அரசியல் கட்சிகளின் சார்பில் கலைத்துறை சேர்ந்த 13 பேர் இம்முறை பொதுத் தேர்தலில் போட்டியிட்டதுடன் அவர்களில் நான்கு பேர் நாடாளுமன்றத்திற்கு தெரிவு செய்யப்பட்டுள்ளனர்.

பொதுஜன பெரமுனவின் சார்பில் அனுராதபுரம் மாவட்டத்தில் போட்டியிட்ட நடிகர் உத்திக பிரேமரத்ன அதிகமான விருப்பு வாக்குகளை பெற்றார்.

அவர் அந்த மாவட்டத்தில் ஒரு லட்சத்து 33 ஆயிரத்து 350 வாக்குகளை பெற்று நாடாளுமன்றத்திற்கு தெரிவு செய்யப்பட்டார்.

அடுத்ததாக கம்பஹா மாவட்டத்தில் போட்டியிட்ட பிரபல நடிகர் ரஞ்சன் ராமநாயக்க ஒரு லட்சத்து 3 ஆயிரத்து 992 வாக்குகளை பெற்று நாடாளுமன்றத்திற்கு தெரிவு செய்யப்பட்டார்.

பொதுஜன பெரமுனவின் சார்பில் காலி மாவட்டத்தில் போட்டியிட்ட பிரபல திரைப்பட நடிகை கீதா குமாரசிங்க 63 ஆயிரத்து 358 வாக்குகளை பெற்ற வெற்றி பெற்றதுடன்,

அதே கட்சியில் களுத்துறை மாவட்டத்தில் போட்டியிடட பிரியல் நிஷாந்த டி சில்வா ஒரு லட்சத்து 3 ஆயிரத்து 904 வாக்குகளை பெற்று வெற்றி பெற்றார்.

இவர்களை தவிர பொதுஜன பெரமுனவின் சார்பில் கம்பஹா மாவட்டத்தில் போட்டியிட்ட பாடகர் மதுமாதவ அரவிந்த 28 ஆயிரம் வாக்குகளை பெற்று தோல்வியடைந்தார்.

பதுளை மாவட்டத்தில் போட்டியிட்ட நடிகை ஓசாதி ஹேமாமத்தும 10 ஆயிரத்து 957 வாக்குகளை பெற்று தோல்வியடைந்தார்.

ஐக்கிய மக்கள் சக்தியின் சார்பில் கொழும்பில் போட்டியிட்ட சட்டத்தரணியும் நடிகருமான சுஜீவ சேனசிங்க 30 ஆயிரத்து 572 வாக்குகளை பெற்று தோல்வியடைந்தார்.

இவர் 2007 ஆம் ஆண்டு வெளியான யாளுவோ (நண்பர்கள்) என்ற சிங்கள திரைப்படத்தில் நடித்துள்ளார்.

குருணாகல் மாவட்டத்தில் போட்டியிட்ட பாடகர் ரூகாந்த குணதிலக்க 26ஆயிரத்து 88 வாக்குகளை பெற்று தோல்வியடைந்தார்.

களுத்துறை மாவட்டத்தில் போட்டியிட்ட நடிகர் ரவிந்திர யசஸ் குமாரநாயக்க 9 ஆயிரத்து 836 வாக்குகளை பெற்று தோல்வியடைந்தார்.

தேசிய மக்கள் சக்தியின் சார்பில் கொழும்பு மாவட்டத்தில் போட்டியிட்ட கலைஞர் விமல் கெட்டபே ஆராச்சி 12 ஆயிரத்து 913 வாக்குகளை பெற்று தோல்வியடைந்தார்.

இதனை தவிர ஸ்ரீலங்கா பொதுஜன பெரமுனவின் தேசிய பட்டியல் ஊடாக நடிகர் ஜயந்த கொட்டகொட நாடாளுமன்றத்திற்கு தெரிவு செய்யப்பட்டுள்ளார்.

மேலும் ஐக்கிய மக்கள் சக்தியின் தேசிய பட்டியலில் நடிகை டயனா கமகே, தேசிய மக்கள் சக்தியின் தேசிய பட்டியலில் இசை கலைஞரான நநீதி குருகே, நடிகை தீபானி சில்வா, நடிகர் ஜகத் மனுவன ஆகியோர் இடம்பெற்றனர்.

தங்கம் மற்றும் வெள்ளி..

சர்வதேச சந்தையில் ஒரு அவுன்ஸ் தங்கத்தின் விலை 2000 அமெரிக்க டொலருக்கும் அதிகமாக விற்பனை செய்யப்படுகிறது. கொரோனா வைரஸ் பரவலுக்கு மத்தியில் தங்க விற்பனையாளர்கள் அதிகளவான லாபத்தை ஈட்ட முயற்சித்தமையினால் இவ்வாறான விலை அதிகரிப்பு ஏற்பட்டுள்ளது.

