திண்டுக்கல்லில்..

திண்டுக்கல் மாவட்டம், வத்தலகுண்டு அருகே அமைந்துள்ள ஒத்தப்பட்டி என்னும் பகுதியை சேர்ந்தவர் பாலமுருகன். ஆட்டோ ஓட்டுநரான இவருக்கு இரண்டு மகள்கள் மற்றும் ஒரு மகன் உள்ளதாகவும் தகவல்ககள் தெரிவிக்கின்றது.

இதில், பாலமுருகனின் மூத்த மகளான நாகப்ரியா (வயது 30) பிசிஏ படித்து விட்டு தனியார் பள்ளி ஒன்றில் ஆசிரியையாகவும் பணியாற்றி வருவதாக கூறப்படுகிறது. இதனிடையே, நாகப்ரியாவும் திருமங்கலம் பாண்டியன்நகர் என்னும் பகுதியை சேர்ந்த சின்னசாமி என்பவரும் காதலித்து வந்துள்ளதாக சொல்லப்படுகிறது.

பெங்களூரில் உள்ள ஐடி நிறுவனத்திலும் சாஃப்ட்வேர் என்ஜினீயராக சின்னசாமி பணியாற்றி வந்துள்ளார். கடந்த இரண்டு ஆண்டுகளாக நாகப்ரியா மற்றும் சின்னசாமி ஆகியோர் காதலித்து வந்ததாக தகவல் தெரிவிக்கும் நிலையில் பல இடங்களிலும் அவர்கள் ஒன்றாக சுற்றித் திரிந்து வந்துள்ளனர்.

இந்த நிலையில், நாகப்ரியா கர்ப்பம் அடைந்ததாகவும் தகவல்கள் கூறுகின்றது. இதற்கு மத்தியில், சின்னசாமிக்கும் விருதுநகர் பகுதியை சேர்ந்த பெண்ணிற்கும் திருமணம் நிச்சயம் செய்துள்ளதாகவும் கூறப்படுகிறது.

இதனைத் தொடர்ந்து, திருமங்கலம் பகுதியில் உள்ள திருமண மண்டபத்திலும் சின்னசாமிக்கு வேறொரு பெண்ணுடன் திருமணம் நடைபெற ஏற்பாடுகள் செய்யப்பட்டுள்ளது.

தனது காதலருக்கு வேறொரு பெண்ணுடன் திருமணம் நடப்பதை அறிந்த நாகப்ரியா, அதிர்ச்சியில் உறைந்து போயுள்ளார். இதனையடுத்து, தனது பெற்றோர் மற்றும் உறவினர்களுடன் சின்னசாமிக்கு திருமணம் நடைபெற இருந்த மண்டபத்திற்கு நேராக சென்றுள்ளார்.

பின்னர், சின்னசாமி தன்னை காதலித்து கர்ப்பமாக்கி விட்டு திருமணம் செய்ய மறுப்பதையும் நாகப்ரியா கூறி உள்ளார். இதனால், திருமண மண்டபத்தில் பரபரப்பும் நிலவி உள்ளது.

இதுபற்றி தகவலறிந்ததும் மண்டபத்திற்கு போலீசாரும் வந்து விசாரணை மேற்கொண்டுள்ளனர். பின்னர் நாகப்ரியா மற்றும் சின்னசாமி குடும்பத்தினரிடம் போலீசார் பேசி திருமணத்தை தடுத்து நிறுத்தியதாகவும் தகவல்கள் தெரிவிக்கின்றது.

தொடர்ந்து, இந்த சம்பவம் தொடர்பாக போலீசாரும் தொடர்ந்து விசாரணை மேற்கொண்டு வருகின்றனர். இதில், நாகப்ரியாவை திருமணம் செய்யவும் சின்னசாமி ஒப்புக் கொண்டதாக தகவல்கள் வெளியாகி உள்ளது. காதலுனுக்கு நடக்க இருந்த திருமணத்தை கர்ப்பிணி பெண் தடுத்து நிறுத்திய சம்பவம் கடும் பரபரப்பை ஏற்படுத்தி உள்ளது.

தமிழகத்தில்..

