாக தகவல் அறிந்த ஆழியார் காவல் துறையினர் இதுகுறித்து வழக்கு பதிவு செய்து விசாரணையை துவங்கியுள்ளனர்.

அடுத்த வாரம் திருமணம் நிச்சயிக்கப்பட இருந்த நிலையில் மணப்பெண்ணுடன் காரில் சென்ற புது மாப்பிள்ளை சாலை விபத்தில் சிக்கி பலியான சம்பவம் அந்த பகுதி மக்களை பெரும் சோகத்தில் ஆழ்த்தியுள்ளது.

வாலாஜாபாத்தில்..

மது போதையாலும், நிமிஷ நேர கோபத்தாலும் மூன்று குடும்ப பெண்கள் வாழ்க்கையை இழந்து நிர்கதியாக நிற்கிறார்கள். நிறைமாத கர்ப்பிணி, பிரசவத்திற்காக சொந்த ஊரான கேரளாவுக்கு காஞ்சிபுரம், வாலாஜாபாத்தில் இருந்து சென்றிருக்கிறார்.

அவருடைய சீமந்த விழாவில் கலந்து கொண்டு, மனைவியின் பிரசவம் வரையில் உடனிருந்து பார்த்துக் கொள்வதற்காக வாலாஜாபாத்தில் இருந்து கிளம்பிச் சென்ற கணவர், தனது நண்பர்களுக்கு கிளம்பும் முன்பாக மது விருந்து கொடுத்திருக்கிறார்.

நண்பர்களுடன் மது அருந்தியது, அவரது உயிரையே பறித்து விட்டது. கர்ப்பிணி மனைவி, கணவன் குத்திக் கொலைச் செய்யப்பட்ட செய்தி கேட்டு கொடுமை நிகழ்ந்துள்ளது.

வளைகாப்புக்கு ஏற்பாடு செய்திருந்த உறவினர்கள் எப்படி சமாதானப்படுத்துவது என தெரியாமல் சோகத்தில் ஆழ்ந்துள்ளனர். நண்பர்களுடனான மது போதை அத்தனை பேர் வாழ்க்கையையும் சீர்குலைத்து விட்டது.

காஞ்சிபுரம் மாவட்டம் வாலாஜாபாத் பேரூராட்சி நேரு நகரைச் சேர்ந்தவர்கள் வினித் குமார் (25) மற்றும் பார்த்திபன்(25). அதே பகுதியில் வசித்து வரும் இருவரும் நண்பர்கள்.

கேரளாவில் இருக்கும் தனது கர்ப்பிணி மனைவியின் வளைகாப்பு நிகழ்ச்சிக்கு செல்வதற்காக வினித் குமார் தயாராகி வந்த நிலையில், தனது நண்பர் பார்த்திபனுடன் அப்பகுதியில் உள்ள அங்கன்வாடி மையம் அருகே அமர்ந்து மது அருந்திக் கொண்டிருந்தார். அப்போது அவர்கள் இருவருக்கும் இடையே தகராறு ஏற்பட்டது.

அப்போது பார்த்திபனின் நண்பரான ஆட்டோ ஓட்டுநர் சின்ராஜ் அங்கு வந்தார். சின்ராஜ், பார்த்திபன் இருவரும் சேர்ந்து வினித் குமாரை கடுமையாக தாக்கி மதுபாட்டிலை உடைத்து கழுத்தில் குத்தியதாக தெரிகிறது. இதில் படுகாயம் அடைந்த வினித் குமார் ரத்த வெள்ளத்தில் துடித்தப்படியே சத்தம் போட்டார்.

வினித் குமாரின் சத்தம் கேட்டு ஓடி வந்த அப்பகுதி மக்கள், ரத்த வெள்ளத்தில் வினித் குமார் துடித்துக் கொண்டிருப்பதைக் கண்டு அதிர்ச்சி அடைந்தனர். உடனடியாக வினித்குமாரை மீட்டு மருத்துவமனைக்கு சிகிச்சைக்காக அனுப்பி வைத்தனர்.

