இந்திய வம்சாவளியை சேர்ந்த இளம்பெண் ஒருவர், ஆக்ஸ்போர்டு பல்கலைக்கழகத்தில் பட்டம் பெற்ற நிலையில், இது தொடர்பாக அவர் பகிர்ந்த Linkedin பதிவு ஒன்று இணையத்தில் அதிகம் வைரலாகி வருகிறது.
Juhi Kore என்ற இந்திய இளம்பெண் ஒருவர், ஆக்ஸ்போர்டு பல்கலைக்கழகத்தில் Comparative Social Politics டிகிரியை முடித்துள்ளார். தொடர்ந்து, சமீபத்தில் பட்டமளிப்பு விழாவில் ஜூஹி கோரே கலந்து கொண்டு தான் பட்டம் பெற்றது தொடர்பான புகைப்படம் ஒன்றையும் இணையத்தில் பகிர்ந்துள்ளார்.
மேலும், தன்னுடைய பதிவில் தனது தாத்தா கல்வி பெற எப்படி போராடினார் என்பது பற்றியும் சில உருக்கமான கருத்துக்களை தனது பதிவில் ஜூஹி கோரே குறிப்பிட்டுள்ளார். இதுகுறித்த ஜூஹியின் பதிவில், “1947 ஆம் ஆண்டு இந்தியாவுக்கு சுதந்திரம் கிடைத்தது.
ஆனால், இங்குள்ள அனைத்து குடிமகன்களுக்கும் சுதந்திரமாக வாழ வழி கிடைக்கவில்லை. அப்படி மகாராஷ்டிராவில் உள்ள கிராமம் ஒன்றை சேர்ந்த இளம் சிறுவன் ஒருவரை இரண்டு காரணங்களால் அவரது குடும்பத்தினர் பள்ளிக்கு அனுப்பவில்லை.
தாழ்ந்த சமுதாயத்தை சேர்ந்தவர் என்பதால், பள்ளியில் அவர் எப்படி நடத்தப்படுவார் என்ற காரணத்திற்காக பயந்த அவரின் குடும்பம், பள்ளிக்கு அனுப்பவில்லை. இனியொரு காரணம், அனைவருக்கும் உணவு கிடைக்க வேண்டும் என்பதற்காக அவரை வேலைக்கும் அனுப்பியது” என குறிப்பிட்டுள்ளார்.
தொடர்ந்து, ஜூஹியின் தாத்தா, அதிகாலை 3 மணிக்கு எழுந்து வேலைக்கு செல்லவும், அதன் பின்னர் காலையில் செல்லவும் பெற்றோர்களிடம் அனுமதி வாங்கி உள்ளார். ஆனால், பள்ளிக்கு சென்ற ஜூஹியின் தாத்தாவை பள்ளியில் உட்கார கூட அனுமதிக்கவில்லை என்றும் அவர் குறிப்பிட்டுள்ளார்.
இப்படி பல்வேறு இன்னல்களை சந்தித்த ஜூஹியின் தாத்தா, ஆங்கிலம் கற்று இளங்களையில் சட்டப் படிப்பும் முடித்துள்ளார். இறுதியில், அரசு உயர் அதிகாரி பதவியில் இருந்து ஓய்வும் பெற்றுள்ளார் ஜூஹியின் தாத்தா.
கல்வியின் முக்கியத்துவத்தை தனக்குள் தனது தாத்தா விளைத்ததாகவும், தான் பட்டம் பெற்றதை தற்போது பெருமையுடன் வெளிப்படுத்துவதாகவும் ஜூஹி கோரே குறிப்பிட்டுள்ளார்.
தனது தாத்தா நினைத்தது போல படிக்க முடியாமல் சிரமப்பட்டு அதில் வெற்றி கண்ட நிலையில், தற்போது பட்டம் பெற்றுள்ள பேத்தி, தாத்தாவை நினைவு கூர்ந்த சம்பவம் தொடர்பான பதிவு தற்போது அதிகம் வைரலாகி வருகிறது.
