வியாசர்பாடியில்..

சென்னை வியாசர்பாடியை சேர்ந்தவர் கால்பந்து வீராங்கனை பிரியா. இவர் மாவட்ட மற்றும் மாநில அளவில் கால்பந்து போட்டிகளில் விளையாடி வந்துள்ளார். இளம் வீராங்கனையாக இருந்த பிரியாவுக்கு வலது காலில் அறுவை சிகிச்சை மேற்கொள்ளப்பட்டிருந்த நிலையில், ரத்த ஓட்டம் தடைபட்டுள்ளது.

இதன் காரணமாக கால் அகற்றப்பட்டிருந்த நிலையில், இன்று காலை இளம்பெண் பிரியா உயிரிழந்துள்ளார். முன்னதாக, பெரியார் நகரில் உள்ள அரசு மருத்துவமனையில் சிகிச்சை பெற்று காலில் கட்டு போடும் போது அதனை அழுத்தமாக மருத்துவர்கள் கட்டியதால் மாணவி பிரியாவின் வலது காலில் ரத்த ஓட்டம் பாதிக்கப்பட்டு ரத்த நாளங்கள் பாதிப்புக்கு உள்ளானது.

இது பெரிய அளவில் பாதிப்பை ஏற்படுத்தியதால், மிகப் பெரிய அளவில் அவதிப்பட்ட மாணவி பிரியாவை சென்னை ராஜீவ் காந்தி அரசு மருத்துவமனையில் மேல் சிகிச்சைக்காக அனுமதிக்கப்பட்டார்.

அங்கே உன்னிப்பாக பிரியாவை மருத்துவர்கள் கவனித்து வந்த நிலையில், சிறுநீரக பாதிப்பு, ஈரல் பாதிப்பு, இதய பாதிப்பு உள்ளிட்ட பாதிப்புகள் ஏற்பட்டது. இதனிடையே, அவரது கால்களையும் மருத்துவர்கள் அகற்றி உள்ளனர். இந்த நிலையில், இன்று (15.11.2022) காலை 7:15 மணிக்கு சிகிச்சை பலனின்றி பிரியா உயிரிழந்தார்.

பெரியார் நகரில் உள்ள மருத்துவமனையில் அறுவை சிகிச்சை செய்த மருத்துவர்களின் கவனக்குறைவு தான் காரணம் என்பதும் தெரிய வந்ததாக அமைச்சர் மா. சுப்பிரமணியன் தெரிவித்திருந்தார்.

மேலும், உயிரிழந்த மாணவி பிரியாவின் குடும்பத்தினருக்கு நிவாரணம் மற்றும் சகோதரி ஒருவருக்கு அரசு வேலை வழங்கப்படும் என்றும் அமைச்சர் மா. சுப்பிரமணியன் தெரிவித்திருந்தார்.

மருத்துவர்களின் கவனக் குறைவால் மாணவி பிரியா உயிரிழந்த விஷயம், அவரது குடும்பத்தினர் மற்றும் உறவினர்கள் மத்தியில் கடும் வேதனையையும், அதிர்ச்சியையும் ஏற்படுத்தியது. கால்பந்து விளையாட்டில் பெரிதாக சாதிக்க வேண்டும் என இருந்த மாணவியின் கனவுகள் அனைத்தும் புதைந்து போனதால் அனைவரும் நொந்து போயினர்.

தமிழகத்தில் கடும் அதிர்வலைகளை இந்த சம்பவம் ஏற்படுத்தி உள்ள நிலையில், மாணவி பிரியா கடைசியாக பகிர்ந்த வாட்ஸ்அப் ஸ்டேட்டஸ் தற்போது பலரையும் கண் கலங்க வைத்துள்ளது.

மாணவி பிரியா பகிர்ந்த வாட்ஸ்அப் ஸ்டேட்டஸில், “அனைத்து நண்பர்கள் மற்றும் குடும்பத்தினருக்கு. நான் சீக்கிரமாவே ரெடி ஆயிட்டு கம்பேக் கொடுப்பேன். எதுக்கும் பீல் பண்ணாதீங்க.

என்னோட மாஸ் என்ட்ரி கொடுப்பேன். என்னோட கேம் என்ன விட்டு போகாது. நீங்க நான் ரிட்டன் வருவேன்னு நம்பிக்கையா இருக்கீங்க. லவ் யூ ப்ரெண்ட்ஸ் அண்ட் ஃபேமிலி” என குறிப்பிட்டுள்ளார்.