எனினும் மருத்துவமனைக்கு கொண்டு செல்லும் வழியிலேயே வினித்குமார் பரிதாபமாக உயிரிழந்தார். இது குறித்து தகவல் அறிந்து சம்பவ இடத்திற்கு விரைந்து சென்ற வாலாஜாபாத் காவல் நிலைய இன்ஸ்பெக்டர் ஜெயவேல் மற்றும் போலீசார் விசாரணை மேற்கொண்டனர்.

மது பாட்டிலால் குத்தி கொலை செய்து விட்டு தப்பியோடிய பார்த்திபன், சின்ராஜ் ஆகியோரை கைது செய்து விசாரணை மேற்கொண்டு வருகின்றனர். கர்ப்பமாக உள்ள தனது மனைவியை பார்க்க கேரளாவுக்கு செல்ல இருந்த நிலையில் வினித்குமார் கொலை செய்யப்பட்டுள்ள சம்பவம் அந்த பகுதி மக்களிடையே சோகத்தை ஏற்படுத்தி உள்ளது.

பிரித்தானியாவில்..

பிரித்தானியாவில் கர்ப்பிணிப்பெண்ணொருவர் கணவனால் மலையிலிருந்து தள்ளிவிடப்பட்டுக் கொல்லப்பட்ட வழக்கில், சிறிது நேரத்தில் தான் கொல்லப்படப்போவது தெரியாமல், அந்தப் பெண் கணவனுடன் செல்பி எடுத்துக்கொண்டிருந்ததாக ஒரு தகவல் வெளியாகியுள்ளது.

மலையுச்சியிலிருந்து தள்ளிவிடப்பட்ட கர்ப்பிணிப்பெண் 2021ஆம் ஆண்டு, செப்டம்பர் மாதம் 2ஆம் திகதி, தன் கணவரான அன்வருடன் (Kashif Anwar, 29) தேனிலவுக்காக ஸ்காட்லாந்திலுள்ள Arthur’s Seat என்ற மலைக்கு சென்றிருந்தார் ஃபவ்ஸியா (Fawziyah Javed, 31).

பின்னர் அவர் மலையுச்சியிலிருந்து கீழே விழுந்து இறந்ததாக கூறப்பட்டது. அவரது வயிற்றிலிருந்த ஆண் குழந்தையும் இறந்துவிட்டிருந்தது. உடற்கூறு ஆய்வில், ஃபவ்ஸியாவின் உடலில் அவர் தாக்கப்பட்டதற்கு ஆதாரமாக பல அடையாளங்கள் கண்டுபிடிக்கப்பட்டன.

முன்பு பலமுறை அன்வர் ஃபவ்ஸியாவை தாக்கியதற்கான ஆதாரங்கள் கிடைத்த நிலையில், அன்வர்தான் அவரை மலையுச்சியிலிருந்து தள்ளிவிட்டிருக்கக்கூடும் என்ற சந்தேகத்தின்பேரில், அவர் மீது கொலைக்குற்றச்சாட்டுகள் பதிவு செய்யப்பட்டுள்ளன.

கணவனுடன் செல்பி எடுத்துக்கொண்டிருந்ததாக தகவல் இந்நிலையில், தான் சிறிது நேரத்தில் தன் கணவனாலேயே பயங்கரமான முறையில் கொல்லப்படப்போவது தெரியாமல், ஃபவ்ஸியா தன் கணவனுடன் செல்பி எடுத்துக்கொண்டிருந்திருக்கிறார்.

ஃபவ்ஸியாவின் மொபைலில், அவர் கொல்லப்பட்ட அன்று இரவு 8.06 மணி முதல் 8.30 வரை, அவர் தன் கணவரான அன்வருடன் எடுத்துக்கொண்ட செல்பிக்கள் கண்டுபிடிக்கப்பட்டுள்ளது குறிப்பிடத்தக்கது.