நீண்ட நேரமாகியும் தலைமை ஆசிரியை பள்ளிக்கு வராத காரணத்தினால், அவரது வீட்டிற்கு சென்று பார்த்த ஆசிரியைகளுக்கு பேரதிர்ச்சி ஏற்பட்டுள்ளது. சிவகங்கை மாவட்டம், திருப்பத்தூர் அருகே அமைந்துள்ள தங்கமணி திரையரங்கு அருகே வசித்து வருபவர் ரஞ்சிதம். இவர் அரசு பள்ளியில் தலைமையாசிரியராக பணிபுரிந்து வந்துள்ளார்.
இவரது கணவர் ராஜேந்திரன் சில ஆண்டுகளுக்கு முன்பு உயிரிழந்த நிலையில், ரஞ்சிதத்தின் மகள் வெளியூரில் வங்கி ஒன்றி பணிபுரிந்து வந்தாகவும், அவரது மகன் கோவை மருத்துவ கல்லூரியில் தங்கி படித்து வருவதாகவும் ரஞ்சிதம் மட்டும் தனியாக வசித்து வந்துள்ளார்.
தலைமை ஆசிரியை என்பதால், பள்ளியில் உள்ள சாவிகள் அனைத்தும் ரஞ்சிதத்திடம் இருக்கும் என்றும் கூறப்படுகிறது. சம்பவத்தன்று பள்ளிக்கு ஆசிரியை வராததால் சக ஆசிரியர்கள் அவருக்கு போன் செய்துள்ளனர்.
ஆனால் பலமுறை போன் செய்தும் எடுக்காததால், நேரில் வீட்டிற்கு வந்து பார்த்துள்ளனர். அங்கு முன்பக்க கதவு பூட்டப்பட்டிருந்த நிலையில், பின்பக்க கதவு திறந்து கிடந்ததால் உள்ளே சென்று பார்த்த போது ரத்த வெள்ளத்தில் ரஞ்சிதம் உயிரிழந்து கிடந்துள்ளார்.
உடனடியாக பொலிசாருக்கு தகவல் கொடுக்கப்பட்ட நிலையில், பொலிசார் உடலைக் கைப்பற்றி பிரேத பரிசோதனைக்கு அனுப்பி வைத்து விசாரணை மேற்கொண்டு வருகின்றனர்.
முதற்கட்ட விசாரணையில், ரஞ்சிதம் கழுத்தில் கிடந்த நகை மற்றும் சிசிடிவி கேமராவின் ஹார்ட் டிஸ்க் உள்ளிட்ட பொருட்கள் திருடு போனதாகவும் தகவல்கள் தெரிய வந்துள்ளது.
ஜம்மு காஷ்மீரின் பிஷ்னா பகுதியில் விநாயகர் சதுர்த்தியை முன்னிட்டு நடன நிகழ்ச்சி நடைபெற்றது. இதில் யோகேஷ் குப்தா என்ற கலைஞர் பார்வதி வேடமிட்டு நடனம் அடிக் கொண்டிருந்தார்.
அப்போது அவர் திடீரென சுருண்டு விழுந்துள்ளார். முதலில் அனைவரும் அவர் விழுந்தது நடனத்தின் ஒரு பகுதி என நினைத்துள்ளனர். ஆனால் அவர் நீண்ட நேரம் ஆகியும் அப்படியே இருந்துள்ளார்.
இதனால் சந்தேகம் அடைந்த மற்ற கலைஞர்கள் அவரின் அருகே சென்று பார்த்தபோது அவர் பேச்சு மூச்சு இல்லாமல் இருந்ததைக் கண்டு அதிர்ச்சியடைந்தனர். பின்னர் உடனே அருகே இருந்த மருத்துவமனைக்கு அவரை அழைத்துச் சென்றனர்.
அங்கு பரிசோதித்த மருத்துவர்கள் அவர் மாரடைப்பு ஏற்பட்டு உயிரிழந்து விட்டதாகத் தெரிவித்துள்ளனர். நடனம் ஆடிக் கொண்டிருந்த போதே மேடையிலேயே நடன கலைஞர் உயிரிழந்த சம்பவம் ரசிகர்கள் மத்தியில் சோகத்தை ஏற்படுத்தியுள்ளது.