தமிழகத்தில் சமீபகாலமாக பள்ளி, கல்லூரி மாணவிகளின் தற்கொலைகளும், விபத்துக்களும் அதிகரித்து வருகின்றன. சிலர் தண்டவாளத்தை கடக்க முயலும் போது செல்போனில் பேசிக் கொண்டே கடப்பதால் கவன குறைவு காரணமாக பரிதாபமாக உயிரிழந்து விடுகின்றனர்.

திருவள்ளூர் மாவட்டம் கும்மிடிப்பூண்டியில் உள்ள தபால் தெருவில் வசித்து வருபவர் சந்திரன். இவருடைய 22 வயது மகள் சந்தியா. சென்னையில் உள்ள தனியார் ஆசிரியர் பயிற்சி கல்லூரியில் சந்தியா 2ம் ஆண்டு படித்து வந்தார்.

இந்நிலையில் சந்தியா கும்மிடிப்பூண்டி – சென்னை சென்டிரல் ரயில் மார்க்கத்தில் நேற்று முன்தினம் தண்டவாளத்தை கடக்க முயற்சி செய்தார். அப்போது யாரும் எதிர்பார்க்காத நேரத்தில், அகமதாபாத்தில் இருந்து சென்னை நோக்கி வந்த எக்ஸ்பிரஸ் ரயில் சந்தியா மீது பலமாக மோதியது.

இதில் தூக்கி வீசப்பட்ட சந்தியா, சம்பவ இடத்திலேயே பரிதாபமாக உயிரிழந்தார். இது குறித்து தகவல் அறிந்த ரெயில்வே போலீசார் சந்தியாவின் உடலை மீட்டு பிரேத பரிசோதனைக்காக சென்னை ஸ்டான்லி அரசு மருத்துவமனைக்கு அனுப்பி வைத்தனர்.

அதைத் தொடர்ந்து இன்ஸ்பெக்டர் கோவிந்தராஜீ தலைமையிலான கொருக்குப்பேட்டை ரயில்வே போலீசார் சந்தியா ரயில் மோதி உயிரிழந்தது குறித்து வழக்குப்பதிவு செய்து தீவிர விசாரணை நடத்தி வருகிறார்கள்.

ஆசிரியர் பள்ளி மாணவி ரயில் மோதி உயிரிழந்த சம்பவம் அவர் குடும்பத்தினர் மற்றும் அக்கம்பக்கத்திலும் பெரும் சோகத்தையும், அதிர்ச்சியையும் ஏற்படுத்தியுள்ளது.

சேலத்தில்..

கொரோனா ஊரடங்கு காலத்துக்கு பிறகான வாழ்க்கை சூன்யத்தை நோக்கி சென்று கொண்டிருப்பதாகவே பலரும் நினைத்துக் கொண்டிருக்கின்றனர். மக்களிடையே பொறுமையும், எதிர்த்து போராடும் குணமும் குறைந்து விட்டது. குறிப்பாக பள்ளி, கல்லூரி மாணவிகளிடையே மன அழுத்தம் அதிகரித்துள்ளது.

தனது காதலனுடன் திருமணத்திற்கு சம்மதிக்காமல், ஏமாற்றியதற்காக 12ம் வகுப்பு மாணவி, காதலனுடன் சேர்ந்து தற்கொலை செய்து கொண்டது பெற்றோரை அதிர செய்துள்ளது. தனியார் பள்ளி ஒன்றில் 12ம் வகுப்பு படிக்கும் மாணவி, கோபி என்ற இளைஞரை காதலித்து வந்துள்ளார்.

இந்நிலையில், தனது காதலியைப் பெண் கேட்டு காதலியின் வீட்டிற்கு சென்ற கோபியிடம், மாணவியின் பெற்றோர், அவள் இப்போது தான் பள்ளிக்கு செல்கிறாள். பிறகு பார்க்கலாம் என்று நல்ல விதமாக சொல்லி விட்டு, அதன் பிறகு அவளை பள்ளிக்கும் அனுப்பாமல், அவசர அவசரமாக வேறு மாப்பிள்ளைத் தேட துவங்கியிருக்கிறார்கள்.

காதலர்களின் திருமணத்திற்கு சம்மதிக்காமல், பள்ளிக்கும் அனுப்பாததால், காதல் ஜோடி பாஸ்பேட் மாத்திரைகளைச் சாப்பிட்டு தற்கொலை செய்து கொண்ட சம்பவம் சோகத்தை ஏற்படுத்தியுள்ளது.