சமீபத்தில் மருத்துவமனையில் இருக்கும் போது பிரியா வைத்திருந்த வாட்ஸ்அப் ஸ்டேட்டஸ் தொடர்பான ஸ்கிரீன்ஷாட்கள் தற்போது இணையத்தில் அதிகம் வைரலாகி பார்ப்போர் பலரையும் மனம் கலங்க வைத்து வருகிறது.

தன்னிடமிருந்து இந்த கேம் எப்போதும் விட்டு போகாது என கால்பந்து விளையாட்டை குறிப்பிட்டுள்ள பிரியா, நிச்சயம் திரும்பி வருவேன் என்று நம்பிக்கையுடன் குறிப்பிட்டிருந்த நிலையில் தற்போது உயிரிழந்தது கடும் துயரத்தை ஏற்படுத்தி உள்ளது.

ஆந்திராவில்..

ஆந்திராவில் கர்ப்பிணியின் வயிற்றில் இருந்த 6 மாத பெண் சிசுவை கலைக்க முயன்ற போது சிசுவுடன் சேர்ந்து அந்தப் பெண்ணும் உயிரிழந்த சம்பவம் பெரும் சோகத்தையும், பரபரப்பையும் ஏற்படுத்தியுள்ளது.

மருத்துவர்களை அணுகாமல் வீட்டில் வைத்தே நாட்டு வைத்தியம் செய்ததில் அந்த கர்ப்பிணிப் பெண் துடிதுடித்து இறந்திருப்பது விசாரணையில் தெரியவந்துள்ளது. இந்தக் கொடூர சம்பவத்தை நிகழ்த்திய அவரது கணவரையும், மாமியாரையும் போலீஸார் கைது செய்து விசாரணை நடத்தி வருகின்றனர்.

விழிப்புணர்வும், படிப்பறிவும் இல்லாத காலத்தில் நடைபெற்று வந்த பெண் சிசுக் கொலைகள், நாகரீக வளர்ச்சியில் உச்சம் தொட்ட இந்த காலத்திலும் ஆங்காங்கே நடைபெற்று வருவது இன்னும் நம் சமூகம் மிகவும் பின்தங்கி இருப்பதைதான் காட்டுகிறது.

அனைத்துத் துறைகளிலும் பெண்கள் கோலோச்சி, புதுப்புது சாதனைகளை படைத்து வரும் போதிலும், பெண் குழந்தைகளை பாரமாக நினைக்கும் அறிவு மக்கிப்போன மக்களை என்னவென்று சொல்வது? இதுபோல், பெண் சிசுவை அழிக்க நினைத்து வீட்டிலேயே வைத்தியம் பார்த்ததில் கர்ப்பிணி ஒருவர் உயிரிழந்த சம்பவம் ஆந்திராவில் நடந்திருக்கிறது.

இந்த பரிதாபம் சம்பவம் குறித்து இப்போது பார்க்கலாம். பெண் குழந்தை மீது வெறுப்பு ஆந்திர மாநிலம் குண்டூர் மாவட்டத்தில் உள்ள நரசராவ்பேட்டையை சேர்ந்தவர் வேணு (35). இவருக்கும் சிவரஞ்சினி (25) என்ற பெண்ணுக்கும் கடந்த 2015-ம் ஆண்டு திருமணம் நடைபெற்றது.

இவர்களுக்கு முதலில் பெண் குழந்தை பிறந்துள்ளது. ஆண் குழந்தை மீது அதிக மோகம் கொண்ட வேணுவுக்கும், அவரது குடும்பத்தினருக்கும் பெண் குழந்தை பிறந்தது பிடிக்கவில்லை. அதனால் தனது குழந்தை மீதே வெறுப்பு காட்டி வந்துள்ளார் வேணு. மேலும், தனக்கு ஆண் குழந்தை வேண்டும் என்பதிலும் அவர் உறுதியாக இருந்துள்ளார்.

இந்த சூழலில், கடந்த 6 மாதங்களுக்கு முன்பு மீண்டும் கர்ப்பம் தரித்தார் சிவரஞ்சினி. இந்த முறை தனக்கு கட்டாயம் ஆண் குழந்தை தான் பிறக்கும் என தீர்க்கமாக நம்பினார் வேணு.