அமெரிக்காவில் கொரோனா தொற்றாளர்களின் எண்ணிக்கை வேகமாக அதிகரித்தல் மற்றும் உலக பொருளாதாரத்திற்கு சேரும் பணத்தை தங்கமாக வைத்துக் கொள்வதற்கு முதலீட்டாளர்கள் முயற்சிப்பதாக தெரிவிக்கப்படுகின்றது.

இதேவேளை, அமெரிக்க மற்றும் சீனாவுக்கு இடையில் ஏற்பட்டுள்ள மோதல் நிலையை அடிப்படையாக கொண்டு தங்கத்தின் விலை பாரியளவு அதிகரிப்பதாக குறிப்பிடப்படுகின்றது.

இந்த வருடத்தின் ஆரம்பம் முதல் சந்தையில் வெள்ளி விலையும் பாரியளவு அதிகரித்துள்ளது. சமகாலத்தில் காணப்படும் நெருக்கடி நிலைமை மேலும் நீடித்தால் தங்கம் மற்றும் விலையில் மேலும் பாரிய அதிகரிப்பு ஏற்படும் என முதலீட்டாளர்கள் தெரிவித்துள்ளனர்.

கொரோனா..

இலங்கையில் இன்று மாலை மேலும் 23 பேருக்கு கொரோனா தொற்று உறுதியாகியுள்ளது.

அதற்கமைய இலங்கையில் கொரோனா தொற்றுக்குள்ளானவர்களின் முழுமையான எண்ணிக்கை 2867ஆக அதிகரித்துள்ளது. அவர்கள் சேனபுர புனர்வாழ்வு நிலையத்தில் உள்ள கைதிகள் என தகவல் வெளியாகியுள்ளது.

இதேவேளை, கொரோனா தொற்றுக்குள்ளான 14 பேர் இன்றைய தினம் குணமடைந்து வீடு திரும்பியுள்ளமை குறிப்பிடத்தக்கது.

20 பேர் கைது..

தென்னிலங்கை – ஹொரன, மில்லேனிய பகுதியில் 5 பெண்கள் உட்பட 20 பேர் நேற்று கைது செய்யப்பட்டுள்ளனர். பேஸ்புக் ஊடாக ஏற்பாடு செய்யப்பட்ட விருந்து ஒன்றின் போதே இவர்கள் கைது செய்யப்பட்டுள்ளனர்.

இந்த விருந்தின் போது ஹெ ரோ யி ன் உட்பட்டபோ தை ப் பொ ருட்கள் பயன்படுத்தப்பட்டதாக பொலிஸார் தெரிவித்துள்ளனர். ஏற்கனவே இவ்வாறான பல விருந்துகள் பொலிஸாரினால் பல இடங்களில் முற்றுகையிடப்பட்டன.

இதேவேளை அண்மையிலும் மஹரகம பகுதியில் பேஸ்புக் ஊடாக ஏற்பாடு செய்யப்பட்ட ச ட்டவி ரோத உந்துருளி பந்தயமொன்று பொலிஸாரினால் தடுத்து நிறுத்தப்பட்டமை குறிப்பிடத்தக்கது.

வான் விபத்தில்..

திருகோணமலை-ஹொரவபொத்தானை பிரதான வீதியில் வான் ஒன்று வீதியை விட்டு விலகி விபத்துக்குள்ளானதில் பெண்ணொருவர் காயமடைந்துள்ளார். இவ்விபத்து நேற்று (09.08.2020) திருகோணமலை – மிரிஸ்வெவ பகுதியில் இடம்பெற்றுள்ளது.

திருகோணமலையில் இருந்து வவுனியா நோக்கி சென்று கொண்டிருந்த வான் வீதியை விட்டு விலகி வீதியிலிருந்த கல்வெட்டுடன் மோதி மறுபக்கம் குடைசாய்ந்துள்ளது. குறித்த வானில் பயணித்த ஆறு பேரில் பெண்ணொருவருக்கு மாத்திரம் காயம் ஏற்பட்டுள்ளது.

விபத்தில் காயமடைந்த பெண் மஹதிவுல்வெவ பிரதேச வைத்தியசாலையில் அனுமதிக்கப்பட்ட நிலையில், தனது விருப்பத்தின் படி வீட்டுக்குச் சென்றுள்ளதாகவும், வவுனியா வைத்தியசாலைக்கு சென்று சிகிச்சை பெறுவதற்கு கையொப்பமிட்டுள்ளதாகவும் வைத்தியசாலையின் பேச்சாளரொருவர் தெரிவித்துள்ளார்.

குறித்த விபத்து தொடர்பில் மொரவெவ பொலிஸார் மேலதிக விசாரணைகளை மேற்கொண்டு வருகின்றனர்.