சேலம் மாவட்டம் மேட்டூர் அடுத்த நங்கவள்ளி அருகே உள்ள செம்மண் காட்டுவளவு பகுதியை சேர்ந்தவர் கோபி. அந்த பகுதியில் விசைத்தறி தொழில் செய்து வரும் கோபிக்கும், அதே பகுதியில் வசிக்கும் 12ம் வகுப்பு படிக்கும் மாணவிக்கும் இடையே காதல் மலர்ந்துள்ளது.

கடந்த 2 ஆண்டுகளாக கோபியும், 12ம் வகுப்பு மாணவியும் காதலித்தப்படியே பல இடங்களுக்கு ஒன்றாக சென்று வந்துள்ளதாக தெரிகிறது. இந்நிலையில், கோபி, பள்ளி மாணவியின் வீட்டிற்கு சென்று பெண் கேட்டதாக கூறப்படுகிறது.

அதற்கு மாணவியின் பெற்றோர், அவள் சிறுமி. அவளுக்கு 18 வயது முடிந்தவுடன் திருமணம் செய்து வைக்கிறோம் என்று கூறியுள்ளனர். அதன் பின்னர், மாணவியை, பள்ளிக்கு அனுப்புவதையும் நிறுத்தியுள்ளனர்.

இந்நிலையில், வீட்டில் தங்களது திருமணத்திற்கு சம்மதிக்க மாட்டார்கள் என்று அஞ்சி, மாணவியும், கோபியும் தென்னை மரத்துக்கு வைக்கும் அலுமினியம் பாஸ்பேட் மாத்திரைகளை சாப்பிட்டு தற்கொலைக்கு முயன்றுள்ளனர்.

இருவரையும் சேலம் தனியார் மருத்துவமனையில் சிகிச்சைக்காக அனுமதித்த நிலையில் இருவரும் சிகிச்சைப் பலனளிக்காமல் பரிதாபமாக உயிரிழந்தனர். இது குறித்து நங்கவள்ளி போலீசார் வழக்குப்பதிவு செய்து விசாரணை செய்து வருகின்றனர்.

கிரிக்கட்டில்..

சமீப காலமாக நம்மை வியக்க வைக்கக் கூடிய வகையில் வீடியோக்கள் இணையத்தில் பகிர்வது அதிகமாகி வருகிறது. மாற்றுத்திறனாளியொருவர் கிரிக்கெட் விளையாட்டில் பார்வையாளர்களை அசத்தும் வகையில் பந்தை வீசியுள்ளார்.

இது குறித்து அவர் கூறுகையில், எனக்கு சிறு வயதிலிருந்து கிரிக்கட்டில் ஆர்வம் இருக்கிறது. ஆகையால் தொடர் பயிற்சி பெற்றுள்ளதாக தெரிவித்துள்ளார்.

திறமைக்கு குறைகள் ஒன்றும் தடையில்லையென இன்றைய சமூகத்தினருக்கு எடுத்துக் காட்டும் வகையில் செயற்பட்டுள்ள மாற்றுத்திறனாளியின் குறித்த காட்சி இணையத்தில் பயங்கர வைரலாகி வருவதுடன் நெட்டிசன்களும் மெய்சிலிர்த்து அவதானித்து வருகின்றனர்.

निरंतर अभ्यास और इच्छाशक्ति से कोई भी व्यक्ति अपनी किसी भी 'अक्षमता' को आश्चर्यजनक 'क्षमता' में बदल सकता है…!
💕#प्रेरक pic.twitter.com/o5i797FNxA

— Sanjay Kumar, Dy. Collector (@dc_sanjay_jas) October 25, 2022

சென்னையில்..

மனநல மருத்துவமனையில் சிகிச்சை பெற்று, குணமடைந்து காதலித்த இருவர் திருமணம் செய்து கொண்டது நெகிழ்ச்சியை ஏற்படுத்தியுள்ளது. சென்னையை சேர்ந்த 42 வயதான மகேந்திரனும், 36 வயதான தீபாவும் காதலித்து வந்த நிலையில் இன்று அவர்களுக்கு திருமணம் நடந்து முடிந்துள்ளது.