மேலும், வயிற்றில் இருக்கும் குழந்தையை ஆண் பெயர் வைத்து வேணுவும், அவரது குடும்பத்தினரும் கூப்பிடத் தொடங்கினர் இதனிடையே, ஒவ்வொரு முறை மருத்துவமனைக்கு செல்லும் போதும் வயிற்றில் இருப்பது என்ன குழந்தை என மருத்துவர்களிடம் வேணு கேட்டு வந்தார்.

ஆனால், குழந்தையின் பாலினத்தை சொல்வது சட்டப்படி குற்றம்.. இதை நாங்கள் சொல்ல மாட்டோம் என மருத்துவர்கள் கூறியுள்ளனர்.  ஆனால், வேணு தொடர்ந்து மருத்துவர்களிடம் வற்புறுத்திக் கேட்டுக்கொண்டே இருந்தார். சரி., பாசத்தில்தான் கேட்கிறார் என நினைத்துக் கொண்டு கடந்த வாரம் அவர்களிடம் வயிற்றில் இருப்பது பெண் சிசு என மருத்துவர்கள் கூறினர்.

அவ்வளவுதான்.. ஆத்திரத்தின் உச்சிக்கே சென்ற வேணு, வீட்டுக்கு வந்ததும் சிசுவை அழித்தே தீர வேண்டும் என கத்தி கூச்சலிட்டார். இதற்கு வேணுவின் தாயாரும் ஆதரவாக பேசினார். சிவரஞ்சனி எவ்வளவு எடுத்து சொல்லியும், அதை கேட்பதற்கு வேணு குடும்பத்தினர் தயாராக இல்லை.

அதன்படி, நேற்று முன்தினம் சிசுவை வீட்டிலே வைத்தே கலைப்பதற்காக சில மூலிகைகளை அரைத்து சிவரஞ்சனிக்கு வேணுவும், அவரது தாயாரும் குடிக்க கொடுத்துள்ளனர். ஆனால், சிவரஞ்சனி குடிக்க மறுத்துள்ளார். இதையடுத்து, அவரது வாயில் வலுக்கட்டாயமாக அந்த மூலிகை சாற்றை அவர்கள் ஊற்றினர்.

இதில் சிறிது நேரத்திலேயே அவருக்கு வயிற்று வலி ஏற்பட்டு சிவரஞ்சனி கதறி துடித்துள்ளார். ஆனால், அதுபற்றி சிறிதும் கவலைப்படாமல் அவர்கள் இருந்துள்ளனர். இந்நிலையில், உடலில் விஷம் ஏறி சிவரஞ்சனி பரிதாபமாக உயிரிழந்தார்.

இதுகுறித்து சிவரஞ்சனி பெற்றோர் அளித்த புகாரின் பேரில், வேணுவையும், அவரது தாயாரையும் கைது செய்த போலீஸார் அவர்கள் மீது கொலை வழக்கு பதிவு செய்துள்ளனர். இதனிடையே, சிசுவின் பாலினத்தை கூறிய மருத்துவர்களையும் கைது செய்ய போலீஸார் நடவடிக்கை எடுத்து வருகின்றனர்.

திருவள்ளூரில்..

திருவள்ளூர் மாவட்டம் ஆவடி அடுத்த திருநின்றவூர் பகுதியில் வசிப்பவர் 48 வயது கோதண்டபாணி (48), உயர்நீதிமன்றத்தில் கிளார்க்காக பணியாற்றி வருகிறார். இவது மகன் மோனிஷ் (17). இவர் திருமுல்லைவாயிலில் உள்ள தனியார் பாலிடெக்னிக் கல்லூரியில் மெக்கானிக்கல் 3ம் ஆண்டு பயின்று வந்தார்.

இந்நிலையில் நவம்பர் 11ம் தேதி இவர் கல்லூரியின் வகுப்பறையில் செல்போன் பயன்படுத்தியதற்காக கல்லூரி நிர்வாகம் அவரிடம் இருந்த செல்போனை பறிமுதல் செய்துள்ளது. பின்னர், பெற்றோருக்கு தகவல் கொடுத்தனர்.

இந்நிலையில், பாலிடெக்னிக் கல்லூரிக்கு சென்ற கோதண்டபாணி, தன் மகன் மோனிஷிடம் செல்போனை கல்லூரிக்கு ஏன் எடுத்து சென்றாய் என கண்டித்துள்ளார். இதனால், மன உளைச்சல் அடைந்த மோனிஷ் நேற்று தேர்வு எழுத சென்றுள்ளார்.