20 year old Jammu girl dies of heart attack while performing on stage. Could CPR have saved her ? Did lack of public awareness lead to her death? pic.twitter.com/w7lMoHGC4a
திருச்சி மாவட்டம், மணப்பாறை பாரதியார் நகர் பகுதியைச் சேர்ந்தவர் பெரியசாமி. சுமார் 90 வயதை எட்டிய இவரது மனைவி ராஜேஸ்வரி. தம்பதியினர் இருவரும் மகன் முருகானந்தத்துடன் வசித்து வந்தனர்.
கடந்த 4 ஆண்டுகளுக்கு முன்பு ராஜேஸ்வரிக்கு உடல் நலம் பாதிக்கவே அவரை மகன் முருகானந்தம் தன்னுடன் வைத்து கவனித்து வந்துள்ளார். இந்தநிலையில் தொடர் சிகிச்சையில் இருந்த ராஜேஸ்வரி இன்று அதிகாலை இறந்து விட்டார்.
வறுமை ஒருபுறம், அறியாமை மறுபுறம் என்பதால் என்ன செய்வதென்று தெரியாமல் தவித்த முருகானந்தம் அக்கம் பக்கத்தினர் என யாரிடமும் ஏதும் சொல்லாமல் உடலை தகனம் செய்ய முடிவு செய்தார்.
அதற்காக தன் தாயின் உடலை ஒரு வீல் சேரில் அமர்ந்திருப்பது போல் வைத்து உடலை சுற்றி துணியால் கட்டினார். பின்னர் சுமார் இரண்டரை கிலோ மீட்டர் தூரம் உள்ள மணப்பாறை நகராட்சியின் எரிவாயு தகன மேடை அமைந்துள்ள செவலூர் பிரிவு சாலைக்கு எடுத்து சென்றார்.
பொழுது விடிவதற்குள் உடலை எடுத்து சென்ற முருகானந்தம் தகனம் செய்திட எரிவாயு தகன மேடை பராமரிப்பாளரான ஸ்ரீதரனுக்கு தகவல் கொடுத்தார். இதற்கிடையே சுடுகாட்டின் அருகே உள்ளவர்கள் பார்த்த போது இறந்த மூதாட்டியின் உடல் வீல் சேரில் எடுத்து வந்திருப்பது கண்டு அதிர்ச்சி அடைந்தனர்.
மேலும் சுடுகாட்டிற்கு வந்த பராமரிப்பாளர் பார்த்து அரசின் பல்வேறு உதவிகள் உள்ள நிலையில் ஏன் இது போன்று வீல் சேரில் உடலை கொண்டு வந்தீர்கள்? என்று கேட்டார். அப்போது தெரியாமல் இதுபோன்று செய்து விட்டேன் என்று கூறினார். பின்னர் எரிவாயு தகன மேடை பணியாளர் உடலை பெற்றுக்கொண்டு முறைப்படி இறுதி சடங்குகள் செய்து தகனம் செய்தார்.
மின்வெட்டு தொடர்பில் இலங்கை பொதுப் பயன்பாடுகள் ஆணைக்குழு அறிவிப்பொன்றை வெளியிட்டுள்ளது. நாளை (10.09) மற்றும் நாளை மறுதினம் (11) மின்வெட்டு நடைமுறைப்படுத்தப்படாது என இலங்கை பொதுப் பயன்பாடுகள் ஆணைக்குழு அறிவித்துள்ளது.
இதேவேளை, செப்டெம்பர் 12 ஆம் திகதி 01 மணித்தியால மின்வெட்டுக்கு அனுமதி வழங்கப்பட்டுள்ளதாகவும் அறிவிக்கப்பட்டுள்ளது. இதற்கமைய, A,B,C,D,E,F,G,H,I,J,K,L,P,Q,R,S,T,U,V,W ஆகிய வலயங்களுக்குட்பட்ட பகுதிகளில்,
1 மணிநேரம் மின்வெட்டு நடைமுறைப்படுத்தப்பட்டுள்ளது. மேலும், மாலை 6 மணி தொடக்கம் 9 மணிக்கு இடைப்பட்ட காலப்பகுதியில் மின்வெட்டு இடம்பெறும் என அறிவிக்கப்பட்டுள்ளது.