பாரம்பரிய முறைபடி மகேந்திரன் தாலிகட்டி தீபாவை மணந்தார். தமிழக அமைச்சர் மா.சுப்ரமணியம் தலைமையில் தான் இவர்கள் திருமணம் நடந்துள்ளது. ஆம் புதுமை தான்! கீழ்பாக்கம் அரசு மனநலக் காப்பகத்தில் இருவரும் சிகிச்சை பெற்று குணமாகி அங்கேயே பணி செய்த நிலையில் தான் இருவருக்கும் இடையே காதல் ஏற்பட்டிருக்கிறது.

மகேந்திரன் கூறுகையில், என்னோட சொந்த ஊர் சென்னை. நான் பி.காம் எம்பிஇ, எம்பில், பிஜிடிசிஏ முடிச்சிருக்கேன். அதிகப்படியான கோபம், மனஅழுத்தம் காரணமா கீழ்பாக்கம் அரசு மனநலக் காப்பகத்தில் இரண்டாண்டுகள் சிகிச்சை எடுத்துக்கிட்டேன்.

சிகிச்சைக்கு பின்னர் குணமாகிட்டு இங்கேயே டேகேரில் ஹவுஸ்கீப்பிங் சூப்பர்வைசராக ஒர்க் பண்ணிட்டு இருக்கேன். நான் டே கேரில் இருந்தப்ப சிகிச்சைக்காக தீபா வந்தாங்க.

அவரை பார்த்ததுமே எனக்கு என் அம்மா ஞாபகம் வந்துவிட்டது. ஏனெனில், தீபா ஆசிரியை. என் அம்மாவும் பிரின்சிபலாக இருந்தவங்கதான்! அதனால அப்பவே அவங்களை எனக்குப் பிடிச்சிருந்தது என்றார்.

தீபா பேசுகையில்,நான் எம்ஏ, பிஎட் முடிச்சிட்டு டீச்சராக ஒர்க் பண்ணிட்டு இருந்தேன். என் அப்பா இறந்த செய்தி கேட்டு மன அழுத்தத்துக்குள்ளே போயிட்டேன். அப்புறமா இங்க ரெண்டு வருஷம் சிகிச்சை எடுத்து குணமாகி இங்கேயே cafe r’vive-ல் ஒர்க் பண்ணிட்டு இருக்கேன்.

குணமாகி வீட்டுக்குப் போனேன். ஆனா, அங்க இருக்க முடியல. வேலை காரணமா மறுபடியும் இங்கேயே வந்துட்டேன். இவரை முதன்முறை சந்திச்சப்பவே இவர் என்கிட்ட லவ் யூன்னுலாம் சொல்லலை.

நேரடியா, `நாம கல்யாணம் பண்ணிக்கலாமா!’ன்னு தான் கேட்டார். அது எனக்கு ரொம்பப் பிடிச்சிருந்தது. சில பர்சனல் காரணங்களால் என்னால உடனே ஓகே சொல்ல முடியல. ஒரு ஆறு மாசம் கழிச்சு அவருக்கு ஓகே சொன்னேன் என கூறினார்.

நாங்களும் எல்லார் மாதிரியுமான ஒரு புது வாழ்க்கையைத் தொடங்க இருக்கிறோம். எங்களுடைய கோபத்தை விடவும் எங்கள் காதலுக்கு வீரியம் அதிகம் என நிரூபித்துக் காட்டுவோம் என தம்பதி மகிழ்ச்சியோடு கூறியுள்ளனர்.

தமிழகத்தில்..

தமிழகத்தில் மணப்பெண்ணுக்கு தாலி கட்டியவுடன் தனது உடல் உறுப்புகளை தானம் செய்த புதுமாப்பிள்ளையின் செயல் நெகிழ்ச்சியை ஏற்படுத்தியுள்ளது. புதுக்கோட்டை மாவட்டம் சேந்தன்குடி கிராமத்தைச் சேர்ந்த ராஜேஷ் டிப்ளமோ படித்து முடித்தவுடன் வேலை தேடி கோவை சென்றுள்ளார்.

அங்கு மாத சம்பளத்திற்கு வேலை செய்து சேமித்த பணத்தில் சில ஆண்டுகளில் தனியாக சிறு தொழிற்சாலை நடத்தி வருகிறார். இந்த நிலையில், ராஜேஷுக்கும் அணவயல் பெரியசாமி மகள் உமாமகேஸ்வரிக்கும் (டிப்ளமோ நர்சிங்) சேந்தங்குடி மணமகன் இல்லத்தில் நேற்று திருமணம் நடைபெற்றது.