அப்போது, கல்லூரி நிர்வாகம் தேர்வு எழுத மோனிஷை அனுமதிக்கவில்லை. இதனால், அதிர்ச்சியடைந்த அவர், பேராசிரியர்களுடன் கடும் வாக்குவாதத்தில் ஈடுபட்டுள்ளார்.

பின்னர், அவர்களிடம், நான் தற்கொலை செய்துகொள்ள போகிறேன் எனக் கூறிவிட்டு, ஆவடி ரயில் நிலையம் சென்றுள்ளார். உடனே, கல்லூரி நிர்வாகம், மாணவன் குறித்து பெற்றோருக்கு தகவல் தெரிவித்துள்ளது.

இந்நிலையில் நேற்று மதியம் திருப்பதியில் இருந்து சென்னை நோக்கி சென்ற சப்தகிரி எக்ஸ்பிரஸ் முன்பு மோனிஷ் பாய்ந்து தற்கொலை செய்து கொண்டார். தகவல் அறிந்து சம்பவ இடத்திற்கு விரைந்து வந்த ஆவடி ரயில்வே போலீசார், மோனிஷின் சடலத்தை மீட்டு, பிரேத பரிசோதனைக்காக கீழ்ப்பாக்கம் அரசு மருத்துவமனைக்கு அனுப்பி வைத்தனர்.

மேலும், இது தொடர்பாக வழக்கு பதிந்து விசாரணை மேற்கொண்டு வருகின்றனர். இதனை கேட்டு அதிர்ச்சியடைந்த பெற்றோர்கள் கல்லூரி நிர்வாகத்தின் மீது குற்றஞ்சாட்டியுள்ளனர். இச்சம்பவம் அப்பகுதியில் பெரும் பரபரப்பை ஏற்படுத்தி உள்ளது.

கோவையில்..

கோவையில் ஏல சீட்டு நடத்தி நஷ்டம் அடைந்ததால் குடும்பத்துடன் தாய், மகள் தற்கொலை செய்துகொண்ட சம்பவம் சோகத்தை ஏற்படுத்தியுள்ளது.
கோவை ராமநாதபுரம் அங்கண்ணன் வீதியை சேர்ந்தவர் காந்தரூபன் (53).

இவரது மனைவி பழனியம்மாள் (49). இவர்களது மகள் தீட்சனாதேவி (23). பிகாம் பட்டதாரியான இவர் வேலைக்கு சென்று வந்தார். இவர்கள் இதே பகுதியில் கடந்த சில ஆண்டுகளுக்கு முன்பு ஏலச்சீட்டு நடத்தி வந்தனர்.

ஒரு கட்டத்தில் இதில் நஷ்டம் ஏற்பட்டதாக தெரிகிறது. இதனால் இங்குள்ள வீட்டை விற்றுவிட்டு சூலூர் கருணையம்மாள் பிள்ளையார் கோவில் வீதியில் வாடகை வீட்டில் குடியேறினர்.

மூன்று பேரும் வேலைக்கு சென்று வந்தனர். இந்நிலையில் நேற்று காலை காந்தரூபன் தனது அண்ணனுக்கு போன் செய்து ‘‘நாங்கள் குடும்பத்துடன் தற்கொலை செய்து கொள்ளப்போகிறோம்’’ என்று கூறிவிட்டு இணைப்பை துண்டித்தார்.

அதிர்ச்சியடைந்த அண்ணன் பதறியடித்து அங்கு சென்றார். அப்போது வீடு உள்பக்கமாக பூட்டியிருந்தது. பலமுறை கதவை தட்டிய பின்னர் காந்தரூபன் அரை மயக்கத்தில் தள்ளாடியபடி கதவை திறந்தார்.

அவர் விஷம் குடித்து உயிருக்கு போராடுவதும் உள்ளே பழனியம்மாளும் தீட்சனா தேவியும் விஷம் குடித்தும், கை மணிக்கட்டை அறுத்துக்கொண்டும் இறந்து கிடந்தது தெரியவந்தது. உடனடியாக காந்தரூபனை கோவை அரசு மருத்துவமனையில் சேர்த்தார்.

இது குறித்து சூலூர் போலீசார் வழக்குப்பதிந்து விசாரித்தனர்.உயிருக்கு ஆபத்தான நிலையில் சிகிச்சை பெறும், காந்தரூபன் ‘‘ஏலச்சீட்டு நடத்தி பல லட்சம் பணம் நஷ்டமாகிவிட்டது.

