மூதாட்டி..

கொரோனா தொற்றால் இறந்ததாக கருதப்பட்ட மூதாட்டியை தகனம் செய்ய முற்பட்டபோது எழுந்து உட்கார்ந்து அழுத சம்பவம் அப்பகுதி மக்களுக்கு அ.திர்ச்சியை ஏற்படுத்தியுள்ளது.

மகாராஷ்டிராவைச் சேர்ந்தவர் சகுந்தலா கெய்க்வாட் (76). இவர் கடந்த சில தினங்களுக்கு முன்பு கொரோனா தொற்றால் பாதிக்கப்பட்டார். இதையடுத்து இவர் வீட்டிலேயே தன்னை தனிமைப்படுத்திக்கொண்டார்.

இந்நிலையில் மூதாட்டின் உடல்நிலை மோசமடைந்ததால் அவர் கடந்த 10ம் தேதி பரமதியில் உள்ள மருத்துவமனைக்கு சிகிச்சைக்காகக் கொண்டு செல்லப்பட்டு அனுமதிக்கப்பட்டார்.

அந்த மருத்துவமனையில் படுக்கைக் கிடைக்க நேரமானதால் மூதாட்டி சுயநினைவை இழந்தார். உடல் அசைவு இல்லாமல் கிடந்தார் மூதாட்டி. அதனையடுத்து, மூதாட்டி இறந்து விட்டதாக எண்ணி அவரது குடும்பத்தினர் இறுதி சடங்குகிற்கு ஏற்பாடு செய்துள்ளனர்.

மூதாட்டியை சவப்பெட்டிக்குள் வைத்து தகனம் செய்வதற்கான ஏற்பாடுகள் நடந்து கொண்டிருந்தபோது, எதிர்பாராத விதமாக மூதாட்டி அழுது கொண்டே எழுந்து அமர்ந்துள்ளார்.

இதைக் கண்டதும், அவரது குடும்பத்தினர் அதிர்ச்சி அடைந்தனர். உடனடியாக அவரை மருத்துவமனைக்கு அழைத்துச் சென்றனர். அங்கு அவருக்கு சிகிச்சை அளிக்கப்பட்டு வருகிறது. இந்த சம்பவத்தால் அப்பகுதியில் பெரும் பரபரப்பையும், ஆச்சரியத்தையும் ஏற்படுத்தியுள்ளது.

இந்தியாவில்..

இந்தியாவில் நிறைமாத கர்ப்பிணி தாயார் ஒருவர் தாம் இறப்பதற்கு முன்பு கொரோனா தொற்றை தீவிரமாக எடுத்துக்கொள்ளுங்கள் என கெஞ்சிய வீடியோ ஒன்று வெளியாகியுள்ளது.

இந்தியாவில் கொரோனா இரண்டாவது அலை மிக மோசமான பாதிப்புகளை ஏற்படுத்தி வருகிறது. ஒவ்வொரு மாநில நிர்வாகமும் தங்கள் மக்களை காக்க கடுமையாக போ.ராடி வருகிறது.

பல மாநில நிர்வாகங்கள் தரவுகளை மறைத்தும், மக்களுக்கு போதிய மருத்துவ வசதிகளை செய்து தராமலும் அலைக்கழித்தும் வருகிறது. இதனால் பொதுமக்களே தங்கள் உயிரை தாங்களே காப்பாற்றிக்கொள்ளும் இக்கட்டான சூழலில் உள்ளனர்.

இந்த நிலையில் கொரோனா தொற்றும் கோரம் தொடர்பில் பல் மருத்துவர் ஒருவரின் வீடியோ ஒன்று பலரது கவனத்தையும் ஈர்த்து வருகிறது. புது டெல்லியை சேர்ந்த 34 வயது பல் மருத்துவர் டிம்பில் அரோரா சாவ்லா என்பவர் கொரோனாவால் ஏப்ரல் 26ம் திகதி சிகிச்சை பலனின்றி மரணமடைந்தார்.

அவர் இறப்பதற்கு முந்தைய நாள் 7 மாத கர்ப்பிணியான அவர் தமது குழந்தையை இழந்தார். இந்த நிலையில் மருத்துவர் சாவ்லாவின் கணவர் வீடியோ ஒன்றை சமூக ஊடகத்தில் வெளியிட்டுள்ளார்.