வவுனியா பொலிசாரின் ஏற்பாட்டில் நாளை (10.09) வவுனியா பூந்தோட்டம் மகாவித்தியாலயத்தில் நடமாடும் சேவை நடைபெறவுள்ளது.
156 ஆவது பொலிஸ் தினத்தை முன்னிட்டு மக்களுக்கு இலகுவாக சேவைகளை பெற்றுக் கொள்ளும் முகமாக குறித்த நடமாடும் சேவை காலை 9 மணியில் இருந்து மாலை 3.30 வரை இடம்பெறவுள்ளது.
இதில் சிறு குற்றப்பிரிவு முறைப்பாடுகள், தொலைந்த ஆவணங்கள் பற்றிய முறைப்பாடுகள், அடையாள அட்டைக்கு விண்ணப்பித்தல், இணக்க சபை செயற்பாடுகள்,
கிராம அலுவலரின் சேவைகள் உள்ளிட்ட பல்வேறு தேவைகளை உடனடியாக பெற்றுக் கொள்ள கூடிய வகையில் ஒழுங்கமைக்கப்பட்டுள்ளது. எனவே, மக்கள் குறித்த நடமாடும் சேவையில் கலந்து கொண்டு பயன்பெறுமாறு பொலிசார் அறிவுறுத்தியுள்ளனர்.
இந்திய மாநிலம் கேரளாவில் திருமணமான புதுமணப்பெண் கணவரால் கொலை செய்யப்பட்ட சம்பவம் அதிர்ச்சியை ஏற்படுத்தியுள்ளது. கேரள மாநிலம் ஆலப்புழாவில் உள்ள கிடங்கம்பரம்பு பகுதியைச் சேர்ந்தவர் நிகிதா(25). திருமணமான இவர் சில நாட்களில் கணவரை முறைப்படி விவாகரத்து செய்தார்.
அதன் பின்னர் வர்க்கலாவைச் சேர்ந்த அனீஷ்(35) என்பவருக்கும், நிகிதாவுக்கும் கடந்த சூலை மாதம் திருமணம் நடைபெற்றது. அனீஷுக்கு உடல்நலப் பிரச்சனைகள் இருந்ததால் மருத்துவ சிகிச்சை தேவைப்பட்டுள்ளது.
இதனால் திருமணம் முடிந்த கையோடு புதுமணத்தம்பதி வெளிநாட்டிற்கு சென்றுள்ளனர். அங்கேயே தேனிலவு கொண்டாடியுள்ளனர். ஆனால் கணவன், மனைவிக்குள் கருத்து வேறுபாடு ஏற்பட்டதாக கூறப்படுகிறது.
அதனைத் தொடர்ந்து கேரளாவுக்கு திரும்பிய நிலையில் நிகிதா நடத்தை மீது அனீஷுக்கு சந்தேகம் ஏற்பட்டுள்ளது. இந்த நிலையில் அனீஷ், நிகிதா இருந்த அறையில் இருந்து அலறல் சத்தம் கேட்டுள்ளது.
இதனைக் கேட்டு பயந்துபோன அனீஷ் குடும்பத்தினர் கதவை உடைத்து உள்ளே சென்று பார்த்தபோது, நிகிதா ரத்த வெள்ளத்தில் கிடைத்துள்ளார். அவரது அருகே ரத்தக்கறையுடன் அனீஷ் இருந்துள்ளார். இதனால் அதிர்ச்சியடைந்த குடும்பத்தினர் உடனடியாக நிகிதா மருத்துவமனைக்கு கொண்டு சென்றுள்ளனர்.
மேலும் பொலிஸாருக்கும் தகவல் அளித்துள்ளனர். ஆனால், மருத்துவமனையில் சிகிச்சை பலனின்றி நிகிதா உயிரிழந்தார். பொலிஸார் அனீஷிடம் நடத்திய விசாரணையில், அவர் குத்துவிளக்கால் மனைவியை தலையில் பலமாக தாக்கியதாக ஒப்புக்கொண்டார்.