அதனால் இருந்த சொத்துக்கள் பறிபோயின. வீட்டை விற்று கடனை அடைத்ததுபோக மீதி ரூ.19 லட்சம் இருந்தது. அதனை வேலை செய்யும் இடத்தில் தெரிந்தவர்களுக்கு கடன் கொடுத்தேன்.

இந்நிலையில் மகளுக்கு திருமணம் செய்து வைக்க முடிவு செய்தோம். ஆனால் கடன் பெற்றவர்கள் திருப்பி தராததால் தற்கொலை செய்து கொள்ள முடிவு செய்தோம்’’ என்று கூறியதாக போலீசார் தகவல் தெரிவித்துள்ளனர்.

டெல்லியில்..

டெல்லியில் லி.வ் இ.ன் டு.கெதரில் வா.ழ்ந்த கா.தலியை 35 து.ண்.டு.க.ளா.க வெ.ட்.டி கூ.று.போ.ட்.டு தொ.டர்ந்து 18 நா.ட்களாக தி.னசரி ஒ.வ்வொரு து.ண்.டா.க வ.னப்பகுதியில் பு.தை.த்.த கொ.டூ.ர இ.ளைஞர் கை.து செ.ய்.யப்பட்டுள்ளார்.

கா.தலியின் உ.ட.லை து.ண்.டு.து.ண்.டா.க வெ.ட்.டி.ய இ.ளைஞர் பி.ரிட்ஜில் வை.த்திருந்து தி.னசரி பு.தை.த்துள்ளார். இ.ந்த ச.ம்பவம் க.டந்த மே மா.த.ம் ந.டந்துள்ளது.

டெ.ல்லியில் உ.ள்ள மெஹ்ராலி வ.னப்பகுதியில் ந.ள்ளிரவு 2 ம.ணிக்கு தி.னசரி செ.ன்று ஒ.வ்வொரு து.ண்.டா.க ப.ல்வேறு இ.டங்களில் கா.தலியின் உ.ட.லை அ.ந்த இ.ளைஞர் பு.தை.த்தது வி.சாரணையில் தெ.ரியவந்தது.

மு.ம்பையில் வ.சித்து வ.ருபர் 26 வ.யது ஷ்ரதா. இ.வ.ர் ப.ன்னாட்டு நி.றுவனக் கா.ல்சென்டரில் ப.ணிபுரிந்து வ.ந்தார். இ.வருடன் ஒ.ன்றாக அ.தே நி.றுவனத்தில் ப.ணியாற்றியவர் அமீன் பூனாவல்லா. இ.ருவரும் கா.தலில் வி.ழுந்து லிவ் இ.ன் டு.கெதர் உ.றவில் வா.ழ மு.டிவு செ.ய்தனர்.

அவர்களின் இந்த முடிவை ஷ்ரதா தனது குடும்பத்தாரிடம் பகிர்ந்து அனுமதி கோரினார். ஆனால், அதற்கு அவரின் பெற்றோர் அனுமதிக்கவில்லை. இதனையடுத்து ஷ்ரதா பூனாவல்லாவுடன் டெல்லிக்கு சென்றார். டெல்லியில் மெஹ்ராலி பகுதியில் ஒரு அடுக்குமாடியில் வீட்டை வாடகைக்கு எடுத்து இருவரும் ஒன்றாகத் தங்கினார்கள்.

மேமாதம் முதல் ஷ்ரத்தாவின் மொபைல் ஸ்விட்ச் ஆப் செய்யப்பட்டது. பெற்றோர் எத்தனையோ முறை அழைத்தும் பதில் தரவில்லை. இதன் பிறகு ஷ்ரத்தாவின் தந்தை அவர் வசிக்கும் இடத்திற்கு சென்றார். ஆனால் குடியிருப்பு பூட்டியிருந்தது.

இதனால் சந்தேகம் அடைந்த ஷ்ரதாவின் தந்தை மெஹ்ராலி போலீஸில்தனது மகளைக் காணவில்லை என காவல்நிலையத்தில் புகார் அளித்தார். இந்த புகாரின் அடிப்படையில் வழக்கு பதிவு செய்து அமீர்பூனாவல்லாவிடம் விசாரணை மேற்கொள்ளப்பட்டது.

இதில் பல தி.டுக்கிடும் த.கவல்கள் வெ.ளியாகின. அவன் கூறிய தகவலின் படி “ ஷ்ரதாவுக்கும், பூனாவல்லாகுக்கும் உறவு நன்றாக சென்றுள்ளது. ஒரு கட்டத்தில் ஷ்ரதா தன்னை திருமணம் செய்யும்படி பூனாவல்லாவிடம் கூறி, வ.ற்புறுத்தியுள்ளார்.