மருத்துவர் சாவ்லா இறப்பதற்கும் 9 நாட்களுக்கு முன்னர் பதிவு செய்யப்பட்ட காணொளி அது. அதில் அவர், கொரோனாவுக்கு எதிரான நடவடிக்கைகளை துணிந்து துரிதமாக முன்னெடுக்க இந்திய அரசாங்கத்தை கேட்டுக்கொண்டுள்ளார்.

மட்டுமின்றி, யாரும் கொரோனா தொற்றை விளையாட்டாக எடுத்துக் கொள்ள வேண்டாம் எனவும், கொரோனா மிக மோசமான பாதிப்பை ஏற்படுத்தும் எனவும் அவர் சுட்டிக்காட்டியுள்ளார்.

மூச்சுவிட முடியாமலும், தொடர் இருமலால் அவதிப்பட்டும், கடுமையான தலைவலியால் தூங்க முடியாமல் போனதையும் மருத்துவர் சாவ்லா அந்த வீடியோவில் தெரிவித்துள்ளார். உங்களுக்காகவும், உங்கள் உறவினர்களுக்காகவும் நீங்கள் பத்திரமாக இருப்பது முக்கியம் என அவர் வலியுறுத்தியுள்ளார்.

இந்த வீடியோ பதிவு செய்த 9 நாட்களுக்கு பின்னர் மருத்துவர் சாவ்லா சிகிச்சை பலனின்றி இறந்துள்ளார். மட்டுமின்றி அவரது 7 மாத குழந்தையையும் காப்பாற்ற முடியாமல் போயுள்ளது.

இந்தியாவில்..

மருத்துவரிடம் பாடலை இசைக்கும்படி கேட்டு படுக்கையில் அமர்ந்தபடியே கால்களை மட்டும் அசைத்து அதை ரசித்தபடியிருந்தார். இதனை வீடியோவாக எடுத்த மருத்துவர் அதனை தன் ட்விட்டர் பக்கத்தில், ‘இவர் மிகவும் வலிமையான பெண், ஒருபோதும் நம்பிக்கையை இழக்காதீர்கள்’ என்று பதிவிட்டிருந்தார்.

டெல்லியை சேர்ந்த மருத்துவர் மோனிகா லங்கே, சில நாள்களுக்கு முன் தன் சமூகவலைதள பக்கத்தில் பாசிட்டிவிட்டியின் உதாரணமாகப் பதிவிட்டிருந்த, கொரோனாவால் பாதிக்கப்பட்டிருந்த பெண், நேற்று உயிரிழந்த செய்தி, தற்போது பலரையும் சோகத்தில் ஆழ்த்தியுள்ளது.

சில நாள்களுக்கு முன்னர், கொரோனா வைரஸால் பாதிக்கப்பட்டிருந்த அந்தப் பெண் முகத்தில் ஆக்ஸிஜன் மாஸ்க் அணிந்திருந்த நிலையில் மருத்துவரிடம் பாடலை இசைக்கச் சொல்லி தன்னுடைய படுக்கையில் உட்கார்ந்த நிலையில் இசையை ரசித்த காணொளியை மருத்துவர் வெளியிட்டிருந்தார்.

டெல்லியை சேர்ந்த 30 வயது இளம்பெண் ஒருவர் கொரோனா வைரஸ் பாதிப்பு காரணமாக டெல்லியில் உள்ள மருத்துவமனையில் கடந்த சில நாள்களுக்கு முன்னர் அனுமதிக்கப்பட்டிருந்தார். அந்தப் பெண்ணுக்கு திருமணமாகி ஒரு குழந்தை உள்ளது.

கொரோனா பாதிப்பால் வெகுவாகப் பாதிக்கப்பட்டிருந்தாலும், இந்த பாதிப்பிலிருந்து மீண்டு விடுவோம் என்ற உறுதியுடன் மருத்துவமனையில் சிகிச்சை பெற்று வந்தார்.