அதன் பின்னர் அவர் நீதிமன்றத்தில் ஆஜர்படுத்தப்பட்டு, நீதிமன்ற காவலில் வைக்கப்பட்டுள்ளார். திருமணமான பத்து நாளில் புதுமணப்பெண் கணவனால் கொலை செய்யப்பட்ட சம்பவம் அப்பகுதியில் பெரும் பரபரப்பை ஏற்படுத்தியுள்ளது.
அத்தியாவசிய பொருட்கள் சிலவற்றின் விலைகள் இன்று முதல் நடைமுறைக்கு வரும் வகையில் குறைக்கப்படுவதாக அறிவிக்கப்பட்டுள்ளது.
லங்கா சதொச ஊடாக இந்த விலை குறைப்பு முன்னெடுக்கப்படவுள்ளது. இந்த விடயத்தை சதொச நிறுவனத்தின் தலைவர் பசந்த யாபா அபேவர்தன அறிவித்துள்ளார்.
இதன்படி இறக்குமதி செய்யப்படும் வெள்ளை அரிசி, வெள்ளை அரிசி, சிவப்பு பருப்பு, வெள்ளை சீனி மற்றும் அரிசி மாவு ஆகியவற்றின் விலைகளை குறைக்க நடவடிக்கை எடுக்கப்பட்டுள்ளதாக தெரிவிக்கப்பட்டுள்ளது.
கடந்த இரு வாரங்களுக்கு முன் விலை குறைப்பு
இதேவேளை கடந்த இருவாரங்களுக்கு முன்னர் 12 அத்தியாவசிய பொருட்களுக்கான விலைகள் லங்கா சதொசவில் குறைக்கப்பட்டிருந்தன.
அதன்படி சீனி, அரிசி, பெரிய வெங்காயம், காய்ந்த மிளகாய், உருளைக்கிழங்கு மற்றும் வெள்ளைப்பூடு உள்ளிட்ட பொருட்களின் விலைகளே இவ்வாறு குறைக்கப்பட்டிருந்தமை குறிப்பிடத்தக்கது.
ஆந்திர மாநிலம் நெல்லூரில் ஆசிரியரின் கேள்விக்கு பதிலளித்து கொண்டு இருந்த ஏழாம் வகுப்பு மாணவி திடீரென மாரடைப்பு ஏற்பட்டு உயிரிழந்துள்ளார். பொதுவாகவே மாரடைப்பு என்பது ரத்தக்கொதிப்பு, சர்க்கரை நோயினால் பாதிக்கப்பட்டவர்கள் என 60 வயதை கடந்த முதியவர்களுக்கு ஏற்பட்டு வந்தது.
ஆனால் தற்போது உள்ள அதிநவீன மற்றும் வேகமான வாழ்க்கை சூழ்நிலையில் வயது வித்தியாசமின்றி அனைவருக்கும் மாரடைப்பு ஏற்பட்டு வருகிறது. அந்த வகையில் இந்தியாவின் ஆந்திர மாநிலம் நெல்லூர் பகுதியை சேர்ந்த சேக் சஜிதா என்ற ஏழாம் வகுப்பு மாணவி, ஆசிரியரின் கேள்விக்கு பதிலளித்து கொண்டு இருக்கும் போது மாரடைப்பு ஏற்பட்டு பரிதாபமாக உயிரிழந்துள்ளார்.
நெல்லூர் மாவட்டம் விஞ்சமூரில் ஜில்லா பரிஷத் அரசு மேல்நிலைப் பள்ளியில் ஏழாம் வகுப்பு படித்து வரும் சேக் சஜிதாவிடம் பாடம் தொடர்பான சில கேள்விகளை ஆசிரியர் எழுப்பியுள்ளார். அப்போது அதற்கு பதிலளித்து கொண்டு இருந்த சஜிதா திடீரென நெஞ்சை பிடித்துக்கொண்டு மயங்கி கீழே விழுந்துள்ளார்.