ஆனால் திருமணத்திற்கு பூனாவல்லா சம்மதிக்கவில்லை. இதன் காரணமாக இருவருக்கும் அடிக்கடி ச.ண்டைகளும், ச.ச்சரவுகளும் நி.கழ்ந்துள்ளன. மே 18ம் தேதி ஷ்ரத்தாவை பூனாவல்லா கொ.லை செ.ய்.தா.ர் ஷ்ரத்தாவின் உ.ட.லை ம.றைக்கும் வகையில் புதிய ஃப்ரிட்ஜ் ஒன்றை ஆர்டர் செய்து வாங்கினார்.

அ.ந்த ஃப்.ரிட்ஜில் ஷ்ரத்தாவின் உ.ட.லை 35 து.ண்.டு.க.ளா.க வெ.ட்.டி வை.த்தார். தி.னமும் அ.திகாலை 2 ம.ணிக்கு 18 நா.ட்களாக உ.ட.லி.ன் ஒ.வ்வொரு பா.கத்தையும் த.னித்தனியாக எ.டுத்து செ.ன்று மெ.ஹ்ராலி வ.னப்பகுதியில் பூனாவல்லா பு.தை.த்.து.ள்.ளா.ர். இ.து போ.ன்று 18 நா.ட்களாக 35 து.ண்.டுகளையும் பூனாவல்லா பு.தை.த்.து மு.டி.த்துள்ளார் எ.ன அ.தி.ர்.ச்.சி த.ரும் த.கவலை வெ.ளியிட்டனர்.

டெல்லியில்..

டெல்லியில் இளம் பெண்ணை 35 துண்டுகளாக அவரது ஆண் நண்பரே வெட்டி கொலை செய்துள்ள பயங்கர சம்பவம் நடந்துள்ளது. மும்பையில் உள்ள பிரபல கால் சென்டரில் வேலை பார்த்தவர் ஷர்தா. அதே அலுவலகத்தில் வேலை பார்த்து வந்தவர் அஃப்தாப் அமீன் பூனாவாலா.

இவர்கள் இருவரும் வேலை செய்தபோது காதலித்து வந்துள்ளனர். பின்னர் இவர்கள் காதலுக்குப் பெற்றோர்கள் ஒத்துக்கொள்ளவில்லை. இதனால் காதலர்கள் இருவரும் மும்பையில் இருந்துவெளியேறி டெல்லி வந்துள்ளனர். பிறகு அங்கு வாடகைக்கு வீடு எடுத்துத் தங்கி ஒன்றாக வாழ்ந்து வந்தனர்.

இதற்கிடையில், ஷ்ரத்தா அவருடைய தந்தையுடன் தொலைப்பேசி வாயிலாக அவ்வப்போது பேசி வந்துள்ளார். ஆனால் சில நாட்களாக மகளுக்கு போன் செய்தும் அவர் எடுக்கவில்லை.

அவரிடம் இருந்து போன் எதுவும் வரவில்லை. இதனால் தந்தை விகாஸ்மதன் கடந்த 8ம் தேதி டெல்லி வந்துள்ளார். பிறகு மகள் வீட்டிற்குச் சென்று பார்த்தபோது அவரது வீடு பூட்டி இருந்தது.

இதனால் சந்தேகம் அடைந்த அவர் காவல் நிலையத்தில் புகார் அளித்துள்ளார். இந்த புகாரை அடுத்து புனவல்லாவை பிடித்து போலிஸார் விசாரணை செய்ததில் திடுக்கிடும் தகவல் வெளிவந்துள்ளது.

காதலர்கள் டெல்லி வந்து மகிழ்ச்சியாக இருந்துள்ளனர். பிறகு கடந்த சில மாதங்களுக்கு முன்பு ஷ்ரத்தா தன்னை திருமணம் செய்து கொள்ளும் படி புனவல்லாவிடம் வற்புறுத்தியுள்ளார். இதனால் அவர்களுக்குள் தகராறு ஏற்பட்டுள்ளது.

இதில் ஆவேசமடைந்த புனவல்லா காதலியின் கழுத்தை நெறித்து கொலை செய்துள்ளார். பிறகு போலிஸாரிம் மாட்டிக்கொள்ளாமல் இருக்க அவரது உடலை 35 துண்டுகளாக வெட்டி குளிர்சாதனப் பெட்டியில் வைத்துள்ளார்.