மணமகள் கழுத்தில் தாலி கட்டியவுடன் மணமகன் ராஜேஷ் தனது உடல் உறுப்புகளைத் தானம் செய்வதாக ஆன்லைனில் விண்ணப்பம் செய்தார். எனது உடல் உறுப்பு தானம் செய்வது குறித்து எனது மனைவியிடம் முன்பே சொல்லிவிட்டேன்.

செவிலியர் என்பதால் உயிர் பிழைக்க உடல் உறுப்புகள் எவ்வளவு முக்கியம் என்பதை அறிந்திருந்ததால் ஒத்துக்கொண்டார். விபத்துகளில் பலர் உடல் உறுப்புகள் பாதிக்கப்பட்டு இறப்பதைக் காண்கிறோம்.

அது போல நடக்கக் கூடாது. எல்லோரும் உயிருடன் இருக்கும் வரை ரத்த தானம் இறக்கும் நிலையில் உடல் உறுப்பு தானம் செய்ய வேண்டும் என்றார். திருமணத்திற்கு வாழ்த்த வந்த உறவுகள் ராஜேஷின் இந்த செயலைப் பார்த்து நெகிழ்ச்சியோடு பாராட்டினார்கள்.

பொள்ளாச்சியில்..

அரசு பேருந்தை ஒட்டிக் கொண்டிருந்த நிலையில், திடீரென ஓட்டுனர் மருதாச்சலத்திற்கு மாரடைப்பு ஏற்பட்டுள்ளது. சமாளித்தப்படியே பயணிகளைக் காப்பாற்ற நினைத்த ஓட்டுநர், பேருந்தை வேகம் குறைத்து, அருகிலிருந்த சுவற்றின் மீது மோதி நிறுத்தி விட்டு, பேருந்து ஸ்டேரிங்கின் மீது சரிந்து விழுந்து உயிரிழந்தார்.

பொள்ளாச்சி புதிய பேருந்து நிலையத்தில் இருந்து 7ஏ என்ற அரசு பேருந்தை சிங்காநல்லூருக்கு மருதாச்சலம் என்ற ஓட்டுனர் ஓட்டிச் சென்றார். இவர் ஜமீன் கோட்டாம்பட்டியைச் சேர்ந்தவர். அப்போது பேருந்தை ஒட்டிக் கொண்டிருந்த போது ஓட்டுனர் மருதாச்சலத்திற்கு திடீரென்று மாரடைப்பு ஏற்பட்டது.

இதனால் நிலைமையை புரிந்து கொண்ட மருதாச்சலம் பேருந்தை அருகில் இருந்த சுவற்றின் மீது மோதி நிறுத்தி விட்டு ஸ்டேரிங் மீது சரிந்து விழுந்த படியே உயிரிழந்தார். இதை பார்த்த பயணிகள் அதிர்ச்சியடைந்து உடனடியாக ஆம்புலன்ஸூக்கு தகவல் தெரிவித்தனர்.

மருத்துவக்குழுவினர் விரைந்து சென்று மருதாச்சலத்தை பரிசோதித்தனர். அவர் ஏற்கனவே இறந்து விட்டதாக கூறியதால் பேருந்தில் அமர்ந்திருந்த பயணிகள் அதிர்ச்சியடைந்து சோகத்தில் மூழ்கினர்.

தகவல் அறிந்த விரைந்து சென்ற போலீசார், மருதாச்சலத்தின் உடலை மீட்டு பொள்ளாச்சி அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மாரடைப்பு ஏற்பட்ட நேரத்தில் பயணிகளின் உயிருக்கு ஆபத்து ஏற்படாத வகையில் சாதுர்யமாக செயல்பட்ட ஓட்டுனரை அங்கிருந்தவர்கள் வெகுவாக பாராட்டி கண்ணீர் விட்டனர்.

மாரடைப்பால் பணியின் போது உயிரிழந்த மருதாச்சலம் அடுத்த 4 மாதத்தில் பணியில் இருந்து ஓய்வு பெற உள்ளார் என்பது குறிப்பிடத்தக்கது. இதைச் சொல்லி, பேருந்தின் நடத்துனர் கண்ணீர் விட்டு அழுதது பெரும் சோகத்தை ஏற்படுத்தியது.