இதைக் கண்ட ஆசிரியர் மற்றும் மாணவர்கள் சேக் சஜிதாவை உடனடியாக மருத்துவமனையில் அனுமதித்துள்ளனர். ஆனால் மாணவி சேக் சஜிதா ஏற்கனவே இறந்துவிட்டதாக மருத்துவர்கள் தெரிவித்ததை தொடர்ந்து இந்த செய்தி அப்பகுதி முழுவதும் வேகமாக பரவியது.
யாழ்ப்பாணம், கோண்டாவில் மேற்கு சைவப் பாடசாலை வீதியில் அமைந்துள்ள வீடொன்றின் பட்டப்பகலில் வாழைக்குலை திருடப்பட்டுள்ளது.
துவிச்சக்கரவண்டியில் வந்த இரு இளைஞர்கள் மதிலோரம் தொங்கிக் கொண்டிருந்த கப்பல் வாழைக்குலையை பட்டப்பகலில் மதிலில் ஏறி வெட்டி கட்டிக்கொண்டுபோகும் காட்சி கண்காணிப்புக் கமராவில் பதிவாகியுள்ளது.
இந்த பிரதேசத்தில் வாழைக்குலை மற்றும் தேங்காய் திருட்டு அடிக்கடி இடம்பெறுவதாக மக்கள் விசனம் தெரிவித்துள்ளனர்.
வவுனியா, பொன்னாவரசன்குளம் பகுதியில் உள்ள ஆலயம் ஒன்றின் திருவிழாவின் போது ஆலயத்திற்குள் இடம்பெற்ற வாள்வெட்டு மற்றும் அடிதடி காரணமாக மூவர் வைத்தியசாலையில் அனுமதிக்கப்பட்டுள்ளனர்.
இன்று (09.09) இடம்பெற்ற இச் சம்பவம் தொடர்பில் மேலும் தெரியவருவதாவது, வவுனியா, பொன்னாவரசன்குளம் பகுதியில் அமைந்துள்ள பிள்ளையார் ஆலயம் ஒன்றில் கடந்த 10 தினங்களாக வருடாந்த திருவிழா நடைபெற்று வருகின்றது.
நேற்று (08.09) மாலை திருவிழாவின் போது ஆலயத்தில் நின்ற சிலருக்கும், ஆலய பகுதிக்கு வந்த பிறிதொரு குழுவினருக்குமிடையில் கைகலப்பு ஏற்பட்டிருந்தது.
அதன் தொடர்ச்சியாக இன்று (09.09) ஆலயத்தில் கொடி இறக்குவதற்கான பூசைகள் இடம்பெற்றுக் கொண்டிருந்த போது அங்கு வந்த குழுவினருக்கும், ஆலயத்தில் நின்றவர்களுக்கும் இடையில் கைகலப்பு ஏற்பட்டதுடன்,
வாள் வெட்டுத் தாக்குதல்களும் இடம்பெற்றன. இச் சம்பவத்தில் காயமடைந்த 3 பேர் வவுனியா வைத்தியசாலையல் அனுமதிக்கப்பட்டுள்ளனர்.
ஆலய நிர்வாகத்தினர் உட்பட ஆண்கள், பெண்கள் உள்ளடங்கலாக 20 பேர் வரையில் நெளுக்குளம் பொலிசாரால் அழைத்துச் செல்லப்பட்டு அவர்களிடம் விசாரணைகளை முன்னெடுக்கப்பட்டுள்ளது. குறித்த பகுதியில் இருந்து பொலிசாரால் வாள்களும் மீட்கப்பட்டுள்ளது.
இதேவேளை, ஆலய தலைவரை விடுவித்த பின்னேர ஆலயத்தின் கொடி இறக்கப்படும் எனத் தெரிவித்து அப் பகுதியைச் சேர்ந்த மக்கள் நெளுக்குளம் பொலிஸ் நிலையத்திற்கு முன் முன் திரண்டுள்ளனர்.
குறித்த சம்பவம் தொடர்பில் விசாரணைகள் இடம்பெற்று வருவதாகவும் அதற்கு ஒத்துழைப்பு வழங்குமாறும் நெளுக்குளம் பொலிசார் வேண்டுகோள் விடுத்துள்ளனர்.