பின்னர், நள்ளிரவில் வெட்டப்பட்ட துண்டுகளை எடுத்துக் கொண்டு டெல்லியின் பல்வேறு பகுதிகளில் வீசியுள்ளார். இப்படி 18 நாட்களாக 35 துண்டுகளை அப்புறப்படுத்தியுள்ளார். இவரது வாக்குமூலத்தை அடுத்து டெல்லி போலிஸார் உடல் பாகங்களைத் தேடி வருகின்றனர்.

மகளைத் தேடி வந்த நிலையிலேயே அவரது கொடூர கொலை வெளிச்சத்திற்கு வந்துள்ளது. இளம் பெண் 35 துண்டுகளாக வெட்டி கொலை செய்யப்பட்டுள்ள சம்பவம் டெல்லியில் பரபரப்பை ஏற்படுத்தியுள்ளது.

மகாராஷ்டிராவில்..

மகாராஷ்டிரா மாநிலத்தில் ஒருவேளை உணவுக்கே கஷ்டப்பட்ட நிலையில் இருந்து படித்து முன்னேறி இப்போது அமெரிக்காவில் ஆராய்ச்சியாளராக பணிபுரிந்து வருகிறார் பாஸ்கர் ஹலாமி.

உலகில் எத்தனை தடைகள் எதிர்வரினும் துணிச்சலோடு போராடி, கல்வியின் துணையோடு வெற்றிபெறும் மனிதர்களை இந்த சமூகம் எப்போதும் கொண்டாட தவறுவது இல்லை. அவர்களுடைய வாழ்க்கை பல்லாயிரம் பேருக்கு வெளிச்சம் பாய்ச்ச கூடியதாக அமைகிறது. அப்படியானவர்களுள் ஒருவர் தான் பாஸ்கர் ஹலாமி.

மகாராஷ்டிர மாநிலம் குர்கேடா தாலுகாவில் உள்ள சிர்ச்சாடி கிராமத்தில் பழங்குடியின சமூகத்தில் பிறந்தவர் ஹலாமி. விவசாய பின்புலத்தை கொண்ட குடும்பத்தில் பிறந்த இவர் தனது வாழ்க்கையின் ஆரம்ப காலத்தில் வறுமையினால் பாதிக்கப்பட்டிருக்கிறார்.

ஒரு வேளை உணவு கூட கிடைக்காதா? என்ற நிலையில் குடும்பம் இருந்த வேளையில் படிப்பு மட்டுமே தனது குடும்பத்தை இந்த இருளில் இருந்து வெளிக்கொண்டு வரும் கருவி என்பதை உணர்ந்தார் அவர்.

கட்சிரோலியில் பட்டப்படிப்பு முடித்த ஹலாமி, நாக்பூரில் முதுகலை படிப்பையும் முடித்திருக்கிறார். 2003 ஆம் ஆண்டில், நாக்பூரில் உள்ள புகழ்பெற்ற லக்ஷ்மிநாராயண் இன்ஸ்டிடியூட் ஆப் டெக்னாலஜியில் (எல்ஐடி) உதவிப் பேராசிரியராக ஹலாமி நியமிக்கப்பட்டார்.

அவர் மகாராஷ்டிர பப்ளிக் சர்வீஸ் கமிஷன் (எம்பிஎஸ்சி) தேர்வில் தேர்ச்சி பெற்றபோது, ஹலாமியின் கவனம் ஆராய்ச்சியில் இருந்தது. இதனால் அவர் அமெரிக்காவில் முனைவர் பட்டம் பெற முடிவெடுத்து, மிச்சிகன் டெக்னாலஜி பல்கலைக்கழகத்தில் தனது PhD-ஐ முடித்தார்.

டிஎன்ஏ மற்றும் ஆர்என்ஏவைத் தேர்ந்தெடுத்து ஆராய்ச்சி செய்துவந்தார் ஹலாமி. தற்போது Sirnaomics பையோபார்மசூட்டிக்கல்ஸ் நிறுவனத்தில் ஆராய்ச்சி மற்றும் மேம்பாட்டுத்துறையில் மூத்த ஆராய்ச்சியாளராக பணிபுரிந்து வருகிறார்.

தன்னுடைய ஆரம்பகால வாழ்க்கை குறித்து பேசிய அவர்,”எனது குழந்தைப் பருவத்தின் ஆரம்ப ஆண்டுகளில், எனது குடும்பம் மிகக் குறைவான வருமானத்தில் வாழ்ந்து வந்தது.