மருத்துவமனையில் அனுமதிக்கப்பட்டிருந்த அவருக்கு மூச்சு விடுவதில் சிரமம் இருந்தாலும், தீவிர சிகிச்சை பிரிவில் படுக்கை கிடைக்கவில்லை. இதனால் கொரோனா நோயாளிகளுக்கான சாதாரண பிரிவில் அனுமதிக்கப்பட்டிருந்த அவருக்கு செயற்கையாக ஆக்ஸிஜன் கொடுக்கப்பட்டு வந்தது. மேலும் பிளாஸ்மா தெரபியும், ரெம்டெசிவிர் சிகிச்சையும் அளிக்கப்பட்டு வந்தது.

அந்நிலையில்தான் மருத்துவரிடம் பாடலை இசைக்கும்படி கேட்டு படுக்கையில் அமர்ந்தபடியே கால்களை மட்டும் அசைத்தபடி பாட்டை ரசித்துக்கொண்டிருந்தார். இதனை வீடியோவாக எடுத்த மருத்துவர் அதனை தன் ட்விட்டர் பக்கத்தில், `இவர் மிகவும் வலிமையான பெண், ஒருபோதும் நம்பிக்கையை இழக்காதீர்கள்’ என்று பதிவிட்டிருந்தார்.

பதிவிட்ட இரண்டு நாள்களில் அந்தப் பெண்ணுக்குத் தீவிர சிகிச்சை பிரிவில் இடம் கிடைத்ததையும் அந்த மருத்துவர் தன் ட்விட்டர் பக்கத்தில் பதிவிட்டிருந்தார். மேலும் அந்த பெண்ணுக்காக பிரார்த்தனை செய்யுங்கள் என வேண்டுகோளும் விடுத்திருந்தார்.

அந்தப் பெண்ணிற்கு தீவிர சிகிச்சை பிரிவில் படுக்கை கிடைத்துவிட்டது. ஆனால் அவரின் உடல்நிலை சீராக இல்லை. அந்த தைரியமான பெண்ணுக்காக பிரார்த்தனை செய்யுங்கள். எல்லாமே இறைவன் கைகளில்தான் உள்ளது.

ஒரு சின்னஞ்சிறிய குழந்தை அவருக்காக வீட்டில் காத்திருக்கிறது. தயவுசெய்து பிரார்த்தனை செய்யுங்கள்” என உருக்கமாக மருத்துவர் பதிவிட்டிருந்தார்.

இந்நிலையில், அப்பெண் நேற்று இரவு இறந்துவிட்டதாக மருத்துவர் மோனிகா லங்கே மிகுந்த வருத்தத்துடன் பதிவிட்டார். “நான் மிகவும் துக்கத்தில் உள்ளேன். மிகவும் தைரியமான ஓர் ஆன்மாவை நாம் இழந்துவிடோம்.

அவரின் குடும்பத்துக்கும் குழந்தைக்காகவும் பிரார்த்தனை செய்யுங்கள்” என வருத்தத்துடன் பதிவிட்டுள்ளார். சமூக வலைதளத்தில் பலரையும் இந்தப் பதிவு கண்ணீரில் ஆழ்த்தியுள்ளது.

She got the ICU bed but the condition is not stable. Please pray for brave girl. Sometimes I feel so helpless. It’s all in the hands of almighty what we plan what we think is not in our hands. A little kid is waiting for her at home. Please pray. https://t.co/zfpWEt5dYm

— Dr.Monika Langeh🇮🇳 (@drmonika_langeh) May 9, 2021

இமாச்சல பிரதேசத்தில்..

இமாச்சல பிரதேசத்தில் கொரோனாவால் உ.யிரிழந்த தாயின் உ.டலை மகனே தோளில் சுமந்து சென்ற புகைப்படம் வைரலாகி வருகிறது. கான்கிரா மாவட்டத்தின் ரானிடால் பகுதியை சேர்ந்தவர் வீர் சிங். கடந்த 12ம் தேதி இவரது தாய்க்கு காய்ச்சல் ஏற்படவே, மருத்துவமனைக்கு அழைத்து சென்றார்.

எந்தவொரு மருத்துவமனையிலும் இடம் கிடைக்காத நிலையில், தாயை அழைத்துக் கொண்டு வீட்டுக்கு வந்துள்ளார், இந்நிலையில் அடுத்த நாள் காலையே அவரது தாய் உயிரிழந்தார்.