பிரபல நடிகை அஞ்சு தனது தந்தை வயதில் உள்ள நடிகரை திருமணம் செய்து கொண்டு வாழ்ந்து பின்னர் அவரை விவாகரத்து செய்தது தொடர்பில் முதல்முறையாக மனம் திறந்துள்ளார்.
தமிழ் திரையுலகில் ஒரு சமயத்தில் பிரபல நடிகையாக வலம் வந்தவர் அஞ்சு என்கிற பேபி அஞ்சு. இவர் குழந்தை நட்சத்திரமாக பல திரைப்படங்களில் நடித்துள்ளார். பின்னர் வளர்ந்த பிறகு கேளடி கண்மணி, பாப்கார்ன், மிலிட்டரி, அபிராமி, மதயானை கூட்டம், இந்திர விழா போன்ற ஏராளமான படங்களில் முன்னணி நடிகர்களுடன் இணைந்து நடித்துள்ளார்.
இவர் பிரபல நடிகர் டைகர் பிரபாகர் என்பவரை 1995 ஆம் ஆண்டு திருமணம் செய்து கொண்டார். இதையடுத்து 1996ஆம் ஆண்டு விவாகரத்தையும் பெற்றுள்ளார். இவர்களுக்கு 25 வயதில் ஒரு மகன் உள்ளார். டைகர் பிரபாகர் பல கன்னட படங்களில் நடித்துள்ளார்.
தமிழிலும் அன்புக்கு நான் அடிமை, அன்னை பூமி, அண்ணாமலை, பாண்டியன், முத்து போன்ற படங்களில் நடித்துள்ளார். இவர் அல்போன்சா மேரி, நடிகை ஜெயமாலா உள்பட 3 பேரை திருமணம் செய்து கொண்டார். பின்னர் தான் நான்காவதாக அஞ்சுவை காதலித்து மணந்தார்.
டைகர் பிரபாகர் காதலித்த போது அவருக்கு வயது 17, டைகருக்கு வயது 48. தனது 52 ஆவது வயதில் 2001 ம் ஆண்டு டைகர் மரணமடைந்தார். இந்நிலையில் தன் வாழ்க்கை குறித்து பேசிய அஞ்சு, எனது தந்தை வயதில் இருந்தவரை காதலித்தேன்,
குடும்பத்தார் எதிர்ப்பை மீறி அவரை மணந்தேன், அப்போதுதான் அவருக்கு ஏற்கெனவே 3 திருமணங்கள் நடந்து அவரது பிள்ளைகள் என்னை விட மூத்தவர்கள் என தெரிந்தது.
நான் கர்ப்பமாக இருந்த போது அவருக்கு இன்னொரு பெண்ணுடன் தொடர்பு இருந்தது. இதனால் ஏற்பட்ட மனக்கசப்பில் அவரை பிரிந்து விவாகரத்து பெற்றேன் என கூறியுள்ளார்.
ஜெர்மன் நாட்டை சேர்ந்த பெண்ணை தமிழக இளைஞர் காளிதாஸ் தமிழ் முறைப்படி தாலிக் கட்டி திருமணம் செய்து கொண்டுள்ளார்.
மதுரை திருமங்கலத்தை சேர்ந்த காளிதாஸ் ஜெர்மனியில் உள்ள தனியார் நிறுவனத்தில் பணிபுரிந்து வரும் நிலையில், அங்கு உடன் பணிபுரிந்து வரும் ஜெர்மனியை சேர்ந்த ஹானா பங்க்லோனாவை இரண்டு வருடங்களுக்கு மேலாக காதலித்து வந்துள்ளார்.
இந்த நிலையில் மதுரை திருமங்கலத்தை சேர்ந்த காசிலிங்கம்- சூரியகலா தம்பதியின் மகன் காளிதாஸ் பெற்றோர்கள் சம்மதத்துடன் திருமணம் செய்து கொள்ள முடிவெடுத்துள்ளார்.
நடிகை அமலா பால் தன்னுடைய இரண்டாவது திருமணத்தை மறைந்து பொய் புகார் கூறிய சம்பவம் தற்போது பரபரப்பை ஏற்படுத்தியுள்ளது. அமலா பால் கடந்த சில தினங்களுக்கு முன், அவரது முன்னல் காதலர் பாடகர் பவ்நிந்தர் சிங் மீது போலீஸில் புகார் கொடுத்து அதிர விட்டிருந்தார்.