700 கிலோ எடையுள்ள மீன்..

மன்னார்- தலைமன்னார் பிரதான வீதி, ஆதாம் பாலத்திற்கு உட்பட்ட தேசிய வனப்பூங்கா பகுதியில் பாரிய மீனொன்று ச டலமாக கரையொதுங்கியுள்ளதை தொடர்ந்து வன ஜீவராசிகள் திணைக்களத்தினர் குறித்த பகுதிக்கு இன்று விஜயம் மேற்கொண்டு உடற்கூற்று பரிசோதனை மேற்கொண்டுள்ளனர்.

தலைமன்னார் வன ஜீவராசிகள் திணைக்கள வட்டாரக் காரியாலய பகுதிக்குட்பட்ட நடுக்குடா கடல் வளப்பூங்கா கரையோரப்பகுதியில் ‘கடற்பன்றி’ என பெயருடைய பாரிய மீன் கரையொதுங்கியிருந்தமையை கடற்கரையோர ரோந்துப் பணியில் ஈடுபட்ட கடற்படையினர் அவதானித்து வன ஜீவராசிகள் திணைக்களத்தினருக்கு தகவல் வழங்கியிருந்தனர்.

அதனை தொடர்ந்து குறித்த திணைக்கள அதிகாரிகள் குறித்த பகுதிக்கு வந்து குறித்த மீனை பார்வையிட்டதுடன், ஆய்வுகளையும் மேற்கொண்டுள்ளனர்.

அதனடிப்படையில் குறித்த மீனின் ஒரு பகுதி உணவுக்காக வேட்டையாடப்பட்டமை அவதானிக்கப்பட்டுள்ளது. இதனையடுத்து குறித்த மீனின் உடல் கூற்றுப்பரிசோதனை வன ஜீவராசிகள் திணைக்கள வைத்திய அதிகாரி மற்றும் உத்தியோகத்தர்களினால் முன்னெடுக்கப்பட்டது.

குறித்த கடற்பன்றி இனமானது தற்போது அருகிவரும் பாலூட்டி மீன் இனத்தைச் சேர்ந்தது என்பதுடன், கரையொதுங்கிய கடற்பன்றி 3.3 மீற்றர் நீளமானதும் சுமார் 700 கிலோ கிராம் எடை கொண்டதாகும்.

குறித்த கடற்பன்றியின் உடற்கூற்று பரிசோதனை அறிக்கை கிடைக்கப்பெற்ற பின்னர் குறித்த அறிக்கையானது மன்னார் நீதவான் நீதிமன்றிற்கு சமர்பிக்கப்படவுள்ளமை குறிப்பிடதக்கது.

பேஸ்புக்கில்..

நடந்து முடிந்த பொதுத் தேர்தலுக்காக சமூக வலைத்தளங்கள் பெருமளவு பணத்தை செலவு செய்து விளம்பரம் செய்த அரசியல்வாதிகள் தொடர்பான தகவல் வெளியாகி உள்ளது.

இலங்கை அரசியல்வாதிகளால் பேஸ்புக் ஊடாக மேற்கொண்ட தேர்தல் பிரச்சார நடவடிக்கைக்காக 111 மில்லியன் ரூபாவுக்கும் அதிகமான நிதியை செலவிட்டுள்ளதாக பேஸ்புக் நிறுவனம் தெரிவித்துள்ளது.

அதற்கமைய 2020 மே மாதம் முதல் கடந்த 6ஆம் திகதி பேஸ்புக் ஊடாக, தற்போது எதிரணி உறுப்பினர்களாக மாறியுள்ள அரசியல்வாதிகளின் பெயரில் மாத்திரம் இந்த அளவு செலவிடப்பட்டுள்ளது.

அதற்கமைய பேஸ்புக் ஊடாக அதிக பணத்தை சஜித் பிரேமதாஸவே செலவிட்டுள்ளார். அவர் 124 விளம்பரங்கள் செய்துள்ளார். அதற்காக 40 இலட்சத்து 86 ஆயிரத்து 556 ரூபாவை செலவிட்டுள்ளார்.

அதற்கமைய அடுத்தப்படியாக சுனேத்ர சமரகோன் 36 இலட்சத்து 96 ஆயிரத்து 644 ரூபாவை செலவிட்டு 412 விளம்பரங்களை காட்சிப்படுத்தியுள்ளார்.

மூன்றாவதாக அதிக பணத்தை அங்கஜன் ராமநாதன் செலவிட்டுள்ளார். அவர் 30 இலட்சத்து 65 ஆயிரத்து 528 ரூபாவை செலவிட்டு 273 விளம்பரங்கள் செய்துள்ளார்.