ஒரு வேளை உணவைக் கூட பெறுவதற்கு நாங்கள் மிகவும் சிரமப்பட வேண்டியிருந்தது. பருவமழை காலங்களில் மிகுந்த சிரமங்களை சந்தித்தோம். மழையினால் விவசாயம் பாதிப்படைந்த போது நாங்கள் மஹுவா பூக்களை சமைத்து சாப்பிட்டோம்.

ஆனால், அவை சாப்பிட மற்றும் ஜீரணிக்க எளிதானவை அல்ல. சில நேரங்களில் காட்டு அரிசியை மாவாக்கி அதை தண்ணீரில் சமைத்து வயிறு நிரம்ப குடிப்போம். எங்களது கிராமமே இப்படித்தான் இருந்தது.

என் அப்பாவுக்கு கசன்சூர் தாலுகாவில் உள்ள பள்ளியில் சமையல் வேலை கிடைத்தவுடன் நிலைமை கொஞ்சம் மாறியது. அப்போது படிப்பு மட்டுமே எங்களது நிலைமையை மாற்றும் என நான் அறிந்துகொண்டேன்” என்றார்.

இந்தியாவில்..

வீட்டில் செல்லப்பிராணியாக வளரும் விலங்குகள் உரிமையாளர்களுக்கு பெற்ற பிள்ளைகள் போன்றே காணப்படுகின்றது. இதனால் செல்லப்பிராணியை பிள்ளைகளாக பாவித்துவரும் உரிமையாளர்கள் அதற்கு பிறந்தநாள் கொண்டாட்டம், திருமணம் என கொண்டாட்டத்தில் ஏற்பாடு செய்கின்றனர்.

இந்தியாவில் ஹரியானா மாநிலம், குருகிராமில் நாய்களின் உரிமையாளர்கள் நாய்களுக்கு திருமணம் செய்து வைத்துள்ளனர். ஷெரு(ஆண் நாய்), ஸ்வீட்டி(பெண் நாய்) என்ற இரண்டு நாய்களுக்கும் திருமணம் செய்து வைப்பதற்கு, மனிதர்களின் திருமணம் முறைப்படி, பெண் நாயின் உரிமையாளர், ஆண் நாயின் உரிமையாளர் வீட்டிற்கு சென்று திருமணம் குறித்து பேசி இவ்வாறு திருமணம் நடத்தியுள்ளனர்.

மேலும் இந்த திருமணத்திற்கு 100க்கும் மேற்பட்ட அழைப்பிதழ் அச்சடித்து உறவினர்கள், நண்பர்கள் என வழங்கியதோடு, வாட்ஸ்அப்பிலும் உறவினர்களுக்கு அழைப்ப விடுக்கப்பட்டுள்ளது.

இதற்காகவே புத்தாடையும் எடுக்கப்பட்டு, தங்களது பிள்ளைகளைப் போன்று திருமணம் நடத்தியுள்ளனர். பெண் நாய் உரிமையாளர் கூறுகையில், தங்களுக்கு குழந்தை இல்லாததால் ஸ்வீட்டியை தங்களது மகள் போன்று வளர்த்ததாக கூறியுள்ளார்.

கணவர் கோவிலுக்கு செல்லும் போது நாய்களுக்கு சாப்பாடு வழங்கிவிட்டு வருவார், அப்போது கடந்த மூன்று ஆண்டுகளுக்கு முன்பு இந்த நாய் தனது கணவருடனே வீட்டிற்கு வந்துவிட்டதாக கூறியுள்ளார்.

ஆண் நாய் ஷெருவின் உரிமையாளர் கூறுகையில், கடந்த 8 ஆண்டுகளாக தங்களது குழந்தை போன்று வளர்த்து வரும் எனது நாய்க்கு ஏன் திருமண சடங்கு நடத்தக்கூடாது என்ற யோசனை எழுந்தது என்று பின்பு குடும்பத்தில் பேசி முடிவு செய்து இவ்வாறு திருமணம் செய்து வைத்துள்ளதாக கூறியுள்ளார்.

மேலும் இவ்வாறு நாய்க்கு திருமணம் செய்து வைத்தால், பொலிசார் வழக்குப்பதிவு செய்வார்கள் என்றும், சிலர் தங்களை பார்த்து கிண்டல் செய்ததாகவும் கூறியுள்ளனர்.