அந்த புகாரின் அடிப்படையில் பாடகர் பவ்நிந்தர் சிங் கைது செய்யப்பட்டார். ஆதாரத்தை காட்டி பரபரப்பை ஏற்படுத்திய இரண்டாவது கணவர் தற்போது அமலா பாலுக்கும், தனக்கும் திருமணம் நடந்ததற்கான ஆதாரங்களை பாடகர் பவ்நிந்தர் சிங் நீதிமன்றத்தில் சமர்ப்பித்துள்ளார்.
ஏ.எல்.விஜய்யை விவாகரத்து செய்த பின்னர், தன்னுடைய காதலர் குறித்தும், அவருடன் திருமணம் ஆனது குறித்தும் வெளியில் காட்டிக் கொள்ளாத அமலாபால், திருமணம் செய்தவர் மீது பாலியல் வழக்கு கொடுத்து அதிர வைத்துள்ளார்.
ஏற்கனவே பவ்நிந்தர் சிங் மற்றும் அமலா பால் இருவரும் திருமணம் செய்தது போன்ற புகைப்படங்கள் வெளியானபோது, அது போட்டோ ஷூட்டின் போது எடுக்கப்பட்டது என அமலா பால் கூறினார்.
ஆனால் தன்னை திருமணம் செய்து கொண்டு, தன்னுடன் வாழாமல் பொய் புகார்களை கூறி வருவதாக தெரிவித்துள்ள பாடகர் பவ்நிந்தர் சிங், அமலா பால் தன்னை திருமணம் செய்துகொண்டதற்கான ஆதாரத்தை நீதிமன்றத்தில் சமர்ப்பித்துள்ளார். இந்த ஆதாரத்தின் அடிப்படையில் பவ்நிந்தர் சிங்குக்கு நீதிமன்றம் நிபந்தனையற்ற ஜாமின் வழங்கியுள்ளது.
கரப்பான் பூச்சியுடன் கோழி புரியாணி பார்சலை வழங்கிய மட்டக்களப்பு நகர் பிரதேசத்திலுள்ள உணவம் ஒன்றின் உரிமையாளாரை மட்டக்களப்பு நீதிவான் நீதிமன்ற நீதிவான் பீற்றர் போல் எச்சரித்ததுடன் 10,000 ரூபா அபதாரமாக செலுத்துமாறு இன்று வியாழக்கிழமை (08.09) உத்தரவிட்டார்.
கடந்த மாதம் 30 ஆம் திகதி மட்டு போதனா வைத்தியசாலையில் பிரிவு ஒன்றில் கடமையாற்றிவரும் தாதியர்கள் விருந்து உபசாரம் ஒன்றுக்காக கோழி புரியாணியை ஓடர் கொடுத்து வாங்கிச் சென்றுள்ளனர்.
அதனை உண்ணுவதற்காக திறந்தபோது ஒருவரின் பார்சலில் கோழிப் பொரியல் இறைச்சியுடன் கரப்பான் பூச்சியும் பொரிந்த நிலையில் காணப்பட்டுள்ளது.
இதனையடுத்து மட்டக்களப்பு பிரதேச சுகாதார வைத்திய அதிகாரிக்கு முறைப்பாடு தெரிவித்ததையடுத்து உடனடியாக பொதுச் சுகாதார அதிகாரிகள் குறித்த உணவகத்தை சோதனையிட்டனர்.
அத்துடன் உணவக உரிமையாளரைக் கைது செய்து மட்டக்களப்பு நீதிவான் நீதிமன்ற நீதிவான் பீற்றர் போல் முன்னிலையில் ஆஜர்படுத்தியதையடுத்து அவரை இன்று 8 ஆம் திகதி நீதிமன்றில் ஆஜராகுமாறு உத்தரவிட்டு 25 ஆயிரம் ரூபா சரீரப் பிணையில் செல்ல அனுமதியளிததார்.