அதேபோல் வெரோன் குணரத்ன, கனிஷ்க சேனாநாயக்க, ஹர்ஷ டி சில்வா, விஜேதாஸ ராஜபக்ஷ, திலங்க சுமத்திபால, எஸ்.எம்.மரிக்கார், மதுர விதானகே ஆகிய 10 உறுப்பினர்களே அதிக பணத்தை செலவிட்டுள்ளதாக பேஸ்புக் நிறுவனம் தெரிவித்துள்ளது.

சங்கவி ரதன்..

பதினொரு வயது நிரம்பிய செல்வி சங்கவி ரதன் இடுப்பில் வளையம் ஒன்றைச் சுற்றியவாறு றூபிக்கின் கனசதுரத்தின் தனித்தனி நிறங்களை ஒரு கையினால் ஒழுங்குபடுத்தி கின்னஸ் உலகசாதனை ஒன்றை நிகழ்த்தியுள்ளார்.

இவர் ஆகஸ்ட் முதலாம் திகதி கனடா மிஸிஸாகா நகரில் கின்னஸ் சாதனை நிறுவனப் பிரதிநிதிகள் முன்னிலையில் 55 நிமிடங்களில் 30 தடவைகள் 3×3 றூபிக்கின் கனசதுரத்தினை ஒழுங்குபடுத்தி, 25 தடவைகள் என்றிருந்த முன்னைய கின்னஸ் சாதனையை முறியடித்து புதிய உலக சாதனை ஒன்றை ஏற்படுத்தியுள்ளார்.

யாழ், தீவகம் அனலைதீவைச் சேர்ந்த பெற்றோர்களான பாலசிங்கம் ரதன் – வரதராஜன் வசந்தி தம்பதிகளின் இளைய மகளான சங்கவி கொரோனா காலத்திலான முடக்கத்தில் வீட்டில் இருந்த காலத்தை பயனுள்ள வகையில் பயன்படுத்தி இந்த உலக சாதனையைப் புரிந்துள்ளார்.

புத்தகம் ஒன்றை வாசித்தும் பல காணொளிகளைப் பார்த்தும் இதில் உள்ள நுட்பங்களைக் கற்றுத் தெறிந்து மூன்று மாதங்களாகப் பயிற்சி செய்து இவர் இதனைச் சாத்தியமாக்கியுள்ளார்.

இடுப்பில் வளையம் சுற்றுவதை தனது இளவயதில் கற்றிருந்ததும் சங்கவி இந்தச் சாதனையை நிறைவேற்ற உதவியாக இருந்தது.

புது விடயங்களைக் கற்பதில் ஆர்வமுள்ள சங்கவி இசைக்கருவி வாசித்தல், வாய்ப்பாட்டு, விளையாட்டுக்கள் என்பவற்றில் ஆர்வமாக ஈடுபட்டு வருபவர்.

பிறப்பின்போது ஏற்பட்ட காயம் ஒன்றினால் வலக்கரம் இயங்க முடியாத நிலையிலும் தனது இடக்கரத்தினால் இவர் இந்தச் சாதனையினை மேற்கொண்டு பலருக்கு ஒரு முன்னுதாரணமாகத் திகழ்கின்றார்.

விபத்தில்..

பொலன்னறுவை – அரலகங்வில பகுதியில், போகாஸ் சந்திக்கு அருகே இடம்பெற்ற விபத்தில், மாணவர் ஒருவர் உ யிரிழந்துள்ளதுடன் 11 பேர் காயமடைந்துள்ளதாக தெரிவிக்கப்படுகின்றது.

தெயத்தகண்டியிலிருந்து அரலகங்வில நோக்கி வேகமாக பயணித்த கெப் ரக வாகனம் ஒன்று மேலதிக வகுப்புக்காக வீதியில் பயணித்த மாணவர்கள் மீது மோ தியதில் குறித்த விபத்து இடம்பெற்றுள்ளது.

இந்த விபத்தில் 14 முதல் 16 வயது வரையிலான 11 மாணவர்கள் காயமடைந்துள்ளனர். அவர்களில் 4 பேர் பொலன்னறுவை வைத்தியசாலையில் அனுமதிக்கப்பட்டுள்ளனர்.

ஏனைய 07 பேர் அரலகங்வில மருத்துவமனையில் அனுமதிக்கப்பட்டுள்ளனர். இதில் ப டுகா யமடைந்த 16 வயது மாணவர் ஒருவர் வைத்தியசாலையில் அனுமதிக்கப்பட்ட பின்னர் உ யிரிழந்துள்ளார்.

ரத்மல்தென்ன பிரதேசத்தை சேர்ந்த மாணவர் ஒருவரே இவ்வாறு உ யிரிழந்துள்ளார். சம்பவம் தொடர்பாக வாகன சாரதி கைது செய்யப்பட்டுள்ளதுடன் மேலதிக விசாரணைகளை அரலகங்வில பொலிஸார் மேற்கொண்டு வருகின்றனர்.