கொரோனா அச்சம் காரணமாக உறவினர்கள் மற்றும் நண்பர்கள் யாரும் வீர சிங்குக்கு உதவி செய்ய வரவில்லை, என்ன செய்வதென்று தெரியாமல் 2 கவச உடைகளை வாங்கி வந்தார் வீர சிங்.

தான் ஒரு உடையையும், தாய்க்கு ஒரு உடையையும் அணிவித்து, தாயின் சடலத்தை தோளில் சுமந்து கொண்டு மயானத்துக்கு சென்றார். அங்கே தனது தாயின் உடலை எரியூட்டிவிட்டு கண்ணீர் மல்க வீடு திரும்பிய வீர சிங் கூறுகையில்,

கொரோனா வைரஸ் தொற்றிக் கொள்ளும் என்ற பீதியால் யாரும் உதவிக்கு வராத நிலையில் நானும் எனது மனைவியும் இறுதி சடங்குக்கான ஏற்பாடுகளை செய்தோம்.

என்னுடைய மனைவியை மயானத்துக்கு அழைத்து செல்ல முடியாது என்பதால் நானே எனது தாயின் உடலை எரியூட்டிவிட்டு வந்தேன், மனிதம் முழுமையாக செத்து விட்டது என தெரிவித்துள்ளார்.

தருமபுரியில்..

தமிழகத்தின் தருமபுரியில் விளையாடிக் கொண்டிருந்த சிறுமிகள் பண்ணைக் குட்டையில் மூ.ழ்கி உ.யிரிழந்த சோக சம்பவம் நடந்துள்ளது. தருமபுரியின் கவுரிசெட்டிப்பட்டி கிராமத்தை சேர்ந்தவர் முருகேசன்.

இவரது மனைவி இளையராணி, இவர்களுக்கு சாதிகா (வயது 5) மற்றும் தனுஸ்ரீ (3) ஆகிய 2 மகள்களும், ஒரு ஆண் குழந்தையும் இருந்தனர். இந்நிலையில் கொட்லு மாரம்பட்டியில் உள்ள சிறுமிகளின் பாட்டி சத்தியவாணி என்பவர் தனது வீட்டுக்கு 2 சிறுமிகளையும் சில நாட்களுக்கு முன்பு அழைத்து சென்றார்.

நேற்று சத்தியவாணி சிறுமிகள் மற்றும் சந்துரு (5) ஆகியோரை அழைத்து கொண்டு தன்னுடைய மல்லிகை தோட்டத்திற்கு சென்றார். பின்னர் மூதாட்டி தோட்டத்தில் வேலை செய்து கொண்டிருந்தார்.

அங்கு பண்ணைக் குட்டையில் தண்ணீர் பாயச்சுவதற்காக 4 அடி ஆழத்துக்கு தண்ணீர் சேமித்து வைக்கப்பட்டிருந்தது, விளையாடிக் கொண்டிருந்த சிறுமிகள், சிறுவன் தண்ணீர் குட்டையில் இறங்கினர்.

அப்போது எதிர்பாராதவிதமாக குட்டையில் இருந்த தண்ணீரில் சிறுமிகள் இருவரும் மூ.ழ்கி விட்டனர். சிறுவன் சந்துரு குட்டையில் இருந்து மேலே ஏறி வந்து விட்டான்.

சிறுவனின் அ.ழுகை சத்தம் கேட்டு அக்கம் பக்கத்தினர் ஓடிவந்து பார்ப்பதற்குள் சிறுமிகள் இருவரும் தண்ணீரில் மூழ்கி ப.ரிதாபமாக உ.யிரிழந்தனர்.

இதையடுத்து சிறுமிகளின் உ.டல்களை அங்கிருந்தவர்கள் மீ.ட்டு வெளியில் கொண்டு வந்தனர். இதுகுறித்து தகவல் தெரிந்ததும் விரைந்து வ்ந்த போலீசார், சிறுமிகளின் உ.டலை மீ.ட்டு பி.ரேத ப.ரிசோதனைக்காக அரசு மருத்துவமனைக்கு அனுப்பி வைத்தனர்.